Davvisámegiel Biibbal 2019 (Biibbal)
48

Jakob buressivdnida Josefa bártniid

481Muhtin áiggi geažes Josefii muitaluvvui ahte su áhčči lei buozus. Son vulggii áhčis lusa ja válddii mielde goappašiid bártniidis, Manasse ja Efraima. 2Go Jakobii almmuhuvvui ahte su bárdni Josef lei boahtán, de son ražastii čohkkedit seaŋggas.

3

48,3
35,6eč
Jakob dajai Josefii: “Buotveagalaš Ipmil almmustuvai munnje Kanaana Lusis, buressivdnidii mu 4ja celkkii munnje: ‘Mun dagan du šattolažžan ja eatnatgeardásažžan, nu ahte dus šaddet eatnat álbmogat, ja mun attán dán eatnama du nállái agálaš opmodahkan.’ 5
48,5
46,20
Dat bártniguovttos geat leaba riegádan dutnje Egypta eatnamis juo ovdal go mun bohten deike, leaba mu bártnit. Manasse ja Efraim leaba mu bártnit seammá ládje go Ruben ja Simeon. 6Muhto dat mánát geat leat riegádan dutnje sudno maŋŋil, leat du, muhto sii galget gohčoduvvot vieljaideaset čearddaid namain dan eatnamis maid sii ožžot opmodahkan. 7
48,7
35,16eč
48,7 Paddan muđui namain Paddan-Aram. Efrat >35,16.Go mun ledjen máhccamin Paddanis, de mus jámii Rakel. Dat dáhpáhuvai Kanaanis, go ain lei mátki Efratai, ja mun hávdádin su dohko Efrata geainnu gurrii.” Efrata lea seammá go Betlehem.

8Go dal Israel oinnii Josefa bártniid, de son jearai: “Geat dát leaba?” 9Josef vástidii: “Soai leaba mu bártnit, geaid Ipmil lea addán munnje dáppe.” Dalle Jakob dajai: “Buvtte sudno mu lusa, vai mun beasan buressivdnidit sudno.” 10Israela čalmmit ledje hedjonan boarisvuođa geažil, iige son šat oaidnán bures. Josef buvttii sudno áhčis lusa, ja son cummistii ja fátmmastii sudno. 11Israel dajai Josefii: “Mun in livčče jáhkkán ahte beasašin vel oaidnit du muođuid, ja dál Ipmil lea suovvan mu oaidnit maiddái du mánáid!”

1248,12 fátmmis navdimis boares adopšuvdnarituála. >30,3.Josef válddii bártni guoktá su fátmmis ja gopmirdii eatnamii muođuid. 13De Josef buvttii sudno goappašagaid áhčis ovdii, olgeš gieđain son bijai Efraima Israela gurut beallái, ja gurut gieđain son bijai Manasse Israela olgeš beallái. 1448,14 olgeš gieđa mearka das ahte Jakob bijai Efraima Manasse ovddabeallái, gč. v. 20. Israel geigii olgeš gieđa ja bijai dan Efraima oaivvi ala, vaikko Efraim lei nuorat, ja gurut gieđa son bijai Manasse oaivvi ala; son nappo bijai gieđaidis ruossut. Muhto Manasse lei vuosttašriegádeaddji.

15

48,15
49,24
Sál 23,1
Ja Israel buressivdnidii sin ja celkkii:

“Dat Ipmil gean ovddas

mu áhčit Abraham ja Isak vádjoleigga,

dat Ipmil guhte lea leamaš mu báimman

mu riegádeami rájes

gitta otná beaivvi rádjái,

1648,16 áhčiidan áhčči.dat eŋgel gii lea lonistan mu

buot bahás,

buressivdnidehkos dán bártni guoktá.

Sudno bokte galgá eallit mu namma

ja áhčiidan Abrahama

ja Isaka namma.

Eatnánehkoset sudno maŋisboahttit

eatnama alde.”

