Davvisámegiel Biibbal 2019 (Biibbal)
13

Vearreprofehtaid duopmu

131Munnje bođii dát Hearrá sátni: 2

13,2
Jer 23,1eč
Esek 34,2
“Olmmoš, profehtastala daid profehtaid vuostá geat profehtastallet Israelis. Cealkke daidda geat profehtastallet dan mii ain báhčá millii: Gullet Hearrá sáni. 3
13,3
Jer 23,31
Ná cealká Hearrá Ipmil: Vuoi daid jierpmehis profehtaid geat guorrasit iežaset jurdagiidda, vaikko eai leat oaidnán makkárge oainnáhusaid. 4Du profehtat, Israel, leat dego riebanat viessobázahasain. 5
13,5
22,30
Ehpet dii leat gorgŋon muvraluoddanemiide ehpetge divvon muvrra israellaččaid birra, vai sii biđášedje soađis Hearrá beaivvi. 6
13,6
Jer 23,162631
Esek 22,28
Sin oainnáhusat leat behtolaččat ja sin einnostusat giellásat. Sii dadjet: ‘Dát lea Hearrá sátni’, vaikko Hearrá ii leat vuolggahan sin. Ja liikká sii vurdet su diktit sin sániid ollašuvvat! 7Muhto dat oainnáhusat maid dii oaidnibehtet leat behtolaččat, ja dat einnostusat maid dii sárdnubehtet leat giellásat. Dii dadjabehtet: ‘Dát lea Hearrá sátni’, vaikko mun in leat sárdnon. 8Dan dihte cealká Hearrá Ipmil: Danin go din sánit leat behtolaččat ja din oainnáhusat giellásat, de mun čuožžilan din vuostá. Dát lea Hearrá Ipmila sátni. 9Mun časkkán daid profehtaid geaid oainnáhusat leat behtolaččat ja geaid einnostusat leat giellásat. Sii eai oaččo gullat mu álbmoga čoakkalmassii, sii eai oaččo čállojuvvot israellaččaid sohkalogahallamii eaige boahtit Israela eatnamii. Dalle dii ipmirdehpet ahte mun lean Hearrá Ipmil.

10

13,10
Jer 6,14Esek 22,28
13,10 kálkejit seainni Go einnosteaddjit sárdnot ráfi ságaid ja addet olbmuide behtolaš oadjebasvuođa, de dat lea seammá go jos olmmoš kálke heajos muvrra dan nannema sadjái.Sii leat čádjidahttán mu álbmoga ja dadjan: ‘Ráfi’, vaikko ráfi ii leat. Sii kálkejit seainni maid álbmot lea ceggen. 11
13,11
Matt 7,27
Daja dan dihte daidda kálkejeddjiide: ‘Din seaidni gahččá.’ Boahtá ráššoarvi, čuorpmasta ja riđđuda. 12Ja go seaidni gahččá, de olbmot jerret dis: ‘Gos dál lea kálka maid dii sihkuidet?’ 13Dan dihte cealká Hearrá Ipmil: Moaristan mun divttán riđu gaikut, mu suhttu vuolggaha ráššoarvvi ja mu moarri duššadeaddji čuorbmasiid. 14Mun gaikkun dan seainni maid dii leiddet kálken ja norddastan dan eatnamii, nu ahte vuođđudus oidno. Go gávpot gahččá, de dii duššabehtet oktan dainna. Dalle dii ipmirdehpet ahte mun lean Hearrá. 15Mun golggahan iežan suhtu seainni ja dan kálkejeddjiid badjelii. Mun cealkkán didjiide: Seaidni ii leat šat, eai leat šat dan kálkejeaddjit, 16dat Israela profehtat geat profehtastalle Jerusalema birra ja geat oidne oainnáhusaineaset ráfi, vaikko ráfi ii lean, cealká Hearrá Ipmil.

Vuoi vearreprofehtanissoniid!

