Davvisámegiel Biibbal 2019 (Biibbal)
11

Jerusalema oaivámuččaid duopmu

111

11,1
3,14
11,1 Vuoigŋa >1,12.Vuoigŋa loktii mu ja doalvvui mu Hearrá tempela nuortapoartta lusa, dan poartta mii lea nuorttas guvlui. Poartta uksaráiggi guoras ledje guoktelogivihtta olbmá. Sin gaskkas mun oidnen Jaasanja, Assura bártni, ja Pelatja, Benaja bártni, geat gulaiga álbmoga oaivámuččaide. 2
11,2
Mi 2,1
Hearrá celkkii munnje: “Olmmoš, dát leat dat gávpoga olbmát geat hutket vearrivuođa ja addet bahás ráđiid. 3
11,3
24,4
Sii dadjet: ‘Ii leat vuos dárbu hukset viesuid. Gávpothan lea báhti ja mii leat biergu.’ 4Dan dihte profehtastala, olmmoš, profehtastala sin vuostá!” 5Dalle bođii mu badjelii Hearrá vuoigŋa, ja son gohčui mu dadjat: “Ná cealká Hearrá: Mun dovddan din ságaid, israellaččat, mun dieđán maid dii jurddašehpet. 6
11,6
7,23
9,9
Dii lehpet sorbmen ollugiid dán gávpogis ja deavdán gáhtaid jábmiiguin. 7Dan dihte cealká Hearrá Ipmil: Gottáhallan olbmot geaid dii lehpet čobmen deike, leat biergu, ja din gávpot lea báhti, muhto din mun doalvvun dáppe eret. 8
11,8
3 Mos 26,25
Miehkis dii ballabehtet, ja miehki mun geigen din vuostá, cealká Hearrá Ipmil. 9Mun doalvvun din eret gávpogis, attán din vierroolbmuid gihtii ja ollašuhtán din duomu. 10Dii gahččabehtet miehkkái, Israela ráji alde mun dubmen din. Dalle dii ipmirdehpet ahte mun lean Hearrá. 11Gávpot ii šatta didjiide báhtin ehpetge dii šatta dasa biergun. Israela ráji alde mun dubmen din. 12Dalle dii ipmirdehpet ahte mun lean Hearrá, dii geat ehpet doahttalan mu báhkkomiid ehpetge doallan mu lágaid, muhto doalaidet birasálbmogiiddádet lágaid.”

13

11,13
9,8
Go mun ledjen profehtastallamin, de jámii Pelatja, Benaja bárdni. Dalle mun luoitádin muđolassii ja čurvon alla jienain: “Vuoi, Hearrá! Áiggutgo don duššadit buohkaid geat vel leat báhcán Israelis?”

Jeđđehus eret dolvojuvvon olbmuide

14Munnje bođii dát Hearrá sátni: 15

11,15
2 Gon 24,12eč
Olmmoš, ná dadjet Jerusalema ássit du vieljaid ja fulkkiid birra ja oppa Israela álbmoga birra: “Sii leat guhkkin Hearrás. Midjiide dát eanan lea addojuvvon árbin ja opmodahkan.” 16
11,16
Jer 24,5
Dan dihte cealkke: Ná cealká Hearrá Ipmil: Mun lean dolvon sin guhkás álbmogiid gaskii ja biđgen sin vieris eatnamiidda, muhto sii leat goit sáhttán bálvalit mu dain eatnamiin maiddái leat šaddan. 17
11,17
Jer 23,3
Dan dihte cealkke: Ná cealká Hearrá Ipmil: Mun čohkken din álbmogiid siste, buvttán din dain eatnamiin gosa dii lehpet biđgejuvvon ja attán didjiide Israela eatnama.

18Go sii leat máhccan, de sii jávkadit buot fasttes govaid ja visot eartnjehas vieruid. 19

11,19
5 Mos 30,6
Jer 24,7+
11,19 ođđa váimmu Vrd. 36,26; Jer 31,31eč.Mun attán sidjiide ođđa váimmu ja deavddán sin ođđa vuoiŋŋain. Mun válddán sin rattis geađgeváimmu ja attán sidjiide oažževáimmu, 20vai sii doahttalit mu báhkkomiid, dollet mu lágaid ja ellet daid mielde. Dalle sii leat mu álbmot, ja mun lean sin Ipmil. 21
11,21
9,10+
Muhto daidda geat ain doallánit fasttes govaidasaset ja eartnjehas vieruidasaset, mun mávssahan sin daguid, cealká Hearrá Ipmil.

