Davvisámegiel Biibbal 2019 (Biibbal)
2

212,1 guoktelogivuosttaš beaivvi go álbmot lei čoahkkanan lastagoahtebasiid maŋimus beaivvi. Vrd. 3 Mos 23,33eč. ▶ lastagoahtebasit.Gonagas Dareiosa nuppi ráđđenjagi čihččet mánus, mánu guoktelogivuosttaš beaivvi, bođii profehta Haggajii dát Hearrá sátni:

2Daja Juda eatnanhearrái Serubbabelii, Šealtiela bárdnái, ja bajimusbáhppa Josuai, Jehosadaka bárdnái, ja álbmoga bázahassii: 3

2,3
Esra 3,12
Aingo din gaskkas lea muhtun gii lea oaidnán ovddit tempela hearvásvuođa? Almma dát maid dii dál oaidnibehtet, lea ovddibu ektui dego ii mihkkege? 4
2,4
1 Muit 28,1020
Hag 1,13
Ná cealká Hearrá: Serubbabel, leage gievra! Bajimusbáhppa Josua, Jehosadaka bárdni, leage gievra! Ja buot eatnama olbmot, lehket gievrrat! cealká Hearrá. Álget bargat! Mun lean dinguin, cealká Hearrá, Almmiveagaid Ipmil. 5
2,5
2 Mos 19,5č
Jes 63,11
Ná mun lohpidin dalle go dii vulggiidet Egyptas: Mu vuoigŋa lea dinguin. Allet bala! 6
2,6
Hebr 12,26č
Ná cealká Hearrá, Almmiveagaid Ipmil:

Hui fargga, oanehis bottoža geažes,

mun lihkahan almmi ja eatnama,

meara ja goikása.

7

2,7
Jes 60,5eč
Mun lihkahan buot álbmogiid,

ja dat buktet dávviriiddiset deike.

Mun deavddán iežan tempela

hearvásvuođain,

cealká Hearrá, Almmiveagaid Ipmil.

8Mu lea silba ja mu lea golli,

cealká Hearrá, Almmiveagaid Ipmil.

9Dán tempela hearvásvuohta

šaddá stuoribun go ovddibu,

cealká Hearrá, Almmiveagaid Ipmil.

Dán báikkis mun attán didjiide

ráfi ja menestumi,

cealká Hearrá, Almmiveagaid Ipmil.

Hearrá addá buressivdnádusa

10Gonagas Dareiosa nuppi ráđđenjagi ovccát mánus, mánu guokteloginjealját beaivvi, bođii profehta Haggajii dát Hearrá sátni:

11Ná cealká Hearrá, Almmiveagaid Ipmil: Jeara báhpain mii lea riekta dán áššis: 12Jos soamis guoddá bassi bierggu bivttashealmmis, ja healbmi guoská láibái dahje vuššon borramuššii dahje viidnái dahje oljui dahje eará bibmui, de šaddetgo dat dalle bassin?

Báhpat vástidedje: “Eai šatta.”

13

2,13
4 Mos 19,11
Haggai jearai ain: “Jos olmmoš lea šaddan buhtismeahttumin go lea guoskkahan rupmaša, ja de guoskkaha muhtuma dáin, de šaddágo dat dalle buhtismeahttumin?”

Báhpat vástidedje: “Šaddá.”

14Dalle Haggai dajai:

Dakkár lea dát álbmot,

dakkárat dát olbmot mu čalmmiin,

cealká Hearrá.

Buhtismeahttun lea buot

maid sii dahket gieđaideasetguin,

ja buhtismeahttun lea juohke oaffar

maid sii oaffaruššet dáppe;

buot lea buhtismeahttun.

15Muhto dárkojehket dál, mii dáhpáhuvvá dán beaivvi rájes! Muitet, mo didjiide geavai dalle, go ehpet lean vuos bidjan geađggi geađggi ala Hearrá tempelis. 16Gordnegubas mas galge boahtit guoktelogi mihtu, oaččui dušše logi. Viidnebohčingáris mii gesii vihttalogi ruhku, sáhtii goaivut dušše guoktelogi. 17
2,17
5 Mos 28,22
Hos 7,10
Am 4,6eč
2,17 gortni guorbamiin ja ástamiin šaddodávddat.Mun časken din gortni guorbamiin ja ástamiin ja mun vuolggahin čuorbmasiid billistit din barggu, muhto dii ehpet jorgalan mu beallái, cealká Hearrá. 18
2,18
Esra 3,10
Sak 4,9
8,9
Dárkojehket dál, mii dáhpáhuvvá dán beaivvi rájes, ovccát mánu guokteloginjealját beaivvi rájes, dan beaivvi rájes go Hearrá tempela vuođđudus biddjojuvvui. Váldet vuhtii 19ahte gilvagat leat ain gordnegáris, ja ahte ii viidnemuorra iige fiikonmuorra, ii granáhtaehpelmuorra iige oliivamuorra šaddat vuos šaddosiid. Muhto otná beaivvi rájes mun buressivdnidan.

Serubbabel, Hearrá bálvaleaddji

20Hearrá sátni bođii nuppádis Haggajii seammá mánu guokteloginjealját beaivvi:

21

2,21
2,6
Daja Serubbabelii, Juda eatnanhearrái:

Mun lihkahan almmi ja eatnama.

22Mun gomihan gonagasaid truvnnuid

ja loahpahan vieris riikkaid fámu.

Mun norddastan gopmut soahtevovnnaid,

nu ahte heasttat guossalit

ja riidejeaddjit gahččet

nubbi nuppi miehkkái.

23
2,23
All 8,6
Jer 22,24
Matt 3,17
2,23 seailasuorpmasin seaila.Ná cealká Hearrá, Almmiveagaid Ipmil: Serubbabel, Šealtiela bárdni, mu bálvaleaddji, dutnje cealká Hearrá: Dan beaivvi mun dagan du iežan seailasuorpmasin. Du mun lean válljen, cealká Hearrá, Almmiveagaid Ipmil.