Davvisámegiel Biibbal 2019 (Biibbal)
6

Ipmil dáhttu oskkáldasvuođa

61

6,1
Job 5,18+
Bohtet, máhccot Hearrá lusa!

Son gaikkodii, ja son maid dálkkoda min,

son časkkii, ja son maid čatná min háviid.

2

6,2
1 Sam 2,6
Matt 16,21+
Son ealáskahttá min

guovtti beaivvi geažes,

goalmmát beaivvi son čuoččáldahttá min,

vai mii beassat eallit su muođuid ovddas.

3

6,3
5 Mos 11,14
Jes 44,3č
58,8
Ohppot dovdat Hearrá, viggot dovdat su!

Son boahtá vissásit go iđitguovssu,

son boahtá min lusa dego arvi,

dego giđđaarvi mii láktada eatnama.

4Maid mun galggan dahkat dutnje, Efraim,

maid dutnje, Juda?

Din oskkáldasvuohta lea dego iđitbalva,

dego suoldni mii jávká árrat.

5

6,5
Jes 11,4Hebr 4,12
Dan dihte mun lean vuolggahan

profehtaidan časkit sin,

lean goddán sin mu sániiguin.

Mu duopmu ihtá dego čuovga.

6

6,6
1 Sam 15,22
Jes 1,11Matt 9,13
12,7
Váibmoláđisvuođa mun dáhtun,

inge njuovvanoaffara,

Ipmila dovdamuša eambbo go

boaldinoaffariid.

76,7 Adam mearkkaša “olmmoš”. Sátni adnojuvvo namman omd. 1 Mos 5,3 ja báikenamman Jos 3,16.Sii rihkko lihtu Adamis,

doppe sii ledje munnje

oskkáldasmeahttumat.

8

6,8
12,12
Gilead lea vearredahkkiid gávpot,

dan dievva leat varraluottat.

9Báhpat vuđgŋet dego rievvárat,

sii goddet olbmuid Sikema geainnus.

Sin dagut leat heahpatlaččat.

10

6,10
Jer 18,13
Hos 5,3
Israela álbmoga siste

mun lean oaidnán surgatlaš áššiid.

Doppe Efraim furroša,

Israel dahká iežas buhtismeahttumin,

11

6,11
5 Mos 30,3Jer 33,26Joel 3,6
ja nu maiddái Juda.

Áigi boahtá go don láddjejuvvot.

Go mun jorgalahtán álbmogan vuorbbi,

7

71

7,1
12,1
go mun dearvvašmahtán Israela,

de dalle rahpasit Efraima suttut

ja Samaria vearredagut.

Sii láhttejit behtolaččat:

Suollagat gaikot viesuide,

rievvárjoavkkut stajidit olgun.

2

7,2
5,3
Sii eai jurddaš

ahte mun muittán buot sin bahávuođa.

Dál sin dagut birastahttet sin,

dat leat munnje albmosat.

3Sii illudahttet gonagasa

bahávuođaineaset

ja oaivámuččaid giellásiiddisetguin.

47,4 furrošeaddjit olbmot geat bálvalit vieris ipmiliid. >2,5. Gč. Jes 57,3.Sii leat buohkat furrošeaddjit,

nugo uvdna mii lea nu báhkas

ahte láibu ii dárbbaš dan skuđđet

dan rájes go dáigi lea duhppejuvvon

dan rádjái go dat lea geavvan.

5

7,5
Sát 20,1+
Min gonagasa ávvubeaivvi

su oaivámuččat leat buohccit garra viinnis,

ja son ieš addala gieđaid bilkideddjiiguin.

6Sin váibmu buollá dego uvdna

go sii leat das vuođgŋimin.

Oppa ija sin moarri cahká,

iđđedis dat buollá

dego šloavaideaddji dolla.

7

7,7
Sál 14,4
Jes 64,6
Sii buohkat leat báhkkasat dego uvdna,

sii njillet ráđđejeddjiideaset,

buot sin gonagasat leat gahččan.

Ii oktage sis čuorvvo mu.

8Efraim seahkana vierroálbmogiidda.

Dat lea šaddan gáhkkun

maid láibu ii leat jorgalan.

9Vierrásat leat loaktán Efraima fámu,

muhto son ii fuobmá dan.

Su vuovttat leat čurggodan,

muhto ii son fuobmá dan.

10

7,10
5,5
Am 4,6Hag 2,17
Israela čeavli duođašta su iežas vuostái.

Sii eai jorggit Hearrá, Ipmileaset, beallái,

eaige oza su,

vaikko buot dát lea dáhpáhuvvan.

