Babylon duššá
131
Jer 50,1eč
51,1eč
13,1 Babylon >1 Mos 11,9.Sátni Babylona hárrái. Dan oaččui oainnáhusas Jesaja, Amosa bárdni.
213,2 sin persialaččat ja medialaččat, geat galge vuoitit babylonialaččaid (“oaivámuččaid”).Bajidehket soahteleavgga báljes várrái,
čurvot olbmuide,
sevvet sin čoahkkanit
oaivámuččaid poarttaide.
3Mun gohčun vihahuvvon olbmáidan
ollašuhttit iežan moarreduomu,
mun rávkkan soahteolbmáidan,
gorges, ávvudeaddji veagaidan.
4Gula! Šlápma váriin
dego stuorra soahteveaga šlápma.
Gula! Olbmuid márra,
sii čoahkkanit buot riikkain.
Hearrá, Almmiveagaid Ipmil,
geahčada soahteveagas.
5Sii bohtet gáiddus eatnamis,
olggumus almmiravddas,
Hearrá ja su moari gaskaoamit.
Sii duššadit oppa eatnama.
6
13,6 Buotveagalaččas hebreagillii Šaddai. ▶ Buotveagalaš.Fuikot, danne go Hearrá beaivi lea lahka,
dat boahtá heavahussan Buotveagalaččas.
7
Danne njurret buot gieđat,
buot jálluvuohta suddá.
8
Jes 21,3
Jer 4,31
Mi 4,10
Sii suorganit,
ávttat ja bákčasat dohppejit sin
dego riegádahtti nissona.
Ráđeheamit sii gehččet
guhtet guimmiidasaset,
sin ámadajut šovkkodit.
9
Joel 1,15
Hearrá beaivi boahtá hirpmusin,
moriin ja buolli suhtuin.
Dat dahká eatnama ávdimin
ja duššada das buot suttolaččaid.
10
Esek 32,7
Joel 2,10
3,420
Am 5,8
Matt 24,29
Almmi násttit ja nástegovadagat
heitet báitimis.
Beaivváš lea seavdnjat go dat badjána,
mánnu ii atte čuovggas.
11
5,15
Mun ráŋggáštan eatnama
dan bahávuođa dihte,
ipmilmeahttumiid
sin vearredaguid geažil.
Mun loahpahan snielis olbmuid čeavlli
ja vuolidan veahkaválddálaččaid
goarratvuođa.
12
Job 28,16
Mun dagan olbmuid
hárvvibun go buhtis golli,
hárvvibun go Ofira golli.
13
Alm 6,14
Hearrá, Almmiveagaid Ipmila,
moarri doarggistahttá almmi
ja lihkastahttá eatnama sajistis
su buolli moari beaivvi.
14Dego ballán gasellat,
dego sávzzat maid ii oktage čohkke,
sii báhtarit juohkehaš álbmogis lusa,
juohkehaš iežas eatnamii.
15Dat gii dohppehallá, rehttejuvvo,
dat gii juvssahallá,
gahččá miehkkái.
16
Sál 137,9
Uhca mánážat cuvkejuvvojit
sin čalmmiid ovdii,
viesut speddjojuvvojit
ja nissonat rihppojuvvojit.
17
Mun hásttuhan
medialaččaid sin vuostá.
Sii eai beroš silbbas
eaige háliduva gollái.
18
Sin dávggit njeidet nuoraid.
Sii eai árkkálmastte mánáid,
sii eai árpmit uhcahaččaid.
19
Jes 1,9
Jer 49,18
Babylonii, riikkaid kruvdnui,
kaldealaččaid čikŋii ja goargatvuhtii,
geavvá seammá ládje go dalle go Ipmil
duššadii Sodoma ja Gomorra.
2013,20 arabalaš dás álbmot mii johttá sáttomeahcis.Ii oktage ása šat dohko,
dat lea ávdin buolvvas bulvii.
Doppe ii cegge goađi oktage arabalaš,
guođoheaddjit eai divtte ealuid
livvadit doppe.
21
Jer 50,39
Sef 2,14
13,21 meahcigáiccat teavstta hebreagiel sáni mearkkašupmi sáhttá leat “bahás vuoiŋŋat” dahje “ipmilat elliid hámis”. ▶ Septuagintas lea “bahás vuoigŋa”. Vrd. 3 Mos 17,7; Alm 18,2.Muhto doppe njaŋgájit meahcieallit,
šakálat devdet viesuid.