17Olmmoš, jorgal muođuid iežat álbmoga nissoniid vuostá geat profehtastallet dan mii ain báhčá millii. Profehtastala sin vuostá 18ja daja: Ná cealká Hearrá Ipmil: Vuoi din geat goarrubehtet báttiid olbmuid giehtaruohttasiidda ja duddjobehtet beaittaliinniid buohkaide, sihke stuorráide ja smávváide, vai beassabehtet bivdit olbmuid. Áigubehtetgo dii bivdit olbmuid mu álbmogii vahágin ja diktit earáid eallit alcceseattet ávkin? 19

13,19
Mi 2,11
Dii heahppášuhttibehtet mu mu iežan álbmoga čalmmiin muhtin bivgečorpmas ja moatti láibebihtás. Dii goddibehtet daid geat eai livčče galgan jápmit ja diktibehtet eallit daid geat eai livčče ožžon eallit. Dii gielistehpet mu álbmoga mii liiko guldalit giellásiid. 20Dan dihte cealká Hearrá Ipmil: Mun válddán daid báttiid maiguin dii bivdibehtet olbmuid. Mun gaikkihan daid din gieđas, ja mun luoittán luovus daid olbmuid geaid dii lehpet bivdán. 21Mun gaikkun din beaittaliinniid ja gájun iežan álbmoga din gieđas, eaige sii šat šatta din sálašin. Dalle dii ipmirdehpet ahte mun lean Hearrá.

22

13,22
Jer 23,14
Dii hearddohuhtiidet vanhurskása almmá siva haga, vaikko mun in leat goassige váivvidan su, muhto ipmilmeahttuma dii lehpet roahkasmahttán, vai son ii jorgalivčče bahás geainnustis iige bestojuvvoše. 23Dan dihte din behtolaš oainnáhusat ja einnostusat nohket. Mun gájun iežan álbmoga din gieđas. Dalle dii ipmirdehpet ahte mun lean Hearrá.”

14

Várrehus eahpeipmilbálvaleddjiide

141

14,1
20,1
Muhtun Israela vuorrasat bohte mu lusa ja čohkánedje mu ovdii. 2Dalle bođii munnje dát Hearrá sátni: 3Olmmoš, dát olbmát leat addán váimmuset eahpeipmiliidda, sii leat bidjan muođuideaset ovdii dakkára mii jorralahttá sin suddui. Singo mun divttášin jearrat alddán ráđi? 4Sártno sidjiide ja daja: Ná cealká Hearrá Ipmil: Jos israellaš lea addán váimmus eahpeipmiliidda ja bidjan muođuidis ovdii dakkára mii jorralahttá su suddui, muhto dattetge boahtá profehta lusa, de mun, Hearrá, ieš attán sutnje dakkár vástádusa maid su eahpeipmilbálvalus ánssáša. 5Mun suorggahan israellaččaid, danne go sii buohkat leat hilgon mu ja bálvalit eahpeipmiliiddiset.

6Daja israellaččaide: Ná cealká Hearrá Ipmil: Jorgalehket! Jorgalehket eahpeipmiliinnádet, jorgalehket buot fastivuođaineattet. 7Jos israellaš dahje dakkár gii ássá vierisin Israelis, luohpá mus ja addá váimmus eahpeipmiliidda ja bidjá muođuidis ovdii dakkára mii jorralahttá su suddui, muhto dattetge boahtá profehta lusa jearrat mus ráđi, de mun, Hearrá, ieš attán sutnje vástádusa. 8

14,8
5 Mos 28,37
Jer 24,9
Mun jorgalan muođuid dan olbmá vuostá ja dagan su mearkan ja sátnevájasin, ja mun jávkadan su iežan álbmogis. Dalle dii ipmirdehpet ahte mun lean Hearrá. 9
14,9
1 Gon 22,20
Muhto jos profehta fillehallá sárdnut, de mun, Hearrá, ieš lean fillen dan profehta. Mun geigen gieđa su vuostá ja duššadan su álbmogisttán Israelis. 10Goappašagat ráŋggáštuvvoba, sihke profehta ja dat gii jearai sus ráđi oažžuba seammá ráŋggáštusa, 11
14,11
11,20
vai israellaččat eai šat čádjidivčče mu luhtte eaige nuoskkidivčče iežaset buot vearredaguineaset. Sii leat mu álbmot ja mun lean sin Ipmil, cealká Hearrá Ipmil.

