Davvisámegiel Biibbal 2019 (Biibbal)
38

Boaldinoaffaráltár ja bronsalihtti

381

38,1
27,1eč+
Besalel duddjui boaldinoaffaráltára akasiamuoras. Dat lei njealječiegat, vihtta állana guhku, vihtta állana govddu ja golbma állana alu. 2Dan njealji čihkii son duddjui čorvviid oktan bihttán áltáriin. Son skoađastii dan bronssain. 3Son duddjui buot áltára dárbašiid: gutnalihtiid, gutnagoaivvuid, oaffarbolluid, gáffaliid ja dollalihtiid. Buot dáid dárbašiid son duddjui bronssas. 4Áltárii son duddjui maid fierpmelágáš bronsabildda ja bijai dan áltára ravdalistta vuollái áltára gaskka rádjái. 5Son leikii njeallje rieggá bronsabildda njealji čihkii, maidda guoddinstákkut nahkehuvvojit. 6Guoddinstákkuid son duddjui akasiamuoras ja skoađastii daid bronssain. 7Son nahkehii guoddinstákkuid rieggáide mat ledje áltára goappáge bealde, nu ahte dan sáhtii guoddit. Son huksii áltára fielluin, nu ahte dat lei rabas vuolil ja bajil.

8

38,8
30,18
38,8 speadjaliid dávjjimusat ráhkaduvvon gellojuvvon bronssas dahje eará metállas. Gč. Job 37,18.Son duddjui bronsaáldása ja dasa juolggi. Dasa son geavahii daid bálvaleaddjinissoniid speadjaliid, geat doaimmahedje bálvalusa almmustusgoađi uvssa guoras.

Goađi ovdašillju

9

38,9
27,9eč
De son dagai ovdašilju. Šilju lulábeallái, lulás guvlui, dahkkojuvvojedje fiinna gerdojuvvon beallemasas čuođi állana guhkkosaš loavdagat. 10Daid várás duddjojuvvojedje bronssas guoktelogi stoalppu ja guoktelogi juolggi ja silbbas stoalppuid roahkit ja doaresmuorat. 11Seammá láhkái duddjojuvvojedje davábeale ravdii čuođi állana guhkkosaš loavdagat, daidda guoktelogi stoalppu ja guoktelogi bronsajuolggi, ja stoalppuide roahkit ja doaresmuorat silbbas. 12Oarjeravddas ledje viđalogi állana guhkkosaš loavdagat ja daidda logi stoalppu oktan daid julggiiguin, ja stoalppuide roahkit ja doaresmuorat silbbas. 13Ovddabealli, nuorttas guvlui, lei vihttalogi állana govddu. 14Poartta nuppe bealde ledje viđanuppelohkái állana guhkkosaš loavdagat ja daidda golbma stoalppu oktan daid julggiiguin, 15ja nuppe bealde viđanuppelohkái állana guhkkosaš loavdagat ja golbma stoalppu ja golbma juolggi. Ovdašilju poartta goabbáge bealli lei ovttalágán. 16Buot ovdašilju loavdagat ledje duddjojuvvon fiinna gerdojuvvon beallemasas. 17Stoalpojuolggit ledje bronssas ja stoalppuid roahkit ja doaresmuorat silbbas. Stoalpogeažit ledje skoađastuvvon silbbain. Buot ovdašilju stoalpput ledje giddejuvvon oktii silbadoaresholggaiguin. 18Ovdašilju poartta govččas lei gođđojuvvon čáppa hearvaduodjin ruksesalit, purpurrukses ja karmosinrukses ullus ja fiinna gerdojuvvon beallemasas. Dan guhkkodat lei guoktelogi állana ja allodat vihtta állana dahjege seammá go ovdašilju loavdagiin. 19Poartagokčasa várás duddjojuvvojedje njeallje stoalppu ja daidda njeallje bronsajuolggi. Stoalppuid roahkit ja doaresmuorat ledje silbbas, ja stoalpogeažit ledje skoađastuvvon silbbain. 20Buot goađi ja ovdašilju giddennávllit ledje bronssas.