Doppe orodit skuolffit
ja njuikkodit guolgás meahcigáiccat.
22Ladniin orrot meahcibeatnagat,
šakálat hearvás lanjain.
Babylona áigi lahkona,
dan beaivvit leat lohkkojuvvon.
141
Hearrá árpmiha Jakoba, son vállje fastain Israela. Son orroha álbmoga eatnamasaset. Vierrásat geat ásset doppe, servet sidjiide ja ovttastuvvet Jakoba álbmogiin. 2
Álbmogat buktet sin ruoktot, ja doppe, Hearrá eatnamis, israellaččat dahket sin iežaset opmodahkan, šlávvan ja šlávvanissonin. Sin fáŋgafávttat šaddet sin fáŋgan, ja sii šaddet sordiideaset hearrán.
Bilkolávlla Babylonia gonagasa birra
3Go Hearrá diktá du vuoiŋŋadit rahčamisttát ja balustat ja garra šlávvabarggustat maid šaddet gierdat, 4
de don bilkidat Babylonia gonagasa dáinna lávlagiin:
Veahkaválddálažžii bođii loahppa,
loahppa su skelbmošeapmái!
5
Jer 50,23eč
Hearrá lea doadján
ipmilmeahttumiin soappi
ja ráđđejeddjiin roaiskká
6mii suhtus časkkii álbmogiid,
časkkii ahte časkkii,
mii ráđđii daid moaris
ja doarrádalai daid árpmuheamit.
7Oppa máilbmi lea ožžon mášu,
buohkat čurvot ávvudemiin.
8Velá sypressatge
ja Libanona sederat:
“Go don dál njaŋgát eatnamis,
de ii oktage boađe min njeaidit.”
9Vuollin jábmiidáimmus
šaddá lihkadeapmi,
go don oidnot boahtimin.
Jámežat bovttáhallet,
buot eatnama ráđđejeaddjit.
Buot álbmogiid gonagasat
šaddet čuožžilit truvnnuineaset.
10Buohkat dadjet dutnje:
Dál maiddái don leat fámohuvvan
ja šaddan min láhkásažžan.
11
Vuolás jábmiidáibmui
gahčai du goargatvuohta
oktan du čuoddji hárppaiguin.
Máđut šaddet du seaŋgan,
suovssat du govččasin.
12
Vuoi, mo don leat gahččan almmis,
iđitnásti, iđitgukso bárdni!
Don leat bálkestuvvon eatnamii,
don gii vuolidit álbmogiid.
13
Esek 28,2eč
2 Tess 2,4
Donhan dadjet váimmustat:
“Albmái mun goarkŋun,
bajábeallái Ipmila násttiid
mun ceggen iežan truvnnu.
Mun čohkánan diggevárrái
olggumus davvái.
14Mun goarkŋun balvvaid bajábeallái,
mun šattan Alimusa láhkásažžan.”
15
Muhto jábmiidáibmui
don leat norddastuvvon,
dan vuolimuš čiekŋalasa bodnái.
16Dat geat oidnet du, gávket dutnje,
dárkojit du ja dadjet:
“Leago dát dat olmmái
gii lihkastahtii máilmmi
ja doarggistahtii gonagasriikkaid,
17gii dagai eatnama ávdimin
ja cuvkii gávpogiid čievran,
gii ii goassege luoitán fáŋggaidis
máhccat ruoktot?
18Buot álbmogiid gonagasat
veallájit gudnis,
iešguhtege lanjastis,
19muhto don njaŋgát
almmá hávddi haga,
ilgadis gálbmi
gii gokčasat olbmáid vuollái
geat gahčče miehkkái.
Dat besset geađgehávdái,
muhto du rupmaša olbmot dulbmot.
20Don it beasa hávdái vuoiŋŋadit
daiguin earáiguin,
danne go don leat billistan eatnamat
ja sorbmen iežat álbmoga.
Dát bahás sohka
ii goassege šat namahuvvo.”
21Dahket njuovvanbeaŋkka gárvvisin
sin bártniid várás
sin áhčiid suttuid dihte.
Sii eai oaččo váldit máilmmi oapmineaset
ja deavdit eatnama hirpmain.
22Mun čuožžilan sin vuostá, cealká Hearrá, Almmiveagaid Ipmil. Mun duššadan Babylona nama ja bázahasa, náli ja gierragiid, cealká Hearrá. 23Mun dagan gávpoga jeaggeeanamin, hoaššaháigiriid orrunsadjin. Mun divttán dan vuodjut rábáhii, cealká Hearrá, Almmiveagaid Ipmil.
