Jesaja 2 - Davvisámegiel Biibbal 2019 (Biibbal)

Davvisámegiel Biibbal 2019 (Biibbal)

1¹

1,1

2 Gon 19,2
Mi 1,1
1,1 Amos Eará olmmoš go profehta Amosa girjjis. Ussia nubbi namma lea Asarja. Gč. 2 Gon 14,21.Dát leat oainnáhusat Juda ja Jerusalema hárrái maid Jesaja, Amosa bárdni, oinnii dalle go Ussia, Jotam, Ahas ja Hiskia ledje Juda gonagassan.

Hearrá cuiggoda álbmogis

1,2

5 Mos 32,1
Jer 2,12eč
Hos 7,13
Mi 1,2
Gula, albmi, guldal, eanan!

Hearrá sárdnu:

Mánáid mun bibmen ja dikšon,

muhto sii leat jorgalan mus eret.

1,3

6,10
Jer 8,7
Vuoksá dovdá eaiggádis

ja ásen isidis kruppá,

muhto Israel ii dovdda,

mu álbmot ii ipmir.

⁴

1,4

Jer 15,6
Vuoi suttolaš álbmoga,

soga maid suddovealgi losidahttá,

bahádahkkiid bearraša,

billašuvvan mánáid!

Sii leat hilgon Hearrá,

badjelgeahččan Israela Basi

ja jorgalan sutnje sealggi.

⁵Ehpetgo dii leat doarvái cábmojuvvon,

go velá nággáruššabehtet?

Oaivi lea hávváduvvan,

váibmu cuovkanan.

⁶Juolgevuođus gitta oaivečohkkii

ii leat mihkkege dearvašiid,

dušše guvhllit ja árbbat ja rabas hávit.

Dat eai leat bohččojuvvon,

eai čadnojuvvon

eaige oljjuin luvvaduvvon.

⁷

1,7

3 Mos 26,32č
Jes 5,5
6,11eč
Jer 44,22
Din eanan lea ávdin,

din gávpogat leat boldojuvvon,

dii oaidnibehtet vierroolbmuid borramin

iežadet eatnama šattuid.

Dat lea heavahus,

dego dalle go Sodoma duššaduvvui.

⁸Dušše nieida Sion lea báhcán

dego viidnegárddi lastagoahti,

dego gurkábealddu fáktengoahti,

dego birastahttojuvvon gávpot.

⁹

1,9

1 Mos 19,24
Jes 13,19
Rom 9,29
Jos Hearrá, Almmiveagaid Ipmil,

ii livčče guođđán mis bázahasa,

de mii livččiimet dego Sodoma,

mii livččiimet šaddan

Gomorra láhkásažžan.

¹⁰

1,10

Hos 5,1eč
Mi 3,19
1,10 Sodoma oaivámuččat, Gomorra álbmot čálli veardida Jerusalema oaivámuččaid ja ássiid Sodoma ja Gomorra ássin. Vrd. 1 Mos 18,20eč.Gullet Hearrá sáni,

Sodoma oaivámuččat,

guldal min Ipmila sárdnuma,

Gomorra álbmot!

¹¹

1,11

Sát 21,27
Jer 6,20
14,12
Hos 6,6
8,13
Am 5,21č
Mi 6,6eč
Maid mun dagan

buot din njuovvanoaffariiguin,

cealká Hearrá.

Mun lean gallánan

boaldinoaffarvierccain

ja buoiduduvvon gálbbiid buoiddis,

mus ii leat hállu vuovssáid ja lábbáid

ja bohkáid varrii.

¹²

1,12

2 Mos 23,1517
Gii lea dáhtton dis dakkáriid

ja duolbmat mu ovdašiljuid,

go boahtibehtet mu muođuid ovdii?

¹³

1,13

Mal 1,10
Allet šat buvtte duššálaš attáldagaid,

mun fasttášan oaffarsuova.

Mánočalbmebeaivi, sabbat,

bassi čoakkalmasat –

mun in gierdda din basiid

ja din vearrivuođa.

¹⁴1,14 mánočalbmebeaivvi … basiid ▶ mánočalbmebeaivi.Mun vašuhan din

mánočalbmebeaivvi meanuid

ja basiid.

Dat leat šaddan munnje noađđin,

mun lean váiban dan guoddimis.

¹⁵

1,15

Sál 66,18
Sát 1,28eč
15,29
28,9
Jes 59,2č
Jer 14,12
Joh 9,31
Go dii bajidehpet gieđaid rohkadussii,

de mun čiegan čalmmiidan dis.

