Davvisámegiel Biibbal 2019 (Biibbal)
25

Hearrá loahpaha iežas álbmoga vuolideami

251

25,1
Sál 31,15
Jes 46,10
Hearrá, don leat mu Ipmil,

mun rámidan du ja máinnun du nama.

Don leat ollašuhttán

ovddolaš áigumušaidat,

du lohpádusat dološ áiggi rájes

leat nannosat.

225,2 gávpoga ipmilmeahttun gávpot. Vrd. 24,10eč.Don rievdadit gávpoga geađgeguhpan,

nana ladni čievračopman.

Vierrásiid ladnit leat duššaduvvon,

eai dat huksejuvvo šat goassege.

3Danne fámolaš álbmogat

gudnejahttet du,

goaves báhkiniid gávpogat ballet dus.

4

25,4
4,6
Jer 16,19
Don šaddet vártnuhemiid suodjin,

váivvášiid dorvun sin heađis,

suodjin ráššoarvvis, suoivvanin báhkas.

Veahkaválddálačča suhttu

lea dego ráššoarvi

5ja nugo báhkka čázehis eatnamis.

Don jaskkodahttet vierrásiid rieja.

Nugo báhkka balvva suoivanis,

nu jávohuvvá veahkaválddálaččaid lávlun.

6

25,6
Sál 22,27eč
Matt 22,2eč
Luk 14,16eč
Alm 19,79
25,6 dán várrái Sion.Hearrá, Almmiveagaid Ipmil,

ráhkada dán várrái

guossemállásiid buot álbmogiidda,

guossemállásiid main leat

buoiddes borramušat ja boares viidni,

buoiddes, ađđás borramušat

ja boares, čielgaduvvon viidni.

7

25,7
29,10
60,2
2 Kor 3,15č
Dán váris son duššada

suoggama mii gokčá buot álbmogiid,

dan gokčasa mii lea buot

olbmuid čearddaid badjel.

8

25,8
Sál 126,5
1 Kor 15,2654
2 Tim 1,10
Alm 7,17
21,4
Son duššada jápmima agálaččat.

Hearrá Ipmil sihkku gatnjaliid

buohkaid ámadajus

ja jávkada iežas álbmoga vuolideami

ja heahpada miehtá eatnama.

Hearrá lea sárdnon.

9

25,9
Sál 42,6
48,15
Dan beaivvi daddjojuvvo:

Gehččet, dát lea min Ipmil!

Mii vurddiimet su, ja son besttii min.

Dát lea Hearrá, sutnje mii bijaimet doaivvu,

illudehkot ávus su bestojumi dihte.

10Hearrá giehta várjala dán vári.

Muhto Moab dulbmojuvvo

nugo oalggat muhkkečáhcái.

11Doppe dat geaigguha gieđaid

nugo heavvaneaddji dahká.

Hearrá doadjá dan goargatvuođa

beroškeahttá dan gávváluššamiin.

12

25,12
26,5
Dan alla ladnemuvrraid

son njeaidá eatnamii,

son cuvke daid moallun.

26

261

26,1
Sál 46,6
125,2
Jes 60,18
Dan beaivvi lávlojuvvo dát lávlla Juda eatnamis:

Min gávpot lea min givrodat,

suodjin son lea huksen dasa

muvrraid ja ladnedieváid.

2

26,2
Sál 118,19č
Rahpet poarttaid,

diktet vanhurskkis álbmoga

boahtit sisa,

álbmoga mii bissu oskkáldassan.

3Stáđis olbmui don attát ráfi,

son dorvvasta dutnje.

4

26,4
5 Mos 32,4
Sál 118,8č
Dorvvastehket álo Hearrái,

danne go Hearrá lea agálaš bákti.

5

26,5
Jer 49,15
Son lea nordadan vuolás

daid geat ásset

čoarrájeaddji gávpogis,

son dulbii gávpoga eatnama dássái

ja mollii dan čievran.

6

26,6
28,3
Dan dulbmet vártnuhemiid

ja váivvášiid juolggit.

7Vanhurskása bálggis lea njuolgat,

don dagat jalgadin su geainnu,

8vuoigatlaš duomuidat geainnu.

Hearrá, mii dorvvastit du nammii,

mii áibbašit beassat rávkat du.

9Mu siellu áibbaša du ihkku,

mu vuoigŋa ohcala du.

Go du vuoigatlaš duomut

čuvgejit eatnama,

de máilmmi ássit

ohppet dan mii lea riekta.

10Jos ipmilmeahttun árpmihuvvo,

de son ii oahpa dan mii lea riekta.

Son dahká vearrivuođa dan eatnamis

gos riekti galggašii ráđđet,

iige son oainne Hearrá allatvuođa.

11Hearrá, du giehta lea bajiduvvon,

muhto olbmot eai oainne dan.

Divtte sin oaidnit heahpanemiin

du buolli áŋgirvuođa iežat álbmoga ovddas.

Divtte dola loaktit du vuostálastiid!

12

26,12
Fil 2,13
Hearrá, don attát midjiide ráfi,

buot maid mii leat dahkan,

lea du dahku.

