Davvisámegiel Biibbal 2019 (Biibbal)
4

41Mun oaivvildan dán: Nu guhká go árbbolaš lea mánná, de ii leat erohus su ja šláva gaskkas, vaikko buot opmodat gullá sutnje. 2Son lea hovdejeddjiid ja dállodolliid vuollásaš gitta dan áiggi rádjái maid su áhčči lea mearridan. 34,3 máilmmi álgofámuid fámut ja lágat mat ráđđejit dálá máilmmis mii lea jorralan Ipmilis eret. Dat ledje dávjá čadnojuvvon lundui, ja eronoamážit njealji álgoávdnasii: eatnamii, čáhcái, áibmui ja dollii, ja almmigáhppálagaide. Vrd. Kol 2,8.20.Nu leat miige: Go mii leimmet mánát, de mii leimmet máilmmi álgofámuid šlávat. 4

4,4
Mark 1,15
Joh 1,14
Rom 1,3
Ef 1,10
Muhto go áigi lei dievvan, de Ipmil vuolggahii deike Bártnis. Son riegádii nissonis ja riegádii lága vuolde, 5
4,5
3,1326
son lonistii sin geat ledje lága vuolde vai mii oččošeimmet máná vuoigatvuođa. 64,6 Abba arameagiela mielde “áhčči”. Dakkár vuohki rohkadallagoahtit Ipmila ii lean dábálaš juvddálaččaid rohkosgielas. Vrd. Mark 14,36; Rom 8,15eč.Danne go dii lehpet mánát, de Ipmil lea vuolggahan min váibmui Bártnis Vuoiŋŋa guhte čuorvu: “Abba! Áhčči!” 7
4,7
3,29
Dan dihte don it leat šat šlávva, muhto mánná. Ja jos don leat mánná, de Ipmil lea dahkan du maiddái árbbolažžan.

Paulus rávve galatialaččaid

8

4,8
Jes 37,19
1 Kor 8,4eč
12,2+
Dalle go dii ehpet dovdan Ipmila, de dii bálvaleiddet ipmiliid mat eai leat ipmilat. 9
4,9
Kol 2,20
Muhto dál go dii dovdabehtet Ipmila, ja velá go Ipmil dovdá din, mo de sáhttibehtet fas máhccat máilmmi heajos ja geahnohis álgofámuide? Hálidehpetgo fas šaddat daid šlávvan? 10
4,10
Rom 14,5
Kol 2,16
4,10 beivviid, mánuid, earenoamáš áiggiid ja jagiid Apostal čujuha juvddálaš ávvukaleandariidda. Gč. Rom 14,5.Dii váldibehtet vuhtii beivviid, mánuid, erenoamáš áiggiid ja jagiid. 11
4,11
Fil 2,16
Mun balan ahte lean rahčan duššás din dihte.

12

4,12
1 Kor 9,21
11,1
Vieljat, mun bivddán din: Šaddet mu lágánin, dasgo mun lean šaddan din lágánin. Dii ehpet leat dahkan munnje maidege veriid. 13Diihan diehtibehtet ahte mun sárdnidin didjiide vuosttas geardde evangeliuma danin go ledjen buohccán. 14
4,14
Matt 10,40
Vaikko mu rumašlaš dilli lei didjiide geahččalus, de dii ehpet badjelgeahččan ehpetge hilggodan mu, muhto válddiidet mu vuostá dego Ipmila eŋgela, nugo Kristus Jesusa. 15Gosa dál lea šaddan din stuorra illu? Mun sáhtán duođaštit ahte dii livččiidet dalle roggan alddádet čalmmiid ja addán daid munnje, jos dat livččii leamaš vejolaš. 16
4,16
Am 5,10
Leango mun dál šaddan din vašálažžan go sártnun didjiide duođa? 17Dat geat čájehit didjiide áŋgirvuođa eai daga dan buriin áigumušain. Sii áigot čuoldit din eret mis vai dii livččiidet áŋgirat sin dihte. 18Jos lea buorre áigumuš, de lea buorre ahte olbmot álo áŋgiruššet din dihte, eaige dušše dalle go mun lean din luhtte. 19
4,19
1 Kor 4,15
Mánážiiddán, din dihte mun ferten fas gillát ávttaid, dassážii go Kristus oažžu hámi din siste. 20Vare mun dál livččen din luhtte ja máhtášin sárdnut rivttes jienain! Mun in dieđe maid galggan dahkat didjiide.

Boares ja ođđa lihttu

21Dii geat dáhttubehtet eallit lága vuložin, vástidehket munnje: Ehpetgo dii gula maid láhka cealká? 22

4,22
1 Mos 16,15
21,2
Dasgo lea čállojuvvon ahte Abrahamis ledje guokte bártni, nubbi šlávvanissoniin, nubbigis friddja nissoniin. 23
4,23
1 Mos 17,16
Rom 9,7eč
Šlávvanissona bárdni riegádii oačči mielde, friddja nissona bárdnigis Ipmila lohpádusa mielde. 24
4,24
5,1
4,24 Hagar Namma Hagar sulastahttá muhtun Arabia vári arabalaš nama mii namahuvvui Sinai oktavuođas.Dás lea čiekŋalet oaivil. Nissonat leaba guokte lihtu. Nubbi lea Sinaivári lihttu mii riegádahttá mánáidis šlávvan, ja dat lea Hagar. 25Hagar lea Sinaivárri Arabias, ja dan vástida dálá Jerusalem mii eallá šlávvavuođas mánáidisguin. 26
4,26
Hebr 12,22
Alm 3,12
21,210
Muhto almmálaš Jerusalem lea friddja, ja dat lea min eadni, 27
4,27
Jes 54,1
nugo lea čállojuvvon:

Illut, don sahkuheapme gii it riegádahte,

ávvut ja čuorvvo don geas eai leat ávttat!

Dasgo oktonas nissonis leat ollu mánát, eambbo

go sus geas lea boadnjá.

28

4,28
3,29
Vieljat, dii lehpet lohpádusa mánát, nugo maiddái Isak lei. 29
4,29
1 Mos 21,9
Dalle son gii lei riegádan oaččis doarrádalai dan gii lei riegádan Vuoiŋŋas, ja nu lea dálge. 30
4,30
1 Mos 21,10
Joh 8,35
Muhto maid čála cealká? Áje eret šlávvanissona ja su bártni. Šlávvanissona bárdni ii oaččo árbet ovttas friddja nissona bártniin.

31Vieljat, mii eat nappo leat šlávvanissona, muhto friddja nissona mánát.