Davvisámegiel Biibbal 2019 (Biibbal)
1

11Profehtasátni maid profehta Habakkuk

oaččui oainnáhusas.

Profehta váidalus

2

1,2
Sál 13,1č
74,10
Man guhká šattan mun čuorvut, Hearrá,

itge don gula?

Man guhká mun ferten váidalit veahkaválddi,

itge don beastte?

3

1,3
Jer 20,8
Manne don divttát mu

oaidnit bahávuođa?

Mo don sáhtát geahččat vearrivuhtii?

Mun oainnán aivve billašumi

ja veahkaválddi –

nággu šaddá, bealku čuožžila.

4

1,4
Sát 17,23
Jes 59,12eč
Jer 12,1
Láhka lea fámoheapme,

vuoigatvuohta ii ollašuva.

Ipmilmeahttumat

birastahttet vanhurskása,

ja vuoigatvuohta jorgojuvvo.

Kaldealaččat

5

1,5
Apd 13,41
Gehččet álbmogiidda,

oidnet ja suorganehket!

Dasgo din beivviid mun dagan dagu

maid ehpet jáhkáše

jos dat didjiide muitaluvvošii!

6

1,6
Jer 4,6eč
5,15č
21,4č
27,6č
Mun rávkkan kaldealaččaid,

garra ja hohppos álbmoga

mii johtá viidát eatnamis

ja váldá oapminis earáid ássansajiid.

7Sii leat hirbmosat ja suorggatlaččat,

sii mearridit ieža

mii lea vuoigat ja riekta

8Sin heasttat leat falibut go leopárddat,

johtileappot go meahci gumppet.

Sin riidejeaddjit rindet,

gáidagasas dat bohtet,

dat girddihit nugo goaskin čuoláda sállašii.

9Kaldealaččat bohtet hearjidit.

Sii fallehit oktan joavkun,

sis leat fáŋggat dego mearas sáttu.

10Sii hiddjidit gonagasaid,

oaivámuččaid sii atnet bogostahkan.

Sii bilkidit buot ladniid,

čobmejit muoldda ja váldet daid.

11De sii mannet geidnoseaset

šuva dego biegga ja jávket.

Iežaset fápmu sis lea ipmilin.

Profehta váidala behtolašvuođa

121,12 sin kaldealaččat. Gč. v. 6.Hearrá, don leat dološ áiggi rájes,

mu Ipmil, mu Bassi,

don it jáme goassege!

Hearrá, don leat bidjan

kaldealaččaid dubmet min,

don, min bákti, leat vuolggahan sin

ráŋggáštit min.

13

1,13
Job 21,7eč
Sál 5,4eč
Jer 12,1
Du čalmmit leat buhttásat,

don it sáhte geahččat bahái,

it duotto oaidnit vearrivuođa.

Manne don dalle gierddat

behtolaččaid daguid,

manne orut jávohaga,

go ipmilmeahttun njielasta

daid geat leat vuoigadis?

14

1,14
1 Gon 22,17
Don leat diktán olbmuid

šaddat meara guliid láhkásažžan,

giđđudeaddji veahkan

mas ii leat ráđđejeaddji.

15Kaldealaččat bivdet

olbmuid vuokkaiguin,

čohkkejit sin nuohttáseaset,

čogget sin firpmiidasaset.

Dan dihte sii illudit ja ávvudit,

161,16 oaffaruššet fierbmáseaset Muhtumin guollebivdit gudnejahtte biergasiid maiguin fidnejedje sállaša.oaffaruššet fierbmáseaset,

cahkkehit oaffardola bivdosiiddáseaset.

Dathan diktet sin eallit valljivuođas,

addet sidjiide vuoimmálaš borramuša.

171,17 gurret nuohtiset ovtta Qumrana biibbalkommentáras lea “geassit miehki”.Bessetgo sii dalle álo gurret nuohtiset,

goddit álbmogiid álelassii

almmá seasttekeahttá?