22

11,22
9,3+
Kerubat bajidedje soajáideaset. Jorrit bohte kerubaid mielde, ja Israela Ipmila hearvásvuohta lei kerubaid badjel. 23Hearrá hearvásvuohta badjánii gávpogis ja orustii dan várrái mii lea gávpogis nuorttas. 24
11,24
3,14č
8,3
11,24 Vuoigŋa >1,12.Vuoigŋa loktii mu ja oainnáhusas maid Ipmila vuoigŋa attii dat doalvvui mu Kaldeai, daid eret dolvojuvvon olbmuid lusa. 25Mun muitalin sidjiide buot maid Hearrá lei diktán mu oaidnit.

12

Profehta lea mearkan Jerusalemii

121Munnje bođii dát Hearrá sátni: 2

12,2
Jes 6,9č
Jer 5,21
“Olmmoš, don ásat gážžáris álbmoga gaskkas. Vaikko sis leat čalmmit, de sii eai oainne, vaikko sis leat bealjit, de sii eai gula, siihan leat gážžáris álbmot. 3Olmmoš, don galggat guovdelaš beaivvi ja sin oaidnut ráhkadit dakkár gurppi mii eret dolvojuvvon olbmuin lea, ja sin oaidnut vuolgit eret báikkis gos don ásat nuppi báikái. Sii vedjet ipmirdit dan – siihan leat gážžáris álbmot. 4Guovdelaš beaivvi ja sin oaidnut don galggat guoddit olggos iežat gurppi, dego livččet bággehallan vuolgit. Vuolgge eahkedis ja sin oaidnut nugo eret dolvojuvvon olmmoš vuolgá. 5Gaikko sin oaidnut seaidnái ráiggi ja mana dakko olggos, gurpi vel mielde. 6
12,6
12,11
24,2427
Bajit dan oalgái sin oaidnut ja doalvvo dan olggos seavdnjadin. Govčča muođuidat, nu ahte it oainne eatnama maid leat guođđimin. Mun bijan du mearkan israellaččaide.”

7Mun dahken nugo ledjen gohčohallan. Guovdelaš beaivvi mun dolvon olggos iežan gurppi nugo eret dolvojuvvon olmmoš doalvu gurppis olggos. Eahkedis mun gaikon seaidnái ráiggi gieđaiguin, ja sin oaidnut mun dolvon seavdnjadin olggos gurppi ja bajidin dan oalgái.

8Iđedis munnje bođii dát Hearrá sátni: 9“Olmmoš, almma israellaččat, duot gážžáris álbmot, leat jearran dus: ‘Maid don dagat?’ 1012,10 oaivámužžii … Jerusalemis gonagas Sidkia. Esekiel atná gonagas-namahusa čujuhit ovddemus Babylona fámolaš gonagassii. Vrd. 19,9; 21,24; 26,7.Vástit sidjiide: ‘Ná cealká Hearrá Ipmil: Dát profetia guoská oaivámužžii gii ráđđe Jerusalemis, ja buot gávpoga israellaččaide.’ 11Daja: ‘Mun lean didjiide mearka. Nugo mun lean dahkan, nu dahkkojuvvo Jerusalema ássiide. Sii váldojuvvojit fáŋgan ja dolvojuvvojit eret. 12

12,12
Jer 39,4
12,12 nu ahte ii oainne Sidkia čalmmehuhttojuvvui ovdal go Nebukadnesar doalvvui su Babylonii. Gč. 2 Gon 25,7.Sin oaivámuš lea sin gaskkas. Go sevnnjoda, de songe šaddá bajidit gurppi oalgái ja vuolgit. Sii gaikot ráiggi seaidnái, vai besset dakko doalvut gurppiideaset olggos, ja oaivámuš gokčá muođuidis nu ahte ii oainne dán eatnama.’” 13
12,13
2 Gon 25,7
Esek 17,20
“Mun lebben fierbmán su badjelii, ja son darvána mu bivdosii. Dasto mun doalvvun su Babylonii, kaldealaččaid eatnamii, ja dohko son jápmá, muhto dán eatnama son ii oainne. 14
12,14
5,2
Oppa su fáru, su veahkeheddjiid ja su soahteveaga, mun biđgen buot biekkaide, ja mun oaguhan sin geaiggomihkiin. 15Go mun biđgen sin álbmogiid gaskii ja botkkuhan sin vieris eatnamiidda, de sii ipmirdit ahte mun lean Hearrá. 16
12,16
Jes 4,3+
Muhto muhtumiid sis mun seasttán miehkis, nealggis ja rohttudávddas, vai sii besset muitalit fasttes daguideaset daidda álbmogiidda maid gaskii sii bohtet. Dalle sii ipmirdit ahte mun lean Hearrá.”

