Davvisámegiel Biibbal 2019 (Biibbal)
12

Máidnunsálbma

121

12,1
11,11eč
Dan beaivvi don dajat:

“Mun máinnun du, Hearrá.

Don ledjet suhttan munnje,

muhto du moarri soaččui,

ja don jeđđejit mu.

2

12,2
2 Mos 15,2
Sál 118,14
Ja nu Ipmil lea mu bestojupmi,

mun lean oadjebas inge bala.

Hearrá lea mu fápmu ja mu suodji,

son besttii mu.”

3

12,3
44,3
55,1
Joel 3,1
Joh 4,14
7,37eč
Ilus dii goaivubehtet čázi

bestojumi ádjagiin.

4

12,4
1 Muit 16,8
Sál 105,1
Dan beaivvi dii dadjabehtet:

Máidnot Hearrá, rávket su nama,

muitalehket álbmogiidda su daguid,

gulahehket su aliduvvon nama!

5Rámidehket Hearrá,

son lea dahkan stuorra daguid,

almmuhehket daid miehtá eatnama!

6

12,6
Sef 3,14eč
Sak 9,9
Čurvot ávus, dii geat ássabehtet Sionis,

danin go stuoris din gaskkas

lea Israela Bassi.

13

Babylon duššá

131

13,1
21,1eč
Jer 50,1eč
51,1eč
13,1 Babylon >1 Mos 11,9.Sátni Babylona hárrái. Dan oaččui oainnáhusas Jesaja, Amosa bárdni.

213,2 sin persialaččat ja medialaččat, geat galge vuoitit babylonialaččaid (“oaivámuččaid”).Bajidehket soahteleavgga báljes várrái,

čurvot olbmuide,

sevvet sin čoahkkanit

oaivámuččaid poarttaide.

3Mun gohčun vihahuvvon olbmáidan

ollašuhttit iežan moarreduomu,

mun rávkkan soahteolbmáidan,

gorges, ávvudeaddji veagaidan.

4Gula! Šlápma váriin

dego stuorra soahteveaga šlápma.

Gula! Olbmuid márra,

sii čoahkkanit buot riikkain.

Hearrá, Almmiveagaid Ipmil,

geahčada soahteveagas.

5Sii bohtet gáiddus eatnamis,

olggumus almmiravddas,

Hearrá ja su moari gaskaoamit.

Sii duššadit oppa eatnama.

6

13,6
Joel 1,15
13,6 Buotveagalaččas hebreagillii Šaddai. ▶ Buotveagalaš.Fuikot, danne go Hearrá beaivi lea lahka,

dat boahtá heavahussan Buotveagalaččas.

7

13,7
Nah 2,11
Danne njurret buot gieđat,

buot jálluvuohta suddá.

8

13,8
Sál 48,7
Jes 21,3
Jer 4,31
Mi 4,10
Sii suorganit,

ávttat ja bákčasat dohppejit sin

dego riegádahtti nissona.

Ráđeheamit sii gehččet

guhtet guimmiidasaset,

sin ámadajut šovkkodit.

9

13,9
34,8
Joel 1,15
Hearrá beaivi boahtá hirpmusin,

moriin ja buolli suhtuin.

Dat dahká eatnama ávdimin

ja duššada das buot suttolaččaid.

10

13,10
50,3
Esek 32,7
Joel 2,10
3,420
Am 5,8
Matt 24,29
Almmi násttit ja nástegovadagat

heitet báitimis.

Beaivváš lea seavdnjat go dat badjána,

mánnu ii atte čuovggas.

11

13,11
2,11
5,15
Mun ráŋggáštan eatnama

dan bahávuođa dihte,

ipmilmeahttumiid

sin vearredaguid geažil.

Mun loahpahan snielis olbmuid čeavlli

ja vuolidan veahkaválddálaččaid

goarratvuođa.

12

13,12
1 Gon 9,28
Job 28,16
Mun dagan olbmuid

hárvvibun go buhtis golli,

hárvvibun go Ofira golli.

13

13,13
Nah 1,5
Alm 6,14
Hearrá, Almmiveagaid Ipmila,

moarri doarggistahttá almmi

ja lihkastahttá eatnama sajistis

su buolli moari beaivvi.

14Dego ballán gasellat,

dego sávzzat maid ii oktage čohkke,

sii báhtarit juohkehaš álbmogis lusa,

juohkehaš iežas eatnamii.

