31
Loahpa, vieljat: Rohkadallet min ovddas, vai Hearrá sátni ovdána jođánit ja gudnejahttojuvvo eará guovlluin seammá ládje go din luhtte. 2Rohkadallet maiddái, vai mii gáddjojuvvot gážžáris ja bahás olbmuid gieđas; buohkathan eai oskko. 3
1 Kor 1,9
10,13
1 Tess 5,24
Muhto Hearrá lea oskkáldas, ja son nanne din ja várjala din bahás. 4Hearrái dorvvastemiin mii luohttit dasa ahte dii dál ja boahtteáiggis dahkabehtet dan maid mii gohččut. 5Vare Hearrá oahpistivččii din váimmu ráhkistit Ipmila ja vuordit Kristusa gierdavaččat.
Várrehus jeagohemiide
6
Rom 16,171 Tess 4,1
3,6 maid mii didjiide attiimet Ollu giehtačállosiin lea “sidjiide attiimet”.Hearrá Jesus Kristusa nammii mii gohččut din, vieljažiiddán, atnit iežaideattet eret juohke vielja searvvis gii joavdelastá iige vádjol daid oahpahusaid mielde maid mii didjiide attiimet. 7
11,1
Fil 3,17
1 Tess 1,6
Dii diehtibehtet ieža mo galgabehtet čuovvut min ovdamearkka. Go mii leimmet din luhtte, de mii eat lean joavdelassan. 8
Mii eat borran nuvttá geange láibbi, muhto barggaimet ja ražaimet ija beaivvi, amamet šaddat didjiide noađđin. 9
1 Kor 9,6eč
1 Tess 1,6
Mishan gal livččii leamaš dasa vuoigatvuohta, muhto mii dáhtuimet leat didjiide ovdamearkan. 10
Go mii leimmet din luhtte, de mii attiimet didjiide dán gohččuma: Gii ii dáhto bargat, dat ii oaččo borratge. 11
Mii oainnat leat gullan ahte muhtumat dis joavdelastet. Sii eai daga dan maid galggašedje, muhto seahkánit áššiide mat eai sidjiide gula. 12
Dakkár olbmuid mii gohččut ja ávžžuhit Hearrá Jesus Kristusa nammii bargat jaskatvuođas ja borrat iežaset láibbi.
13
Muhto vieljat, allet váibba dahkamis buriid. 14
2 Tess 3,6
Jos muhtun ii jeagat dan maid mii leat dadjan dán girjjis, de mearkkašehket gii son lea. Allet guoimmástala suinna, vai son heahpana. 15
Allet dattetge ane su vašálažžan, muhto cuiggodehket su nugo vielja.
Loahppasávaldat
16
1 Tess 5,23
Vare ráfi Hearrá ieš attášii didjiide ráfi, álelassii ja juohke láhkái. Hearrá lehkos dinguin buohkaiguin.
173,17 čálán … iežan gieđain Paulus dábálaččat ii čállán girjjiidis ieš, muhto sánuhii eará čálliide. Dás son lasiha oasi iežas gieđain. Vrd. 1 Kor 16,21; Gal 6,11; Kol 4,18; Filem 19.Mun, Paulus, čálán dáid dearvvuođaid iežan gieđain. Ná mun čálán, ja dát lea dovdomearkan buot mu girjjiin. 18Hearrámet Jesus Kristusa árbmu lehkos dinguin buohkaiguin!