Go vuoigatlašvuohta ráđđe

32¹

go gonagas ráđđe vuoigatlaččat

ja oaivámuččat stivrejit

vanhurskásit.

²

beaittus go dálki boahtá,

dego suodji ráššoarvvi vuostá,

dego jogaš čázehis meahcis,

dego báktesuoivvan eatnamis

maid beaivváš goardá.

³

ja gulliid bealjit leat gullesat.

⁴Ráđehemiid váibmu oažžu ipmárdusa,

gahkáid njuovčča

sárdnu njuovžilit ja čielgasit.

⁵Doavki ii šat gohčoduvvo gutnálažžan

iige skealbma ávddalažžan.

⁶

buot su áigumušat leat bahát.

Son meannuda ipmilmeahttumit

ja sárdnu jorgut Hearrá birra.

Son diktá nealgeolbmo nealgut

ja goikan olbmo goikat.

⁷

su áigumušat leat heahpatlaččat,

su giellásat njeidet vártnuheami,

su sánit njeidet geafi rievttis.

⁸Muhto buorrelunddot olbmo jurdagat

leat ávddalaččat,

son ovddida buot mii lea buorre.

Jerusalema ja Israela duopmu ja bestojupmi

⁹

gullet mu sániid!

Dii oadjebas nieiddat,

guldalehket maid mun sártnun!

¹⁰Oktii vel dii doarggistehpet,

dii geat dál lehpet oadjebasat.

Rádjanáigi lea vássán,

iige mihkkege leat ráddjojuvvon.

¹¹32,11 horstta >15,3.Suorganehket,

dii moraškeahtes nissonat,

doarggistehket,

dii oadjebas olbmot,

nuoladehket,

čatnet horstta alimiid birra.

¹²Luibmet bealdduid dihte,

hearvás bealdduid,

šattolaš viidnemuoraid dihte,

¹³luibmet mu álbmoga eatnamiid dihte,

gos bastilislánját ja gáskálasat bohciidit,

buot ávvudeaddji gávpoga

ilolaš viesuid dihte.

¹⁴

šlámaideaddji gávpot šaddá ávdimin.

Ofeldievvá ja fáktentoardna

báhcet rabas gieddin agibeaivái,

meahciáseniid ealáhin,

šibitealuid guohtumin.

¹⁵

golggahuvvo vuoigŋa allagasas.

Dalle ávdin meahcci šaddá šaddogárdin,

ja gárddit leat viidát dego vuovddit.

¹⁶Dalle meahcis ássá vuoigatvuohta,

šaddogárddiin vuoigatlašvuohta.

¹⁷Vuoigatlašvuođa duodji lea ráfi,

dan šattus lea bistevaš muossi

ja oadjebasvuohta.

¹⁸

gođiin main sii dovdet leat oadjebasat

ja besset vuoiŋŋastit muosis.

¹⁹

gávpogat gaikojuvvojit

gitta eatnama ráje.

²⁰Lihkolaččat dii geat beassabehtet

gilvit buot johkagáttiide

ja luoitit vuovssáid ja áseniid

veaiddalassii!

Jerusalema heahti ja bestojupmi

33¹

gii ieš it leat hearjiduvvon!

Vuoi du, beahtti,

gii ieš it leat behttojuvvon!

Go don leat geargan hearjideames,

de don ieš hearjiduvvot,

go don leat heaitán beahttimis,

de don ieš behttojuvvot.

²

dutnje mii dorvvastit.

Leage min givrodat juohke iđit,

min bestojupmi heađi bottus!

³

du allatvuođa ovddas

dat buot bieđganit.

⁴Rievideaddjit ferejit

nugo rásselohkut,

dego rásselohkkomoahti

sii fallehit buot.

⁵

guhte ássá allagasas,

son deavdá Siona rivttiin

ja vuoigatlašvuođain.

⁶Boahtá oadjebasvuohta.

Viisodat ja máhttu lea dávvir

mii addá bestojumi.

Hearrá ballu lea Siona riggodat.

⁷33,7 Ariel >29,1.Gullet! Ariela gáhtain olbmot luibmet,

ráfiáirasat čirrot bahččagit.

⁸

daid ii jođe šat oktage.

Soahpamušat leat rihkkojuvvon,

duođašteddjiin ii jerrojuvvo,

olmmoš ii adnojuvvo maninge.

⁹

Libanon njáigu ja stohkku.

Saron lea šaddan ávdin eanamin,

Bašan ja Karmel leat bálljásat.

¹⁰Dál mun loaiddastan ovdan

allatvuođastan, cealká Hearrá,

dál mun almmustuvan fámustan.

¹¹Dii sahkanahttibehtet suoinni,

dii riegádahttibehtet oalggaid,

mu vuoiŋŋanas loaktá din dego dolla.

¹²Álbmogat boldojuvvojit kálkan,

dat boldojuvvojit

dego čuhppojuvvon bastilislánját.

¹³Gullet, gáiddus álbmogat,

maid mun lean dahkan!

Dii geat eallibehtet lahkosiin,

ohppet dovdat mu fámu!

