Egypta duopmu
301Munnje bođii dát Hearrá sátni: 2Olmmoš, profehtastala ja daja: Ná cealká Hearrá Ipmil:
Luibmet ja čurvot: “Vuoi dan beaivvi!”
3
Sef 1,14eč
Dat beaivi lea lahka,
Hearrá beaivi lea lahka,
moskkubeaivi,
álbmogiid duomu boddu!
4
Dalle miehkki deaivá Egyptii
ja Kuš doarggista balus,
go ollu egyptalaččat goddojuvvojit,
go dan riggodagat rivvejuvvojit
ja dan vuođđudusat gaikojuvvojit.
530,5 Kuš >29,10. Put, Lud >Jes 66,19.Kuša, Puta ja Luda olbmát, láigosoahteolbmát juohke guovllus ja velá lihtu eatnama olbmátge gahččet miehkkái oktanaga egyptalaččaiguin. 630,6 Migdolis gitta Assuanii >29,10.Ná cealká Hearrá:Dat geat dorjot Egypta, gahččet,
ja dan goargadis fápmu soardašuvvá.
Migdolis gitta Assuanii
buohkat gahččet miehkkái,
cealká Hearrá Ipmil.
7Egypta šaddá ávdimin dego eará heavahuvvon eatnamat, dan gávpogat leat ávdimat nugo eará heavahuvvon gávpogat. 8Mun buollahan Egypta, ja buot dan veahkeheaddjit duššaduvvojit. Dalle buohkat ipmirdit ahte mun lean Hearrá. 9Esek 29,10
Dan beaivvi mu áirasat mannet skiippaide ja suorggahit Kuša, mii lea atnán iežas oadjebassan. Go Egypta beaivi boahtá, de Kuš doarggista. Dat beaivi boahtá.
10Ná cealká Hearrá Ipmil: Mun bijan Nebukadnesara, Babylonia gonagasa, duššadit Egypta riggodagaid. 11
Son ja su soahteveahka, goaves báhkinat, buktojuvvojit dohko duššadit eatnama. Rohttejuvvon miehkki gieđas sii fallehit Egypta ja devdet eatnama rupmašiiguin. 12Mun goikadan Nileanu ja vuovddán eatnama bahás olbmáide, divttán vierroolbmuid hearjidit eatnama ja buot mii das lea. Mun, Hearrá, lean sárdnon.
1330,13 Memfis >Jes 19,13.Ná cealká Hearrá Ipmil: Mun duššadan eahpeipmilgovaid, mun jávkadan Memfisa duššálaš ipmiliid, iige Egyptas leat šat oaivámuš. Mun vuolggahan Egyptii balu. 1430,14 Soan >4 Mos 13,22. No >Jer 46,25.Mun heavahan Patrosa, cahkkehan Soana ja ollašuhtán No duomu. 15
30,15 Sin jáhkkimis Pelusium, Nileanu njálmmi nuorttabealde.Mun golggahan suhtton Sinii, Egypta suodjái, mun duššadan No riggodagaid. 16Mun buollahan oppa Egypta. Sin mállaguššá bákčasis, No váldojuvvo ja Memfisii besset vašálaččat guovdelaš beaivvi. 1730,17 On >1 Mos 41,45. Pi-Beset gávpot Nileanu njálmmis.Ona ja Pi-Beseta nuorra olbmát gahččet miehkkái ja nissonat dolvojuvvojit fáŋgavuhtii. 1830,18 Tahpanhes >Jer 2,16.Tahpanhesis beaivi sevnnjoda go mun doaján Egypta geassáid, ja dan goargadis fápmu doddjo. Sevdnjes balva gokčá gávpoga, ja dan nissonat dolvojuvvojit fáŋgavuhtii. 19Mun ollašuhtán Egypta duomu, ja dalle buohkat ipmirdit ahte mun lean Hearrá.
