Golbma oainnáhusa
71
7,1 rahttá … rásseláddjema maŋŋil Vuosttaš rahtá giđđat sáhtii gonagas váldit soahteheasttaidasas. Danin eanandolliide lei deaŧalaš ahte maŋŋil šattai eambbo rássi.Hearrá Ipmil oainnihii munnje dán oainnáhusa: Son sivdnidii rásselohkkomoađi aiddo go rahttá bohciidišgođii gonagasa rásseláddjema maŋŋil. 2Go rásselohkut ledje geargan borramis buot eatnama rásiid, de mun dadjen: “Atte juo ándagassii, Hearrá Ipmil! Mo sáhttá Jakob ceavzit, sonhan lea nu uhcci?” 3
Jer 18,810
Joel 2,14
Jona 3,10
4,2
Dalle Hearrá gáđai ja celkkii: “Dát ii dáhpáhuva.”
4Hearrá Ipmil oainnihii munnje dán oainnáhusa: Son rávkkai dollaarvvi, ja go dat lei loahpahan stuorra čiekŋalasa ja lei borramin bealdoeatnama, 5
de mun dadjen: “Heaitte juo eret, Hearrá Ipmil! Mo sáhttá Jakob ceavzit, sonhan lea nu uhcci?” 6Dalle Hearrá gáđai ja celkkii: “Ii dátge dáhpáhuva.”
7Hearrá Ipmil oainnihii munnje dán oainnáhusa: Son lei čuožžumin muvrra alde ladjoloadda gieđas. 8
Jes 34,11
Son celkkii munnje: “Amos, maid don oainnát?” Mun vástidin: “Ladjoloatta.” Dalle Hearrá celkkii: “Mun geahččalan ladjoloattain álbmogan Israela. Mun in dáhto šat árkkálmastit dan.
9
23,15
Hos 10,8
Isaka oaffardievát duššaduvvojit,
Israela bassibáikkit báhcet ávdimin,
ja Jeroboama soga vuostá
mun lokten miehki.”
Amos ja báhppa Amasja
10
Am 1,1
7,10 Jeroboam dán oktavuođas gonagas Jeroboam II. Betela báhppa Amasja vuolggahii Jeroboamii, Israela gonagassii, sáni: “Amos lea ráhkadeamen lihtu du vuostá israellaččaid gaskkas. Eanan ii gierdda su ságaid. 11
5,527
6,7
7,9
Amos lea cealkán:
Jeroboam jápmá miehkkái,
ja Israel dolvojuvvo eret eatnamisttis.”
12Amasja dajai Amosii: “Oaidni, mana geidnosat, vuolgge Judai! Bora doppe láibbát, profehtastala doppe. 13Muhto Betelis don it oaččo šat profehtastallat, danne go dát lea gonagasa bassibáiki ja riikka tempel.” 14
1 Gon 22,6
2 Gon 2,3eč
Amos dajai Amasjai: “Mun in leat profehta inge profehta máhttájeaddji muhto oapmegeahčči, ja mun šaddadan meahccefiikoniid. 15
Muhto Hearrá válddii mu sávzaealu luhtte ja celkkii munnje: Mana profehtastallat mu álbmoga Israela vuostá. 16
7,16 Isaka soga dás Davviriika.Ja dál, gula Hearrá sáni! Don dajat: ‘Ale profehtastala Israela vuostá, ale sárdnit Isaka soga vuostá!’ 177,17 jámát buhtismeahttun eatnamii Israela olggobeallái.Dan dihte Hearrá cealká:
Du áhkká šaddá fuorrán dán gávpogii,
du bártnit ja nieiddat gahččet miehkkái,
ja du eanan juogaduvvo mihttobáttiin.
Don ieš jámát buhtismeahttun eatnamii,
ja Israel dolvojuvvo eret iežat eatnamis.”
Njealját oainnáhus
81Hearrá Ipmil oainnihii munnje dán oainnáhusa: Lei veaddelihti man dievva ledje láddan šaddosat. 2Son jearai: “Amos, maid don oainnát?” Mun vástidin: “Veaddelihti man dievva leat láddan šaddosat.” Hearrá celkkii munnje:
“Mu álbmot Israel lea láddan
ja gahččá fargga,
mun in dáhto šat árkkálmastit dan.
3
Dan beaivvi šloahta lávlu nissonat
fuoikugohtet,
cealká Hearrá Ipmil.
Eatnat rupmašat,
juohke sadjái bálkestuvvon.
Jaska!”
Hearrá dubme behtolaš gávppašeami
4Gullet dán, dii geat
duolbmabehtet váivvášiid
ja loahpahehpet eatnama vártnuhemiid!
5
5 Mos 25,13
Neh 10,31
8,5 mánočalbmebeaivvi ávvudeapmi ▶ mánočalbmebeaivi.Dii dadjabehtet: “Goas nohká
mánočalbmebeaivvi ávvudeapmi,
vai beassat vuovdit gortni,
ja sabbat, vai beassat rahpat gordnebuvdda?
Dalle mii dahkat mihtu vádjegin,
bajidit hatti ja atnit vearreveavtta.
6
Dalle mii oastit váivvášiid ruđain
ja geafes rávkki gámabárain.
Gordnesuohpahasaidge
mii vuovdit gordnin!”
7
8,7 Jakoba čeavlli Hearrá ieš.Hearrá lea vurdnon
Jakoba čeavlli bokte:
Mun in goassege vajáldahte
maid sii leat dahkan.
8
Iigo eanan doarggistivčče dan dihte,
eaigo buohkat geat ássit das moraštivčče?
Iigo oppa eanan dulvvaše dego Nileatnu,
badjánivčče ja cogoše nugo Egypta eatnu?
