Hebrea 2 - Davvisámegiel Biibbal 2019 (Biibbal)

Davvisámegiel Biibbal 2019 (Biibbal)

Ipmil lea sárdnon Bártnis bokte

1¹1,1 áhčiide ▶ áhčči.Ipmil lea máŋgii ja máŋgga láhkái dolin sárdnon min áhčiide profehtaid bokte, ²

1,2

Matt 21,38
Gal 4,4
Kol 1,16+
muhto dál, dáin maŋimuš beivviin, son lea sárdnon midjiide Bártnis bokte, gean son lea bidjan árbet buot ja gean bokte son lea maiddái sivdnidan máilmmi. ³

1,3

Sál 110,1
Apd 2,33Kol 1,15+
Bárdni lea Ipmila hearvásvuođa čuovgadas ja su luonddu duohta govva, ja fámolaš sániinis son bisuha buot. Go son lei buhtistan min suttuin, de son lea allagasas čohkánan truvdnosis Allatvuođa olgeš beallái.

Ipmila Bárdni lea stuorit go eŋgelat

⁴

1,4

Fil 2,9
Nu son lea šaddan dađe sakka oaivábun go eŋgelat go su árben namma lea hearváseabbo go eŋgeliid namat. ⁵

1,5

2 Sam 7,14
Sál 2,7
Apd 13,33
Ii Ipmil leat goassege cealkán guđege eŋgelii:

Don leat mu bárdni,

mun lean riegádahttán du odne,

dahje:

Mun lean su áhčči,

ja son lea mu bárdni.

⁶

1,6

Sál 97,7
1,6 Gopmirdehkoset su buot Ipmila eŋgelat >5 Mos 32,43.Ja go Ipmil fastain buktá vuosttašriegádeaddjis máilbmái, de son cealká:

Gopmirdehkoset su buot Ipmila eŋgelat.

⁷

1,7

Sál 104,4
1,7 bieggan sáhttá maid jorgaluvvot “vuoigŋan”. Gč. 1,14. >Joh 3,8.Eŋgeliid birra son cealká:

Son dahká eŋgeliiddis bieggan

ja bálvaleddjiidis dollanjuovččan.

⁸

1,8

Sál 45,7č
Muhto Bártnis birra son cealká:

Ipmil, du truvdnu bissu agálašvuhtii,

ja du gonagassoabbi lea vuoigatvuođa soabbi.

⁹1,9 vuoidan du Sihke báhpat, profehtat ja gonagasat vuidojuvvojedje doaimmaidasaset. Messias mearkkaša “vuidojuvvon” ja adnojuvvui Israela gonagasa namahussan.Don ráhkistit vuoigatvuođa

ja vašuhit vearrivuođa.

Dan dihte Ipmil, du Ipmil, lea vuoidan du

ilu oljjuin, du, ii du guimmiid.

¹⁰

1,10

Sál 102,26eč
Ja maiddái ná:

Don, Hearrá, leat álggus bidjan eatnama vuođđudusaid,

ja almmit leat du gieđaid duojit.

¹¹Dat duššet, muhto don bisut.

Dat nohket buot nugo bivttas,

¹²don giesat daid čoahkkái nugo oalgebiktasa,

dat molsojuvvojit nugo gárvu.

Muhto don leat seammá agálaččat,

du jagit eai noga.

¹³

1,13

Sál 110,1
Apd 2,34čHebr 10,12č
Ipmil ii leat goassege cealkán guđege eŋgelii:

Čohkán mu olgeš beallái,

de mun bijan du vašálaččaid

du julggiid vuolušin.

¹⁴

1,14

Sál 34,8
91,11
Matt 4,11
18,10
Almma buot eŋgelat leat bálvaleaddji vuoiŋŋat? Sii vuolggahuvvojit bálvalit daid geat árbejit ávdugasvuođa.