Jerusalema duopmu bissu

12Munnje bođii dát Hearrá sátni: 13

14,13
4,16
Olmmoš, jos eanan sudduda mu vuostá oskkáldasmeahttun daguiguin ja mun geigen gieđa dan vuostá ja divttán láibbi nohkat ja vuolggahan eatnamii nealggi ja duššadan das olbmuid ja omiid, 14
14,14
1 Mos 6,8č
Job 1,1
Esek 18,20
Dan 1,8
ja jos Noa, Daniel ja Job livčče doppe, de dát golmmas gájošedje dušše iežaset heakka buot vanhurskkisvuođaineaset, cealká Hearrá Ipmil. 15
14,15
3 Mos 26,22
Dahje jos mun luoittán boraspiriid miehtá eatnama goddit dan ássiid, ja oppa eanan šaddá ávdimin iige oktage vádjol doppe spiriid dihte, 16ja jos doppe livčče dát golmmas, de siige eai sáhtáše gádjut bártniideaset eaige nieiddaideaset, nu duohta go mun ealán, cealká Hearrá Ipmil. Sii sáhtáše gádjut dušše iežaset heakka, muhto eanan šattašii ávdimin. 17Dahje jos mun lokten miehki eatnama vuostá ja gohčun dan hearjidit eatnama ja duššadan das olbmuid ja omiid, 18ja jos doppe livčče dát golmmas, de sii eai sáhtáše gádjut bártniideaset eaige nieiddaideaset, nu duohta go mun ealán, cealká Hearrá Ipmil. Sii sáhtášedje gádjut dušše iežaset heakka. 19
14,19
3 Mos 26,25
Dahje jos mun vuolggahan dan eatnamii rohttudávdda ja golggahan moarrán dan badjelii, nu ahte mun gottán ja duššadan das olbmuid ja omiid, 20ja vaikko doppe livčče Noa, Daniel ja Job, nu duohta go mun ealán, cealká Hearrá Ipmil, de sii eai sáhtáše gádjut eai bártni eaige nieidda. Vanhurskkisvuođaineaset sii sáhtáše gádjut dušše iežaset heakka.

21

14,21
3 Mos 26,22–26
Ná cealká Hearrá Ipmil: Go mun lean vuolggahan Jerusalemii iežan njeallje hirbmatlaš ráŋggáštusa – miehki, nealggi, beađuid ja rohttudávdda – duššadit olbmuid ja omiid, 22de dattetge báhcet muhtumat geat leat ceavzán, ja sii bohtet din lusa ovttas bártniideasetguin ja nieiddaideasetguin. Ja go dii oaidnibehtet sin eallima ja daguid, de dii oažžubehtet jeđđehusa dan bahás maid mun lean diktán deaividit Jerusalema, buot das maid mun lean diktán deaividit dan. 23Dii jeađđašuvvabehtet go oaidnibehtet sin eallima ja daguid. Dalle dii ipmirdehpet ahte in mun almmá siva haga dahkan dan maid dahken, cealká Hearrá Ipmil.

15

Jerusalem, gealbbohis viidnemuorra

151Munnje bođii dát Hearrá sátni: 2

15,2
Joh 15,6
15,2 viidnemuorra govvida Israela. >Sál 80,9+.Olmmoš, mii buoretvuođaid viidnemuoras lea eará muoraid ektui, leago viidnemuorrasuorgi buoret go eará muorat? 3Sáhttágo dan muoras ávnnastit juoidá, sáhttágo das duddjot návllige masa beassá heaŋggastit biergasiid? 4Ja jos dat lea biddjojuvvon dollii ja dolla lea boaldán das goappáge geaži ja guosmudan gaskabáikki, de dohkkego dat mange duoji ávnnasin? 5Iihan dat dohkken duodjeávnnasin dallege go dat lei ollis, vel uhcit dál, go dolla lea boaldán ja guosmudan dan. 6Dan dihte cealká Hearrá Ipmil: Nugo viidnemuorra biddjojuvvo dollii oktan meahci muoraiguin, nu maiddái Jerusalema ássit. 7Mun jorgalan muođuid sin vuostá, ja vaikko sii besset báhtarit dolas, de maŋimuš dolla loaktá sin. Go mun jorgalan muođuid sin vuostá, de dalle dii ipmirdehpet ahte mun lean Hearrá. 8Mun dagan eatnama ávdimin, danin go sii leat leamaš oskkáldasmeahttumat, cealká Hearrá Ipmil.