2030,20 Oktanuppelogát jagi 586 o.Kr. Gč. 20,1.Oktanuppelogát jagi vuosttaš mánus, mánu čihččet beaivvi munnje bođii dát Hearrá sátni: 21Olmmoš, mun lean doadján farao, Egypta gonagasa, gieđa. Ii oktage leat dan čatnan iige dálkkodan, ii oktage leat dan stielkudan iige bidjan dan čanastahkii, nu ahte dat šattašii gievran dohppet miehki. 22Ná cealká Hearrá Ipmil: Mun fallehan farao, Egypta gonagasa. Mun cuvken sus guktuid gieđaid, sihke dearvvaš gieđa ja doddjon gieđa, ja miehkki gahččá su gieđas. 23Mun biđgen egyptalaččaid álbmogiid seahká, mun botkkuhan sin vieris eatnamiidda. 24
Muhto Babylonia gonagasa gieđaid mun nanosmahtán. Mun attán iežan miehki su gihtii, muhto farao gieđaid mun doaján, nu ahte farao luoibmá su ovddas nugo luoibmá dat gii lea ožžon jápminhoakka. 25Mun gievrudan Babylonia gonagasa gieđaid, muhto farao gieđat njurret. Egypta šaddá diehtit ahte mun lean Hearrá, go mun bijan iežan miehki Babylonia gonagasa gihtii, ja son lokte dan Egypta vuostá. 26Mun biđgen egyptalaččaid álbmogiid seahká ja botkkuhan sin vieris eatnamiidda, ja dalle sii ipmirdit ahte mun lean Hearrá.
Libanona stuorra muorra
311Oktanuppelogát jagi goalmmát mánus, mánu vuosttaš beaivvi munnje bođii dát Hearrá sátni: 2Olmmoš, daja faraoi, Egypta gonagassii, ja su šlámaideaddji jovkui:
Gean láhkásaš don leat
stuorisvuođastat?
3Don leat dego sypressa,
nugo Libanona seder
man čáppa oavssit
suoivanaste eatnama.
Dat šattai allagin,
dan giera olii balvvaid gaskii.
4Čáhci šaddadii sedera stuorisin,
dat oaččui šaddannávccaid čiekŋalasas
man suorggit golge
dan gilvvasadjái
ja golggahedje jogažiid
buot vuovddi muoraide.
5Danin dat šattai alibun
go eará vuovddi muorat,
danin dan giera šattai suohkadin
ja dan oavssit guhkkin.
Dat oaččui ollu čázi ja stuorui.
6
Buot almmi lottit
bessejedje dan gierragis,
dan ovssiid vuolde čivge
buot meahcieallit,
álbmogiid eatnatvuohta
ásai dan suoivanis.
7Dat šattai stuorisin ja čáppisin,
ja dan oavssit ledje guhkit ja lastájat,
danne go dan ruohttasat
olle golgi čáziid rádjái.
831,8 Ipmila gilvvagárddi >28,13.Ii oktage Ipmila gilvvagárddi seder
lean dan veardásaš.
Sypressaid oavssit
eai lean veardideames dan oaksin,
platánaid gierragat
eai lean dan gierraga veardásaččat.
Ii oktage Ipmila gilvvagárddi muorra
lean nu čáppat.
9Mun dahken dan čáppa muorran,
suorgájin ja lastájin.
Buot Edena muorat,
Ipmila gilvvagárddi muorat,
gáđaštedje dan.
10
Jes 2,12eč
Esek 31,18
Dan 4,11eč
Ná cealká Hearrá Ipmil: Danin go dat lea šaddan nu allagin ahte lea faŋuhan gierragis balvvaid gaskii ja lea čevlon iežas allodaga dihte, 11de mun attán dan álbmogiid oaivámučča gihtii, ja son dahká dasa maid dan ipmilmeahttunvuohta ánssáša. Mun lean dan hilgon. 12Nu vierroolbmot, goaves báhkinat, njeide dan ja dikte dan njáŋgát. Dan oavssit gahčče váriide ja buot legiide, dan suorggit doddjojuvvojedje buot jogažiid gáttiide, ja buot eatnama álbmogat vulge dan suoivanis ja guđđe dan njáŋgát.
13Buot almmi lottit seivo
dan gahččan máddaga ala,
buot meahcieallit ohce suoji
dan ovssiid gaskkas.
14Eai beasa šat čáhcegátti muorat šaddat allagin eaige faŋuhit gierragiiddiset balvvaid rádjái. Oktage muorra mas lea čáhcevallji, ii beasa šat leat iešbuorre, vaikko dat šattašii man allagin ihkinassii. Dat buot addojuvvojit jápmimii ja bohtet čiekŋalasa eatnamii daid olbmuid bárrii geat leat mannan hávdái.