15Dat gii dohppehallá, rehttejuvvo,

dat gii juvssahallá,

gahččá miehkkái.

16

13,16
2 Gon 8,12
Sál 137,9
Uhca mánážat cuvkejuvvojit

sin čalmmiid ovdii,

viesut speddjojuvvojit

ja nissonat rihppojuvvojit.

17

13,17
Jer 51,11
Mun hásttuhan

medialaččaid sin vuostá.

Sii eai beroš silbbas

eaige háliduva gollái.

18

13,18
Nah 3,10
Sin dávggit njeidet nuoraid.

Sii eai árkkálmastte mánáid,

sii eai árpmit uhcahaččaid.

19

13,19
1 Mos 19,1523–25
Jes 1,9
Jer 49,18
Babylonii, riikkaid kruvdnui,

kaldealaččaid čikŋii ja goargatvuhtii,

geavvá seammá ládje go dalle go Ipmil

duššadii Sodoma ja Gomorra.

2013,20 arabalaš dás álbmot mii johttá sáttomeahcis.Ii oktage ása šat dohko,

dat lea ávdin buolvvas bulvii.

Doppe ii cegge goađi oktage arabalaš,

guođoheaddjit eai divtte ealuid

livvadit doppe.

21

13,21
34,13eč
Jer 50,39
Sef 2,14
13,21 meahcigáiccat teavstta hebreagiel sáni mearkkašupmi sáhttá leat “bahás vuoiŋŋat” dahje “ipmilat elliid hámis”. ▶ Septuagintas lea “bahás vuoigŋa”. Vrd. 3 Mos 17,7; Alm 18,2.Muhto doppe njaŋgájit meahcieallit,

šakálat devdet viesuid.

Doppe orodit skuolffit

ja njuikkodit guolgás meahcigáiccat.

22Ladniin orrot meahcibeatnagat,

šakálat hearvás lanjain.

Babylona áigi lahkona,

dan beaivvit leat lohkkojuvvon.

14

141

14,1
56,36eč
Hearrá árpmiha Jakoba, son vállje fastain Israela. Son orroha álbmoga eatnamasaset. Vierrásat geat ásset doppe, servet sidjiide ja ovttastuvvet Jakoba álbmogiin. 2
14,2
61,5
Álbmogat buktet sin ruoktot, ja doppe, Hearrá eatnamis, israellaččat dahket sin iežaset opmodahkan, šlávvan ja šlávvanissonin. Sin fáŋgafávttat šaddet sin fáŋgan, ja sii šaddet sordiideaset hearrán.

Bilkolávlla Babylonia gonagasa birra

3Go Hearrá diktá du vuoiŋŋadit rahčamisttát ja balustat ja garra šlávvabarggustat maid šaddet gierdat, 4

14,4
Hab 2,6
de don bilkidat Babylonia gonagasa dáinna lávlagiin:

Veahkaválddálažžii bođii loahppa,

loahppa su skelbmošeapmái!

5

14,5
9,4
Jer 50,23eč
Hearrá lea doadján

ipmilmeahttumiin soappi

ja ráđđejeddjiin roaiskká

6mii suhtus časkkii álbmogiid,

časkkii ahte časkkii,

mii ráđđii daid moaris

ja doarrádalai daid árpmuheamit.

7Oppa máilbmi lea ožžon mášu,

buohkat čurvot ávvudemiin.

8Velá sypressatge

ja Libanona sederat:

“Go don dál njaŋgát eatnamis,

de ii oktage boađe min njeaidit.”

9Vuollin jábmiidáimmus

šaddá lihkadeapmi,

go don oidnot boahtimin.

Jámežat bovttáhallet,

buot eatnama ráđđejeaddjit.

Buot álbmogiid gonagasat

šaddet čuožžilit truvnnuineaset.

10Buohkat dadjet dutnje:

Dál maiddái don leat fámohuvvan

ja šaddan min láhkásažžan.

11

14,11
Job 21,26
Vuolás jábmiidáibmui

gahčai du goargatvuohta

oktan du čuoddji hárppaiguin.

Máđut šaddet du seaŋgan,

suovssat du govččasin.

12

14,12
Matt 11,23
Vuoi, mo don leat gahččan almmis,

iđitnásti, iđitgukso bárdni!

