Davvisámegiel Biibbal 2019 (Biibbal)
2

Siona boahtteáigi

21Sátni Juda ja Jerusalema hárrái. Jesaja, Amosa bártni, oainnáhus.

2

2,2
Jes 18,7
Jer 3,17
Mi 4,1eč
Sak 8,20eč
Boahtá áigi goas Hearrá

tempelvárri čuožžu nanusin,

váriin alimussan, alážiin bajimussan,

ja álbmogat márret dohko,

3

2,3
Jer 31,6
Sak 8,22č
Mi 4,2
Apd 1,8
Eatnat olbmuid čearddat johttájit

ja dadjet:

“Bohtet, vulgot Hearrá várrái,

Jakoba Ipmila vissui.

Son oahpista midjiide geainnuidis,

mii dáhttut vádjolit su bálgáid,

danin go Hearrá láhka vuolgá Sionis,

Hearrá sátni Jerusalemis.”

4

2,4
Joel 3,15
Sak 9,10
Son dubme álbmogiid,

cealká duomu eatnat olbmuid čearddaide.

Sii dáhkot mihkiideaset plogaávjun

ja sáittiideaset viidnegárdeniibin.

Álbmot ii šat lokte miehki

álbmoga vuostá,

dat eai šat oahpahala soahtat.

5Jakoba mánát,

bohtet, vádjolehkot Hearrá čuovggas!

Hearrá beaivi

6Hearrá, don leat hilgon iežat álbmoga,

leat hilgon Jakoba mánáid.

Sin eatnama dievva

leat nuortti einnosteaddjit,

mearkačilgejeaddjit dego Filisteas –

juohke sajis vierroolbmot!

7Eatnama dievva lea silba ja golli,

dan dávviriin ii leat mihkkege meriid.

Eatnama dievva leat heasttat,

dan soahtevovnnain ii leat mihkkege meriid.

8

2,8
17,8
41,6–8
44,17
Eatnama dievva leat eahpeipmilat,

olbmot luoitádit gieđaideaset duoji ovdii,

dan ovdii maid leat ráhkadan

iežaset gieđaiguin.

9Dan dihte olmmoš vuoliduvvo,

dan dihte son šaddá čippostit.

– Hearrá, ale atte sidjiide ándagassii!

10

2,10
Hos 10,8
Luk 23,30
Mana bávtti sisa, čiehkát muldii,

báhtar Hearrá hirpmus fámus,

su alla hearvásvuođas!

11

2,11
5,15
Čeavlás olbmot šaddet

vuolidit čalmmiid,

olbmo čeavláivuohta sojahuvvo,

dan beaivvi aivvefal Hearrá lea allat.

12Hearrá, Almmiveagaid Ipmila, beaivi

časká buot dasa mii lea čeavlái ja allat,

buot dasa mii allánaddá

ja goarggasmuvvá,

13buot Libanona sederiidda,

allagiidda ja stuorráide,

ja buot Bašana áikkaide,

14buot alla váriide

ja buot ceaggájeaddji dieváide,

15dat časká buot alla toartnaide

ja buot ceakkomuvrraide,

162,16 Taršiša-skiippaide stuorra skiippat mat johte mearas.buot Taršiša-skiippaide

ja buot hearvás fatnasiidda.

17Dalle olbmo goargatvuohta sojahuvvo

ja su čeavláivuohta soardašuvvá.

Dan beaivvi aivvefal Hearrá lea allat,

18ja eahpeipmilat duššaduvvojit oalát.

19

2,19
Alm 6,15č
Báhtarehket bákteráiggiide

ja eananbiejuide

Hearrá hirpmus fámus

ja su alla hearvásvuođas,

go son čuožžila suorggahit eatnama.

20

2,20
27,9
30,22
31,7
Dan beaivvi olbmot bálkestit

golleipmiliiddiset ja silbaipmiliiddiset

maid sii ieža leat ráhkadan

ja dasto luoitádan daid ovdii.

Sii bálkestit daid buovnnjahiidda

ja girdisáhpániidda

21ja báhtarit skoaruide ja báktelomiide

Hearrá hirpmus fámus

ja su alla hearvásvuođas,

go son čuožžila suorggahit eatnama.

22

2,22
1 Mos 2,7
Sál 146,3č
Jer 17,5
Allet luohte olbmui,

son lea dušše vuoiŋŋanas.

Man veara son lea?

3

Moivi Judas

31

3,1
Esek 4,16
5,16
14,13
Dihtet: Hearrá, Almmiveagaid Ipmil,

jávkada Jerusalemis ja Judas

cakki ja nanadasa,

biebmovári ja čáhcevári,

2gievrra ja soahteolbmá,

duopmára ja profehta,

einnosteaddji ja vuorrasa,

3oaivámučča ja njunnoša,

ráđđeaddi ja mearkačilgejeaddji,

juohke mánideaddji.

4

3,4
Sárd 10,16č
Mun bijan bártnážiid

álbmoga oaivámužžan,

hilbes mánát ráđđejit dan.

5Buohkat sordet guhtet guimmiideaset,

nuorat almmáštallet vuorrasiidda,

hilggohasat árvvus adnojuvvon olbmuide.

6Dalle viellja dohppe vieljas gihtii

ja dadjá sutnje:

“Dus lea goit oalgebivttas,

álgge min oaivámužžan

ja ráđđe dán čievračoma!”