15
Ná cealká Hearrá Ipmil: Dan beaivvi go seder njiejai jábmiidáibmui, de mun bidjen čiekŋalasa moraštit ja gokčen dan, mun bissehin rávnnjiid ja doalahin čázi golgamis. Mun gárvvuhin Libanona morašbiktasiidda sedera geažil, ja buot meahci muorat áste. 16
31,16 Edena muorat govvida eará gonagasaid.Álbmogat doarggistedje julkkanasa dihte go dat gahčai, go mun nordadin dan vulos jábmiidáibmui, daid lusa geat leat mannan hávdái. Nu jeađđašuvve buot Edena muorat čiekŋalasa eatnamis, Libanona buoremusat, buot main lei leamaš čáhcevallji. 17Oktan sederiin dat ledje njiedjan jábmiidáibmui, daid lusa geat leat goddojuvvon mihkiin. Dat geat ledje ássan dan suoivanis, bieđganadde álbmogiid seahká.
18Leigo oktage Edena muorra nu hearvái ja stuoris go don? Dattetge don norddahalat vulos čiekŋalasa eatnamii seammá ládje go Edena muorat. Don njaŋgát birračuohpakeahtes olbmuid gaskkas, mihkiin sorbmejuvvon olbmuid báras.
Nu geavvá faraoi ja oppa su šlámaideaddji jovkui, cealká Hearrá Ipmil.
Morašlávlla farao birra
32132,1 Guoktenuppelogát jagi 585 o.Kr. Gč. 20,1.Guoktenuppelogát jagi guoktenuppelogát mánus, mánu vuosttaš beaivvi munnje bođii dát Hearrá sátni: 2
Olmmoš, lávllo morašlávlaga farao, Egypta gonagasa, birra:
Álbmogiid ledjon,
don leat duššaduvvon!
Don ledjet dego ábi guovdi,
don stuhčet jogainat,
moivejit čázi julggiidatguin
ja firrot jogaid mođiid.
3
Ná cealká Hearrá Ipmil:
Mun suhppen fierbmán du badjelii,
eatnat álbmogat bivdet du
mu firpmiin.
4
Esek 29,5
39,4
Mun suhppen du gáddái,
bálkestan du báljes eatnamii.
Mun divttán buot almmi lottiid
seaivut du ala
ja gallehan buot eatnama spiriid
duinna.
5Mun suhppen du goruda váriide,
deavddán legiid du ráppiin.
6Mun laskadan eatnama
varain mii dus golgá,
du varra deavdá jogažiid.
7
50,3
Joel 2,10
3,420
Am 8,9
Go mun čáskadan du heakka,
de mun govččan almmi
ja sevnnjodahtán dan násttiid.
Mun govččan beaivváža balvvaiguin,
mánnu ii šat báitte.
8Buot almmi báiti čuovggaid
mun sevnnjodahtán du dihte.
Mun govččan du eatnama
seavdnjatvuođain,
cealká Hearrá Ipmil.
9Mun muosehuhtán eatnat álbmogiid go gulahan daid gaskii du heavvaneami, miehtá eatnamiid maid don it dovdda. 10
Mun suorggahan du vurbbiin ollu álbmogiid, ja sin gonagasat doarggistit balus go sii oidnet mu likšamin miehki. Go don gahčat, de sii buohkat dohppehallet oktilaš ballui heakkaset dihte.
11Ná cealká Hearrá Ipmil: Babylona gonagasa miehkki falleha du. 12Mun divttán du šlámaideaddji joavkku gahččat soahteolbmáid, goaves báhkiniid, miehkkái. Sii duššadit Egypta goargatvuođa, oppa dan šlámaideaddji joavku duššaduvvo. 13Mun duššadan buot omiid dan eatnogáttiin. Dan čáziid eai moive šat olbmuid juolggit eaige omiid gaccat, 14muhto čáhci golgá buhtisin, šealgadin dego olju, cealká Hearrá Ipmil. 15Mun dagan Egypta meahccin, ávdimin ja olbmoheapmin, mun gottán buohkaid geat ásset doppe. Dalle sii ipmirdit ahte mun lean Hearrá.
16Dát lea morašlávlla, ja morašlávllan dan galgá lávlut. Buot álbmogiid nissonat galget lávlut dan, sii galget lávlut dan Egyptii ja oppa dan šlámaideaddji jovkui, cealká Hearrá Ipmil.
Morašlávlla Egyptii ja eará riikkaide
17Guoktenuppelogát jagi vuosttaš mánus, mánu vihttanuppelogát beaivvi munnje bođii dát Hearrá sátni: 18Olmmoš, váidde Egypta šlámaideaddji joavkku ja dan allanálat olbmáid, váidde, don ja buot álbmogiid nissonat:
Čiekŋalasa eatnamii mun nordadan sin,
daid lusa geat leat mannan hávdái.
