1¹

²

Hearrá čeargu Sionis,

su jietna jupmá Jerusalemis.

Dalle guođoheddjiid

guohtuneatnamat moraštit,

Karmela aláš goiká.

Israela ja dan ránnjáálbmogiid duopmu

³

Danin go Damaskus lea dahkan

vearredagu vearredagu maŋŋil,

de dan duopmu ii rievdda.

Sii leat cuvken Gileada

ruovdegordnenreagaiguin.

⁴

ja dat duššada Ben-Hadada ladniid.

⁵1,5 Bikat-Aven soaitá leat leahki Libanona ja Antilibanona gaskkas. Bet-Eden aramealaš riika Eufrateatnogáttis dahje Damaskusa lahka. Kir eanan Mesopotamias, aramealaččaid ruovttuguovlu. Vrd. 2 Gon 16,9; Jes 22,6; Am 9,7.Mun cuvken Damaskusa poartta smartti,

duššadan ráđđejeaddji Bikat-Avenis

ja dan gii guoddá ráđđensoappi Bet-Edenis.

Arama álbmot dolvojuvvo eatnamisttis Kirii,

cealká Hearrá.

⁶Ná cealká Hearrá:

Danin go Gaza lea dahkan

vearredagu vearredagu maŋŋil,

de dan duopmu ii rievdda.

Sii leat dolvon olles giliid fáŋgan

ja addán daid olbmuid Edoma gihtii.

⁷Mun vuolggahan dola Gaza muvrii,

ja dat duššada gávpoga ladniid.

⁸

ja dan gii guoddá Aškelona ráđđensoappi.

Mun lokten gieđa Ekrona vuostá,

ja filistalaččaid bázahas duššá,

cealká Hearrá Ipmil.

⁹

Danin go Tyros lea dahkan

vearredagu vearredagu maŋŋil,

de dan duopmu ii rievdda.

Sii leat addán Edoma gihtii olles giliid fáŋgan

eaige leat muitán vielljavuođalihtu.

¹⁰

ja dat duššada gávpoga ladniid.

¹¹

Danin go Edom lea dahkan

vearredagu vearredagu maŋŋil,

de dan duopmu ii rievdda.

Sii leat doarrádallan vieljaideaset mihkiin

eaige leat dovdan váibmoláđisvuođa.

Sin moarri lea buollán čađat,

iige sin suhttu leat nohkan goassege.

¹²

dat duššada Bosra ladniid.

¹³

Danin go ammonlaččat leat dahkan

vearredagu vearredagu maŋŋil,

de sin duopmu ii rievdda.

Sii luddo Gileada áhpehis nissoniid

vai besse viiddidit rájiideaset.

¹⁴1,14 Rabba ammonlaččaid oaivegávpot, dálá Amman. ▶ ammonlaččat.Mun cahkkehan dola Rabba muvrii,

ja dat duššada gávpoga ladniid

go soahtečuorvasat skádjet soađi beaivvi,

go riđđuda jorrebiekka beaivvi.

¹⁵Sin gonagas dolvojuvvo fáŋgavuhtii

oktan oaivámuččaidisguin,

cealká Hearrá.

2¹

Danin go Moab lea dahkan

vearredagu vearredagu maŋŋil,

de dan duopmu ii rievdda.

Sii leat boaldán kálkan

Edoma gonagasa dávttiid.

²2,2 Kerijot gávpot Moabis, Jápmameara nuorttabealde. Gč. Jer 48,24.Mun vuolggahan dola Moabii,

ja dat duššada Kerijota ladniid.

Moab jápmá vearjjuid šlámas,

go soahtečuorvasat skádjet ja dorvvet čudjet.

³Mun duššadan dan ráđđejeaddji

ja gottán buot dan oaivámuččaid

oktan suinna, cealká Hearrá.

⁴

Dan dihte go Juda lea dahkan

vearredagu vearredagu maŋŋil,

de dan duopmu ii rievdda.

Sii leat badjelgeahččan Hearrá lága

eaige leat doallan su báhkkomiid.

Gielisipmilat maid sin áhčit čuvvo,

leat čádjidahttán sin.

⁵Mun vuolggahan dola Judai,

ja dat duššada Jerusalema ladniid.

