Sárdnideaddji 7 - Davvisámegiel Biibbal 2019 (Biibbal)

Davvisámegiel Biibbal 2019 (Biibbal)

7¹

7,1

Sát 22,1
Sárd 4,2
Buorre namma lea buoret go fiinna vuoiddas,

ja jápmima beaivi buoret

go riegádeami beaivi.

²Buoret go mannat guossemállásiidda

lea fitnat morašviesus.

Mii lea juohke olbmo loahppa,

dan ferte smiehttat juohkehaš gii eallá.

7,3

1,18
2,2
Buoret lea moraštit go boagustit;

morašlaš ámadadju lea buorre váibmui.

⁴Viisáid váibmu lea morašviesus,

dovkkiid váibmu feastaviesus.

⁵Buoret lea gullat

viissis olbmo cuiggodeami

go jallaid rámi.

⁶Nugo bastilislánjáid ruohčan

ruittu vuolde,

nu lea doavkki boagusteapmi.

Datge lea duššálašvuohta.

⁷

7,7

2 Mos 23,8
5 Mos 16,19
Uhkádus dahká viisá doavkin,

duolggut sevnnjodahttet ipmárdusa.

⁸Ášši loahppa lea buoret go álgu,

gierdavašvuohta buoret go čeavli.

⁹

7,9

Sát 14,29+
Ale leage hohppui moaráhuvvat,

moarri ássá dovkkiid rattis.

¹⁰Ale daja: “Manin ovdal visot lei buoret go dál?” Viissis olmmoš ii jeara nu.

¹¹Viissisvuohta lea seammá buorre

go opmodat,

velá buoretge daidda geat ellet

beaivváža vuolde.

¹²Viissisvuohta suddje

nugo ruhta suddje,

muhto viissisvuohta addá eambbo:

Dat gádju viisá heakka.

¹³

7,13

1,15
Geahčat Ipmila daguid:

Gii máhttá njulget dan

maid son lea dahkan moalkkasin?

¹⁴

7,14

Job 2,10
Buori beaivvi leage arvvot

ja bahás beaivvi muitte:

Ipmil lea dahkan guktuid.

Ii olmmoš sáhte moaitit Ipmila.

¹⁵

7,15

Job 21,7–15
Sál 73,3–12
Sárd 8,14
9,2
Jer 12,1č
Dánnai mun lean oaidnán

iežan duššálaš eallinbeivviid:

Vanhurskkis duššá vaikko lea eallán riekta,

ipmilmeahttun eallá guhká vaikko lea bahá.

¹⁶Ale leage beare vanhurskkis alege čájet iežat badjelmeare viissisin; manne heavahivččet iežat? ¹⁷Ale spiehkas lágas ilá ollu alege leage doavki. Manne jámášit ovdal áiggi? ¹⁸Buorre lea doallat gitta ovttas hilggokeahttá nuppige: Dat gii ballá Ipmilis, birgehallá guktuin.

¹⁹

7,19

Sát 21,22
Sárd 9,16č
Viissis olbmui

viissisvuohta addá buoret dorvvu

go maid addet gávpoga logi oaivámučča.

²⁰

7,20

1 Gon 8,46
Job 14,4
Sál 14,3
Rom 3,23
1 Joh 1,8
Eatnama alde ii leat oktage vanhurskkis gii dahká álo buori iige goassege suddut.

²¹Ale guldal visot olbmuid ságaid, amat gullat iežat bálvaleaddji garuheamen du. ²²Donhan dieđát ieš ahte donge leat eatnat gerddiid garuhan earáid.

²³Buot dán mun lean geahččalan viisodagain. Mun dadjen: “Mun dáhtun joksat viisodaga”, muhto dat bisui guhkkin mus.

²⁴

7,24

Job 28,12–24
Guhkkin lea dat mii lea leamaš,

čiekŋalasas, čiekŋalasas

– gii máhttá gávdnat dan?

²⁵

7,25

1,17
Mun mearridin guorahallat ja dutkat viisodaga ja áššiid oktavuođa, ja mun dovddiidin ahte ipmilmeahttunvuohta boahtá jallavuođas ja jallas dagut mielahisvuođas.

²⁶

7,26

Sát 5,3č
7,5–23
Dán mun gávnnahin:

Bahččageabbo go jápmin lea nisson.

Son lea fierbmi,

su váibmu lea giella,

su gieđat leat láhkkit.

Gean Ipmil dohkkeha, dat vealtá sus,

muhto suttolaš šaddá su fáŋgan.

²⁷Geahča, dán mun lean gávdnan,

dadjá Sárdnideaddji,

go geahčadin áššiid oktavuođa.

²⁸Mun in gávdnan dan

maid lean ohcan geažos áiggi, olbmo:

Duháha gaskkas mun gávdnen ovtta,

muhto ii goassege dat lean nisson.

²⁹

7,29

1 Mos 1,27
8,21
Dušše dán mun lean gávdnan:

Ipmil sivdnidii olbmuid ávdájin,

muhto sii ieža hutket buotlágán juonaid.

Käännökset