Samaria duopmu

28¹

goargadis kruvnnu,

vuoi čáppa čiŋa goldnan liđiid

mat hervejit viinnahuvvan

olbmáid oaivečohka!

²

gii lea gievra ja fámolaš

dego čuorpmasoakti

dahje heavaheaddji riđđu,

nugo ráššoarvi ja dulvi.

Gieđainis son časká eatnama,

³julggiidisguin son duolbmá

Efraima juhkkiid goargadis kruvnnu.

⁴Čáppa čiŋa goldnan liđiide,

mat leat šattolaš leagi

oaivečohka kruvdnu,

geavvá dego giđđageasi fiikonii:

Dalán go soamis oaidná dan,

de son váldá dan ja njielasta.

⁵

Duopmosátni báhpaide ja profehtaide

⁷

olbmot suibbodit viinni dihte,

ruosadit garra juhkamuša geažil.

Báhpat ja profehtat leat juhkaluvvan,

áibbas gárihuvvan viinnis.

Sii suibot garra juhkamuša dihte,

ruosadit go oidnet oainnáhusaid,

gusset go leat cealkimin duomu.

⁸Buot bevddiid dievva lea vuovssanas,

ii leat ii buhtes dielkuge.

⁹“Gean profehta áigu máhttáhit?

Geasa son áigu oahpahit iežas sága?

Botkehuvvon mánáidego,

daidda geat leat

aiddo váldojuvvon čiččis?

¹⁰Báhkkon báhkkoma ala,

gáibádus gáibádusa ala,

veahá dás ja veahá duos!”

¹¹

ja amas gillii Hearrá sárdnu dán álbmogii,

¹²

“Dá lea vuoiŋŋastanbáiki,

diktet váiban olbmo vuoiŋŋastit!

Dás lea áhpásmahttojupmi.”

Muhto sii eai dáhtton gullat.

¹³

báhkkomin báhkkoma ala,

gáibádussan gáibádusa ala,

veahá dás ja veahá duos.

Váccedettiin sii guossalit,

gahččet gávvut ja bávččagit bahuid,

roahkkasit gillii ja giddanit.

¹⁴Gullet dan dihte Hearrá sáni,

dii bilkideaddjit,

dán álbmoga ráđđejeaddjit

geat ássabehtet Jerusalemis!

¹⁵28,15 dahkan lihtu jápmimiin Assyrialaččaid falleheami dihte sii ledje dahkan lihtu Egyptain, man jábmiidáimmu ipmil Osiris lei hui deaŧalaš maiddái dalle go dahke lihtu. dulvi Assyria veahka. Vrd. 8,7č.Dii dadjabehtet:

“Mii leat dahkan lihtu jápmimiin,

šiehtadan soahpamuša jábmiidáimmuin.

Go dulvi boahtá šáva,

de dat ii ole min rádjái.

Mii leat dahkan behttosa iežamet suodjin

ja čiehkádan giellása duohkái.”

¹⁶

Geahča, mun bijan Sionii čiehkageađggi,

geahččaluvvon geađggi,

divrras, nana čiehkageađggi.

Dat gii osku, ii muosehuva.

¹⁷Mun dagan rievtti mihttobáddin

ja vanhurskkisvuođa loaddaárpun.

Čuorbmasat njámastit

giellása suoji,

čáhcedulvi doalvu mielddis

čiehkádanbáikki.

¹⁸Dalle din lihttu jápmimiin

fámohuhttojuvvo,

din šiehtadus jábmiidáimmuin

gomihuvvo.

Go dulvi boahtá,

de dat njeaidá din.

¹⁹Juohke háve go dat boahtá,

de dat rohtte din mielddis.

Dat boahtá juohke iđida,

velá beaivet ja ihkkunai.

Dat gii ipmirda sága,

šaddá doarggistit balus.

²⁰Seaŋga lea beare oanehaš

das fanahallat,

ja govččas ilá seaggi

giessat dan sisa iežas.

²¹

son moaráhuvvá nugo Gibeonleagis.

Son dahká dagus, amas dagus,

son ollašuhttá barggus, imašlaš barggus.

²²

vai din láhkkit eai čavgejuvvo.

Mun lean gullan ahte Hearrá Ipmil,

Almmiveagaid Ipmil,

lea mearridan duššadit oppa eatnama.

Ipmila viisodat lea stuoris

²³Jorgalehket beljiid

ja guldalehket go mun sártnun,

váldet vuhtii ja gullet mu sániid!

²⁴Gárvvistagoson eananjorgu

bealddu álohii gilvima várás,

rahpágo ja hárve dan álelassii?

²⁵28,25 spealttaid gordnešládja. Vrd. 2 Mos 9,32; Esek 4,9.Iigo son gilvve go lea jalgen bealddu?

Son gilvá čáhppeskumminiid

ja biđge máisttakumminiid,

son gilvá nisuid, hirsegortniid,

bivggiid ja spealttaid.

²⁶Hearrá oahpaha sutnje

rivttes vuogi,

su Ipmil máhttáha sutnje mo bargat.

²⁷Ii oktage ráidne

čáhppeskumminiid reagain

iige fierat jorreráhttá

máisttakumminiid badjel.

Čáhppeskumminiid galgá časkit soppiin

ja máisttakumminiidgis asttáhagain.

²⁸Cuvkejuvvojitgo láibegortnit?

Dat eai ráidnejuvvo heaittekeahttá,

jorreráhtis ii fierahuvvo daid badjel,

lebbejuvvon gortnit eai cuvkejuvvo.

²⁹Maiddái dat boahtá

Hearrás, Almmiveagaid Ipmilis.

Su ráđit leat ovddolaččat,

su viisodat stuoris.