2138,21 lihtumearkka árkka goahtái bassibáiki gos ledje árka ja lihtumearka, namalassii dat guokte geađgetávvala. Vrd. 25,22; 31,18; 32,15; 40,20. ▶ lihtuárka.Dát lea čilgehus das man ollu dárbašat leat golahuvvon goahtái, lihtumearkka árkka goahtái. Levilaččat dahke čilgehusa nugo Moses gohčui, ja dan jođihii Itamar, báhppa Arona bárdni. 22

38,22
31,2eč+
Uri bárdni Besalel, Hura áddjut Juda čearddas, lei dahkan buot daid rávvagiid mielde maid Hearrá lei addán Mosesii. 23Sus lei veahkkin Oholiab, Ahisamaka bárdni Dana čearddas, gii lei čeahppi duddjot ja máhtii gođđit ja hervet čábbát ruksesalit, purpurrukses ja karmosinrukses ulloláiggiin ja fiinna beallemasas. 2438,24 guoktelogiovcci taleantta ja čiežačuođigolbmalogi šekela sullii 992 kilo ja 8,3 kilo.Buot golli mii adnojuvvui bassibáikái, dat golli mii lei buktojuvvon oaffarattáldahkan, lei oktiibuot guoktelogiovcci taleantta ja čiežačuođigolbmalogi šekela bassibáikki šekeldeattu mielde. 25
38,25
30,12eč
38,25 čuođi taleantta ja duhátčiežačuođi čiežalogivihtta šekela sullii 3420 kilo ja 20,2 kilo.Silba mii lei čoggon go searvegoddi lohkkojuvvui lei čuođi taleantta ja duhátčiežačuođi čiežalogivihtta šekela bassibáikki šekeldeattu mielde vihkkejuvvon; 2638,26 beka-mihttu sullii 5,7 grámma.dat bođii beka-mihttu dahjege šekelbealli bassibáikki deattu mielde vihkkejuvvon guđege guoktelogijahkásačča ja das boarráset olbmá nammii. Sii ledje oktiibuot guhttačuođigolbmaduhát vihttačuođivihttalogi olbmá. 2738,27 taleanta sullii 34,2 kilo.Dán čuođi silbataleanttas leikejuvvojedje bassibáikki juolggit ja ovdaloavdaga juolggit; čuođi taleanttas čuođi juolggi, taleanta ain guđege juolgái. 28Dan duhátčiežačuođi čiežalogiviđa šekelis duddjojuvvojedje stoalporoahkit, skoađastuvvojedje stoalpogeažit ja duddjojuvvojedje doaresholggat maiguin stoalpput giddejuvvojedje oktii. 2938,29 čiežalogi taleantta ja guokteduhát njeallječuođi šekela sullii 2394 kilo ja 27,4 kilo.Oaffarattáldahkan buktojuvvon bronsa lei čiežalogi taleantta ja guokteduhát njeallječuođi šekela. 30Das duddjojuvvojedje juolggit almmustusgoađi uksii, bronsaáltár ja dasa bronsabilda ja buot eará áltára dárbašat, 31juolggit birra ovdašilju, ovdašilju poartta juolggit, buot bassibáikki giddennávllit ja buot giddennávllit birra ovdašilju.

39

Báhpaid biktasat

391

39,1
28,4eč
Ruksesalit, purpurrukses ja karmosinrukses ulloláiggis gođđojuvvojedje bassibáikki bálvalusa várás virgebiktasat ja maiddái Arona bassi biktasat daid rávvagiid mielde maid Hearrá lei addán Mosesii.

