Eatnama duopmu

24¹Hearrá heavaha eatnama,

son duššada dan,

nuppástuhttá dan hámi

ja biđge dan ássiid.

²Seammá ládje geavvá

báhppii nugo álbmogii,

isidii nugo šlávvii,

eamidii nugo šlávvanissonii,

oastái nugo vuovdái,

lonejeaddjái nugo loatnaváldái,

velgoheaddjái nugo velggolažžii.

³Ávdimin gurrejuvvo eanan,

dat stajiduvvo ja speddjojuvvo.

Nu Hearrá lea sárdnon.

⁴

máilbmi goldná ja nohká,

eatnama alážat goiket.

⁵Dat geat ásset eatnamis,

leat dahkan dan eahpebassin:

Sii leat badjelgeahččan rievtti

ja rihkkon agálaš lihtu.

⁶Dan dihte garuhus loaktá eatnama,

ja dan ássit šaddet gillát ráŋggáštusa.

Dan dihte olbmot uhccánit eatnamis,

dušše soapmásat báhcet.

⁷Viidni morašta,

viidnemuorra goldná,

dat geat ledje ilus, šuhkket.

⁸

nohkan šlápma ja ávvučuorvasat,

lyra ilolaš šuoŋat leat jaskkodan.

⁹Eai lávllo šat olbmot jugalmasain,

viidni lea šaddan rihčan juhkkiidasas.

¹⁰Gávpot lea hearjiduvvon ja ávdin,

buot viesut leat dahppojuvvon.

¹¹Gáhtain gullo váidalus, ii leat šat viidni.

Illu lea čáskan,

ávvu lea báhtaran eatnamis.

¹²Gávpogii báhcá dušše heavahus,

poarta lea skálbmejuvvon.

¹³

Dat báhcet dan veardde go

oliivamurrii oliivvat

go dat lea cábmojuvvon,

dan veardde go sáhttá gávdnat murjjiid

maŋŋelájuid maŋŋá.

¹⁴Dat geat leat báhcán, čurvot ilus,

sii ávvudit Hearrá stuorisvuođa.

Čurvot jitnosit oarjin,

¹⁵gudnejahttet Ipmila nuortan!

Máidnot sulluin ja rittuin

Hearrá, Israela Ipmila, nama!

¹⁶Eatnama ravddas mii gullat

rámáduslávlagiid čuodjamin

Vanhurskása gudnin.

Mun dadjen: Vuoi mu,

mun in veaje, mun duššan!

Beahttit behttet!

Behttosa maŋŋilge vel beahtus!

¹⁷Várra ja roggi ja giella vuordá

du, eatnama ássi.

¹⁸

gahččá roggái,

gii beassá bajás rokkis,

darvána gillii.

Allagasa dahpaldagat rahppojuvvojit,

eatnama vuođđudusat doarggistit.

¹⁹Eanan luoddana ja gaikána,

eanan suoibu ja ruohčá,

eanan lihkada ja doarggista.

²⁰Eanan ruossá dego gárrenolmmái,

sugada nugo visteluoggu.

Suddu deaddá dan lossadit,

dat gahččá iige šat ceaggan.

²¹Dan beaivvi Hearrá ráŋggášta allagasas allagasa veaga ja eatnama alde eatnama gonagasaid. ²²Sii čohkkejuvvojit ja biddjojuvvojit giddagasroggái, sii dollojuvvojit fáŋgan, ja guhkes áiggi geažes sii ráŋggáštuvvojit. ²³

Hearrá loahpaha iežas álbmoga vuolideami

25¹

mun rámidan du ja máinnun du nama.

Don leat ollašuhttán

ovddolaš áigumušaidat,

du lohpádusat dološ áiggi rájes

leat nannosat.

²25,2 gávpoga ipmilmeahttun gávpot. Vrd. 24,10eč.Don rievdadit gávpoga geađgeguhpan,

nana ladni čievračopman.

Vierrásiid ladnit leat duššaduvvon,

eai dat huksejuvvo šat goassege.

³Danne fámolaš álbmogat

gudnejahttet du,

goaves báhkiniid gávpogat ballet dus.

⁴

váivvášiid dorvun sin heađis,

suodjin ráššoarvvis, suoivvanin báhkas.

Veahkaválddálačča suhttu

lea dego ráššoarvi

⁵ja nugo báhkka čázehis eatnamis.

Don jaskkodahttet vierrásiid rieja.

