101Jápma čurot háissodahttá ja suvruda
njálggahájat vuoidasa.
Unnánaš jallavuohta váikkuha
eambbo go viissisvuohta ja gudni.
2Viisá váibmu doalvu lihkkui,
jalla jurdda lihkuhisvuhtii.
3Vaikko doavki vádjolivččii njulges geainnu, de son čájeha buohkaide iežas jallavuođa.
4
Jos ráđđejeaddji moaráhuvvá dutnje,
de ale guođe iežat saji:
Mášolašvuohta hehtte stuorra meaddádusaid.
5Lean oaidnán bahás ášši beaivváža vuolde,
su meaddádusa geas lea váldi:
6
30,21č
Jallavuohta beassá boaššumussii,
riggát čohkkájit vuolimusas.
7Mun lean oaidnán šlávaid riidemin heasttaiguin ja oaivámuččaid johtimin juolgásiid dego šlávat.8
Dat gii goaivu rokki, gahččá ieš dasa,
gii gaiku muvrra,
gáskkáhallá gearbmašii,
9gii gággá bajás geđggiid,
sáhttá bártidit barggustis,
gii luoddu muoraid, šaddá vahágii.
10Jos ákšu lea bastteheapme
ja ávju ii leat saddjojuvvon,
de ferte atnit eambbo fámu;
olbmui lea ávkkálaš
atnit barggus viissisvuođa.
11Jos gearpmaš gáskkesta
ovdal lapmuma,
de lapmudeaddji ii oaččo dietnasa.
12
15,2
Viisá sánit buktet ovdáneami,
muhto jalla njuovčča doalvu hevvui.
13Su sániid álgu lea jallodat
ja ságaid loahppa čielga mielahisvuohta.
14
Doavki sárdnu eatnat sániid.
Olmmoš ii dieđe almmatge
mii boahtteáiggis dáhpáhuvvá,
ii oktage sáhte muitalit olbmui,
mii boahtá su maŋŋil.
15Jalla rahčamuš váibada su iežas,
danne go son ii dieđe geainnu gávpogii.
16
Jes 3,4
5,11
Vuoi dan eatnama man gonagassan lea bártnáš
ja man oaivámuččat festejit iđida rájes!
17Lihkolaš dat eanan gos
allanálat olmmái lea gonagas
ja man oaivámuččat dollet guossemállásiid
rivttes áigái,
vuohkkasit eaige jugešvuođas.
18Láikkiid ássansajiin bielkkát gahččet.
Gos olmmoš čohkká askálas gieđaid,
de doppe rohpi golgá.
19
Dan 5,1
Guossemállásat dollojuvvojit hávskodahkan,
viidni ávvudahttá eallima,
muhto ruđain buot fidnejuvvo.
20
Ale garut gonagasa iežat jurdagiinge,
ale garut riggá velá iežat oađđinlanjasge.
Dasgo almmi loddi doalvu du sániid dohko,
soajáhas dieđiha maid dajat.
111
Luk 14,12–14
2 Kor 9,6
Vuolggat láibbát čázi badjel,
áiggi guhkkodahkii don oaččut dan fas.
2Juogat čiehčasii, velá gákcásiige
dan mii dus lea
– ithan don dieđe makkár lihkohisvuođat
vedjet deaividit eatnama.
3Go balvvat leat dievvan,
de dat golggahit arvvi eatnamii,
ja go muorra gahččá
lulás guvlui dahje davás,
de gosa muorra gahččá, de das dat orru.
4Dat gii biekkaid dárko, ii šatta gilvit,
gii balvvaid várdá, ii šatta láddjet.
5
Sárd 3,11
Joh 3,8
Nugo don it dieđe biekka geainnu itge dan mo dávttit šaddet áhpehis nissona goŧŧui, nu uhccán don áddet Ipmila daguid, su gii dahká visot.
6Gilvve gilvagiiddát iđedis
alege divtte iežat gieđa
vuoiŋŋastit eahketbealláige.