2Efod duddjojuvvui gollis ja ruksesalit, purpurrukses ja karmosinrukses ulloláiggis ja fiinna gerdojuvvon beallemasas. 3Golli derpojuvvui asehis duolbbusin. Dain dahkkojuvvojedje árpput mat gođđojuvvojedje oktii ruksesalit, purpurrukses ja karmosinrukses ulloláiggiiguin ja beallemasláiggiiguin čáppa hearvaduodjin. 4Efodii duddjojuvvojedje guokte oalgebihtá mat ledje gitta gežiin ja dolle dan oktii. 5Boagán mainna efod giddejuvvui, lei oktan bihttán dainna ja duddjojuvvon seammá láhkái go dat: datge lei gollis ja ruksesalit, purpurrukses ja karmosinrukses ullus ja fiinna gerdojuvvon beallemasas, dan gohččuma mielde maid Hearrá lei addán Mosesii. 639,6 signehttii seaila.Sii giddejedje onyksgeđggiid gollebotnosiidda. Daidda ledje gohppojuvvon Israela bártniid namat nugo signehttii. 7Sii bidje daid efoda oalgebihtáide muittuhit Israela bártniin, dan gohččuma mielde maid Hearrá lei addán Mosesii. 8Sii duddjojedje maiddái raddeleahpi. Dat lei gođđojuvvon efoda láhkái čáppa hearvaduodjin gollis ja ruksesalit, purpurrukses ja karmosinrukses ullus ja fiinna gerdojuvvon beallemasas. 9

39,9
28,16eč
Dat lei njealječiegat ja guovttegeardásaš, ovtta vuovssi guhku ja ovtta vuovssi govddu. 10Sii giddejedje dasa geđggiid njealji ráidui: vuosttaš ráidui rubiinna, topása ja smarágda, 11nuppi ráidui turkosa, safira ja kalsedona, 12goalmmát ráidui opala, agahta ja ametystta, 13ja njealját ráidui krysolihta, onyksa ja jaspisa. Dat giddejuvvojedje gollebotnosiidda. 14Geađggit ledje guoktenuppelohkái Israela bártniid namaid mielde, okta guđege bártni nammii. Guđege geađgái lei gohppojuvvon okta guoktenuppelohkái čeardda namain nugo signehttageađgi gohppojuvvo. 15Raddeleahppái sii ruvdejedje čielga gollis bárggešiid lágán viđjjiid. 16Sii duddjojedje raddeleahppái guokte gollebotnosa ja guokte gollerieggá, maid sii giddejedje raddeleahpi guovtti čihkii. 17Golleviđjjiid sii giddejedje rieggáide mat ledje raddeleahpi čiegain, 18ja viđjjiid nuppiid gežiid gollebotnosiidda, maid sii giddejedje efoda oalgebihtáide ovddabeallái. 19Sii duddjojedje vel guokte gollerieggá ja bidje daid raddeleahpi guovtti eará čihkii, dan siskkobeallái efoda vuostá. 20Sii duddjojedje vel guokte gollerieggá ja giddejedje daid efoda ovddabeallái goappáge oalgebihtá vuolleravdda sávnnji buohta, boahkána bajábeallái. 21Raddeleahpi ja efoda rieggát čadnojuvvojedje oktii ruksesalit ullogarccain, nu ahte raddeleahppi bisui sajistis efoda alde boahkána bajábealde. Sii dahke visot dan gohččuma mielde maid Hearrá lei addán Mosesii.

22Sii gođđe efoda olgguldasbiktasa ollásit ruksesalit ullus. 23Sii buddestedje olgguldasbiktasa oza seammalágán gođđosiin go lea náhkkegárvvu ozas, amas gaikásit. 24Olgguldasbiktasa healbmái sii duddjojedje hearvan granáhtaehpeliid gerdojuvvon ruksesalit, purpurrukses ja karmosinrukses ulloláiggis. 25Sii duddjojedje čielga gollis divggaid, maid sii giddejedje granáhtaehpeliid gaskii, 26vurrolagaid ain golledivgga ja granáhtaehpela oppa healmmi birra. Olgguldasbivttas lei duddjojuvvon ipmilbálvalusanu várás dan gohččuma mielde maid Hearrá lei addán Mosesii.

