Lue Raamattua
Käännökset

Käännökset

Raamatunkäännökset
Tietoa raamatunkäännöksistä
TaustatietoaRaamattu kirkkovuodessaMietiskelyt Kirjaudu sisään Luo käyttäjätili
Davvisámegiel Biibbal 2019 (Biibbal)
1

Ávžžuhus hukset tempela

11

1,1
Esra 5,1č
6,14
Sak 1,1
1,1 Gonagas … ráđđenjagi čakča 520 o.Kr. Serubbabel gonagas Jojakina áddjut. Ovttas bajimusbáhppa Josuain son ovddidii tempelhuksema (Esra 3,2č.8). Sutnje ledje stuorra messianalaš vuordámušat, danne go son lei Davida nális. Vrd. 1 Muit 3,19; Esra 2,2; Sak 4,1–7.Gonagas Dareiosa nuppi ráđđenjagi guđát mánus, mánu vuosttaš beaivvi, profehta Haggai almmuhii Hearrá sáni Juda eatnanhearrái Serubbabelii, Šealtiela bárdnái, ja bajimusbáhppa Josuai, Jehosadaka bárdnái. Hearrá sátni lei dákkár:

2“Ná cealká Hearrá, Almmiveagaid Ipmil: Dát álbmot dadjá ahte ii leat velá boahtán áigi hukset Hearrá tempela.” 3De profehta Haggai almmuhii Hearrá sáni: 4

1,4
2 Sam 7,2
2 Gon 25,8eč
Leago dál áigi din ássat skoađastuvvon viesuin, dan botta go mu viessu lea čievračopman? 5Ná cealká Hearrá, Almmiveagaid Ipmil: Gehččet, mo didjiide lea geavvan!

6

1,6
5 Mos 28,38eč
Hos 4,10
Mi 6,14č
Dii gilvibehtet ollu

muhto láddjebehtet unnán,

dii borrabehtet muhto ehpet gallán,

dii juhkabehtet muhto ehpet ilosmuva,

dii gárvodehpet muhto ehpet biva.

Ja beaivebálkkolaš

bidjá bálkkás ráigebursii.

7Ná cealká Hearrá, Almmiveagaid Ipmil: Gehččet, mo didjiide lea geavvan! 8Gorgŋot váriide, vižžet hirssaid ja huksejehket mu viesu, de mun liikon dasa ja deavddán dan hearvásvuođainan, cealká Hearrá. 9Dii vuordibehtet ollu muhto oažžubehtet unnán. Dii rádjabehtet šattu muhto mun bosádan dan eret. Manne? jearrá Hearrá, Almmiveagaid Ipmil. Danne go mu tempel lea čievračopman, dan botta go dis lea hoahppu bargat juohkehaččas iežadet viesu bargguid.

10

1,10
3 Mos 26,19eč
1 Gon 17,1
Dan dihte albmi lea dahppasan

iige atte suolnni,

ja eanan doalaha šattus.

11

1,11
Am 4,9
Mun lean rávkan jaŋádaga

eatnamii ja váriide,

gordnái, viidnái ja oljui,

buot dasa maid eanan šaddada,

olbmuide ja omiide

ja buot din gieđaid bargui.

12Serubbabel, Šealtiela bárdni, ja bajimusbáhppa Josua, Jehosadaka bárdni, ja buohkat geat ledje álbmogis báhcán, gulle Hearrá, Ipmileaset, ávžžuhusa maid profehta Haggai sártnui nugo Hearrá lei gohččon. Dalle álbmot balai Hearrás. 13

1,13
2,4
Haggai, Hearrá áirras, gulahii álbmogii Hearrá sáni: “Mun lean dinguin, cealká Hearrá.”

14Hearrá movttiidahtii Juda eatnanhearrá Serubbabela, Šealtiela bártni, ja bajimusbáhppa Josua, Jehosadaka bártni, ja buohkaid geat ledje álbmogis báhcán, nu ahte sii čoagganedje hukset Ipmileaset, Hearrá, Almmiveagaid Ipmila, tempela. 151,15 guđát … beaivvi >v. 1.Sii álggahedje bargguid gonagas Dareiosa nuppi ráđđenjagi guđát mánus, mánu guokteloginjealját beaivvi.