Davvisámegiel Biibbal 2019 (Biibbal)
8

Juvddálaččat gáddjojuvvojit

81Seammá beaivvi gonagas Xerxes attii dronnet Esterii viesu mii lei gullan Hamanii, juvddálaččaid vašálažžii, ja Mordekai beasai loaiddastit gonagasa ovdii, dasgo Ester lei muitalan ahte Mordekai lei su fuolki. 2

8,2
3,10
Gonagas lei váldán seailasuorbmasa ruoktot Hamanis, ja dál son attii dan Mordekajii. Ester bijai Mordekaja hálddašit Hamana viesu.

3Dasto Ester sártnui vel oktii gonagassii. Son luoitádii čieru gonagasa julggiid ovdii ja ánui su bissehit dan bahás áigumuša maid agaglaš Haman lei hutkan juvddálaččaid heavvun. 4

8,4
5,2
Gonagas geigii golleráđđensoappi Estera guvlui, ja Ester čuožžilii, bázii čuožžut gonagasa ovdii 5
8,5
3,12eč
ja dajai: “Jos don dáhtut, gonagas, ja jos dus leažžá munnje buorredáhtolašvuohta, ja jos du mielas mu ášši lea vuoigat ja jos don anát mu árvvus, de mun ánun du čállit gohččuma mii rávká ruoktot daid girjjiid maid agaglaš Haman, Hammedata bárdni, čálihii go áiggui beassat duššadit juvddálaččaid buot du provinssain. 6Dasgo mo mun veajášin oaidnit lihkuhisvuođa mii deaivida mu álbmoga, mo sáhtášin geahččat go mu sohka duššá?” 7Dalle gonagas Xerxes dajai dronnet Esterii ja juvddálaš Mordekajii: “Mun lean juo addán Hamana viesu Esterii, ja Haman ieš lea harccastuvvon murrii, danne go son bivdalii juvddálaččaid heakka. 8
8,8
Dan 6,16
Čálli dál mu nammii gohččuma mii guoská juvddálaččaide, nugo gávnnaheahppi buoremussan, ja seileheahkki reivve mu signeahttasuorbmasiin. Ja gohččun mii lea čállojuvvon gonagasa nammii ja seilehuvvon su signeahttasuorbmasiin, ii leat máhcaheames.”

9

8,9
1,22
Dalle, goalmmát mánu, sivanmánu, guoktelogigoalmmát beaivvi, gonagasa čállit rávkojuvvojedje čállit dalán Mordekaja gohččuma juvddálaččaide, satráhpaide, eatnanhearráide ja provinssaid oaivámuččaide, buot čuođiguoktelogičieža provinsii India rájes gitta Nubia rádjái, guđege provinsii dan iežas čállimiin ja guđege álbmogii dan iežas gillii, maiddái juvddálaččaide sin iežaset čállimiin ja sin iežaset gillii. 10Mordekai čálihii reivviid gonagas Xerxesa nammii, seilehii daid gonagasa signeahttasuorbmasiin ja attii daid hoahppoáirasiiddda geat riidejedje gonagasa stálja falis heasttaiguin. 11Reivviin gonagas attii juvddálaččaide lobi čoagganit juohke gávpogis main ásse, ja várjalit heakkaset. Sii ožžo juohke álbmoga gaskkas ja juohke provinssas duššadit, goddit ja heavahit juohke vearjojoavkku mii áŧestii sin, maiddái sin smávva mánáid ja nissoniid, ja stajidit sin opmodaga. 12Dat galggai dáhpáhuvvat ovttahat beaivvi buot gonagas Xerxesa provinssain, ja dat beaivi lei guoktenuppelogát mánu, adarmánu, golbmanuppelogát beaivi. 13Reivve geardduhus galggai vuolggahuvvot juohke provinsii ja mearrádus galggai almmuhuvvot buot álbmogiidda, vai juvddálaččat besse ráhkkanit mávssahit vašálaččaidasaset. 14Dalán go mearrádus lei čállojuvvon Susa ladnis, de hoahppoáirasat vulge riidet gonagasa falis heasttaiguin, nugo gonagas lei gohččon. 15Go Mordekai vulggii gonagasa luhtte, de son lei gárvodan gonagaslaš biktasiid mat ledje duddjojuvvon ruksesalit purpuris ja vilges beallemasgođđagis, su oaivvis lei stuorra golleoaivečikŋa ja su hárduin purpurrukses beallemasoalgebivttas, ja Susa ladnis olbmot ávvudedje ja illudedje. 16Juvddálaččaide dat lei čuovgga ja ilu, ávu ja hearvásvuođa beaivi. 17Juohke provinssas ja juohke gávpogis, juohke báikkis gosa gonagasa gohččun bođii, juvddálaččat illudedje ja ávvudedje. Sii lágidedje guossemállásiid ja ávvudemiid, ja eatnagat eará álbmogiid olbmuin dáhtto šaddat juvddálažžan, danne go sii balle juvddálaččain.

