Davida maŋimuš sánit

23¹Dát leat Davida maŋimuš sánit.

Ná sárdnu David, Isaja bárdni,

ná sárdnu olmmái

gean Alimus lea alidan,

gean Jakoba Ipmil lea vuoidan

gonagassan,

son gean Israela suodjaleaddji ráhkista.

²

su sánit leat mu njuokčama alde.

³

Israela bákti lea cealkán munnje:

Gii ráđđe olbmuid vuoigatlaččat,

gii ráđđe sin Ipmila balus.

⁴Son lea dego iđitguovssu,

go beaivváš badjána jalahas iđida,

nugo beaivvádat mii bohciidahttá

rási eatnamis arvvi maŋŋá.

⁵

Ipmila ovddas?

Son lea dahkan muinna agálaš lihtu

man lohpádusaid son doallá oskkáldasat.

Buot mii lea munnje veahkkin,

visot maid mun sávan,

son diktá lihkostuvvat munnje.

⁶

dego bastilislánját mat bálkásit:

Ii oktage váldde daid gihtii,

⁷dat duohtaduvvojit

dušše ruvddiin ja sáitenađain,

dat boldojuvvojit dasttánaga.

Davida soahteolbmát

⁸

Hakmonlaš Jišbošet, golmma buoremus soahteolbmás vuosttaš. Son bajidii sáittis gávccičuođi gottáhallan olbmá badjel ovttat gearddis.

⁹Čuovvovaš lei ahoahlaš Elasar, Dodo bárdni, gii lei okta dan golmma soahteolbmás. Son lei Davida mielde Pas-Damminis gosa filistalaččat ledje čoagganan soahtat. Go Israela olbmát geassádedje, ¹⁰de Elasar bisui das ja gottii filistalaččaid, dassážii go su giehta váibbai ja čárvásii miehkkái gitta. Dan beaivvi Hearrá attii stuorra vuoittu, ja go olbmát máhcce Elasara lusa, de lei dušše stajidit gahččan vašálaččaid.

¹¹23,11 Lehi >Duop 15,9.Čuovvovaš lei hararlaš Šamma, Age bárdni. Filistalaččat ledje oktii čoagganan Lehii, ja doppe lei bealdu mas šattai bađvešaddu. Israellaččat báhtaredje filistalaččain, ¹²muhto Šamma manai guovdu bealddu, gáhttii dan ja časkkii filistalaččaid. Nu Hearrá attii stuorra vuoittu.

¹³23,13 Adullam >1 Sam 22,1. Refaimleahki >5,18.Oktii lájuid álggus golmmas dan golbmalogi oaivámuččas vulge Davida lusa váriide, Adullama bákteráigái. Filistalaččaid soahtesiida lei dalle Refaimleagis. ¹⁴23,14 várreladnistis >1 Sam 22,4.David lei várreladnistis, ja filistalaččaid njunušveahka lei Betlehemis. ¹⁵David goikkai, ja son dajai: “Vare muhtin buvttášii munnje čázi gáivvos mii lea Betlehema poartta guoras!” ¹⁶Dalle dat golbma soahteolbmá bahkkejedje filistalaččaid soahtesiidii, goivo čázi Betlehema poartagáivvos ja bukte dan Davidii. Son ii goit dáhtton juhkat dan, muhto golggahii dan juhkamušoaffarin Hearrái ¹⁷ja dajai: “Hearrá várjalehkos mu juhkamis dan! Dathan lea daid olbmáid varra geat vižže dan heakkaset váttuin.” Iige son dáhtton juhkat dan.

Dákkáriid dahke dat golbma sáŋgára.

¹⁸23,18 golbmalohkása Davida buoremus soahteolbmát. Gč. v. 13.Abišai, Seruja bárdni ja Joaba viellja, lei dan golbmalohkása oaivámuš. Son bajidii sáittis golbmačuođi gottáhallan olbmá badjel, ja son namuhuvvui ovttas dainna golbmasiin. ¹⁹Son lei árvvus adnojuvvon dan golbmalohkása gaskkas ja sin oaivámuš, muhto dan golbmasa veardásaš son ii lean.

²⁰

²⁴Dan golbmalohkása searvvis ledje maiddái Asael, Joaba viellja, ja betlehemlaš Elhanan, Dodo bárdni, ²⁵harodlaš Šamma, harodlaš Elika, ²⁶peletlaš Heles, tekoalaš Ira, Ikkeša bárdni, ²⁷anatotlaš Abieser, hušalaš Sibbekai, ²⁸ahoahlaš Salmon, netofalaš Mahrai, ²⁹netofalaš Heleb, Baana bárdni, Ittai, Ribaja bárdni, benjaminlaččaid Gibea olmmoš, ³⁰piratonlaš Benaja, Hiddai, Nahale Gaaša olmmoš, ³¹arabalaš Abi-Albon, bahurimlaš Asmavet, ³²šaalbonlaš Eljahba, gisonlaš Jašen, ³³hararlaš Jonatan, Šamma bárdni, ararlaš Ahiam, Šarara bárdni, ³⁴Elifelet, Ahasbaja bárdni, maakatlaš Hefer, gilolaš Eliam, Ahitofela bárdni, ³⁵karmellaš Hesro, aradlaš Paarai, ³⁶sobalaš Jigal, Natana bárdni, gadlaš Bani, ³⁷ammonlaš Selek, beerotlaš Nahrai, Joaba, Seruja bártni, vearjoguoddi, ³⁸jeterlaš Ira, jeterlaš Gareb ³⁹23,39 golbmalogičieža olbmá namalassii “dat golbmalogis” (v. 24–39), dat golmmas (v. 8–12) ja sidjiide lassin Abišai, Benaja, Asael (v. 18–24) ja Joab.ja hetlaš Uria, oktiibuot golbmalogičieža olbmá.