Álbmot ja oaivámuččat leat beahttán
51
5,1 Mispa soaitá leat gávpot Jerusalema davábealde Benjamina eatnamis; adnojuvvui čoahkkananbáikin duopmáriid áigge. Vrd. Duop 20,1; 1 Sam 7,5. Tabor várri Galileas.Gullet dán, báhpat,
guldal, Israela álbmot!
Gonagasviessu, váldde vuhtii!
Dii buohkat dubmehallabehtet,
danin go dii lehpet šaddan giellan Mispai,
lebbejuvvon fierbmin Taborii,
25,2 Šittim >4 Mos 25,1.čiekŋalis bivdoroggin Šittimii.
Mun bagadan din buohkaid!
3
Hos 6,10
7,2
Mun dovddan Efraima,
Israel ii leat čihkkojuvvon mu ovddas.
Dál Efraim furroša,
Israel dahká iežas buhtismeahttumin.
4
Hos 4,12
Sin dagut hehttejit sin
jorgaleames Ipmileaset lusa.
Sin siste lea furrošeami vuoigŋa,
eaige sii dovdda Hearrá.
5
Israela čeavli duođašta dan vuostá.
Israel ja Efraim jorralit suttuidasaset,
Judage jorrala oktan singuin.
6
Sávzzaideasetguin
ja vuovssáideasetguin
sii vulget ohcat Hearrá,
muhto eai gávnna su,
son lea gáidan eret.
7
5,7 mánočalbmebeaivi golaha >Sál 121,6.Israel lea leamaš
oskkáldasmeahttun Hearrái,
dasgo sii leat riegádahttán luovosmánáid.
Dál mánočalbmebeaivi golaha sin
oktan sin opmodagain.
85,8 Bet-Aven gč. 4,15. >Jos 7,2.Bossot dorvve Gibeas,
čuojahehket trompehta Ramas!
Bajidehket soahtečuorvasa Bet-Avenis:
Mii vuolgit duinna, Benjamin!
9
Efraim heavahuvvo ráŋggáštusa beaivvi.
Israela čearddaide mun almmuhan
dan mii lea duohta.
10
Juda oaivámuččat leat
dego dat geat sirdet rádjegeđggiid.
Sin badjelii mun golggahan
moarrán dego čázi.
11
16,32
Efraim lea sordojuvvon,
vuoigatvuohta lea dulbmojuvvon
julggiid vuollái.
Son čuovvulii dušši.
12Muhto mun lean Efraimii dego muohcu,
Juda álbmogii nugo guohcageapmi.
13
8,9
10,6
5,13 stuorragonagassii Assura gonagas.Go Efraim oinnii buohcuvuođas
ja Juda hávis,
de Efraim vulggii Assyriai,
bijai sáni stuorragonagassii.
Muhto son ii máhte dearvvašmahttit din
iige buoridit din hávi.
14Mun lean dego ledjon Efraimii,
nugo beahtu Juda álbmogii.
Mun gaikkodan iežan sállaša
ja geasán dan eret,
iige oktage dan gájo.
15
Sál 78,34
Mun máhcan báikásan
dassážii go sii leat soabahan
rihkkumiiddiset.
De sii jorgalit mu beallái,
heađisteaset sii ohcet mu.
Ipmil dáhttu oskkáldasvuođa
61
Bohtet, máhccot Hearrá lusa!
Son gaikkodii, ja son maid dálkkoda min,
son časkkii, ja son maid čatná min háviid.
2
Matt 16,21+
Son ealáskahttá min
guovtti beaivvi geažes,
goalmmát beaivvi son čuoččáldahttá min,
vai mii beassat eallit su muođuid ovddas.
3
Jes 44,3č
58,8
Ohppot dovdat Hearrá, viggot dovdat su!
Son boahtá vissásit go iđitguovssu,
son boahtá min lusa dego arvi,
dego giđđaarvi mii láktada eatnama.
4Maid mun galggan dahkat dutnje, Efraim,
maid dutnje, Juda?
Din oskkáldasvuohta lea dego iđitbalva,
dego suoldni mii jávká árrat.
5
Dan dihte mun lean vuolggahan
profehtaidan časkit sin,
lean goddán sin mu sániiguin.
Mu duopmu ihtá dego čuovga.
6
Jes 1,11Matt 9,13
12,7
Váibmoláđisvuođa mun dáhtun,
inge njuovvanoaffara,
Ipmila dovdamuša eambbo go
boaldinoaffariid.