9

Juvddálaččat mávssahit vašálaččaidasaset

91

9,1
3,13
De bođii guoktenuppelogát mánu, adarmánu, golbmanuppelogát beaivi, dat beaivi go gonagasa sátni ja mearrádus galggai ollašuhttojuvvot. Juvddálaččaid vašálaččat ledje doivon oažžut sin váldáseaset, muhto áššit jorggihedje nuppe ládje: Juvddálaččat ožžo váldáseaset daid geat vašuhedje sin. 2
9,2
8,17
Juvddálaččat čoagganedje iežaset gávpogiin buot gonagas Xerxesa provinssain main ásse, vai besset fallehit daid geat dáhtto vahágahttit sin. Ii oktage nagodan vuostálastit sin, danne go buot álbmogat balle juvddálaččain 3Buot provinssaid oaivámuččat, satráhpat, eatnanhearrát ja gonagasa virgeolbmát doarjaledje juvddálaččaid, danne go sii balle Mordekajas. 4
9,4
10,3
Dasgo Mordekai lei šaddan fámolaš gonagasa hoavas, ja buot provinssaide bekkii ahte son šattai ain fámolaččabun. 5Juvddálaččat časke mihkiin buot vašálaččaideaset, sii sorbmejedje ja hearjidedje ja dahke vuostálastiidasaset maid dáhtto. 6Susa ladnis juvddálaččat godde ja duššadedje vihttačuođi olbmá. 7Sii godde maiddái Paršandata, Dalfona, Aspata, 8Porata, Adalja, Aridata, 9Parmašta, Arisaja, Aridaja ja Vajsata, 10buot Hamana, Hammedata bártni, juvddálaččaid vašálačča, logi bártni. Opmodahkii sii eai goit guoskan.

11Seammá beaivvi gonagas gulai daid logu geat ledje goddojuvvon Susa gávpogis. 12

9,12
5,36
7,2
Son dajai dronnet Esterii: “Susa gávpogis juvddálaččat leat goddán ja duššadan vihttačuođi olbmá, maiddái Hamana logi bártni. Maid sii dalle leat dahkan gonagasa eará provinssain! Maid don siđat? Du sávaldat ollašuvvá. Maid don vel dáhtošit átnut? Du átnumuš devdojuvvo.” 139,13 heaŋggastit … harcamurrii Sii heaŋggastedje su bártniid harcamurrii, vai besse vel eambbo vuolidit Hamana. Vrd. Jos 8,29; 10,26; 1 Sam 31,10.Ester vástidii: “Jos dat orru leamen buorre gonagasa mielas, de suova Susa juvddálaččaid dahkat ihttinge nu mo odne, ja divtte heaŋggastit Hamana logi bártni rupmašiid harcamurrii.” 14Gonagas gohčui ahte nu galggai dahkat. Susas addojuvvui gohččun, ja Hamana logi bártni rupmašat heaŋggastuvvojedje harcamurrii. 15Susa juvddálaččat čoagganedje maiddái adarmánu njealljenuppelogát beaivvi ja godde gávpogis golbmačuođi olbmá. Opmodahkii sii eai goit guoskan.

16Maiddái eará juvddálaččat gonagasa provinssain čoagganedje várjalit heakkaset, vai ožžot ráfi vašálaččaineaset. Sii godde čiežalogivihttaduhát vašálačča, opmodahkii sii eai goit guoskan. 17Dat dáhpáhuvai adarmánu golbmanuppelogát beaivvi. Njealljenuppelogát beaivvi sii vuoiŋŋastedje, ja sii dahke dan ávvu- ja illubeaivin. 18Muhto Susa juvddálaččat čoagganedje golbmanuppelogát ja njealljenuppelogát beaivvi. Sii vuoiŋŋastedje vihttanuppelogát beaivvi, ja sii dahke dan ávvu- ja illubeaivin. 19

9,19
Neh 8,10eč
Dan dihte juvddálaččat geat ásset boaittobealde ja smávva gávpogiin, ávvudit adarmánu njealljenuppelogát beaivvi illu- ja bassebeaivin ja vuolggahit herskkuid guhtet guimmiidasaset.

