Davvisámegiel Biibbal 2019 (Biibbal)
1

11

1,1
2 Gon 14,23eč
15,1eč
Jes 1,1
Hos 1,1Am 7,14
1,1 Tekoa uhca gávpogaš sullii 17 km Jerusalema lulábealde. ovdal eanandoarggástusa Áigi lea dovdameahttun. Israelis ledje dávjá eanandoarggástusat, ja okta namahuvvo gonagas Ussia áiggis, gč. Sak 14,5.Amosa sánit. Amos lei sávzageahčči Tekoa guovllus. Dáid sániid Israela hárrái son oaččui guokte jagi ovdal eanandoarggástusa. Dalle Juda gonagassan lei Ussia ja Israela gonagassan Jeroboam, Joaša bárdni.

2

1,2
Hos 11,10
Joel 1,103,21Am 3,48
Ná Amos sártnui:

Hearrá čeargu Sionis,

su jietna jupmá Jerusalemis.

Dalle guođoheddjiid

guohtuneatnamat moraštit,

Karmela aláš goiká.

Israela ja dan ránnjáálbmogiid duopmu

3

1,3
2 Sam 12,31
2 Gon 8,12
13,7
Jes 17,1eč
Jer 49,23eč
Sak 9,1
1,3 cuvken masorehtalaš teavsttas lea “ráidnen”.Ná cealká Hearrá:

Danin go Damaskus lea dahkan

vearredagu vearredagu maŋŋil,

de dan duopmu ii rievdda.

Sii leat cuvken Gileada

ruovdegordnenreagaiguin.

4

1,4
2 Gon 13,24č
Jer 49,27
Mun vuolggahan dola Hasaela šlohttii,

ja dat duššada Ben-Hadada ladniid.

51,5 Bikat-Aven soaitá leat leahki Libanona ja Antilibanona gaskkas. Bet-Eden aramealaš riika Eufrateatnogáttis dahje Damaskusa lahka. Kir eanan Mesopotamias, aramealaččaid ruovttuguovlu. Vrd. 2 Gon 16,9; Jes 22,6; Am 9,7.Mun cuvken Damaskusa poartta smartti,

duššadan ráđđejeaddji Bikat-Avenis

ja dan gii guoddá ráđđensoappi Bet-Edenis.

Arama álbmot dolvojuvvo eatnamisttis Kirii,

cealká Hearrá.

6Ná cealká Hearrá:

Danin go Gaza lea dahkan

vearredagu vearredagu maŋŋil,

de dan duopmu ii rievdda.

Sii leat dolvon olles giliid fáŋgan

ja addán daid olbmuid Edoma gihtii.

7Mun vuolggahan dola Gaza muvrii,

ja dat duššada gávpoga ladniid.

8

1,8
Jer 47,5č
Sef 2,4č
Mun duššadan ráđđejeaddji Ašdodis

ja dan gii guoddá Aškelona ráđđensoappi.

Mun lokten gieđa Ekrona vuostá,

ja filistalaččaid bázahas duššá,

cealká Hearrá Ipmil.

9

1,9
1 Gon 5,12
Jes 23,1eč
Esek 26–28
Ná cealká Hearrá:

Danin go Tyros lea dahkan

vearredagu vearredagu maŋŋil,

de dan duopmu ii rievdda.

Sii leat addán Edoma gihtii olles giliid fáŋgan

eaige leat muitán vielljavuođalihtu.

10

1,10
Jer 47,4
Joel 3,9
Mun vuolggahan dola Tyrosa muvrii,

ja dat duššada gávpoga ladniid.

11

1,11
Jes 34
Jer 49,7eč
Esek 25,12
Joel 3,24
Ob
Mal 1,2eč
Ná cealká Hearrá:

Danin go Edom lea dahkan

vearredagu vearredagu maŋŋil,

de dan duopmu ii rievdda.

Sii leat doarrádallan vieljaideaset mihkiin

eaige leat dovdan váibmoláđisvuođa.

Sin moarri lea buollán čađat,

iige sin suhttu leat nohkan goassege.

12

1,12
Jes 63,1
Ob 9
1,12 Teman guovlu Edomis, dávjá adnojuvvon oppa riikka birra. Bosra gávpot Edomis.Mun vuolggahan dola Temanii,

dat duššada Bosra ladniid.

13

1,13
Jer 49,1eč
Hos 14,1Sef 2,8eč
Ná cealká Hearrá:

Danin go ammonlaččat leat dahkan

vearredagu vearredagu maŋŋil,

de sin duopmu ii rievdda.

Sii luddo Gileada áhpehis nissoniid

vai besse viiddidit rájiideaset.

141,14 Rabba ammonlaččaid oaivegávpot, dálá Amman. ▶ ammonlaččat.Mun cahkkehan dola Rabba muvrii,

ja dat duššada gávpoga ladniid

go soahtečuorvasat skádjet soađi beaivvi,

go riđđuda jorrebiekka beaivvi.

15Sin gonagas dolvojuvvo fáŋgavuhtii

oktan oaivámuččaidisguin,

cealká Hearrá.