Eŋgeliid sáhka ja Kristusa sáhka

2¹

2,1

2 Pet 3,17
Dan dihte mii fertet velá eambbo atnit váras dan maid leat gullan, amamet čádjidit. ²

2,2

Apd 7,53
Gal 3,19
2,2 dat sáhka maid eŋgelat bukte Mosesa láhka. >Gal 3,19. ▶ Čála.Juo dat sáhka maid eŋgelat bukte, lei duohta, ja juohke vearredahku ja jeagohisvuohta oaččui ánssášuvvon bálkká. ³

2,3

Apd 10,37
Hebr 10,29
12,25
Mo mii dalle vealttašeimmet ráŋggáštusas, jos eat beroš dan stuorra bestojumis maid Hearrá ieš álggus gulahii? Dat geat su gulle, leat midjiide duođaštan dan duohtan, ⁴

2,4

Apd 2,22
1 Kor 12,11
2 Kor 12,12
ja Ipmil ieš nannii sin duođaštusa: Son divttii sin dahkat mearkkaid ja oavdduid, máŋggalágán fámolaš daguid, ja juogadii Bassi Vuoiŋŋa attáldagaid dáhtus mielde.

Bárdni ja olbmot

⁵Ipmil ii leat bidjan eŋgeliid vuollái boahtti máilmmi man birra mii sárdnut. ⁶

2,6

Sál 8,5eč
2,6 olbmománná Dát sátni mii lea vižžojuvvon 8. sálmmas, čujuha dás Jesusii. >Matt 8,20.Dán soamis lea muhtun báikkis duođaštan:

Mii lea olmmoš, go don anát su muittus,

mii olbmománná, go don anát sus fuola?

⁷Oanehassii don dahket su uhccán vuolibužžan go eŋgelat,

muhto de kruvnnidit su hearvásvuođain ja gudniin,

⁸

2,8

1 Kor 15,27
bidjet buot su julggiid vuollái.

Go Ipmil bijai buot su vuollái, de son ii čuoldán maidege mii ii livčče biddjojuvvon su vuollái. Dál mii eat velá oainne ahte buot livččii biddjojuvvon su vuollái. ⁹

2,9

Fil 2,8č
Dan mii dattetge oaidnit ahte son guhte oanehassii lei šaddan vuolibužžan go eŋgelat, Jesus, dál go lea gillán jápmima, lea kruvnniduvvon hearvásvuođain ja gudniin. Árbmugas Ipmila dáhttu oainnat lei ahte Jesus šattai gillát jápmima buohkaid ovddas.

¹⁰

2,10

Apd 3,15
5,31
Rom 11,36
Hebr 5,9
12,2
Son guhte lea buot diŋggaid sivdnideaddji ja vuođđudus, dáhtui buktit eatnat mánáid hearvásvuhtii, ja danin son fertii gillámušaid čađa dahkat ollisin sin bestojumi oaivámučča. ¹¹

2,11

Matt 12,50
Joh 17,1719
20,17
Sus guhte dahká bassin ja dain geat dahkkojuvvojit bassin lea buohkain okta áhčči, ja danne son ii heahpanatta gohčodeamis sin vielljanis: ¹²

2,12

Sál 22,23
Joh 17,6
Mun dieđihan du nama vieljaidasan, searvegotti gaskkas mun lávllun du máidnuma. ¹³

2,13

Jes 8,17č
Son maiddái cealká: Mun dorvvastan Hearrái, ja fastain: Dá mii leat, mun ja dat mánát geaid Ipmil lea munnje addán.

¹⁴

2,14

Fil 2,7
2 Tim 1,10
1 Joh 3,8
Go mánát leat olbmot, oažži ja varra, de maiddái son šattai olmmožin nugo sii. Nu son jápmimiinnis fámohuhttá dan gean válddis lea jápmin, beargalaga, ¹⁵

2,15

Rom 5,12eč
ja luoitá friddjan buohkaid geat jápminbalu dihte leat leamaš šlávat oppa eallinagiset.