17Munnje bođii dát Hearrá sátni: 18

12,18–19
4,16č
“Olmmoš, bora láibbi doarggistemiin ja juga čázi balus ja leabuheapmin. 19Muital iežat eatnama olbmuide dán Hearrá Ipmila sáni: ‘Ná geavvá Jerusalema ássiide ja Israela eatnamii. Sii šaddet borrat láibbi doarggistemiin ja juhkat čázi hirpmain. Sin eanan šaddá ávdimin ja olbmohuvvá buot ássiidis veahkaválddálaš daguid dihte. 20Gávpogat main olbmot leat ássan, šaddet čievračopman, ja eanan šaddá ávdimin. Dalle dii ipmirdehpet ahte mun lean Hearrá.’”

21Munnje bođii dát Hearrá sátni: 22

12,22
Jes 5,19
Jer 17,15
2 Pet 3,4
12,22 juohke oainnáhus duššá Olbmot eai jáhke Esekiela duopmoprofetiaide.“Olmmoš, mii dajahusaid lea dát maid dii atnibehtet Israela eatnamis: ‘Áigi guhkkána, juohke oainnáhus duššá.’ 23
12,23
7,7
Daja sidjiide: Ná cealká Hearrá Ipmil: Mun dagan duššin dán dajahusa. Dan ii oaččo šat atnit Israelis. Daja baicce sidjiide: ‘Áigi lea boahtán, ja juohke oainnáhus šaddá duohtan.’ 24Israelis eai leat šat behtolaš oainnáhusat eaige fillejeaddji einnostusat. 25Dat sátni maid mun, Hearrá, ain sártnun, ollašuvvá, ii dat ádján. Din áigge, dii gážžáris olbmot, mun sártnun iežan sáni ja ollašuhtán dan, cealká Hearrá Ipmil.”

26Munnje bođii dát Hearrá sátni: 27“Olmmoš, gula maid israellaččat dadjet: ‘Su oainnáhus guoská eará áigái, son profehtastallá gáiddus áiggi birra.’ 28

12,28
Jer 1,11č
Cealkke sidjiide: ‘Ná cealká Hearrá Ipmil: Mu sátni maid mun sártnun, ii ádján ollašuvvamis, cealká Hearrá Ipmil.’”

13

Vearreprofehtaid duopmu

131Munnje bođii dát Hearrá sátni: 2

13,2
Jer 23,1eč
Esek 34,2
“Olmmoš, profehtastala daid profehtaid vuostá geat profehtastallet Israelis. Cealkke daidda geat profehtastallet dan mii ain báhčá millii: Gullet Hearrá sáni. 3
13,3
Jer 23,31
Ná cealká Hearrá Ipmil: Vuoi daid jierpmehis profehtaid geat guorrasit iežaset jurdagiidda, vaikko eai leat oaidnán makkárge oainnáhusaid. 4Du profehtat, Israel, leat dego riebanat viessobázahasain. 5
13,5
22,30
Ehpet dii leat gorgŋon muvraluoddanemiide ehpetge divvon muvrra israellaččaid birra, vai sii biđášedje soađis Hearrá beaivvi. 6
13,6
Jer 23,162631
Esek 22,28
Sin oainnáhusat leat behtolaččat ja sin einnostusat giellásat. Sii dadjet: ‘Dát lea Hearrá sátni’, vaikko Hearrá ii leat vuolggahan sin. Ja liikká sii vurdet su diktit sin sániid ollašuvvat! 7Muhto dat oainnáhusat maid dii oaidnibehtet leat behtolaččat, ja dat einnostusat maid dii sárdnubehtet leat giellásat. Dii dadjabehtet: ‘Dát lea Hearrá sátni’, vaikko mun in leat sárdnon. 8Dan dihte cealká Hearrá Ipmil: Danin go din sánit leat behtolaččat ja din oainnáhusat giellásat, de mun čuožžilan din vuostá. Dát lea Hearrá Ipmila sátni. 9Mun časkkán daid profehtaid geaid oainnáhusat leat behtolaččat ja geaid einnostusat leat giellásat. Sii eai oaččo gullat mu álbmoga čoakkalmassii, sii eai oaččo čállojuvvot israellaččaid sohkalogahallamii eaige boahtit Israela eatnamii. Dalle dii ipmirdehpet ahte mun lean Hearrá Ipmil.

