Davvisámegiel Biibbal 2019 (Biibbal)
1

Esekiel oaidná Hearrá hearvásvuođa

111,1 Kebarjoga Eufrateanu kanála. Dan gáttis lei Tel Aviva gávpot, gos dolvojuvvon judealaččat ásse.Lei golbmalogát jahki, njealját mánu viđát beaivi, go mun ledjen dolvojuvvon olbmuid gaskkas Kebarjoga gáttis. Dalle albmi rahpasii ja mun oidnen Ipmila oainnáhusaid. 2

1,2
2 Gon 24,15
1,2 gonagas Jojakina … viđát jahki 597 o.Kr. Seammá áigge go profehta Esekiel bođii Babylonii.Lei mánu viđát beaivi, gonagas Jojakina fáŋgavuođa viđát jahki. 3
1,3
3,22
8,1
33,22
37,1
40,1
Dalle bođii Hearrá sátni báhppa Esekielii, Busi bárdnái, Kaldea eatnamis Kebarjoga gáttis. Doppe su guoskkahii Hearrá giehta.

4

1,4
2 Mos 13,21
Sál 18,11
97,3
Dán mun oidnen: Davvin bođii riđđu ja stuorra balva mii njivžžui dola, ja čuovga báittii dan birra. Ja siskkimusas, gasku dola, šealggui juoga mii lei oaidnit dego vilges golli. 5
1,5
10,9eč
Alm 4,6–8
1,5 heakkalačča hámit almmálaš sivdnádusat mat guddet Hearrá gonagastruvnnu. Vrd. kap. 10; 2 Mos 25,18eč, ▶ kerubat.Siskkimusas oidnojedje njealji heakkalačča hámit. Dat ledje oaidnit dákkárat: Dain lei olbmo hápmi, 6muhto iešguđesge ledje njeallje ámadaju ja njeallje soajá. 7Daid juolggit ledje njuolgadat, ja daid juolgelábit ledje dego gálbbeguohpirat mat šealggáhalle dego šelges veaiki. 8Soajáid vuolde dain ledje olbmogieđat njealji guvlui. Buot njealljásis lei ámadadju ja soaját, 9ja daid soaját ledje lávgalaga. Dat eai jorggihan manadettiin, juohkehaš manai njuolga ovddos. 10Dákkárat ledje daid ámadajut: Daid ámadadju lei dego olbmo ámadadju, muhto olgeš bealde lei ledjona ámadadju ja gurut bealde vuovssá ámadadju, ja buot njealljásis lei vel goaskima ámadadju. 11Guđege heakkalaččas ledje guokte soajá badjin leabbut, nu ahte dat guoskkahedje nuppiid soajáid, ja guvttiin soajáin dat gokče rupmaša. 121,12 vuoigŋa sáhttá maid jorgaluvvot “biegga”.Juohkehaš manai njuolga ámadajus guvlui, dohko gosa vuoigŋa dáhtui daid mannat, eaige dat jorggihan manadettiin. 13Daid heakkalaččaid gaskkas oidnojedje dego buolli hilat, dat njuršo spáidariid láhkái heakkalaččaid gaskkas. Dolla báittii, ja dolas vulge álddagasat. 14Heakkalaččat šuvggihedje ovddos maŋás dego álddagasat.

15Go mun geahčadin heakkalaččaid, de mun oidnen juohkehačča bálddas jorri mii guoskkai eatnamii. 16

1,16
10,9eč
Buot njeallje jorri ledje ovttaláganat, ja dat leđgo dego dat livčče duddjojuvvon krysolihtas. Dat orro leamen dahkkojuvvon nu ahte jorrit ledje ruossalassii siskálagaid. 17Heakkalaččat manne njealji guvlui, eaige jorrit dárbbašan jorggihit. 18Jorriin ledje njeallje gierdooasi, ja gierdoosiin ledje dievva čalmmit. 19Go heakkalaččat manne, de jorritge manne daid bálddas, ja go dat loktanedje eatnamis, de loktanedje jorritge. 20
1,20
10,17
Heakkalaččat manne gosa vuoigŋa doalvvui daid, ja jorrit loktanedje oktanaga daiguin, dainna go heakkalaččaid vuoigŋa lei jorriin. 21Go heakkalaččat manne, de manne datge. Go dat orro, de orro jorritge, ja go dat loktanedje eatnamis, de loktanedje jorritge oktanaga daiguin, dainna go heakkalaččaid vuoigŋa lei jorriin.

