Profetia farao vuostá
29129,1 Logát jagi 587 o.Kr. Gč. 20,1.Logát jagi logát mánus, mánu guoktenuppelogát beaivvi munnje bođii dát Hearrá sátni: 2
Jer 46,2eč
Olmmoš, jorgal muođuid farao, Egypta gonagasa, guvlui ja gulat duomu sutnje ja oppa Egyptii. 3
Jes 51,9
Esek 29,9
32,2
Daja: Ná cealká Hearrá Ipmil:
Mun fallehan du, farao,
Egypta gonagas!
Don njaŋgát guovdu eanu
dego buoiddes krokodiila ja dajat:
“Nileatnu lea mu,
mun lean dahkan dan.”
4Mun bijan rohkiid du olloliidda ja divttán Nileanu guliid darvánit du čuopmasiidda. Mun geasán du Nileanus oktan buot Nileanu guliiguin mat leat darvánan du čuopmasiidda.
5
39,4
Mun bálkestan du meahccái,
du ja buot Nileanu guliid.
Don njaŋggat báljes eatnamii,
iige oktage viečča du iige hávdát.
Mun attán du
meahci spiriid ja almmi lottiid biebmun.
6
Jes 36,6
Dalle buot Egypta ássit ipmirdit
ahte mun lean Hearrá.
Rávrasoappi láhkái
don leat dorjon israellaččaid.
7Go sii dohppejit dutnje,
de don doddjot
ja nájat sin gieđaid,
go sii miiget du vuostá,
de don cuovkanat
ja bijat sin alimiid suoibut.
8Dan dihte cealká Hearrá Ipmil: Mun geigen miehki du vuostá ja duššadan du eatnamis olbmuid ja omiid. 9Egypta šaddá meahccin ja čievračopman. Dalle buohkat ipmirdit ahte mun lean Hearrá.Don dajat: “Nileatnu lea mu, mun lean dahkan dan.” 1029,10 Migdolis Assuanii Egypta davveoasis gitta lulleoassái. Kuš riika Egypta lulábealde. Vrd. 1 Mos 2,13; Jes 18,1.Dan dihte mun fallehan du ja du Nileanu, mun dagan Egypta čievračopman ja meahccin Migdolis Assuanii ja gitta Kuša ráji rádjái. 11Ii oktage olmmoš jođe doppe, dan ii duolmma oktage oapmi, njealljelogi jahkái doppe ii ása oktage. 12Mun dagan Egypta ávdin eanamin eará heavahuvvon eatnamiid seahká. Njealljelogi jagi dan gávpogat leat čievračopman eará heavahuvvon gávpogiid gaskkas. Mun biđgen egyptalaččaid álbmogiid gaskii ja botkkuhan sin vieris eatnamiidda. 13Ná cealká Hearrá Ipmil: Njealjelogi jagi geažes mun čohkken egyptalaččaid dain álbmogiin maid gaskii sii ledje biđgejuvvon. 1429,14 Patros >Jes 11,11.Dalle mun loahpahan Egypta fáŋgavuođa ja doalvvun sin ruovttoluotta Patrosii, dan eatnamii gos sii surggiidit, ja doppe sis lea unna gonagasriikkaš. 15Dat lea heajut go eará gonagasriikkat, iige dat šat alit iežas fámolaččabun go earát. Dat ii oaččo šat alidit iežas eará álbmogiid bajábeallái. Mun dagan dan olbmuid nu hárvvisin ahte dat ii nagot ráđđet eará álbmogiid 16
eaige israellaččat šat dorvvas dasa. Dat lea israellaččaide muittuhus suttus maid sii dahke go jorgaledje egyptalaččaid beallái. Dalle sii ipmirdit ahte mun lean Hearrá Ipmil.
1729,17 Guoktelogičihččet jagi 571 o.Kr., maŋimuš áigemeroštallan Esekiela profehtastallamiin. Gč. 20,1.Guoktelogičihččet jagi vuosttaš mánus, mánu vuosttaš beaivvi munnje bođii dát Hearrá sátni: 18Olmmoš! Nebukadnesar, Babylonia gonagas, lea barggahan garrasit iežas soahteveaga go lea soahtan Tyrosiin. Buot oaivvit leat báljagan ja buot oalggit loktojuvvon, muhto ii son iige su soahteveahka leat ožžon bálkká das ahte lea soahtan Tyrosiin. 19
Dan dihte cealká Hearrá Ipmil: Mun attán Nebukadnesarii, Babylonia gonagassii, Egypta eatnama. Son doalvu dan dávviriid, váldá sállaša ja stajida dan riggodagaid. Lehkos dat bálkán su soahtevehkii. 20Mun attán sutnje Egypta su barggu bálkán, nu ahte son oažžu bálkká dan barggus maid lea bargan mu ovdii. Ná cealká Hearrá Ipmil. 21
Dan beaivvi mun attán Israela álbmogii šaddat fámu čoarvvi, ja mun raban du njálmmi, nu ahte don sáhtát sárdnut mu álbmogii. Dalle sii ipmirdit ahte mun lean Hearrá.