Davvisámegiel Biibbal 2019 (Biibbal)
12

Hearrá ráŋggášta Jakoba

12112,1 lea ain oskkáldas Masorehtalaš teaksta ii leat čielggas.Efraim lea birastahttán mu giellásiin,

Israela álbmot behttosiin.

Muhto Juda lea ain oskkáldas Ipmilii

ja bissu čuožžumis Basi ovddas.

2Efraim váinnuha biekka,

doarrida nuortabiekka oppa beaivvi,

son láne giellásiid ja veahkaválddi.

Sii dahket lihtu Assyriain,

ja dolvot oljju Egyptii.

312,3 Jakob >4 Mos 23,7.Hearrá áššáskuhttá Juda,

son ráŋggášta Jakoba su daguid dihte

ja mávssaha sutnje

dan maid son lea dahkan.

4

12,4
1 Mos 25,2226
Goaŧus son behtii vieljas,

olmmáivuođastis son fággádii Ipmiliin.

5

12,5
1 Mos 28,13eč
32,24eč
35,15
Son fággádii eŋgeliin ja biđii,

son čierui ja ánui árpmu.

Betelis Ipmil gávnnai su,

doppe son sártnui suinna.

6

12,6
Jes 47,4
48,2
51,15
54,5
Jer 10,16
31,35
Am 4,13
5,27
Hearrá, almmiveagaid Ipmil,

Hearrá lea su namma.

7

12,7
14,2
Joel 2,12
Sak 7,9
Muhto máhca don Ipmilat lusa,

biso oskkáldassan ja vuoiggalažžan

ja bija álo doaivvu Ipmilasat.

812,8 kanaanlaš Sátni sáhttá maid mearkkašit “gávpeolmmái”. Vrd. Jes 23,8; Esek 16,29; 17,4; Sef 1,11.Efraim lea dego kanaanlaš gávppašeaddji,

vearreviehkat gieđas.

9Efraim cealká: “Mun lean riggon

ja háhkan opmodaga,

muhto buot rikkisvuođastan

mun in leat šaddan sivalažžan

makkárge suddui.”

10Muhto mun lean Hearrá, du Ipmil,

gitta Egypta rájes.

Mun bijan du fas ássat gođiide dego dolin.

11Mun sárdnon profehtaide,

mun dikten sin oaidnit ollu oainnáhusaid,

ja profehtaid bokte mun sárdnon

veardádusaiguin.

12

12,12
6,8
8,11+
Jos Gilead lea vearálaš,

de dat duššaduvvo.

Jos sii oaffaruššet vuovssáid Gilgalis,

de sin áltárat šaddet geađgečopman

bealdduid jorgunluottaid báldii.

13

12,13
1 Mos 28,5
29,20
12,13 Arama eatnamii dás Mesopotamia.Jakob báhtarii Arama eatnamii,

Israel bálvalii nissona dihte,

nissona dihte son geahčai sávzzaid.

14

12,14
Sál 77,21
12,14 profehta Moses; gč. 5 Mos 34,10.Hearrá buvttii Israela Egyptas,

profehta lei dan njunnošis,

profehta dan geahčai.

15

12,15
Jes 65,6č
Efraim lea boktán bahča moari.

Hearrá diktá dan deaivvahaddat

iežas varradahkui,

mávssaha dasa dan hiddjádusaid.

13

Hearrá ii árkkálmastte Efraima

131

13,1
1 Gon 16,31č
Go Efraim sártnui, de buohkat ballájedje,

son lei oaivámuš Israelis.

Muhto son bálvališgođii Baala,

dat lei su suddu, ja son jámii.

2

13,2
1 Gon 12,28
19,18
2 Gon 17,16
13,2 cummistit gálbbiid sii bálvalit Baala govaid. >8,5; 10,5.Dál sii suddudit ain,

leikejit alcceseaset ipmilgovaid silbbas,

duddjojit eahpeipmiliid

nu bures go máhttet.

Muhto duojára duojit dat leat visot.

Daidda dii galgabehtet oaffaruššat,

sii dadjet.

Olbmot cummistit gálbbiid!

3

13,3
Sál 1,4
Hos 6,4
Dan dihte sii šaddet

iđitmierkká láhkásažžan,

sii leat dego suoldni mii johtilit jávká,

dego sáđut maid biegga bossu eret

gordneráidnensajis,

nugo suovva mii badjána reahpenis.

4

13,4
2 Mos 20,2č
5 Mos 5,6č
Jes 45,21č
Muhto mun lean Hearrá, du Ipmil,

gitta Egypta rájes.

Eará ipmil dus ii leat,

earret mu ii leat beasti.