221,22 gomuvuohta almmi gomuvuohta man badjel lea Ipmila truvdnu, vrd. v. 26; 10,1.Heakkalaččaid oaivvi bajábealde lei dego gomuvuohta. Das lei balddihahtti báitin dego jieŋa báitin, ja gomuvuohta lei lebbejuvvon daid oivviid bajábeallái. 23Gomuvuođa vuolde dat geaigguhedje soajáid, nu ahte dat guoskkahedje nuppiid soajáid, ja guvttiin soajáin dat gokče iežaset rupmaša. 24Mun gullen daid soajáid šuva. Go dat lihkadedje, de dat lei nugo stuorra čáziid šávva, dego Buotveagalačča jietna, daid márra lei dego soahteveaga šlápma. Go dat orustedje, de dat luite soajáideaset. 25Gomuvuođa bajábealde, daid oivviid badjelis, gullui jupma. 26

1,26
2 Mos 24,10
Alm 4,2eč
Daid oivviid badjelis lei juoga mii sulastahtii safira. Dat lei truvnnu láhkásaš. Buot alimuččas, dan alde mii lei truvnnu láhkásaš, čohkkái muhtin gii lei olbmo hápmásaš. 27Das mii orui leamen su alimat ja das bajás guvlui, mun oidnen leađgumin dego vilges golli, dat orui leamen dego dollariekkis, ja das mii orui leamen su alimat ja das vulos guvlui, mun oidnen juoidá mii lei dego dolla. Čuovga báittii su birra. 28
1,28
8,4
43,3
Dan 8,17č
Báitin su birra lei nugo dávgi mii oidno balvvain arvebeaivvi.

Dakkár lei oaidnit Hearrá hearvásvuohta. Go mun oidnen dan, de mun gahččen gopmut. Ja mun gullen soapmása sárdnumin.

2

Hearrá rávká Esekiela profehtan

21

2,1
Dan 10,11
2,1 Olmmoš Dát namahus, mii geardduhuvvo dávjá (2,3.6; 3,1 jna.), muittuha ahte profehta lea earálágán go almmálaš sivdnádusat, danin go son lea eatnama ássi ja njuolvvas. Hebreagiel namahus lea “olbmobárdni”. Gč. Dan 7,13.Son celkkii: “Olmmoš, čuožžil! Mun dáhtun sárdnut dutnje.” 2
2,2
3,24
Go son sártnui, de mu devddii vuoigŋa mii loktii mu čuoččat. Ja mun gullen su sárdnumin alccesan. 3Son celkkii: “Olmmoš, mun vuolggahan du israellaččaid lusa, gážžáris olbmuid lusa geat vuostálastet mu. Sii ja sin áhčit leat stuibmidan mu vuostá gitta otná beaivvi rádjái. 4
2,4
Jes 6,10
48,4+
Mun vuolggahan du goavesmuđot ja garraváimmot olbmuid lusa, ja don galggat dadjat sidjiide: ‘Ná cealká Hearrá Ipmil.’ 5
2,5
3,1127
33,33
Sii leat gážžáris álbmot, muhto juogo sii gullet dahje leat gulakeahttá, sii šaddet goit diehtit ahte profehta lea leamaš sin gaskkas. 6
2,6
3,9
Olmmoš, ale bala sis, ale bala sin sániin, vaikko du ovddas leat gáskálasat ja bastilislánját ja don ásat skorpiovnnaid gaskkas. Ale bala sin sániin alege ballá sis, siihan leat gážžáris álbmot. 7Juogo sii gullet dahje leat gulakeahttá, don galggat sárdnut sidjiide mu sániid. Sii leat gážžáris álbmot. 8Olmmoš, gula maid mun dutnje sártnun. Ale leage gážžár nugo dát gážžáris álbmot. Rabas njálmmi ja bora maid mun dutnje attán.”

9

2,9
Alm 5,1
Mun oidnen mo mu guvlui geigejuvvui giehta, ja gieđas lei girjegearru. 10Son lebbii gearu mu ovdii, ja dat lei čállojuvvon dievva siskkil ja olggul. Dasa ledje čállojuvvon morašlávlagat, šuohkanasat ja vuoigimat.

3

31

3,1
Alm 10,9
Son celkkii munnje: “Olmmoš, bora dan mii lea du ovddas. Bora dán girjegearu ja mana de sárdnut israellaččaide.” 2Mun rabastin njálmmi, ja son attii munnje girjegearu borrat. 3Son celkkii: “Olmmoš, bora dán girjegearu maid mun attán dutnje ja deavdde čoavjji dainna.” Mun borren dan, ja dat njálggiidii mu njálmmis dego honnet.