Vaikko dii rohkadallabehtetge ollu,

de mun in gula.

Din gieđat leat varranaga.

¹⁶

1,16

Sál 34,15
Esek 18,2331
Joel 2,12č
Am 5,14č
Rom 12,9
1 Pet 3,11
Basadehket, buhtistehket iežadet!

Jávkadehket bahás daguideattet

mu čalmmiid ovddas.

Heitet dahkamis bahá

¹⁷

1,17

5 Mos 24,17č
27,19
Sál 82,3
Jes 1,23
ja ohppet dahkat buriid!

Ohcet dan mii lea riekta,

bealuštehket dan gii sordojuvvo,

rábidehket oarbásii vuoigatvuođa,

čuoččuhehket leaskkaid ášši.

¹⁸

1,18

Sál 51,9
Jes 43,25
44,22
Čielggadehkot áššámet,

cealká Hearrá.

Vaikko din suttut leat varraruoksadat,

de dat šaddet čeaskadin dego muohta,

vaikko dat leat purpurruoksadat,

de dat šaddet vielgadin dego ullu.

¹⁹

1,19

3 Mos 25,18č
Sát 1,33
Jos dii lehpet miehtásat

ja gullabehtet,

de beassabehtet návddašit

eatnama buriid,

²⁰

1,20

3 Mos 26,141725
muhto jos lehpet nággárat

ja ceaggát,

de miehkki loaktá din.

Hearrá lea sárdnon.

Jerusalem buhtistuvvo

²¹

1,21

Jer 2,21
Hos 1,2
Vuoi, oskkáldas gávpot

lea šaddan fuorrán!

Dan dievva lei vuoigatlašvuohta,

vanhurskkisvuohta orui doppe –

dál doppe ásset sorbmejeaddjit.

²²

1,22

Esek 22,18
Du silbbat leat šaddan skártan,

du viidni lea čáziin veahttaduvvon.

²³

1,23

2 Mos 22,22
Jer 5,28č
Hos 9,15
Sak 7,10
Du vuostehágolaš oaivámuččat

leat suollagiid guoimmit,

sii ráhkistit duolgguid

ja váinnuhit attáldagaid.

Eai sii veahket oarbásiid

oažžut vuoigatvuođa

eaige gozit leaskkaid ášši.

²⁴1,24 Israela Veagalaš Jakoba Veagalaš. >1 Mos 49,24.Dan dihte cealká Hearrá,

Almmiveagaid Ipmil,

Israela Veagalaš:

Vuoi sin! Mun divttán moari

deaividit vuostálastiidan

ja mávssahan vašálaččaidasan.

²⁵Mun bajidan gieđa du vuostá.

Mun boalddán buot

du buhtismeahttunvuođa

ja jávkadan gutnasálttiin du skártta.

²⁶

1,26

1,21
Mun attán dutnje dakkár duopmáriid

dego ovdal,

dakkár ráđđeaddiid nugo dološ áiggiid.

Dalle don gohčoduvvot

vanhurskkisvuođa ladnin,

oskkáldas gávpogin.

²⁷

1,27

59,20
Rom 11,26
Vuoigatvuođain Sion bestojuvvo,

vanhurskkisvuođain

dat geat ásset doppe.

²⁸Muhto vearredahkkit

ja suttolaččat cuvkejuvvojit,

dat geat behttet Hearrá, duššet.

²⁹

1,29

Hos 4,1319
1,29 terebinttaid dihte Stuorra, lastás muorat adnojuvvojedje bassin. Muoraid vuolde kanaanlaččat ja muhtun israellaččat bálvaledje šattolašvuođa ipmiliid. Vrd. Hos 4,13č. gárddiide gilvvagárddiide, čujuha maiddái bassibáikkiide. Gč. Jes 66,3.Dalle dii heahpanehpet

terebinttaid dihte

mat ledje din hálidus,

ja beahtahallabehtet muorragárddiide

maid ráhkistehpet.

³⁰Dalle dii lehpet dego terebinta

mas leat goldnan lasttat,

dego muorragárdi gos ii leat čáhci.

³¹

1,31

Jer 4,4
17,27
Esek 21,3č
Am 5,6
Gievra šaddá nuovvin

ja su dahku čuonamin.

Ovttas dat bullet,

iige leat čáskadeaddji.

Siona boahtteáigi

2¹Sátni Juda ja Jerusalema hárrái. Jesaja, Amosa bártni, oainnáhus.

