Davvisámegiel Biibbal 2019 (Biibbal)
17

Damaskusa ja Efraima heavvu

171

17,1
7,1eč
Jer 49,23eč
Am 1,3eč
Sátni Damaskusa hárrái.

Damaskus ii leat šat gávpot,

dat duššaduvvo ja šaddá čievračopman,

2agibeaivái hilgojuvvon.

Dan birasgávpogat guđđojuvvojit ealuide,

dat livvot dohko muosis.

3Efraim manaha ladnis,

Damaskus gonagasvuođas.

Arama bázahassii geavvá

nugo Israela hearvásvuhtii.

Ná cealká Hearrá, Almmiveagaid Ipmil.

4Dan beaivvi devkkoda

Jakoba hearvásvuohta,

buot su buidodat sotná.

5

17,5
13,12
24,13
17,5 Refaimleagi >2 Sam 5,18.Dasa geavvá dego ceaggájeaddji gordnái:

Olmmoš váldá gihtii gihpu

ja čuohppá gordneoivviid.

Dasa geavvá nugo Refaimleagi beldui,

go olbmot leat čoaggán gordneoivviid:

6Báhcá dušše maŋŋerádjan,

nugo dalle go olmmoš

cápmá oliivvaid vuolás:

Guokte, golbma oliivva

badjin muorragierragis,

njeallje, vihtta ovssiin.

Ná cealká Hearrá, Israela Ipmil.

7Dan beaivvi olbmot jorgalit sivdnideaddjiset beallái ja gehččet Israela Bassái. 8

17,8
2 Mos 34,13
Jes 2,8
Eai sii šat jorgal áltáriid beallái, eai iežaset daguid beallái, eai šat geahča ašeračuolddaide ja suovasáltáriidda maid sii leat dahkan iežaset gieđaiguin.

9Dan beaivvi du gávpogat šaddet seammá ávdimin go dat gávpogat maid amorlaččat ja hivvelaččat hilgo, go israellaččat bohte. Buot šaddá ávdimin.

10

17,10
Sál 106,21
Jer 18,15
Hos 8,14
17,10 Ráhkat … ipmiliidda šattolašvuođa ipmiliid bálvaleapmi Gč. 1,29.Don leat vajáldahttán Ipmila

gii du beastá,

itge leat muitán bávtti, iežat dorvobávtti.

Ráhkat fal ain šaddogárddiid

čáppa ipmiliidda

ja gilvve vieris viidnemuoraid!

11Don gilvvát daid ja oaččut daid

dalán allánit,

don gilvvát ja fidnet daid liđiidit

juo ihttánaga.

Muhto lájut leat báhtaran

go boahtá givssi beaivi,

iige du bákčasii leat geahpádus.

Hearrá biđge Israela vašálaččaid

12

17,12
2 Gon 18,13eč
Jes 28,2
Vuoi ollu álbmogiid mára!

Dat lea dego máraideaddji ábi márra.

Vuoi álbmogiid čearddaid šláma!

Dat šlápmet dego fámolaš čázit šlápmet.

13

17,13
Sál 65,8
89,10
Muhto go Hearrá čerge daidda,

de dat báhtarit guhkás.

Dat leat dego sáđut

maid biegga ádjá váriid badjel,

nugo rássediehppi riđus.

14

17,14
2 Gon 19,35eč
Jes 14,25
37,36eč
Eahkedis lea suorganeapmi,

iđedis dat leat jávkan.

Dakkár lea rievideddjiid vuorbi,

dakkár stajideddjiid oassi.

18

Nubia áirasat

18118,1 Nubia fámolaš riikka Egypta lulábealde; ráđđii Egypta sullii 760-656 o.Kr. Vrd. 1 Mos 2,13; Jes 11,11; 20,3eč; Jer 13,23; 38,7eč.Vuoi du, šuvaideaddji soajáid eanan,

don mii leat Nubia jogaid don bealde!

2

18,2
2 Gon 21,13
Jes 18,7
20,3
Jer 13,23
Esek 30,9
Don vuolggahat áirasiid rastá ábi,

vuolggahat sin papyrusfatnasiiguin

čáziid rastá.

Máhccet, dii johtilis áirasat!

Máhccet allašattot, šelgesliikkat

álbmogeattet lusa,

álbmoga mas olbmot ballet viidát,

gievrras ja vuoitilis álbmoga lusa

man eatnama čađa jogat golget.

3

18,3
5,26
Jer 4,5
Joel 2,1
Eatnanriikka ássit,

dii buohkat geaid ássansadji

lea eatnama alde,

gehččet go soahteleavga

bajiduvvo váriide,

guldalehket go dorve čuodjá!

4

18,4
Sál 76,3
Jes 8,18
11,12
Ná Hearrá lea sárdnon munnje:

“Jávohaga mun geahčan viesustan,

go áibmu libaida beaiveboalddáhahkan,

dahje go suoldni gahččá valjit rádjanáiggi.”

5

18,5
5,1eč
17,14
Ovdal lájuid,

go liđiid áigi lea nohkan

ja lieđđi šaddan ládda muorjin,

de viidnemuora suorggit

čuhppojuvvojit niibbiin

ja vesát gaikojuvvojit luovos

ja bálkestuvvojit eret.

6

18,6
Esek 29,5
32,4
39,4
Buot guđđojuvvo

váriid gazzalottiid ja meahcielliid biebmun.

Daid guoras ádjánit

geasi boralottiid moađit,

dálvet daid bálddas eloštit

buot eatnama eallit.

7

18,7
Sál 68,32
87,4
Jes 11,10eč
27,13
66,18eč
Boahtá áigi go Hearrái, Almmiveagaid Ipmilii, buktá attáldagaid allašattot, šelgesliikkat álbmot mas olbmot ballet viidát, gievrras ja vuoitilis álbmot man eatnama čađa jogat golget. Dan álbmoga attáldagat buktojuvvojit baikái maid basuha Hearrá, Almmiveagaid Ipmila, namma: Sionvárrái.