17Go Josef oinnii ahte su áhčči bijai olgeš gieđa Efraima oaivvi ala, de son ii liikon dasa, ja son dohppii áhčis gieđa vai beassá sirdit dan Manasse oaivvi ala. 18Josef dajai áhččásis: “Ale nie, áhčážan, dát lea vuosttašriegádeaddji. Bija olgeš gieđa su oaivvi ala.” 19Muhto áhčči biehttalii ja dajai: “Mun dieđán, bártnážan, mun dieđán. Son šaddá maid álbmogin, ja son šaddá maid stuorisin, muhto su nuorat viellja almmatge šaddá vel stuoribun, ja su nálli šaddá álbmogiid eatnatvuohtan.”

20Nu son buressivdnidii sudno dan beaivvi ja dajai: “Go israellaččat buressivdnidit, de sii namuhit dudno namaid ja celket: ‘Ipmil dahkos du Efraima ja Manasse veardásažžan.’” Nu son bijai Efraima Manasse ovdalii.

21Dasto Israel dajai Josefii: “Mun jámán, muhto Ipmil lea dinguin ja doalvu din ruoktot áhčiideattet eatnamii. 22

48,22
Jos 24,32
Joh 4,5
48,22 várrečielggi seammá hebreagiel sátni go namma Sikem, gávpot Efraima čeardda eatnamis.Ja ovdalii du vieljaid mun attán dutnje dan várrečielggi maid válden amorlaččain mihkiinan ja dávggiinan.”

49

Jakob buressivdnida bártniidis

491

49,1
5 Mos 33,1eč
Duop 5,13eč
Jakob rávkkai lusas bártniidis ja dajai:

Čoagganehket,

de mun almmuhan

mii didjiide dáhpáhuvvá

boahtti beivviid.

2Bohtet čohkkái ja gullet,

Jakoba bártnit,

guldalehket áhčádet Israela.

3

49,3
29,32
Ruben, don leat

mu vuosttašriegádeaddji

ja fápmu,

mu olmmáivuođa vuosttas šaddu,

alimus árvvus, stuorimus fámus.

4

49,4
35,22+
Don leat dego boršu čáhci.

Don it bisut vuosttaš saji,

dasgo don mannet áhčát seŋgii,

heahppášuhttet mu oađđinsaji.

5

49,5
34,25č
Simeon ja Levi leaba vieljažat,

sudno miehkit

leat veahkaválddi neavvut.

6Sudno juonain mun in fuola,

sudno fárrui mun in searvva.

Moaris soai leaba goddán olbmáid,

iešválddálaččat čuohppan

vuovssáid čeavžžáid.

7

49,7
Jos 19,1
21,2č
Garuhuvvon lehkos sudno moarri,

dasgo dat lea giivvis,

sudno suhttu,

dasgo dat lea garas.

Mun háddjen sudno

Jakoba čearddaid seahká,

biđgen sudno miehtá Israela.

8

49,8
29,35
1 Muit 5,2
Juda, du vieljat rámidit du.

Du giehta lea

vašálaččaidat niskkis,

du ovdii luoitádit áhčát bártnit.

9

49,9
4 Mos 23,24
24,9
5 Mos 33,7
Alm 5,5
Juda, don nuorra ledjon,

sállaša luhtte leat čuožžilan, bártnážan.

Son lea gorjon,

son vuoiŋŋada nugo ledjon,

dego njiŋŋelas ledjon.

Gii duostá ráfehuhttit su?

1049,10 geasa dat gullá Masorehtalaš teaksta ii leat čielggas.Ii gonagassoabbi gáidda Judas

iige ráđđensoabbi su gieđas,

ovdal go boahtá son

geasa dat gullá,

su álbmogat jeagadit.

11Son čatná ásenis viidnemurrii,

viidnemuora oaksái ásenvárssás.

Son bassá biktasiiddis viinnis,

gárvvuidis viidnemuorjevaras.

12Su čalmmit leat

seavdnjadeappot go viidni,

su bánit vielgadeappot dego mielki.

13

49,13
Jos 19,10eč
Sebulon ássá mearragáttis,

rittus gosa skiippat láddejit.

Su rádjá ollá gitta Sidonii.

14

49,14
Duop 5,15eč
Isaskar lea nanadávttat ásen

mii livvada

oapmegárddiid gaskkas.

15Son oinnii ahte livvasadji

lea hávski ja eanan liekkus.

Son sojaldahtii oalggi

noađi vuollái,

bargagođii šlávvabargguid.