¹⁶

2,16

Jes 41,8č
Ii son almmatge leat atnimin fuola eŋgeliin, muhto Abrahama nális. ¹⁷

2,17

4,14+
2,17 bajimusbáhppan … suttuid Boares testamentta áigge báhpat, ja erenoamážit bajimusbáhppa, galge buhtistit álbmoga ja dahkat soabahusa álbmoga ovddas. ▶ oaffar ja soabahus.Danne son fertii juohke dáfus šaddat vieljaidis láhkásažžan, vai son šaddá váibmoláđis ja oskkáldas bajimusbáhppan ja sáhttá Ipmila ovddas soabahit iežas álbmoga suttuid. ¹⁸

2,18

Matt 4,1eč
Hebr 4,15
Go son ieš lea gillán ja geahččaluvvon, de son sáhttá boahtit veahkkin daidda geat geahččaluvvojit.

Jesus lea stuorit go Moses

3¹

3,1

4,14+
Dan dihte, bassi vieljažiiddán, dii geat lehpet ožžon almmálaš rávkojumi, gehččet Jesusii gii lea min dovddastusa apostal ja bajimusbáhppa. ²

3,2

4 Mos 12,7
Son lei oskkáldas sutnje guhte su ásahii, nugo Moses lei oskkáldas oppa Ipmila viesus, ³muhto son lea adnojuvvon dohkálažžan oažžut dađi stuorit gudni go huksejeaddji gudni lea stuorit go viesu gudni. ⁴Juohke viesu lea soamis huksen, muhto Ipmil lea huksen buot. ⁵Moses lei gal oskkáldas oppa Ipmila viesus, muhto dattetge dušše bálvaleaddji, ealli duođaštus das maid Ipmil maŋŋil sártnui. ⁶

3,6

1 Kor 3,16Kol 1,23
Muhto Kristus lea Bárdni gean háldui oppa Ipmila viessu lea oskkilduvvon. Ja su viessu leat mii, go mii fal loahpa rádjái doallat gitta roahkkatvuođasteamet ja dorvvolažžan rámádallat doaivvus mii mis lea.

Eahpeosku ja jeagohisvuohta

⁷

3,7

Sál 95,7eč
Dan dihte, nugo Bassi Vuoigŋa cealká:

Jos dii otná beaivvi gullabehtet su jiena,

⁸

3,8

2 Mos 17,7
de allet buoššut váimmodet

nugo dalle go stuimmáskeiddet,

go geahččaleiddet mu meahcis.

⁹Doppe din áhčit guorahalle mu ja geahččaledje mu –

ja šadde njealljelogi jagi vásihit maid sidjiide dahken.

¹⁰Mun moaráhuvven sin bulvii ja celken:

Álelassii sii čádjádallet váimmusteaset.

Sii eai dáhtton vádjolit mu geainnuid,

¹¹

3,11

4 Mos 14,21eč
Hebr 4,1eč
ja dalle mun vurdnon moaristan:

Sii eai goassege beasa boahtit mu vuoiŋŋadussii.

¹²

3,12

12,15
Váruhehket, vieljažiiddán, vai ii guđesge dis leat bahás ja eahpeoskkolaš váibmu, nu ahte son hilgu ealli Ipmila. ¹³

3,13

10,25
Arvvosmahttet guhtet guimmiideattet juohke beaivvi nu guhká go daddjojuvvo odne, vai ii oktage dis fillehala suddui ja buošo. ¹⁴

3,14

3,6
Miihan leat šaddan oasálažžan Kristusii, go fal loahpa rádjái doallat nannosit gitta dan luohttámušas mii mis lei juo álggus. ¹⁵Čállagiin celkojuvvo: Jos dii otná beaivvi gullabehtet su jiena, de allet buoššut váimmodet nugo dalle go stuimmáskeiddet. ¹⁶Geat ledje dat geat gulle, muhto almmatge stuimmáskedje? Buohkat geaid Moses lei buktán eret Egyptas. ¹⁷

3,17

4 Mos 14,29
1 Kor 10,10
Geaidda Ipmil lei moaris njealljelogi jagi? Daidda geat suddudedje ja geaid rupmašat gáhčče meahccái. ¹⁸

3,18