19
Leigo du hearvásvuohta
stuorit go earáid?
Njieja, mana vuoiŋŋadit
birračuohpakeahtes olbmuid gaskii!
20Egyptalaččat jovdet
mihkiin sorbmejuvvon olbmuid bárrii,
seaŋga lea gárvvis Egyptii
ja oppa dan šlámaideaddji jovkui.
21Stuorimus sáŋgárat sárdnot
jábmiidáimmus faraoi
ja su veahkeheddjiide:
Birračuohpakeahtes olbmot
leat njiedjan ja boahtán vuoiŋŋadit,
dat geat leat goddojuvvon mihkiin.
22Doppe lea Assur,
ja oppa su soahteveahka
lea hávddiin su birra.
Buohkat leat goddojuvvon,
gahččan miehkkái.
23Sii ožžo hávddi vuolimus rokkis,
Assura hávddi birra njaŋgá
oppa su soahteveahka.
Buohkat leat goddojuvvon,
gahččan miehkkái,
dat geat gilve balu
ealli olbmuid eatnamis.
2432,24 Elam várreeanan Babylona nuorttabealde; dan oaivegávpot lei Susa.Doppe veallá Elam,
ja su hávddi birra njaŋgá
oppa su šlámaideaddji joavku.
Buohkat leat goddojuvvon,
gahččan miehkkái.
Birračuohpakeahttájin sii njidje
čiekŋalasa eatnamii,
dat geat gilve balu
ealli olbmuid eatnamis.
Dál sin oassin lea seammá heahpat
go dain geat leat mannan hávdái.
25Goddojuvvon olbmuid gaskii
oaččui Elam seaŋgga,
ja oppa su šlámaideaddji joavku
lea hávddiin su birra.
Buohkat leat birračuohpakeahtes olbmot,
goddojuvvon mihkiin.
Oktii sii gilve balu
ealli olbmuid eatnamis.
Dál sin oassin lea seammá heahpat
go dain geat leat mannan hávdái.
Goddojuvvon olbmuid gaskkas
lea sin sadji.
26
39,1
32,26 Mešek ja Tubal Gč. 27,13. >Jes 66,19.Doppe njaŋgájit Mešek ja Tubal
ja sin šlámaideaddji joavku
hávddiin sin birra.
Buohkat leat birračuohpakeahtes olbmot,
goddojuvvon mihkiin.
Oktii sii gilve balu
ealli olbmuid eatnamis.
27Sii eai njaŋgá daid sáŋgáriid gaskkas
geat gahčče dolin,
daid geat njidje jábmiidáibmui
oktan soahtevearjjuideasetguin,
ja dál vuoiŋŋadit miehkki oaivvi vuolde
ja galba dávttiid alde.
Oktii sáŋgárat gilve balu
ealli olbmuid eatnamis.
28Don cuvkejuvvot oktan birračuohpakeahtes olbmuiguin ja njaŋgát daid gaskkas geat leat goddojuvvon mihkiin.
29Doppe njaŋgá Edom ja gonagasat ja oaivámuččat geat ledje fámolaččat, muhto dattetge gárte daid gaskii geat ledje goddojuvvon mihkiin. Dál sii veallájit ovttas birračuohpakeahtes olbmuiguin ja daiguin geat leat mannan hávdái. 30
Doppe njaŋgájit buot davvieatnama oaivámuččat ja buot sidonlaččat. Vaikko sii gilve balu, sii gárte mannat vulos goddojuvvon olbmuid gaskii. Sin givrodat jorai heahpadin. Birračuohpakeahttájin sii njaŋgájit daid gaskkas geat leat goddojuvvon mihkiin. Dál sin oassin lea seammá heahpat go dain geat leat mannan hávdái.
31Farao oaidná daid buohkaid ja jeađđašuvvá morrašisttis šlámaideaddji joavkkus dihte. Farao ja oppa su soahteveahka leat goddojuvvon mihkiin, cealká Hearrá Ipmil. 32Mun dikten su gilvit balu ealli olbmuid eatnamis. Dál son biddjojuvvo birračuohpakeahtes olbmuid gaskii, farao ja oppa su šlámaideaddji joavku, cealká Hearrá Ipmil.