¹⁴

ipmilmeahttumat dohppehallet ballui:

“Gii sáhttá ássat

duššadeaddji dola guoras,

gii sáhttá orrut

agálaš dollanjuorššuid gáttis?”

¹⁵

ja sárdnu duođa,

gii hilgu dan mii vuitojuvvo veahkaválddiin,

gii biehttala váldimis duolgguid,

gii ii dáhto guldalit varradahkuságaid,

iige geahča bahá guvlui.

¹⁶

ceakkovárri lea su báhtaransadji,

sus lea doarvái láibi

iige sus váillo čáhci.

¹⁷33,17 gonagasa messianalaš gonagas dahjege Hearrá ieš, gč. v. 22.Iežat čalmmiiguin don beasat

oaidnit gonagasa buot su hearvásvuođas,

don beasat oaidnit viiddis eatnama.

¹⁸Dalle don muittát hirpma áiggi:

Gos dál lea vearrogeassi,

gos vearu vihkkejeaddji,

gos toartnaid dárkkisteaddji?

¹⁹

álbmoga mii hálai amas láhkái,

giela maid olmmoš ii ádde.

²⁰

min ávvudemiid gávpogii!

Don beasat oaidnit Jerusalema,

oadjebas vuoiŋŋadanbáikki,

goađi mii ii gaikojuvvo, ii sirdojuvvo.

Dan čuolddat eai goassege luovvan,

dan báttiin ii oktage boatkan.

²¹Doppe mis lea

veagalaš Ipmil, Hearrá,

doppe golggiidit jogat

ja stuorra eanut.

Daid ii jođe oktage fanas,

ii rasttil oktage gorges soahteskiipa.

²²Hearrá lea min duopmár,

Hearrá lea min oaivámuš,

Hearrá lea min gonagas,

son lea min beasti.

²³Go toavat leat loažžan

eaige šat doala stivlli sajis,

eai borjasiid čavga,

de dalle ollu soahtesálaš juogaduvvo,

velá lápmásatge servet stajádussii.

²⁴

“Mun lean buozas”,

dasgo dat álbmot mii ássá doppe,

lea ožžon suttuid ándagassii.

Edoma duopmu

34¹

guldalehket, buot eatnamat!

Gullos máilbmi ja buot mii das lea,

eanan ja buot

maid dat lea buktán ovdan!

²34,2 vihahan daid duššadeapmái ▶ vihahit duššadeapmái.Hearrá lea moaráhuvvan

buot álbmogiidda,

son lea suhttan buot daid veagaide.

Son lea vihahan daid duššadeapmái,

addán daid njuvvojuvvot.

³

eai hávdáduvvo,

sin gorudiin badjána hádja,

sin varra golgá várregilggaid.

⁴

albmi gissojuvvo čoahkkái

dego girjegearru,

dan násttit gahččet golnnasin

dego viidnemuora goldnan lasttat,

nugo fiikonmuora goikefiikonat.

⁵“Go mu miehkki lea juhkan

galle almmis,

de dat njiedjá vuolás Edomii,

ráŋggášta dan álbmoga

maid mun lean vihahan duššadeapmái.”

⁶

dat vuohču buoiddi,

das golgá lábbáid ja bohkáid varra

ja vierccaid moninbuoidi.

Hearrá doallá oaffarfeastta Bosras,

stuorra njuovalmasaid Edoma eatnamis.

⁷Velá meahcivuovssátge gahččet,

nuorra burrut ja gievrras vuovssát.

Eanan juhká galle vara,

Edoma muolda veagahuvvo buiddiin.

⁸

Siona bealušteddjiid mávssahanjahki.

⁹Edoma jogažiin golgá bihkka,

dan muolda rievdá riššan,

oppa eanan šaddá buolli bihkkan.

¹⁰

suovva badjána heaittekeahttá.

Eanan báhcá ávdimin buolvvas bulvii,

ii oktage jođe goassege

dan eatnama čađa.

¹¹

oamastit dan,

skuolffit ja gáranasat ásset doppe.

Hearrá njulge mihttobátti

ja luoitá geađgeloatta,

buot šaddá ávdimin ja guorusin.

¹²Dohko ii šat válljejuvvo gonagas,

oaivámuččat leat buot jávkan.

¹³

ladniin gáskálasat ja suovka.

Doppe jođášit šakálat,

dohko skuolffit dahket beasi.

¹⁴

ja šakálaid orrunsadjin,

báikin gos guolgás ruomit deaivvadit.

Doppe vuoiŋŋasta Lilit, ija noaidi,

doppe dat gávdná ráfálaš saji.

¹⁵Dohko rástát dahket beasi,

dan suoivanis monnot ja lállet moniid.

Dohko čoagganit suorrehávkkat

dohkiid dohkiid.

¹⁶

Ii oktage dain elliin báze boađekeahttá,

dain ii váillo ii oktage.

Hearrá ieš lea gohččon nu,

su vuoigŋa buktá daid čoahkkái.

¹⁷Son juogada daidda daid oasi,

mihttobáttiin son mihtida

daidda eatnamiid.

Dat oamastit eatnama agálaš áigái,

dat ásset doppe buolvvas bulvii.