Ithan don dieđe, menestuvvágo dutnje dát vai dot, dahje šaddágo guktuid háviid ovtta buorre.Nuorravuohta ja boarisvuohta
7Čuovga lea buorre,
čalmmiide lea hávski oaidnit beaivváža.
8Jos olmmoš oažžu eallit ollu jagiid,
de illudehkos son buot daidda,
muhto muitos maid ahte sevdnjes beaivvit
šaddet eatnat.
Buot mii boahtá, lea duššálašvuohta.
9
Illut, nuorra olmmoš,
dan botta go leat nuorra,
leage ilus ja duhtavaš eallima iđedis!
Vádjol váimmot geainnuid
ja čuovo čalmmiidat hálidusa,
muhto muitte ahte Ipmil bidjá du vástidit
buot das maid dagat.
10Gáidat morraša váimmustat
ja gillámuša rupmašisttát!
Nuorravuohta ja iđedisroađđihan
lea fargga vássán.
12112,1 bahás beaivvit boarisvuohta.Muitte sivdnideaddját dan botta go leat nuorra,
ovdal go bohtet bahás beaivvit,
ja jovdet dat jagit
mat eai leat dutnje illun,
2ovdal go beaivváščuovga, mánnu
ja násttit sevnnjodit
ja arvvi maŋŋil bohtet ain ođđa balvvat.
312,3 viesu gáhttejeaddjit gieđat. fámolaš olbmát juolggit. millejeaddji nissonat bánit. daid geat guvlet ihkkoniid ráigge čalmmit.Dalle viesu gáhttejeaddjit doarggistit,
fámolaš olbmát guokkagit,
millejeaddji nissonat vuoiŋŋadit
dainna go leat šaddan hárvin,
ja seavdnjadas joksá daid
geat guvlet lásiid ráigge,
4
12,4 gáhtabeali uvssat bealjit.gáhtabeali uvssat dahppojuvvojit,
millu jietna vuollu
ja badjána dušše cizášjiena muddui
ja buot lávlaga skájat jaskkodit.
512,5 agálaš vissosis hávdái.Dalle olmmoš ballá juohke luohkás
ja geainnu balddonasain.
Mandelmuorra lieđđu
ja rásselohkku njoammu ovdan
ja kapersčuolmmat álmmehuvvet,
muhto olmmoš manná agálaš vissosis
ja morašteaddjit leat juo gáhta alde.
612,6 silbabáddi … gáivui govvida jápmima.Muitte sivdnideaddját ovdal go silbabáddi boatkana
ja gollelihtti ráhká,
ovdal go ruhkku cuovkana ájagáttis
ja gáivojorri luoddana ja gahččá gáivui.
7
Muolda jorrá eanamin mii dat lei,
ja vuoigŋa máhccá Ipmila lusa gii dan attii.
8Duššálašvuođaid duššálašvuohta,
dajai Sárdnideaddji,
buot lea duššálašvuohta.
Loahppasánit
9Sárdnideaddji lei viissis ja son maid oahpahii dieđu álbmogii. Son suokkardii ja guorahalai, ja son hábmii eatnat sátnevádjasiid. 10Sárdnideaddji bivddii gávdnat vuogas dajaldagaid ja čálii njuolga duohtavuođa sániid. 1112,11 návllit biddjojuvvon soabbegeahčái; dat veahkehit gevret ealli rievttes guvlui.Viisáid sánit leat dego biikasoappit, čohkkejuvvon viissisvuođa sánit dego bures giddejuvvon návllit. Dat bohtet ovtta ja seammá báimmanis.
12Ja de vel, bártnážan, gula dán várrehusa:
Eatnat girjjiid dahkamis
ii leat mihkkege loahpaid,
ja ollu guorahallan vuoimmehuhttá rupmaša.
13
Dát lea loahppaboađus buot das maid leat gullan: Bala Ipmilis ja doala su báhkkomiid. Dan juohke olmmoš ferte dahkat. 14
2 Kor 5,10
Ipmil bidjá olbmo vástidit juohke dagus, maiddái buot dain mat leat čihkkojuvvon, lehkoset buorit dahje bahát.