13Hearrá, min Ipmil,

leatgo mis leamaš ráđđejeaddjit earret du?

Mii dovddastit aivve fal du nama.

14

26,14
5 Mos 32,26
Sál 9,7
88,11eč
Jábmit eai šatta eallin,

jámežat eai čuožžil.

Nu don leat ráŋggáštan

ja duššadan sin

ja dahkan duššin sin muittu.

15Hearrá, don leat ohpit dahkan

stuorra daguid iežat álbmogii.

Don leat čájehan iežat ipmilvuođa fámu,

don leat viiddidan eatnama rájiid.

16

26,16
Sál 18,7
77,3
78,34č
Hearrá, sii ohce du heađis

ja savkkuhedje rohkosiid,

go don bagadit sin.

17

26,17
13,8
Riegádahtti nissona láhkásažžan

gii bodnjasaddá ja huiká ávttain,

don diktet min šaddat, Hearrá.

18Mii leimmet áhpeheamit,

mii bodnjasattaimet bákčasis,

muhto mii riegádahtiimet biekka.

Mii eat buktán eatnamii bestojumi,

olbmot eai riegádan eatnamii.

19

26,19
25,8
Esek 37,1eč
Dan 12,2
Du jábmit šaddet eallin,

sin rupmašat čuožžilit.

Morihehket ja čurvot ávus,

dii geat ássabehtet muolddas!

Danin go du suoldni

lea čuovgga suoldni,

don divttát dan gahččat

jábmiid eatnamii.

20

26,20
Sál 57,2
Álbmogan, mana gámmáriiddásat,

dahpa uvssaid iežat maŋis.

Čiehkát oanehis áigái,

dassážii go moarri lea mannan meaddel.

21

26,21
1 Mos 4,10eč
Job 16,18
Mi 1,3
Danin go Hearrá vuolgá ássansajistis

ráŋggáštit eatnama olbmuid

sin vearredaguid dihte.

Dalle eanan buktá albma

vara mii lea golggahuvvon,

dat ii šat čiega goddojuvvon olbmuid.

27

271

27,1
Sál 74,14
Jes 51,9
Alm 12,9
27,1 Leviatan stuorra mearraealli, dávjá govvida fámu mii vuostálastá Ipmila. Vrd. Job 40,20eč; Sál 74,14. ▶ Leviatan.Dan beaivvi Hearrá časká mihkiinis,

garra, stuorra ja bastilis mihkiinis

Leviatana, johtilis gearbmaša,

Leviatana, moalkasaddi gearbmaša.

Hearrá goddá čieŋalvuođa guovddi.

Hearrá viidnegárdi

2

27,2
5,1eč
Lávlot dan beaivvi

hearvás viidnegárddi lávlaga!

3Mun, Hearrá, lean dan goziheaddji.

Juohke čalbmeravkalanbottu

mun láktadan dan.

Mun várjalan dan ija beaivvi,

vai ii mihkkege vahágahte dan.

4

27,4
10,17
Mun in leat suhttan dasa,

muhto jos dat addá munnje

bastilislánjáid ja gáskálasaid,

de mun soađan dainna

ja boalddán buot,

5juos sii eai oza suoji mu luhtte

ja daga ráfi muinna,

daga duođaid ráfi muinna.

Hearrá čohkke iežas álbmoga

6

27,6
37,31
Hos 14,7
Boahttevaš beivviid

Jakob ruohtastuvvá,

Israel šaddá ja lieđđu

ja deavdá eatnama šaddosiiguin.

7Časkojuvvojedjego sii

dego dat geat časke sin,

goddojuvvojedjego sii

nugo dat geat godde sin?

8

27,8
Jer 10,24
46,28
Muttátvuođain don bagadit álbmoga

go baldet ja ádjet dan eret.

Hearrá ájii dan eret riđuinis

nuortabiekka beaivvi.

9

27,9
2,20+
Dan dihte Jakoba suddovealgi

sáhttá lonistuvvot,

ja su suddu váldojuvvo eret:

Son diktá cuvket áltára geđggiid moallun,

eaige ašeračuolddat ja suovasáltárat

šat ceggejuvvo.

10Ladnegávpot báhcá guorusin,

hilgojuvvon ássanbáikin,

ávdimin dego meahcci.

Doppe guhtot gálbbit,

doppe dat livvadit

ja borret buot dan ovssiid.

11Go oavssit goiket,

de bohtet nissonat, dodjet daid

ja cahkkehit dola.

Dát lea álbmot mas ii leat jierbmi,

dan dihte dan sivdnideaddji

ii árpmit dan,

dan hábmejeaddji ii leat dasa árbmugas.

12Dan beaivvi Hearrá časká

gortniid eret gordneoivviin

Eufrata rájes Egyptajoga rádjái,

ja ovttaid ovttaid dii israellaččat

čoggojuvvobehtet.

13

27,13
11,11eč
18,37
Hos 11,11
Dan beaivvi gullo stuorra dorvve jietna,

ja buohkat bohtet,

dat geat ledje láhppon Assyriai,

dat geat ledje bieđganan Egyptii,

ja sii rohkadallet Hearrá

Jerusalema bassi váris.