19

Egypta geahččalusat

191

19,1
Jer 43,12
46,2eč
Esek 29,2eč
30,4eč
Sátni Egypta hárrái.

Gehččet, Hearrá riide geahppa balvvaid alde!

Son boahtá Egyptii,

ja Egypta eahpeipmilat

doarggistit balus su muođuid ovddas

ja egyptalaččat hearddohuvvet.

2

19,2
2 Muit 15,6
Luk 21,10
“Mun háhtten Egypta Egypta vuostá,

nu ahte sii buohkat sohtet viellja vieljain,

olmmái olbmáin,

gávpot gávpogiin, riika riikkain.

3

19,3
Job 5,12č
Jes 8,1019
Esek 21,26
Egypta olbmáid roahkkatvuohta doddjo,

Mun moiven sin áigumušaid.

Sii šaddet jearrat ráđi

eahpeipmiliin ja jámežiin,

jábmiid vuoiŋŋain

ja einnostusvuoiŋŋain.

4Mun attán egyptalaččaid

garra hearrá gihtii,

goaves gonagas ráđđe sin.”

Ná cealká Hearrá, Almmiveagaid Ipmil.

5Nileanu čázit nohket,

eatnu šaddá guorusin ja goikkisin.

6Eanu suorggit havssiidit,

Nileanu njálmmádat uhccu ja goiká,

hoaššat ja bohccit ástet,

7buot Nileanu njálmmi rávrrat.

Buot eatnogátti šattolaš eanan

goiká, manná biekka mielde ja jávká.

8Buot guollebivdit moraštit ja váidalit,

buohkat geat bidjet vuokka Niletnui

ja buohkat geat suhppot firpmiid čáhcái,

hearddohuvvet.

9Beallemasšaddadeaddjit dorvvuhuvvet,

kárejeaddjit ja gođđit šovkkodit,

10fárjodahkkit vuollánit,

buot beaivebálkkolaččat nuonddahallet.

1119,11 Soan >4 Mos 13,22.Soana oaivámuččat leat aivve jallat,

viisát addet faraoi jierpmehis neavvagiid.

Mo dii sáhttibehtet dadjat faraoi:

“Mii leat viisáid bártnit,

mii buolvaduvvat dološ áiggi gonagasain?”

12Gos dál leat du viisát?

Vare sii muitalivčče ja dieđihivčče dutnje

maid Hearrá, Almmiveagaid Ipmil,

lea mearridan Egypta hárrái.

1319,13 Memfis Nof, Vuolle-Egypta oaivegávpot; 20 km Kairo lulábealde.Soana oaivámuččat leat doavkkit,

Memfisa oaivámuččat fillehallet,

čeardaoaivámuččat čádjidahttet Egypta.

14

19,14
29,10eč
Hearrá lea deavdán sin

seahkidanvuoiŋŋain,

ja sii leat fillen egyptalaččaid

buot das maid sii dahket,

nu ahte sii rávjot

dego gárrenolmmoš vuovssanasastis.

15

19,15
9,14
Dan dihte Egypta ii máhte

dahkat maidege,

ii oaivi iige seaibi,

ii pálbmagiera iige skážirnađđa.

16Dan beaivvi egyptalaččat leat dego nissonat. Sii doarggistit ja darret go Hearrá, Almmiveagaid Ipmil, lokte gieđa sin vuostá. 17Juda eanan šaddá egyptalaččaide balddonassan: Go Juda namuhuvvo, de sii doarggistit ja muitájit maid Hearrá, Almmiveagaid Ipmil, lea mearridan sin hárrái.

Hearrá buressivdnida álbmogiid

18

19,18
45,23
19,18 Ir-Haheres jáhkkimis Heliopolis, man namma muđui Boares Testamenttas lea On. >1 Mos 41,45.Dan beaivvi Egyptas leat vihtta gávpoga main sárdnot Kanaana giela ja dahket váli Hearrái, Almmiveagaid Ipmilii. Okta dain lea Ir-Haheres.

19

19,19
1 Mos 28,1822
Dan beaivvi Hearrás lea áltár gasku Egypta ja bázzi eatnama rájis. 20Dat leat Egypta olbmuide mearka ja duođaštus Hearrás, Almmiveagaid Ipmilis. Go sii čurvot Hearrái sordiideaset dihte, de son vuolggaha sidjiide beasti gii soahtá sin beali ja gádju sin. 21
19,21
4 Mos 30,3eč
5 Mos 23,22eč
Sál 51,1921
68,32
Hearrá dovddaha iežas egyptalaččaide, ja egyptalaččat dovdet su dan beaivvi. Sii oaffaruššet njuovvanoaffariid ja borramušoaffariid, sii dahket lohpádusaid Hearrái ja ollašuhttet daid. 22Hearrá časká egyptalaččaid, časká muhto maid buorida. Go sii jorgalit Hearrá beallái, de son gullá sin rohkosiid ja buorida sin.

23Dan beaivvi rahpasa geaidnu Egyptas Assyriai. Assyrialaččat fitnet Egyptas ja egyptalaččat Assyrias, ja egyptalaččat bálvalit Hearrá ovttas assyrialaččaiguin.

24Dan beaivvi Israel lea goalmmádin Egypta ja Assyria bálddas ja šaddá buressivdnádussan gasku eatnama. 25Hearrá, Almmiveagaid Ipmil, buressivdnida daid ja cealká:

Buressivdniduvvon lehkos

Egypta, mu álbmot,

Assyria, mu gieđaid dahku,

Israel, mu opmodat!