9
Dan beaivvi, cealká Hearrá Ipmil,
mun divttán beaivváža
luoitádit gaskabeaivvi
ja sevnnjodahtán eatnama
go ain lea čuvges beaivi.
10
Jer 6,26
Esek 7,18
Sak 12,10
8,10 horstta roavva tekstiila mii lea duddjojuvvon guolggas, morraša dahje gáhtamuša mearka. ▶ moraštanvierut.Din basiid mun jorgalan morašin
ja buot din lávlagiid morašlávllan,
čanan horstta buohkaid alimiid birra
ja divttán juohkehačča oaivvi
ráhkejuvvot báljisin
nugo dalle go lea moraš áidna bártni dihte,
ja dagan dan loahpa bahča beaivin.
11
1 Sam 3,1
Duođaid, beaivvit bohtet,
cealká Hearrá Ipmil,
goas mun vuolggahan eatnamii nealggi,
in láibenealggi inge čáhcegoikku,
muhto Hearrá sáni gullama nealggi.
12Dalle olbmot vádjolit ábis áhpái,
johtalit davvin nuorttas
ja ohcet Hearrá sáni,
muhto eai gávnna.
13Dan beaivvi čáppa nieiddat
ja nuorra olbmát vuoimmehuvvet
goikku geažil,
14
Hos 8,5
Am 5,5
8,14 Samaria suttu čujuha ipmilii man bokte sii vurdno. du ipmil ▶ masorehtalaš teavsttas lea “du geaidnu”.dat geat vurdnot
Samaria suttu bokte ja dadjet:
“Nu duohta go du ipmil eallá, Dan!”
ja: “Nu duohta go du ipmil eallá, Beer Šeba!”
Sii gahččet eaige šat čuožžil.
Viđát oainnáhus
91
Mun oidnen Hearrá
čuožžumin áltára guoras.
Son celkkii: Časkke bázzeoivviid
nu ahte uksalasát doarggistit,
cuvke daid buohkaid oaivái!
Daid geat báhcet, mun gottán mihkiin.
Ii oktage sis beasa báhtarit,
ii oktage beasa heakkas báhtarussii.
2
Jos sii bahkkejit jábmiidáibmui,
de mun vieččan sin doppe,
ja jos sii badjánit albmái,
de mun norddastan sin doppe vuolás.
3
9,3 guovddi soaitá leat Leviatan, Jes 27,1. Vrd. Job 41,20eč; Sál 104,25č. ▶ mearra.Jos sii mannet čihkosii Karmela alážii,
de mun ozan sin ja dohppen sin,
ja jos sii čiehkádit mu ovddas ábi bodnái,
de mun gohčun guovddi gáskkestit sin.
4
Jos sin vašálaččat dolvot sin fáŋgavuhtii,
de mun gohčun miehki goddit sin.
Mun geahčastan sidjiide
oasehisvuohtan inge lihkkun.
5
Son lea Hearrá, Almmiveagaid Ipmil.
Son guoskkaha eatnama, ja dat doarggista.
Buohkat geat ásset das, moraštit.
Oppa eanan badjána nugo Nileatnu,
dat coahku nugo Egypta eatnu.
6
Son lea huksen albmái iežas alla sála,
lebben gomuvuođas eatnama badjel.
Son rávká čáziid ábis
ja golggaha daid miehtá eatnama.
Hearrá lea su namma.
Hearrá lea buot álbmogiid Ipmil
7
9,7 Kir >1,5.Ehpetgo dii, israellaččat,
leat munnje dego nubialaččat?
cealká Hearrá.
Mun bukten Israela Egyptas,
muhto maiddái filistalaččaid Kaftoris
ja aramealaččaid Kiris.
8
1 Pet 3,12
Hearrá Ipmila čalmmit leat
dán suttolaš riikka vuostá.
Mun sihkun dan eatnama alde.
Dattetge mun in áibbas loahpat Jakoba náli,
cealká Hearrá.
9Geahča, mun gohčun buot álbmogiid
savdnjit Israela dego olmmoš savdnjá
gortniid seavllis,
iige oktage gordnečalbmi gahča eatnamii.
10
Mu álbmoga suttolaččat jápmet miehkkái,
buohkat geat dadjet:
“Lihkuhisvuohta ii jovssa min.”
Israel čuoččáldahttojuvvo ođđasis
11
31,28
Hos 14,5eč
Joel 3,21eč
Mi 7,11eč
Sef 3,14eč
Apd 15,16
Dan beaivvi mun ceggen fas
Davida gahččan goađi.
Mun muvren gitta dan ráhkamiid,
ceggen dan mii lea njeidojuvvon
ja huksen dan dakkárin go dat lei dolin.
12
Ja nu Israel váldá opmodahkanis
Edoma bázahasa ja buot daid álbmogiid
mat gohččojuvvojit mu namain,
cealká Hearrá, guhte dahká dán.
13
Joel 3,23+
Geahča, beaivvit bohtet, cealká Hearrá,
goas dat gii jorgu eatnama,
joksá láddjejeaddji
ja dat gii duolbmá viidnemurjjiid,
joksá dan gii gilvá,
goas viidnemuorjesáhppi goaiku váriin
ja golgá buot dieváin.
14
61,4
65,21
Jer 29,14
Am 5,11
Dalle mun jorgalan
mu álbmoga Israela vuorbbi.
Sii huksejit ođđasis duššaduvvon gávpogiid
ja ásset daidda,
sii gilvet viidnegárddiid
ja juhket ieža daid viinni,
sii gilvet gilvvagárddiid
ja borret ieža daid šaddosiid.
15Mun gilvván sin fas sin iežaset eatnamii,
eaige sii šat rohttejuvvo dan eatnamis
maid mun lean addán sidjiide,
cealká Hearrá, du Ipmil.