5

13,5
5 Mos 32,10
Mun gehččen du meahcis,

báhkka eatnamis.

6

13,6
5 Mos 31,20Hos 2,13+
Go don guhtot, de don gallánit.

Go don gallánit, de don čevlot,

ja don vajáldahttet mu.

7Mun lean dutnje dego ledjon,

nugo leopárda mii njágada geaidnoguoras.

8Mun fallehan du dego guovža

mii lea massán čivggaidis.

Mun gaikkodan du ratti,

boran du dego ledjon;

meahci spiret gaikkodit du.

9

13,9
Jer 2,17
25,7
Mun duššadan du, Israel!

Gii dalle veahkeha du?

10

13,10
1 Sam 8,5č
Gos dál lea du gonagas

gii gájošii du ja buot du gávpogiid,

gos buot du ráđđejeaddjit

geat galge ráđđet du?

Donhan dadjet:

“Atte munnje gonagasa ja oaivámuččaid!”

11

13,11
1 Sam 8,69
12,1eč
Hos 8,4
Mun adden dutnje gonagasa moaristan,

ja suhtustan mun válden su dus eret.

12Efraima vearredahku lea ráddjojuvvon,

su suddu vurkejuvvon.

13

13,13
Sál 48,7
Jes 13,8
Go ávttat bohtet,

de son lea dego mánná

mii ii rievttes áigái dádjat

boahtit goaŧus olggos.

14

13,14
Jes 25,8+
13,14 lonistit … hálddus Vuosttas girjjis korintalaččaide Paulus addá dajaldahkii positiiva mearkkašumi. Gč. 1 Kor 15,55.Galggašingo mun lonistit din

jábmiidáimmu hálddus,

čoavdit din jápmimis?

Gos lea du rohttu, jápmin?

Gos lea du suohtta, jábmiidáibmu?

Árkkálmastin lea čihkkojuvvon mu čalmmiin.

15

13,15
4,19
Efraim lea gildán vieljaidis gaskkas,

muhto Hearrá vuolggaha

báhkka nuorttadaga,

Hearrá biegga bossu guorba meahcis.

Su gáivo guorrana, su ája šaddá goikkisin.

Su dávvirat rieviduvvojit,

buot su mávssolaš gálvvut.

14

141

14,1
2 Gon 8,12
15,16
Hos 10,14
Am 1,13
Samaria lea nággáruššan Ipmilis vuostá

ja šaddá soabahit iežas suddovealggi.

Dan olbmát gahččet miehkkái,

dan njuoratmánát cuvkejuvvojit,

dan áhpehis nissonat luddejuvvojit.

Israel jorgala ja gáddjojuvvo

2

14,2
12,7Sak 1,4
Israel, jorgal Hearrá, Ipmilat, beallái!

Du suttut leat jorralahttán du.

3

14,3
Sál 119,108Hebr 13,15
Jorgalehket Hearrá beallái,

váldet sániid mielddádet

ja dadjet sutnje:

“Atte ándagassii buot min suttuid

ja váldde vuostá min buoremus attáldaga:

Mii deavdit lohpádusaideamet.

4

14,4
Sál 10,1418Jes 30,16
Hos 1,6
2,1
Assyria ii beastte min,

mii eat dorvvas heasttaide

eatge šat daja iežamet gieđaid duodjái:

‘Min ipmil!’

Du luhtte áhčiheapme gávdná

árkkálmastinvuođa.”

5

14,5
6,1+
Mun buoridan sin

sin oskkáldasmeahttunvuođas.

Mun ráhkistan sin oppa váimmus,

mu moarri lea jorgalan sis eret.

6Mun lean Israelii dego suoldni,

ja dat lieđđu dego liljá,

ruohtastuvvá nugo Libanona sederat.

7

14,7
Sál 80,10eč
Jes 35,1č
Dan suorggit leabbanit,

dat šaddá čáppisin dego oliivamuorra,

das lea njálgga hádja

nugo Libanona vuovddis.

8Dan suoivanis olbmot besset fas ássat

ja šaddadit gortni,

sii liđđot dego viidnemuorra

man viidni lea máinnolmas

nugo Libanona viidni.

9Efraim, mii dahkamušaid dus lea šat

eahpeipmiliiguin?

Mun geahčan du beallái ja gozihan du.

Mun lean dego rudnes sypressa,

mus bohtet du šaddosat.

10

14,10
Sál 107,43
Sát 10,29
Jer 9,12
Gii lea nu viissis ahte ádde dán,

dárbahassii jierpmálaš fihttet?

Hearrá geainnut leat vuoigadat,

vanhurskásat vádjolit daid,

muhto suttolaččat jorralit.