7Dalle nubbi vástida:

“In mun álgge din oaivámužžan.

Ii mus leat viesus láibi iige bivttas.

Allet bija mu álbmoga oaivámužžan!”

8

3,8
Apd 7,51
Jerusalem guossala ja Juda gahččá,

danin go sániiguin ja daguiguin

sii vuostálastet Hearrá

ja nággáruššet su hearvásvuođa vuostá.

9

3,9
1 Mos 19,5
Jer 2,17
25,7
Hos 13,9
Fil 3,19
3,9 Sodoma >1,10.Sin muođuid hápmi duođašta sin vuostá,

sii dieđihit suttuset nugo Sodoma,

eai sii čiega dan.

Vuoi sin!

Sii gesset lihkuhisvuođa badjelasaset.

10

3,10
Sál 1
37,37eč
58,12
Lihkolaš lea vanhurskkis olmmoš!

Sutnje geavvá bures, son beassá návddašit

daguidis šattu.

11

3,11
Sál 1
62,13
Sát 1,31eč
Rom 2,6eč
Vuoi ipmilmeahttun olbmo!

Sutnje geavvá bahás,

su dagut mávssahuvvojit sutnje.

12

3,12
9,16
Jer 50,6
Soardit rievidit mu álbmoga,

goarddut ráđđejit dan.

Álbmogan, du oahpisteaddjit

čádjidahttet du,

sii leat čiehkan dus rivttes geainnu.

13

3,13
Sál 9,9
98,9
Hos 4,1
Hearrá loaiddasta ovdan

ja guoddala,

son lea gárvvis dubmet álbmogis.

143,14 viidnegárddi govvida Israela álbmoga. Vrd. 5,1eč.Hearrá lágasta

iežas álbmoga vuorrasiiguin

ja oaivámuččaiguin.

“Dii lehpet guorbadan viidnegárddi,

din viesuin lea gefiin

rieviduvvon gálvu.

15Mii vuoigatvuođaid dis lea

cuvket mu álbmoga,

málet gefiid gavjan?”

Ná cealká Hearrá Ipmil,

Almmiveagaid Ipmil.

Siona nissoniid duopmu

16Hearrá lea cealkán:

Go Siona nieiddat leat čeavlát

ja goarggastallet ceakkoniskkiid,

geahččalit fillet geahčastagaideasetguin,

vázzet čolččohallet

ja skilahit juolgerieggáideaset,

17de Hearrá ráhke sin oaivečohkaid

ja rabasta sin heahpadiid.

18

3,18
Duop 8,21
Dan beaivvi Hearrá váldá sis buot goarggu: Juolgerieggáid, beaivváščiŋaid ja mánnobealčiŋaid, 19goaikkanasčiŋaid, giehtarieggáid ja beaittaliinniid, 20turbániid, juolgeviđjjiid ja boahkániid, šielaid ja noaidečiŋaid, 21suorbmasiid ja njunnerieggáid, 22ávvubiktasiid, oalgebiktasiid, liinniid ja burssaid, 23
3,23
2 Mos 38,8
beallemasboahkániid, beallemasbáiddiid, oaiveliinniid ja suoggamiid.

24

3,24
Am 8,10
Dalle šaddá njálgga hája sadjái

bahča hádja,

boahkána sadjái báddi,

smarvviid sadjái báljes oaivi,

čikŋabiktasiid sadjái horsta

ja čábbodaga sadjái heahpat.

25

3,25
Jer 14,2
Du olbmát gahččet miehkkái,

du gievrrat duššet soahtái.

26Siona poarttat moraštit ja váidalit.

Sion lea stajiduvvon,

dat čohkká eatnamis.

4

41Dan beaivvi čieža nissona fáhtejit

ovttahat olbmái, ja sii dadjet:

“Mii biebmat ja bivttastit iežamet,

go dušše beasašeimmet gullat dutnje.

Váldde min heahpada eret!”

Siona boahtteáigi

24,2 vesá vanhurskkis gonagas (▶ Messias) gii beastá Israela. Vrd. 11,1; Jer 23,5; 33,15; Sak 3,8; 6,12.Dan beaivvi Hearrá diktá vesá ihtit eatnamis čikŋan ja goargun israellaččaide geat bestojuvvojit, ja eatnama šaddu lea sin rápmi ja gudni. 3

4,3
2 Mos 32,32č
Sál 69,29
Jes 6,13
Dan 12,1
Ja dat geat leat báhcán Sionii, geat leat sestojuvvon Jerusalemis, gohčoduvvojit bassin, buohkat Jerusalemis geat leat čállojuvvon daid lohkui geat besset eallit. 4
4,4
1,25
Go Hearrá lea doidán Siona nieiddaid duolvva ja bassan Jerusalema varravealggi vuoigatvuođa vuoiŋŋain, buhtisteaddji vuoiŋŋain, 5
4,5
2 Mos 13,21
Sál 78,14
105,39
Sak 2,9
4,5 balvva … idjii >2 Mos 13,21.de son bajida Sionvári ja dan ávvučoakkalmasa badjel balvva beaivái ja dola báitima idjii. Buot badjel lea dáhkkin su hearvásvuohta govččas 6
4,6
25,4
mii addá suoivana beaivvi báhkas ja suddje čáhcerášu ja arvvi vuostá.