11

7,11
5,13+
Efraim lea šaddan duvvá láhkásažžan,

oktageardán ja jierpmeheapme.

Sii čurvot Egypta,

sii mannet Assyriai.

12

7,12
2 Gon 17,4eč
Esek 12,13
17,20
32,3
Muhto go sii vulget johtui,

de mun suhppen fierbmán sin ala

ja geasán sin vuolás dego lottiid almmis.

Mun bivddán sin nu farga

go gulan sin čoggomin moahtin.

13

7,13
Sál 81,12č
Vuoi sin! Sii leat báhtaran mu luhtte.

Jápmin sidjiide! Sii leat vuostálastán mu.

Mun áigon lonistit sin,

muhto sii sárdnot giellásiid mu birra.

147,14 nádjet iežaset vierru mii gullá Baala bálvaleapmái, gč. 1 Gon 18,28, dahje moraštanvierru, vrd. 5 Mos 14,1; Mi 4,14. ▶ moraštanvierut.Eai sii čuorvvo munnje váimmusteaset.

Sii fuikot oađđinsajisteaset,

gortni ja viinni dihte sii nádjet iežaset.

Sii stuibmidit mu vuostá.

15Mun oahpahin sin

ja dahken sin gievran,

muhto sii hutket baháid mu vuostá.

16

7,16
Sál 78,57
7,16 dan beallái mas ii leat ávki Masorehtalaš teaksta ii leat čielggas.Sii jorgalit dan beallái

mas ii leat ávki,

sii leat šaddan nugo ložžes dávgi.

Sin oaivámuččat gahččet miehkkái

vaššás ságaideaset dihte.

Egyptas sii bilkiduvvojit.

8

Israel lea vajáldahttán sivdnideaddjis

81

8,1
5 Mos 28,49
Jes 58,1
Bajit dorvve baksamiiddásat!

Vašálaš falleha Hearrá viesu dego goaskin,

dasgo sii leat duolbman mu lihtu

ja rihkkon mu lága.

2Dat čuorvu munnje: “Ipmilan!

Mii dovdat du, mii leat Israel!”

3Israel lea hilgon buori,

vašálaš doarrida dan.

4

8,4
5 Mos 8,19
11,16č
30,17č
Hos 13,11
Sii válljejit alccesis gonagasaid

mu dáhtu vuostái

ja oaivámuččaid geaid mun in dovdda.

Iežaset silbbas ja gollis sii leat duddjon

alcceseaset eahpeipmiliid iežaset heavvun.

58,5 bálvvosgálbbát ipmilgovva; vrd. 1 Gon 12,28č.Bálkes eret bálvvosgálbbát, Samaria!

Mu moarri buollá du vuostá.

Man guhká don bisut

buhtismeahttunvuođastat?

6

8,6
2 Mos 32,20
Jes 40,19č+
Mii dahkamušaid Israelis lea

duoinna gálbbiin?

Čeahppi dan lea duddjon, ii dat leat Ipmil.

Moallun šaddá Samaria gálbi!

7

8,7
Jer 12,13Mi 6,15
Sii gilvet biekka ja láddjejit riđu.

Gortnit eai diehpa,

dat mii šaddá, ii atte jáffuid,

ja jos addá, de vierroolbmot borret daid.

8Israel lea njillojuvvon,

álbmogat atnet dan árvvohis lihttin.

9

8,9
5,13+
Israel manai Assyriai

dego oktonas meahcceásen.

Efraim oastá alccesis ráhkisvuođa.

10Vaikko efraimlaččat

ostet ustibiid álbmogiin,

de mun áján sin dál čoahkkái.

Sii šaddet fargga gillát

go Assyria gonagas

ja oaivámuččat sordet sin.

11

8,11
10,1
12,12
Efraima eatnat buhtistanáltárat

leat šaddan buhtismeahttunvuođa áltárin.

12Vaikko mun čálášin sidjiide

duháhiid lágaid,

de sii eai ane daid maninge.

13

8,13
Jes 1,11Hos 9,3
11,5
Sii oaffaruššet bierggu

maid sii dasto borret,

muhto Hearrá ii beroš sin oaffariin.

Dál son muitá sin vearredaguid

ja ráŋggášta sin suttuid:

Sii fertejit máhccat Egyptii.

14

8,14
Jer 17,27
Hos 2,13
13,6
Am 5,6
Israel lea vajáldahttán sivdnideaddjis

ja ráhkadan šloahtaid,

Juda lea huksen ladniid máŋgga gávpogii.

Muhto mun vuolggahan dola

dan gávpogiid vuostá,

dat duššada dan ladniid.