76,7 Adam mearkkaša “olmmoš”. Sátni adnojuvvo namman omd. 1 Mos 5,3 ja báikenamman Jos 3,16.Sii rihkko lihtu Adamis,
doppe sii ledje munnje
oskkáldasmeahttumat.
8
Gilead lea vearredahkkiid gávpot,
dan dievva leat varraluottat.
9Báhpat vuđgŋet dego rievvárat,
sii goddet olbmuid Sikema geainnus.
Sin dagut leat heahpatlaččat.
10
Hos 5,3
Israela álbmoga siste
mun lean oaidnán surgatlaš áššiid.
Doppe Efraim furroša,
Israel dahká iežas buhtismeahttumin,
11
ja nu maiddái Juda.
Áigi boahtá go don láddjejuvvot.
Go mun jorgalahtán álbmogan vuorbbi,
71
go mun dearvvašmahtán Israela,
de dalle rahpasit Efraima suttut
ja Samaria vearredagut.
Sii láhttejit behtolaččat:
Suollagat gaikot viesuide,
rievvárjoavkkut stajidit olgun.
2
Sii eai jurddaš
ahte mun muittán buot sin bahávuođa.
Dál sin dagut birastahttet sin,
dat leat munnje albmosat.
3Sii illudahttet gonagasa
bahávuođaineaset
ja oaivámuččaid giellásiiddisetguin.
47,4 furrošeaddjit olbmot geat bálvalit vieris ipmiliid. >2,5. Gč. Jes 57,3.Sii leat buohkat furrošeaddjit,
nugo uvdna mii lea nu báhkas
ahte láibu ii dárbbaš dan skuđđet
dan rájes go dáigi lea duhppejuvvon
dan rádjái go dat lea geavvan.
5
Min gonagasa ávvubeaivvi
su oaivámuččat leat buohccit garra viinnis,
ja son ieš addala gieđaid bilkideddjiiguin.
6Sin váibmu buollá dego uvdna
go sii leat das vuođgŋimin.
Oppa ija sin moarri cahká,
iđđedis dat buollá
dego šloavaideaddji dolla.
7
Jes 64,6
Sii buohkat leat báhkkasat dego uvdna,
sii njillet ráđđejeddjiideaset,
buot sin gonagasat leat gahččan.
Ii oktage sis čuorvvo mu.
8Efraim seahkana vierroálbmogiidda.
Dat lea šaddan gáhkkun
maid láibu ii leat jorgalan.
9Vierrásat leat loaktán Efraima fámu,
muhto son ii fuobmá dan.
Su vuovttat leat čurggodan,
muhto ii son fuobmá dan.
10
Am 4,6Hag 2,17
Israela čeavli duođašta su iežas vuostái.
Sii eai jorggit Hearrá, Ipmileaset, beallái,
eaige oza su,
vaikko buot dát lea dáhpáhuvvan.
11
Efraim lea šaddan duvvá láhkásažžan,
oktageardán ja jierpmeheapme.
Sii čurvot Egypta,
sii mannet Assyriai.
12
Esek 12,13
17,20
32,3
Muhto go sii vulget johtui,
de mun suhppen fierbmán sin ala
ja geasán sin vuolás dego lottiid almmis.
Mun bivddán sin nu farga
go gulan sin čoggomin moahtin.
13
Vuoi sin! Sii leat báhtaran mu luhtte.
Jápmin sidjiide! Sii leat vuostálastán mu.
Mun áigon lonistit sin,
muhto sii sárdnot giellásiid mu birra.
147,14 nádjet iežaset vierru mii gullá Baala bálvaleapmái, gč. 1 Gon 18,28, dahje moraštanvierru, vrd. 5 Mos 14,1; Mi 4,14. ▶ moraštanvierut.Eai sii čuorvvo munnje váimmusteaset.
Sii fuikot oađđinsajisteaset,
gortni ja viinni dihte sii nádjet iežaset.
Sii stuibmidit mu vuostá.
15Mun oahpahin sin
ja dahken sin gievran,
muhto sii hutket baháid mu vuostá.
16
7,16 dan beallái mas ii leat ávki ▶ Masorehtalaš teaksta ii leat čielggas.Sii jorgalit dan beallái
mas ii leat ávki,
sii leat šaddan nugo ložžes dávgi.
Sin oaivámuččat gahččet miehkkái
vaššás ságaideaset dihte.
Egyptas sii bilkiduvvojit.