27Sii gođđe fiinna beallemasas báiddiid Aronii ja su bártniide 28ja duddjojedje turbána ja eará gahpiriid fiinna beallemasas, buvssaid fiinna gerdojuvvon beallemasas 29ja čábbát gođđojuvvon boahkána fiinna gerdojuvvon beallemasas ja ruksesalit, purpurrukses ja karmosinrukses ullus dan gohččuma mielde maid Hearrá lei addán Mosesii.

30

39,30
28,36eč+
Sii duddjojedje čielga gollis lieđi, bassi oaivečiŋa, ja gohpe dasa nugo signehttii sániid “Hearrái basuhuvvon”. 31Sii giddejedje dasa ruksesalit ullogarcca ja čatne dan bajás turbánii dan gohččuma mielde maid Hearrá lei addán Mosesii.

Goahti šaddá gárvvisin

32Nu šattai gárvvisin buot bargu mii dahkkojuvvui goađi, almmustusgoađi, huksema várás. Israellaččat dahke buot dárkilit dan gohččuma mielde maid Hearrá lei addán Mosesii. 33Sii bukte Mosesa lusa goađi ja buot dan dárbašiid, rohkiid, fielluid, doaresmuoraid, stoalppuid ja daid julggiid, 34ruoksadin báidnojuvvon vierccanáhkkegokčasa ja delfiinnanáhkiin duddjojuvvon gokčasa ja gokči ovdaloavdaga, 35lihtumearkka árkka ja dan guoddinstákkuid ja soabahussaji, 36beavddi oktan dan dárbašiiguin ja oaffarláibbiiguin, 37lámpájuolggi mii lei duddjojuvvon čielga gollis, lámppáid mat gullet dasa ja dan eará dárbašiid, lámpáoljju, 38golleáltára, vuoidanoljju, njálggahájat suovvasiid, goađi uvssa gokčasa, 39bronsaáltára oktan dan bronsabilddain, guoddinstákkuiguin ja buot eará dárbašiiguin, čáhceáldása ja dan juolggi, 40ovdašilju loavdagiid oktan stoalppuiguin ja julggiiguin, ovdašilju poartta gokčasa, báttiid, giddennávlliid ja buot biergasiid mat adnojuvvojedje bálvalussii goađis, almmustusgoađis, 41virgebiktasiid bálvalusa várás bassibáikkis, báhppa Arona bassi biktasiid ja su bártniid báhpabiktasiid. 42Israellaččat dahke dán buot aiddo dan gohččuma mielde maid Hearrá lei addán Mosesii. 43Moses geahčadii buot maid sii ledje duddjon, ja oinnii ahte sii ledje dahkan buot aiddo nugo Hearrá lei gohččon. Ja Moses buressivdnidii sin.

40

401Hearrá celkkii Mosesii:

2Vuosttaš mánu vuosttaš beaivvi galggat cegget goađi, almmustusgoađi. 3

40,3
25,10eč+
Bija dohko lihtumearkka árkka ja heŋge ovdaloavdaga árkka ovdii. 4Doalvvo dohko beavddi ja lágit dan. Doalvvo dohko lámpájuolggi ja bija dasa lámppáid mat gullet dasa. 5Bija gollesuovasáltára lihtumearkka árkka ovdii ja heŋge gokčasa goađi uvssa ovdii. 6Bija boaldinoaffaráltára goađi, almmustusgoađi, uvssa ovdii, 7bija áldása almmustusgoađi ja áltára gaskii ja deavdde dan čáziin. 8Cegge loavdagiid ovdašilju birra ja heŋge gokčasa ovdašilju poartta ovdii. 9
40,9
30,23eč+
Váldde dasto vuoidanoljju ja vuoidda dainna goađi ja buot mii doppe lea, basut dan ja buot dan dárbašiid, nu ahte dat šaddá bassin. 10Vuoidda boaldinoaffaráltára ja buot dan dárbašiid ja basut áltára, nu ahte dat šaddá allabassin. 11Vuoidda áldása ja dan juolggi ja basut dan.