2,2

Jes 18,7
Jer 3,17
Mi 4,1eč
Sak 8,20eč
Boahtá áigi goas Hearrá

tempelvárri čuožžu nanusin,

váriin alimussan, alážiin bajimussan,

ja álbmogat márret dohko,

2,3

Jer 31,6
Sak 8,22č
Mi 4,2
Apd 1,8
Eatnat olbmuid čearddat johttájit

ja dadjet:

“Bohtet, vulgot Hearrá várrái,

Jakoba Ipmila vissui.

Son oahpista midjiide geainnuidis,

mii dáhttut vádjolit su bálgáid,

danin go Hearrá láhka vuolgá Sionis,

Hearrá sátni Jerusalemis.”

⁴

2,4

Joel 3,15
Sak 9,10
Son dubme álbmogiid,

cealká duomu eatnat olbmuid čearddaide.

Sii dáhkot mihkiideaset plogaávjun

ja sáittiideaset viidnegárdeniibin.

Álbmot ii šat lokte miehki

álbmoga vuostá,

dat eai šat oahpahala soahtat.

⁵Jakoba mánát,

bohtet, vádjolehkot Hearrá čuovggas!

Hearrá beaivi

⁶Hearrá, don leat hilgon iežat álbmoga,

leat hilgon Jakoba mánáid.

Sin eatnama dievva

leat nuortti einnosteaddjit,

mearkačilgejeaddjit dego Filisteas –

juohke sajis vierroolbmot!

⁷Eatnama dievva lea silba ja golli,

dan dávviriin ii leat mihkkege meriid.

Eatnama dievva leat heasttat,

dan soahtevovnnain ii leat mihkkege meriid.

⁸

2,8

17,8
41,6–8
44,17
Eatnama dievva leat eahpeipmilat,

olbmot luoitádit gieđaideaset duoji ovdii,

dan ovdii maid leat ráhkadan

iežaset gieđaiguin.

⁹Dan dihte olmmoš vuoliduvvo,

dan dihte son šaddá čippostit.

– Hearrá, ale atte sidjiide ándagassii!

¹⁰

2,10

Hos 10,8
Luk 23,30
Mana bávtti sisa, čiehkát muldii,

báhtar Hearrá hirpmus fámus,

su alla hearvásvuođas!

¹¹

2,11

5,15
Čeavlás olbmot šaddet

vuolidit čalmmiid,

olbmo čeavláivuohta sojahuvvo,

dan beaivvi aivvefal Hearrá lea allat.

¹²Hearrá, Almmiveagaid Ipmila, beaivi

časká buot dasa mii lea čeavlái ja allat,

buot dasa mii allánaddá

ja goarggasmuvvá,

¹³buot Libanona sederiidda,

allagiidda ja stuorráide,

ja buot Bašana áikkaide,

¹⁴buot alla váriide

ja buot ceaggájeaddji dieváide,

¹⁵dat časká buot alla toartnaide

ja buot ceakkomuvrraide,

¹⁶2,16 Taršiša-skiippaide stuorra skiippat mat johte mearas.buot Taršiša-skiippaide

ja buot hearvás fatnasiidda.

¹⁷Dalle olbmo goargatvuohta sojahuvvo

ja su čeavláivuohta soardašuvvá.

Dan beaivvi aivvefal Hearrá lea allat,

¹⁸ja eahpeipmilat duššaduvvojit oalát.

¹⁹

2,19

Alm 6,15č
Báhtarehket bákteráiggiide

ja eananbiejuide

Hearrá hirpmus fámus

ja su alla hearvásvuođas,

go son čuožžila suorggahit eatnama.

²⁰

2,20

27,9
30,22
31,7
Dan beaivvi olbmot bálkestit

golleipmiliiddiset ja silbaipmiliiddiset

maid sii ieža leat ráhkadan

ja dasto luoitádan daid ovdii.

Sii bálkestit daid buovnnjahiidda

ja girdisáhpániidda

²¹ja báhtarit skoaruide ja báktelomiide

Hearrá hirpmus fámus

ja su alla hearvásvuođas,

go son čuožžila suorggahit eatnama.

²²

2,22

1 Mos 2,7
Sál 146,3č
Jer 17,5
Allet luohte olbmui,

son lea dušše vuoiŋŋanas.

Man veara son lea?

Moivi Judas

3¹

3,1

Esek 4,16
5,16
14,13
Dihtet: Hearrá, Almmiveagaid Ipmil,

jávkada Jerusalemis ja Judas

cakki ja nanadasa,

biebmovári ja čáhcevári,

²gievrra ja soahteolbmá,

duopmára ja profehta,

einnosteaddji ja vuorrasa,

³oaivámučča ja njunnoša,

ráđđeaddi ja mearkačilgejeaddji,

juohke mánideaddji.