1649,16 Dan >30,6.Dan fuolaha

iežas álbmogii rievtti,

sonnai Israela eará čearddaid láhkái.

17Dan lea gearpmaš geainnu alde,

bálgá guoras mirkoguovdi

mii gáskkesta heastta šušmmiide,

nu ahte riidejeaddji

gahččá maŋás.

18Hearrá, dus mun vuorddán bestojumi!

1949,19 Gad Namma sulastahttá hebreagiel sáni mii mearkkaša “fallehit”.Rievváriid joavkkut

fallehit Gada,

Gad ieš falleha daid maŋŋoša.

20

49,20
5 Mos 33,24
Ašer gallehuvvo

buoiddes borramušain,

son fállá gonagasaid herskkuid.

21Naftali lea goddeáldu

mii ruohttá luovusin

ja guoddá čáppa misiid.

22Josef lea šattosmuorra,

nuorra šattosmuorra ájagáttis,

dan oavssit geaigájit muvrra badjel.

23Njuollabáhččit hárdet su,

sii báhčalit ja doarrádallet su,

2449,24 Jakoba Veagalaš Israela Ipmila boares namma.muhto su juoksa bissu dávggasin,

su gieđat leat lášmadat.

Jakoba Veagalaččas son oažžu veahki,

sus gii lea Báimman, Israela Bákti,

2549,25 Buotveagalaš >17,1. áhčát Ipmil gii veahkeha du,

Buotveagalaš gii buressivdnida du,

addá buressivdnádusaid badjin almmis ja

buressivdnádusaid čiekŋalasas vuollin,

buressivdnádusaid čiččiin ja goaŧus.

26Áhčát buressivdnádusat

ollet allelii go agálaš várit,

allelii go agálaš dieváid hearvásvuohta.

Bohtoset dat buressivdnádusat

Josefa oassin,

su gii lea oaivámuš vieljaidis gaskkas.

27

49,27
Duop 20,25
Benjamin lea gaikkodeaddji gumpe,

iđedis son borrá stajádusaid,

eahkedis son juogada sállaša.

28Dát leat Israela čearddat, oktiibuot guoktenuppelohkái, ja ná sin áhčči sártnui sidjiide. Iešguđege son buressivdnidii dainna buressivdnádusain mii sutnje gulai.

Jakob jápmá ja hávdáduvvo

29

49,29
23,16eč+
Dasto Jakob attii sidjiide dáid rávvagiid: “Mun váldojuvvon dál olbmuidan lusa. Hávdádehket mu áhčiidan báldii dan bákteráigái mii lea hetlaš Efrona giettis, 30Makpela giettis, Mamre lahka Kanaanis. Dan gietti Abraham osttii hetlaš Efronis hávdesadjin. 31
49,31
23,19
25,9
35,29
Dasa leaba hávdáduvvon Abraham ja su áhkká Sara, dasa leaba hávdáduvvon Isak ja su áhkká Rebekka, ja dasa mun hávdádin Lea. 32Dat gieddi ja bákteráigi mii lea das, lea ostojuvvon hetlaččain.”

33Go Jakob lei geargan addimis dáid rávvagiid bártniidasas, de son gesii julggiidis seŋgii. Son jámii, ja son váldojuvvui olbmuidis lusa.

50

501

50,1
46,4
Josef gopmulii čieru áhčis ala ja cummistii su muođuid.

250,2 balsameret balsam.Dasto son gohčui dálkkasteddjiid geat ledje su bálvalusas, balsameret áhčis, ja sii balsamerejedje Israela. 3Balsameren bisttii njealljelogi beaivvi; dat lea dat áigi mii adnojuvvo dan bargui. Egyptalaččat moraštedje su čiežalogi beaivvi. 4Go moraštanáigi lei vássán, de Josef dajai farao hoavvaolbmuide: “Mun bivddán din muitalit faraoi 5

50,5
47,29eč
ahte mu áhčči válddii mus vuordnása ja dajai: ‘Go mun jámán, de hávdát mu dan hávdái maid mun lean rokkahan alccesan Kanaanii.’ Divtte mu dál mannat dohko hávdádit áhččán. Dasto mun máhcan deike.” 6Farao vástidii: “Mana hávdádit áhčát, nugo don vurdnot sutnje.”