4Dasto son celkkii munnje: “Olmmoš, mana israellaččaid lusa ja sártno sidjiide mu sániid. 5

3,5
Jes 33,19
Don it vuolggahuvvo dakkár álbmoga lusa man giela lea váttis dahje veadjemeahttun áddet, muhto israellaččaid lusa. 6It don vuolggahuvvo daid ollu álbmogiid lusa maid giela lea váttis dahje veadjemeahttun áddet ja maid sániid don it ipmir. Jos mun vuolggahivččen du daid lusa, de dat gulašedje du. 7
3,7
Jes 48,4
Muhto israellaččat eai dáhto gullat du, danin go sii eai dáhto gullat mu. Sis buohkain lea garra gállu ja garra váibmu. 8
3,8
Jer 1,18
15,20
Mun dagan du muođuid seammá garasin go sin muođut ja du gállu seammá garasin go sin gállu. 9
3,9
Jer 1,8
Mun dagan du gállu seammá garasin go diamánta, garraseabbon go geađgi. Ale bala sis alege suorgan, siihan leat gážžáris álbmot.” 10Dasto son celkkii munnje: “Olmmoš, guldal dárkilit ja muitte buot maid mun sártnun dutnje. 11Mana dasto eret dolvojuvvon olbmuid lusa, iežat álbmoga olbmuid lusa, ja sártno sidjiide. Juogo sii gullet dahje leat gulakeahttá, de cealkke sidjiide: ‘Ná cealká Hearrá Ipmil.’”

12

3,12
Jes 6,3
3,12 Vuoigŋa >1,12.Vuoigŋa loktii mu, ja mun gullen iežan maŋábealde garra šláma, go Hearrá hearvásvuohta loktanii sajistis. 13Heakkalaččaid soaját skohče go dat guoskkahedje nuppit nuppiid, ja jorrit daid bálddas jupme, gullui stuorra jupma. 14
3,14
8,3
Apd 8,39
Vuoigŋa loktii mu ja dohppii fárrosis. Mun johten bahča mielain ja suhtus, ja Hearrá giehta dettii mu lossadit. 15
3,15
1,3
Dan 7,28
8,27
3,15 Tel Aviv, Kebarjohka >1,1.Mun bohten daid eret dolvojuvvon olbmuid lusa Tel Avivas, geat ásse Kebarjoga gáttis. Doppe mun čohkkájin gáfestuvvan sin gaskkas čieža beaivvi.

Esekiela bargu goziheaddjin

16Čieža beaivvi geažes munnje bođii Hearrá sátni: 17

3,17
Jer 1,7
3,17 goziheaddjin Vrd. 33,1–9.Olmmoš, mun bijan du israellaččaid goziheaddjin. Go don gulat sáni mu njálmmis, de don galggat cuiggodit sin mu beales. 18Jos mun cealkkán ipmilmeahttumii: “Don šattat jápmit”, itge don leat cuiggodan su itge várren su dahkamis baháid, vai su heagga gáddjojuvvošii, de ipmilmeahttun jápmá vearredaguidis geažil, ja mávssu su varas mun gáibidan dus. 19Muhto jos don leat cuiggodan ipmilmeahttuma iige son liikká jorgal bahávuođastis iige vearredaguinis, de son šaddá jápmit suttus geažil, muhto don leat gádjon iežat heakka. 20
3,20
18,24
33,12
Jos vanhurskkis jorgala vanhurskkisvuođastis ja dahká vearrivuođa go mun bijan jorralangeađggi su ovdii, de son šaddá jápmit. Jos don it leat cuiggodan su, de son jápmá suttus geažil. Su vanhurskkis dagut eai muitojuvvo, ja mávssu su varas mun gáibidan dus. 21Muhto jos don várret vanhurskása suddudeames, iige son, vanhurskkis olmmoš, dalle suddut, de son beassá eallit danin go válddii vára várrehusas, ja don leat gádjon iežat heakka.

Profehta gielahuvvá

22

3,22
1,3+
Doppe Hearrá giehta guoskkahii mu. Hearrá celkkii munnje: “Njieja leahkái, doppe mun sártnun dutnje.” 23
3,23
1,28+
Mun njidjen leahkái, ja doppe lei Hearrá hearvásvuohta, seammá go maid ledjen oaidnán Kebarjoga gáttis. Mun gahččen eatnamii gopmut. 24Muhto munnje bođii vuoigŋa ja loktii mu čuoččat. Son celkkii munnje: “Mana vissosat ja dahpa iežat dohko. 25Olmmoš, sii dohppejit báttiid ja čatnet du daiguin, nu ahte it beasa olbmuid lusa. 26
3,26
24,27
Ja du njuokčama mun divttán darvánit guopmái, nu ahte don šattat gielaheapmin itge sáhte ráŋgut sin. Siihan leat gážžáris álbmot. 27Muhto go mun sártnun dutnje, de mun rabastan du njálmmi. Dalle don galggat cealkit sidjiide: ‘Ná cealká Hearrá Ipmil.’ Gullos gii dáhttu gullat, ja lehkos gulakeahttá gii ii dáhto. Siihan leat gážžáris álbmot.”