Don leat bálkestuvvon eatnamii,

don gii vuolidit álbmogiid.

13

14,13
Sál 48,3
Esek 28,2eč
2 Tess 2,4
Donhan dadjet váimmustat:

“Albmái mun goarkŋun,

bajábeallái Ipmila násttiid

mun ceggen iežan truvnnu.

Mun čohkánan diggevárrái

olggumus davvái.

14Mun goarkŋun balvvaid bajábeallái,

mun šattan Alimusa láhkásažžan.”

15

14,15
2 Pet 2,4
Muhto jábmiidáibmui

don leat norddastuvvon,

dan vuolimuš čiekŋalasa bodnái.

16Dat geat oidnet du, gávket dutnje,

dárkojit du ja dadjet:

“Leago dát dat olmmái

gii lihkastahtii máilmmi

ja doarggistahtii gonagasriikkaid,

17gii dagai eatnama ávdimin

ja cuvkii gávpogiid čievran,

gii ii goassege luoitán fáŋggaidis

máhccat ruoktot?

18Buot álbmogiid gonagasat

veallájit gudnis,

iešguhtege lanjastis,

19muhto don njaŋgát

almmá hávddi haga,

ilgadis gálbmi

gii gokčasat olbmáid vuollái

geat gahčče miehkkái.

Dat besset geađgehávdái,

muhto du rupmaša olbmot dulbmot.

20Don it beasa hávdái vuoiŋŋadit

daiguin earáiguin,

danne go don leat billistan eatnamat

ja sorbmen iežat álbmoga.

Dát bahás sohka

ii goassege šat namahuvvo.”

21Dahket njuovvanbeaŋkka gárvvisin

sin bártniid várás

sin áhčiid suttuid dihte.

Sii eai oaččo váldit máilmmi oapmineaset

ja deavdit eatnama hirpmain.

22Mun čuožžilan sin vuostá, cealká Hearrá, Almmiveagaid Ipmil. Mun duššadan Babylona nama ja bázahasa, náli ja gierragiid, cealká Hearrá. 23Mun dagan gávpoga jeaggeeanamin, hoaššaháigiriid orrunsadjin. Mun divttán dan vuodjut rábáhii, cealká Hearrá, Almmiveagaid Ipmil.

Assyrialaččat cuvkejuvvojit Hearrá eatnamii

24Hearrá, Almmiveagaid Ipmil,

lea vurdnon ja cealkán:

Maid lean mearridan, dat šaddá,

maid lean gohččon, dat ollašuvvá.

25Assyrialaččat cuvkejuvvojit

mu eatnamii,

mun duolmman daid iežan váriide.

Geasis váldojuvvo mu álbmogis,

noađđi loktejuvvo sin oalggis.

26Dát mearrádus čuohcá oppa máilbmái,

dát giehta lea bajiduvvon

buot álbmogiid vuostá.

27

14,27
43,13
Hearrá, Almmiveagaid Ipmil,

lea dahkan mearrádusa,

gii sáhttá dahkat dan duššin?

Son lea bajidan gieđa,

gii sáhttá hehttet su?

Filistalaččaid loahppa

28

14,28
2 Muit 28,27
Gonagas Ahasa jápminjagi bođii dát sátni:

29

14,29
4 Mos 21,6
2 Gon 18,8
2 Muit 28,18
Jer 47,1eč
Esek 25,15eč
14,29 soabbi assyrialaš gonagas gii lea soardán filistalaččaid. kobra ođđa hirpmus ráđđejeaddji. girdi guovdi >6,2.Ale illut, Filistea,

go soabbi mii časkkii du, lea doddjon.

Gearbmaša ruohttasishan boahtá kobra,

dan šaddun lea girdi guovdi.

30Geafit gávdnet guohtuma mu niittuin,

váivvášat veallánit oadjebassan.

Muhto din son nealguda jámas,

goddá áibbas.

31

14,31
20,1
Bárggo, poarta! Luoimma, gávpot!

Hearddohuva, Filistea!

Soardi boahtá davvin,

su veagas ii oktage leat bázadeaddji.

32

14,32
Sál 87
Maid galgá vástidit vierrásiid áirasiidda?

“Hearrá lea vuođđudan Siona,

doppe su vártnuhis álbmot gávdná dorvvu.”