Assyrialaččat cuvkejuvvojit Hearrá eatnamii
24Hearrá, Almmiveagaid Ipmil,
lea vurdnon ja cealkán:
Maid lean mearridan, dat šaddá,
maid lean gohččon, dat ollašuvvá.
25Assyrialaččat cuvkejuvvojit
mu eatnamii,
mun duolmman daid iežan váriide.
Geasis váldojuvvo mu álbmogis,
noađđi loktejuvvo sin oalggis.
26Dát mearrádus čuohcá oppa máilbmái,
dát giehta lea bajiduvvon
buot álbmogiid vuostá.
27
Hearrá, Almmiveagaid Ipmil,
lea dahkan mearrádusa,
gii sáhttá dahkat dan duššin?
Son lea bajidan gieđa,
gii sáhttá hehttet su?
Filistalaččaid loahppa
28
Gonagas Ahasa jápminjagi bođii dát sátni:
29
2 Gon 18,8
2 Muit 28,18
Jer 47,1eč
Esek 25,15eč
14,29 soabbi assyrialaš gonagas gii lea soardán filistalaččaid. kobra ođđa hirpmus ráđđejeaddji. girdi guovdi >6,2.Ale illut, Filistea,
go soabbi mii časkkii du, lea doddjon.
Gearbmaša ruohttasishan boahtá kobra,
dan šaddun lea girdi guovdi.
30Geafit gávdnet guohtuma mu niittuin,
váivvášat veallánit oadjebassan.
Muhto din son nealguda jámas,
goddá áibbas.
31
Bárggo, poarta! Luoimma, gávpot!
Hearddohuva, Filistea!
Soardi boahtá davvin,
su veagas ii oktage leat bázadeaddji.
32
Maid galgá vástidit vierrásiid áirasiidda?
“Hearrá lea vuođđudan Siona,
doppe su vártnuhis álbmot gávdná dorvvu.”
Moab duššá
151
Sef 2,9
15,1 Ar-Moab >4 Mos 21,15. Kir-Moab Kir-Hareset, gč. 16,7.Sátni Moaba hárrái.
Heavahusa ija Ar-Moab
duššaduvvui.
Duođaid, heavahusa ija Kir-Moab
duššaduvvui.
2
Esek 7,18
15,2 Dibon, Nebo, Medeba moablaččaid gávpogat, Arnona davábealde. ▶ moablaččat.Dibona olbmot mannet
oaffarbáikkiide čierrut.
Nebos ja Medebas gullo moablaččaid áŋken.
Juohkehačča oaivečohkka lea ráhkejuvvon,
buohkaid skávžžát leat čuhppojuvvon.
315,3 horsta roavva tekstiila mii lea duddjojuvvon guolggas, morraša dahje gáhtamuša mearka. ▶ moraštanvierut.Gáhtain sii vázzet horsta gárvun,
dáhkiin ja šiljuin gullo luoibman,
gatnjalat golget.
4
Jer 48,34
Hešbon ja Elale luibmet,
gitta Jahasii gullo daid čuorvvas.
Dan dihte Moab doarggista
ja dárpmehuvvá.
5
15,5 Soar >1 Mos 19,22.Mu váibmu vuobaida Moaba geažil.
Báhtareaddjit bohtet Soarii
ja Eglat Šelišiai.
Luhita gorgŋehaga olbmot vázzet čieru,
Horonajima geainnus
sii váidalit heavahusa.
6
Jer 48,34
15,6 Nimrima čázit jáhkkimis Jápmameara lullenuorttabealde.Nimrima čázit šaddet jakŋan eanamin,
rássi goiká, niitu goldná,
ii leat mihkkege ruotnasiid.
715,7 Sieđgajoga Jordana oalgejohka mii golgá nuortan Jápmameara davábealde. Sieđga, hebreagillii Arabim, lea muorra mii šaddá čáhcegáttis.Buot maid sii leat duksen,
buot dávviriiddiset
sii dolvot Sieđgajoga rastá.
8Luoibman gullo miehtá oppa Moaba,
váidalusčuorvasat ollejit Eglajimii,
velá gitta Beer Elima rádjái.
915,9 Dimon muđui Dibon, gč. v. 2.Dimona čázit varahuvvet.
Ođđa givssiid mun vuolggahan Dimonii,
ledjona Moaba sestojuvvon
olbmuid vuostá,
Adma bázahasa vuostá.
