Damaskusa ja Efraima heavvu

17¹

Damaskus ii leat šat gávpot,

dat duššaduvvo ja šaddá čievračopman,

²agibeaivái hilgojuvvon.

Dan birasgávpogat guđđojuvvojit ealuide,

dat livvot dohko muosis.

³Efraim manaha ladnis,

Damaskus gonagasvuođas.

Arama bázahassii geavvá

nugo Israela hearvásvuhtii.

Ná cealká Hearrá, Almmiveagaid Ipmil.

⁴Dan beaivvi devkkoda

Jakoba hearvásvuohta,

buot su buidodat sotná.

⁵

Olmmoš váldá gihtii gihpu

ja čuohppá gordneoivviid.

Dasa geavvá nugo Refaimleagi beldui,

go olbmot leat čoaggán gordneoivviid:

⁶Báhcá dušše maŋŋerádjan,

nugo dalle go olmmoš

cápmá oliivvaid vuolás:

Guokte, golbma oliivva

badjin muorragierragis,

njeallje, vihtta ovssiin.

Ná cealká Hearrá, Israela Ipmil.

⁷Dan beaivvi olbmot jorgalit sivdnideaddjiset beallái ja gehččet Israela Bassái. ⁸

⁹Dan beaivvi du gávpogat šaddet seammá ávdimin go dat gávpogat maid amorlaččat ja hivvelaččat hilgo, go israellaččat bohte. Buot šaddá ávdimin.

¹⁰

gii du beastá,

itge leat muitán bávtti, iežat dorvobávtti.

Ráhkat fal ain šaddogárddiid

čáppa ipmiliidda

ja gilvve vieris viidnemuoraid!

¹¹Don gilvvát daid ja oaččut daid

dalán allánit,

don gilvvát ja fidnet daid liđiidit

juo ihttánaga.

Muhto lájut leat báhtaran

go boahtá givssi beaivi,

iige du bákčasii leat geahpádus.

Hearrá biđge Israela vašálaččaid

¹²

Dat lea dego máraideaddji ábi márra.

Vuoi álbmogiid čearddaid šláma!

Dat šlápmet dego fámolaš čázit šlápmet.

¹³

de dat báhtarit guhkás.

Dat leat dego sáđut

maid biegga ádjá váriid badjel,

nugo rássediehppi riđus.

¹⁴

iđedis dat leat jávkan.

Dakkár lea rievideddjiid vuorbi,

dakkár stajideddjiid oassi.