Nugo báhkka balvva suoivanis,

nu jávohuvvá veahkaválddálaččaid lávlun.

⁶

ráhkada dán várrái

guossemállásiid buot álbmogiidda,

guossemállásiid main leat

buoiddes borramušat ja boares viidni,

buoiddes, ađđás borramušat

ja boares, čielgaduvvon viidni.

⁷

suoggama mii gokčá buot álbmogiid,

dan gokčasa mii lea buot

olbmuid čearddaid badjel.

⁸

Hearrá Ipmil sihkku gatnjaliid

buohkaid ámadajus

ja jávkada iežas álbmoga vuolideami

ja heahpada miehtá eatnama.

Hearrá lea sárdnon.

⁹

Gehččet, dát lea min Ipmil!

Mii vurddiimet su, ja son besttii min.

Dát lea Hearrá, sutnje mii bijaimet doaivvu,

illudehkot ávus su bestojumi dihte.

¹⁰Hearrá giehta várjala dán vári.

Muhto Moab dulbmojuvvo

nugo oalggat muhkkečáhcái.

¹¹Doppe dat geaigguha gieđaid

nugo heavvaneaddji dahká.

Hearrá doadjá dan goargatvuođa

beroškeahttá dan gávváluššamiin.

¹²

son njeaidá eatnamii,

son cuvke daid moallun.

26¹

Min gávpot lea min givrodat,

suodjin son lea huksen dasa

muvrraid ja ladnedieváid.

²

diktet vanhurskkis álbmoga

boahtit sisa,

álbmoga mii bissu oskkáldassan.

³Stáđis olbmui don attát ráfi,

son dorvvasta dutnje.

⁴

danne go Hearrá lea agálaš bákti.

⁵

daid geat ásset

čoarrájeaddji gávpogis,

son dulbii gávpoga eatnama dássái

ja mollii dan čievran.

⁶

ja váivvášiid juolggit.

⁷Vanhurskása bálggis lea njuolgat,

don dagat jalgadin su geainnu,

⁸vuoigatlaš duomuidat geainnu.

Hearrá, mii dorvvastit du nammii,

mii áibbašit beassat rávkat du.

⁹Mu siellu áibbaša du ihkku,

mu vuoigŋa ohcala du.

Go du vuoigatlaš duomut

čuvgejit eatnama,

de máilmmi ássit

ohppet dan mii lea riekta.

¹⁰Jos ipmilmeahttun árpmihuvvo,

de son ii oahpa dan mii lea riekta.

Son dahká vearrivuođa dan eatnamis

gos riekti galggašii ráđđet,

iige son oainne Hearrá allatvuođa.

¹¹Hearrá, du giehta lea bajiduvvon,

muhto olbmot eai oainne dan.

Divtte sin oaidnit heahpanemiin

du buolli áŋgirvuođa iežat álbmoga ovddas.

Divtte dola loaktit du vuostálastiid!

¹²

buot maid mii leat dahkan,

lea du dahku.

¹³Hearrá, min Ipmil,

leatgo mis leamaš ráđđejeaddjit earret du?

Mii dovddastit aivve fal du nama.

¹⁴

jámežat eai čuožžil.

Nu don leat ráŋggáštan

ja duššadan sin

ja dahkan duššin sin muittu.

¹⁵Hearrá, don leat ohpit dahkan

stuorra daguid iežat álbmogii.

Don leat čájehan iežat ipmilvuođa fámu,

don leat viiddidan eatnama rájiid.

¹⁶

ja savkkuhedje rohkosiid,

go don bagadit sin.

¹⁷

gii bodnjasaddá ja huiká ávttain,

don diktet min šaddat, Hearrá.

¹⁸Mii leimmet áhpeheamit,

mii bodnjasattaimet bákčasis,

muhto mii riegádahtiimet biekka.

Mii eat buktán eatnamii bestojumi,

olbmot eai riegádan eatnamii.

¹⁹

sin rupmašat čuožžilit.

Morihehket ja čurvot ávus,

dii geat ássabehtet muolddas!

Danin go du suoldni

lea čuovgga suoldni,

don divttát dan gahččat

jábmiid eatnamii.

²⁰

dahpa uvssaid iežat maŋis.

Čiehkát oanehis áigái,

dassážii go moarri lea mannan meaddel.

²¹

ráŋggáštit eatnama olbmuid

sin vearredaguid dihte.

Dalle eanan buktá albma

vara mii lea golggahuvvon,

dat ii šat čiega goddojuvvon olbmuid.