Purim-ávvudeapmi

20Mordekai čálii dan mii lei dáhpáhuvvan ja vuolggahii girjjiid buot gonagas Xerxesa provinssaid juvddálaččaide, sihke daidda geat ásse lahka ja daidda geat ásse gáidosis. 21Son gohčui sin ávvudit juohke jagi adarmánu njealljenuppelogát ja vihttanuppelogát beaivvi, 22danin go daid beivviid juvddálaččat ledje ožžon ráfi vašálaččaineaset, ja dan mánus sin váivi lei jorggihan illun ja sin moraš ávvun. Dan dihte sii galge dahkat daid beivviid ávvu- ja illubeaivin ja vuolggahit herskkuid guhtet guimmiidasaset ja attáldagaid váivvášiidda. 23Juvddálaččat dahke dál vierrun dan maid sii ledje álggahan, ja maid Mordekai lei čállán sidjiide.

24Agaglaš Haman, Hammedata bárdni, juvddálaččaid vašálaš, lei áigon duššadit buot juvddálaččaid, ja lei suhppen pura dahjege vuorbbi, vai beassá goddit ja heavahit sin. 25Muhto go gonagas gulai dan, de son čálii ođđa gohččuma, ja nu Hamana bahás áigumuš juvddálaččaid vuostá šattai su iežas heavvun, ja son ieš ja su bártnit heaŋggastuvvojedje harcamurrii. 26Dan dihte juvddálaččat gohčodit daid beivviid namain purim pur-sáni mielde. Buot dan vuođul mii lei čállojuvvon reivii ja maid juvddálaččat ieža ledje vásihan, 27sii dahke alcceseaset ja nálláseaset ja buohkaide geat serve sidjiide, vierrun ávvudit juohke jagi, jagis jahkái, dan guokte beaivvi nugo lei mearriduvvon. 28Buot sogat galge muitit ja ávvudit daid beivviid buolvvas bulvii juohke provinssas ja juohke gávpogis. Juvddálaččaid purim-beaivvit eai ožžon goassege heaittihuvvot iige sin nálli ožžon goassege vajálduhttit daid.

29Dronnet Ester, Abihajila nieida, ja juvddálaš Mordekai čáliiga buot fámuin ja válddiin vel ođđa reivve ja nanniiga dainna dan mii lei daddjojuvvon purim-ávvudeami birra ovddit reivves. 30Mordekai vuolggahii reivviid buot Xerxesa riikka čuođiguoktelogičieža provinssa juvddálaččaide ráfi ja oadjebasvuođa sávaldagaiguin. 31Sii galge dahkat geatnegasvuohtan ávvudit dáid purim-beivviid mearreáiggi, nugo juvddálaš Mordekai ja dronnet Ester leigga mearridan, ja nugo juvddálaččat iežage ledje mearridan alcceseaset ja nálláseaset. Reivves ledje maiddái mearrádusat fásttu doallama ja váidalusčuorvasiid birra. 32Estera gohččumat mat guske purim-ávvudeapmái, čállojuvvojedje girjái.

10

Mordekaja váldi

10110,1 eatnamii ja riddoguovlluide oppa Persia riika.Gonagas Xerxes mearridii vearu eatnamii ja riddoguovlluide. 2

10,2
8,15
9,4
10,2 Media ja Persia >1,3.Su fámolaš dagut ja doaimmat ja dárkilis čilgehus dan alla fámus ja válddis maid son attii Mordekajii, leat visot čállojuvvon Media ja Persia gonagasaid muitalusaid girjái. 3
10,3
1 Mos 41,39č
Juvddálaš Mordekai lei gonagas Xerxesa lagamus olmmái. Son lei fámolaš juvddálaččaid gaskkas, ja su vieljat atne su árvvus. Son bivddii iežas álbmoga buori, ja su sánit bukte ráfi su čerdii.