10

13,10
Jer 6,14Esek 22,28
13,10 kálkejit seainni Go einnosteaddjit sárdnot ráfi ságaid ja addet olbmuide behtolaš oadjebasvuođa, de dat lea seammá go jos olmmoš kálke heajos muvrra dan nannema sadjái.Sii leat čádjidahttán mu álbmoga ja dadjan: ‘Ráfi’, vaikko ráfi ii leat. Sii kálkejit seainni maid álbmot lea ceggen. 11
13,11
Matt 7,27
Daja dan dihte daidda kálkejeddjiide: ‘Din seaidni gahččá.’ Boahtá ráššoarvi, čuorpmasta ja riđđuda. 12Ja go seaidni gahččá, de olbmot jerret dis: ‘Gos dál lea kálka maid dii sihkuidet?’ 13Dan dihte cealká Hearrá Ipmil: Moaristan mun divttán riđu gaikut, mu suhttu vuolggaha ráššoarvvi ja mu moarri duššadeaddji čuorbmasiid. 14Mun gaikkun dan seainni maid dii leiddet kálken ja norddastan dan eatnamii, nu ahte vuođđudus oidno. Go gávpot gahččá, de dii duššabehtet oktan dainna. Dalle dii ipmirdehpet ahte mun lean Hearrá. 15Mun golggahan iežan suhtu seainni ja dan kálkejeddjiid badjelii. Mun cealkkán didjiide: Seaidni ii leat šat, eai leat šat dan kálkejeaddjit, 16dat Israela profehtat geat profehtastalle Jerusalema birra ja geat oidne oainnáhusaineaset ráfi, vaikko ráfi ii lean, cealká Hearrá Ipmil.

Vuoi vearreprofehtanissoniid!

17Olmmoš, jorgal muođuid iežat álbmoga nissoniid vuostá geat profehtastallet dan mii ain báhčá millii. Profehtastala sin vuostá 18ja daja: Ná cealká Hearrá Ipmil: Vuoi din geat goarrubehtet báttiid olbmuid giehtaruohttasiidda ja duddjobehtet beaittaliinniid buohkaide, sihke stuorráide ja smávváide, vai beassabehtet bivdit olbmuid. Áigubehtetgo dii bivdit olbmuid mu álbmogii vahágin ja diktit earáid eallit alcceseattet ávkin? 19

13,19
Mi 2,11
Dii heahppášuhttibehtet mu mu iežan álbmoga čalmmiin muhtin bivgečorpmas ja moatti láibebihtás. Dii goddibehtet daid geat eai livčče galgan jápmit ja diktibehtet eallit daid geat eai livčče ožžon eallit. Dii gielistehpet mu álbmoga mii liiko guldalit giellásiid. 20Dan dihte cealká Hearrá Ipmil: Mun válddán daid báttiid maiguin dii bivdibehtet olbmuid. Mun gaikkihan daid din gieđas, ja mun luoittán luovus daid olbmuid geaid dii lehpet bivdán. 21Mun gaikkun din beaittaliinniid ja gájun iežan álbmoga din gieđas, eaige sii šat šatta din sálašin. Dalle dii ipmirdehpet ahte mun lean Hearrá.

22

13,22
Jer 23,14
Dii hearddohuhtiidet vanhurskása almmá siva haga, vaikko mun in leat goassige váivvidan su, muhto ipmilmeahttuma dii lehpet roahkasmahttán, vai son ii jorgalivčče bahás geainnustis iige bestojuvvoše. 23Dan dihte din behtolaš oainnáhusat ja einnostusat nohket. Mun gájun iežan álbmoga din gieđas. Dalle dii ipmirdehpet ahte mun lean Hearrá.”