⁶

Dan dihte go Israel lea dahkan

vearredagu vearredagu maŋŋil,

de dan duopmu ii rievdda.

Sii leat vuovdán vigiheami ruđas

ja váivváša gámabáras.

⁷Sii dulbmet gefiid muldii

ja botnjet vártnuhemiid geainnu.

Áhčči ja bárdni mannaba

ovttat nissona luhtte,

ja nu soai dahkaba

mu bassi nama eahpebassin.

⁸

juohke áltára guoras

ja juhket Ipmileaset viesus viinni

maid leat váldán sáhkkun.

⁹

din ovddas amorlaččaid

geat ledje guhkit dego sedermuorat

ja gievrrat dego áikkat.

Mun billistin sin šaddosiid bajil

ja sin ruohttasiid vuolil.

¹⁰Mun bukten din Egyptas

ja oahpistin din meahcis njealljelogi jagi,

vai dii válddášeiddet oapmineattet

amorlaččaid eatnama.

¹¹

ja din nuorra olbmáid nasiran.

Almma lea nu, israellaččat?

cealká Hearrá.

¹²

ja gilddiidet profehtaid profehtastallamis.

¹³Danin mun divttán eatnama

doarggistit din julggiid vuolde

dego dat doarggista vovnnaid vuolde

maid dievva leat gordnegihput.

¹⁴Dalle falli ii gávnna suoji,

gievra ii ane fámuidis,

soahteolmmái ii biso heakkas,

¹⁵njuollabáhčči ii doala sajis,

gehppesjuolggat ii beasa báhtarussii,

riidejeaddji ii gájo iežas.

¹⁶Jálumus soahteolmmái

bálkesta vearjjuidis ja báhtara dan beaivvi,

cealká Hearrá.

Válljejupmi ja ovddasvástádus

3¹Gullet maid Hearrá sárdnu

didjiide, israellaččat,

oppa dan álbmogii maid son

buvttii Egyptas:

²

buot eatnama álbmogiin.

Dan dihte mun bijan din vástidit

buot suttuineattet.

³Vázzetgo guokte olbmo fárrolagaid

muđui go leaba soahpan

goabbat guimmiineaskka?

⁴Čeargugo ledjon vuovddis

muđui go das lea sálaš?

Harrágo nuorra ledjon biejustis

muđui go lea goddán juoga maid?

⁵Čákŋágo loddi gillii

muđui go giella lea biddjojuvvon dan ovdii?

Rohttašuvvágo giella eatnamis

muđui go dat darvviha juoga maid?

⁶

eaige olbmot suorgan?

Dáhpáhuvvágo gávpogis lihkuhisvuohta

muđui go Hearrá lea dan dahkan?

⁷

almmá almmutkeahttá dan

bálvaleddjiidasas profehtaide.

⁸

Go Hearrá Ipmil sárdnu,

gii ii profehtastalaše?

Samaria duopmu

⁹

Čoagganehket Samaria váriide,

gehččet makkár moivi gávpogis lea,

mo olbmot sordojuvvojit das!

¹⁰

cealká Hearrá,

dat geat lánejit ladniidasaset

veahkaválddi ja rievvosállaša.

¹¹Danin Hearrá Ipmil cealká:

Vašálaš bahkke du eatnamii,

gaikkoda du ladniid,

du šloahtat rieviduvvojit.

¹²Ná cealká Hearrá:

Nugo guođoheaddji gádju

ledjona njálmmis

guokte juolggi dahje bealljegeaži,

nu gáddjojuvvojit israellaččatge,

dat geat čohkohallet

beaŋkačiegas Samarias

ja liidnebolstariid alde Damaskusis.

¹³Gullet, várrejehket Jakoba soga,

cealká Hearrá, Almmiveagaid Ipmil.

¹⁴

dain suttuin maid sii leat dahkan,

de dalle mun divttán maid ráŋggáštusa

deaividit Betela áltáriid:

Áltárčoarvvit čuolastuvvojit eret

ja gahččet eatnamii.

¹⁵

ja geasseviesu.

Elefántabátneviesut billistuvvojit,

ja stuorra visttit šaddet čievran,

cealká Hearrá.