Davvisámegiel Biibbal 2019 (Biibbal)
1

Ipmil lea sárdnon Bártnis bokte

111,1 áhčiide áhčči.Ipmil lea máŋgii ja máŋgga láhkái dolin sárdnon min áhčiide profehtaid bokte, 2

1,2
Matt 21,38
Gal 4,4
Kol 1,16+
muhto dál, dáin maŋimuš beivviin, son lea sárdnon midjiide Bártnis bokte, gean son lea bidjan árbet buot ja gean bokte son lea maiddái sivdnidan máilmmi. 3
1,3
Sál 110,1
Apd 2,33Kol 1,15+
Bárdni lea Ipmila hearvásvuođa čuovgadas ja su luonddu duohta govva, ja fámolaš sániinis son bisuha buot. Go son lei buhtistan min suttuin, de son lea allagasas čohkánan truvdnosis Allatvuođa olgeš beallái.

Ipmila Bárdni lea stuorit go eŋgelat

4

1,4
Fil 2,9
Nu son lea šaddan dađe sakka oaivábun go eŋgelat go su árben namma lea hearváseabbo go eŋgeliid namat. 5
1,5
2 Sam 7,14
Sál 2,7
Apd 13,33
Ii Ipmil leat goassege cealkán guđege eŋgelii:

Don leat mu bárdni,

mun lean riegádahttán du odne,

dahje:

Mun lean su áhčči,

ja son lea mu bárdni.

6
1,6
Sál 97,7
1,6 Gopmirdehkoset su buot Ipmila eŋgelat >5 Mos 32,43.Ja go Ipmil fastain buktá vuosttašriegádeaddjis máilbmái, de son cealká:

Gopmirdehkoset su buot Ipmila eŋgelat.

7
1,7
Sál 104,4
1,7 bieggan sáhttá maid jorgaluvvot “vuoigŋan”. Gč. 1,14. >Joh 3,8.Eŋgeliid birra son cealká:

Son dahká eŋgeliiddis bieggan

ja bálvaleddjiidis dollanjuovččan.

8
1,8
Sál 45,7č
Muhto Bártnis birra son cealká:

Ipmil, du truvdnu bissu agálašvuhtii,

ja du gonagassoabbi lea vuoigatvuođa soabbi.

91,9 vuoidan du Sihke báhpat, profehtat ja gonagasat vuidojuvvojedje doaimmaidasaset. Messias mearkkaša “vuidojuvvon” ja adnojuvvui Israela gonagasa namahussan.Don ráhkistit vuoigatvuođa

ja vašuhit vearrivuođa.

Dan dihte Ipmil, du Ipmil, lea vuoidan du

ilu oljjuin, du, ii du guimmiid.

10
1,10
Sál 102,26eč
Ja maiddái ná:

Don, Hearrá, leat álggus bidjan eatnama vuođđudusaid,

ja almmit leat du gieđaid duojit.

11Dat duššet, muhto don bisut.

Dat nohket buot nugo bivttas,

12don giesat daid čoahkkái nugo oalgebiktasa,

dat molsojuvvojit nugo gárvu.

Muhto don leat seammá agálaččat,

du jagit eai noga.

13
1,13
Sál 110,1
Apd 2,34čHebr 10,12č
Ipmil ii leat goassege cealkán guđege eŋgelii:

Čohkán mu olgeš beallái,

de mun bijan du vašálaččaid

du julggiid vuolušin.

14
1,14
Sál 34,8
91,11
Matt 4,11
18,10
Almma buot eŋgelat leat bálvaleaddji vuoiŋŋat? Sii vuolggahuvvojit bálvalit daid geat árbejit ávdugasvuođa.