⁴

3,4

Sárd 10,16č
Mun bijan bártnážiid

álbmoga oaivámužžan,

hilbes mánát ráđđejit dan.

⁵Buohkat sordet guhtet guimmiideaset,

nuorat almmáštallet vuorrasiidda,

hilggohasat árvvus adnojuvvon olbmuide.

⁶Dalle viellja dohppe vieljas gihtii

ja dadjá sutnje:

“Dus lea goit oalgebivttas,

álgge min oaivámužžan

ja ráđđe dán čievračoma!”

⁷Dalle nubbi vástida:

“In mun álgge din oaivámužžan.

Ii mus leat viesus láibi iige bivttas.

Allet bija mu álbmoga oaivámužžan!”

⁸

3,8

Apd 7,51
Jerusalem guossala ja Juda gahččá,

danin go sániiguin ja daguiguin

sii vuostálastet Hearrá

ja nággáruššet su hearvásvuođa vuostá.

⁹

3,9

1 Mos 19,5
Jer 2,17
25,7
Hos 13,9
Fil 3,19
3,9 Sodoma >1,10.Sin muođuid hápmi duođašta sin vuostá,

sii dieđihit suttuset nugo Sodoma,

eai sii čiega dan.

Vuoi sin!

Sii gesset lihkuhisvuođa badjelasaset.

¹⁰

3,10

Sál 1
37,37eč
58,12
Lihkolaš lea vanhurskkis olmmoš!

Sutnje geavvá bures, son beassá návddašit

daguidis šattu.

¹¹

3,11

Sál 1
62,13
Sát 1,31eč
Rom 2,6eč
Vuoi ipmilmeahttun olbmo!

Sutnje geavvá bahás,

su dagut mávssahuvvojit sutnje.

¹²

3,12

9,16
Jer 50,6
Soardit rievidit mu álbmoga,

goarddut ráđđejit dan.

Álbmogan, du oahpisteaddjit

čádjidahttet du,

sii leat čiehkan dus rivttes geainnu.

¹³

3,13

Sál 9,9
98,9
Hos 4,1
Hearrá loaiddasta ovdan

ja guoddala,

son lea gárvvis dubmet álbmogis.

¹⁴3,14 viidnegárddi govvida Israela álbmoga. Vrd. 5,1eč.Hearrá lágasta

iežas álbmoga vuorrasiiguin

ja oaivámuččaiguin.

“Dii lehpet guorbadan viidnegárddi,

din viesuin lea gefiin

rieviduvvon gálvu.

¹⁵Mii vuoigatvuođaid dis lea

cuvket mu álbmoga,

málet gefiid gavjan?”

Ná cealká Hearrá Ipmil,

Almmiveagaid Ipmil.

Siona nissoniid duopmu

¹⁶Hearrá lea cealkán:

Go Siona nieiddat leat čeavlát

ja goarggastallet ceakkoniskkiid,

geahččalit fillet geahčastagaideasetguin,

vázzet čolččohallet

ja skilahit juolgerieggáideaset,

¹⁷de Hearrá ráhke sin oaivečohkaid

ja rabasta sin heahpadiid.

¹⁸

3,18

Duop 8,21
Dan beaivvi Hearrá váldá sis buot goarggu: Juolgerieggáid, beaivváščiŋaid ja mánnobealčiŋaid, ¹⁹goaikkanasčiŋaid, giehtarieggáid ja beaittaliinniid, ²⁰turbániid, juolgeviđjjiid ja boahkániid, šielaid ja noaidečiŋaid, ²¹suorbmasiid ja njunnerieggáid, ²²ávvubiktasiid, oalgebiktasiid, liinniid ja burssaid, ²³

3,23

2 Mos 38,8
beallemasboahkániid, beallemasbáiddiid, oaiveliinniid ja suoggamiid.

²⁴

3,24

Am 8,10
Dalle šaddá njálgga hája sadjái

bahča hádja,

boahkána sadjái báddi,

smarvviid sadjái báljes oaivi,

čikŋabiktasiid sadjái horsta

ja čábbodaga sadjái heahpat.

²⁵

3,25

Jer 14,2
Du olbmát gahččet miehkkái,

du gievrrat duššet soahtái.

²⁶Siona poarttat moraštit ja váidalit.

Sion lea stajiduvvon,