12

40,12
29,4eč
Doalvvo dasto Arona ja su bártniid almmustusgoađi uvssa ovdii ja basa sin čáziin. 13Gárvvut Aronii bassi biktasiid ja vuoidda su ja basut su mu báhppan. 14Doalvvo dasto su bártniid ovdan ja gárvvut sidjiide báiddiid. 15Vuoidda sin mu báhppan, nugo don vuidet sin áhči. Dat ahte sii leat vuidojuvvon, addá sidjiide vuoigatvuođa báhppavuhtii agálaš áigái, buolvvas bulvii.

16Moses dagai buot aiddo nugo Hearrá lei gohččon. 17Goahti ceggejuvvui nuppi jagi vuosttaš mánus, mánu vuosttaš beaivvi. 18Dalle Moses ceggii goađi. Son bijai dan julggiid sadjáseaset, bijai daidda fielluid, giddii doaresmuoraid ja ceggii stoalppuid. 1940,19 loavdaga čujuha rohpái mii lei duddjojuvvon oktanuppelohkái loavddabihtás. Vrd. 26,7; 36,14.Son lebbii loavdaga goađi badjel ja bijai gokčasa bajimužžan goađi ala dan gohččuma mielde maid Hearrá lei addán sutnje. 20

40,20
25,1621+
Son válddii lihtumearkka ja bijai dan árkii, giddii dasa guoddinstákkuid ja bijai soabahussaji árkka ala. 21Son buvttii árkka goahtái, heŋgii ovdaloavdaga lihtumearkka árkka ovdii dan gohččuma mielde maid Hearrá lei addán sutnje. 22Son bijai beavddi almmustusgoahtái, goađi davábeale seainni gurrii, ovdaloavdaga ovdii, 23
40,23
25,30+
ja bijai láibbiid beavddi ala Hearrá ovdii dan gohččuma mielde maid Hearrá lei addán sutnje. 24Son bijai lámpájuolggi almmustusgoahtái, goađi lulábeale seainni gurrii, beavddi buohta, 25
40,25
25,37+
ja bajidii lámppáid sadjáseaset Hearrá muođuid ovdii dan gohččuma mielde maid Hearrá lei addán sutnje. 26Golleáltára son bijai almmustusgoahtái, ovdaloavdaga ovddabeallái, 27
40,27
30,7
ja son bolddii áltára alde njálggahájat suovvasiid dan gohččuma mielde maid Hearrá lei addán sutnje. 28Son heŋgii gokčasa goađi uvssa ovdii. 29
40,29
27,1eč+
Son bijai boaldinoaffaráltára goađi, almmustusgoađi, uvssa gurrii, ja bolddii áltára alde boaldinoaffariid ja borramušoaffariid dan gohččuma mielde maid Hearrá lei addán sutnje. 30
40,30
30,18eč+
Áldása son bijai almmustusgoađi ja áltára gaskii ja devddii dan čáziin basadeami várás. 31Moses ja Aron ja su bártnit basse das gieđaid ja julggiid. 32Go sii bohte almmustusgoahtái dahje go ledje mannamin áltára ovdii, de sii basadedje dan gohččuma mielde maid Hearrá lei addán Mosesii. 33Moses ceggii ovdašilju loavdagiid goađi ja áltára birra ja heŋgii gokčasa ovdašilju poartta ovdii. Nu Moses oaččui barggu gárvvisin.

Hearrá hearvásvuohta deavdá goađi

3440,34 Balva mas Hearrá almmustuvai. >13,21.Balva govččai almmustusgoađi, ja Hearrá hearvásvuohta devddii goađi. 35Moses ii sáhttán mannat almmustusgoahtái, danin go balva orui dan alde ja Hearrá hearvásvuohta devddii goađi. 36

40,36
13,21č+
Go balva badjánii goađi alde, de israellaččat vulge johtui. Nu sii dahke oppa vádjolusa áigge. 37Jos balva ii badjánan, de sii eai vuolgán ovdal go dan beaivvi go dat fas badjánii. 38Hearrá balva lei beaivet goađi alde, ja ihkku balvvas báittii dolla israellaččaid čalmmiid ovddas oppa sin vádjolusa áigge.