7Josef vulggii hávdádit áhčis, ja buot farao hoavvaolbmát, su hoava boarrásepmosat, buot Egypta vuorrasat, 8Josefa bearaš, su vieljat ja oppa su áhči sohka vulge su mielde. Dušše áhkáid ja mánáid, smávvaomiid ja stuorraomiid sii guđđe Gosenii. 9Josefis ledje mielde maid vovnnat ja heasttat; dat lei hui stuorra fárru.

1050,10 Goren Haatad Namma mearkkaša “bastilislánjá gordneráidnensadji”; dovdameahttun báiki.Sii bohte Goren Haatadii mii lea don bealde Jordana, ja dolle doppe stuorra ja sakka lossa váidalusaid. Josef gohčui doallat čiežabeaivásaš moraštanáiggi áhčis maŋŋil. 1150,11 Abel Misrajim Namma sáhttá mearkkašit “egyptalaččaid gieddi”, muhto nama vuosttaš oassi lea seammalágán go hebreagiel sátni mii mearkkaša “moraštanbasit”, ebel. Danne namma oažžu guovttegeardán mearkkašumi egyptalaččaid moraštanbasiid dáfus.Go eatnama kanaanlaččat oidne Goren Haatada morašdoaluid, de sii dadje: “Egyptalaččain leat doppe stuorra morašdoalut”. Danin dat báiki gohčoduvvui Abel Misrajimin. Dat lea Jordana don bealde.

12Jakoba bártnit dahke áhččáseaset nugo son lei gohččon sin. 13

50,13
23,16eč+
Sii dolvo su Kanaanii ja hávdádedje su dan bákteráigái mii lea Mamre lahka Makpela giettis. Makpela gietti Abraham lei oastán hávdesadjin hetlaš Efronis. 14Go Josef lei hávdádan áhčis, de son máhcai Egyptii oktan vieljaidisguin ja buot earáiguin geat ledje leamaš suinna hávdádeamen su áhči.

Josef jeđđe vieljaidis

15Áhčiset jápmima maŋŋil Josefa vieljat dadje: “Dál várra Josef vašuhišgoahtá min ja mávssaha midjiide buot dan bahá maid mii leat dahkan sutnje.” 16Dan dihte sii bidje Josefii dán sáni: “Ovdal go jámii min áhčči gohčui min 17dadjat dutnje ná: ‘Atte ándagassii min vearredagu ja suttu. Mii leat dahkan dutnje ollu bahá.’ De atte dál midjiide, áhčát Ipmila bálvaleddjiide, ándagassii min vearredagu!” Go Josef gulai sin sániid, de son čierui. 18Dasto Josefa vieljat bohte ieža, luoitádedje eatnamii muđolassii su ovdii ja dadje: “Mii leat du šlávat.” 19Muhto Josef dajai sidjiide: “Allet bala, inhan mun leat Ipmil. 20

50,20
45,5
Rom 8,28
Dii gal áigguidet dahkat munnje bahá, muhto Ipmil jorgalii dan buorrin. Son dáhtui dahkat dan mii dál lea dáhpáhuvvan, ja nu bisuhit heakkas eatnat olbmuid. 21Ja dál, allet bala! Mun anán fuola dis ja din mánáin.” Nu son jeđđii sin ja sártnui sidjiide ustitlaččat.

Josef jápmá

22Josef ja su áhči sohka ásse Egyptas, ja Josef elii čuođilogijahkásažžan. 2350,23 váldit askásis >30,3.Son beasai oaidnit Efraima mánáid goalmmát bulvii, ja maiddái Manasse bártni Makira mánáid son oaččui váldit askásis. 24

50,24
Hebr 11,22
Josef celkkii vieljaidasas: “Mun jámán, muhto Ipmil atná dis fuola ja doalvu din dán eatnamis dan eatnamii maid son vuordnumiin lohpidii Abrahamii, Isakii ja Jakobii.” 25
50,25
2 Mos 13,19
Jos 24,32
Josef válddii vuordnása Israela bártniin ja dajai: “Go Ipmil atná dis fuola, de dolvot mu dávttiid dáppe eret.” 26Josef jámii čuođilogijahkásažžan, ja son balsamerejuvvui ja biddjojuvvui gistui Egyptas.