Davvisámegiel Biibbal 2019 (Biibbal)
1

Dearvvuođat

111,1 Simon Peter apostal Peter. apostal áirras gii sártnui iežas hearrá sajis. Namahus adnojuvvo dábálaččat Jesusa 12 ▶ máhttájeaddji birra.Simon Peter, Jesus Kristusa bálvaleaddji ja apostal, dearvvaha din geaidda min Ipmil ja Beasti Jesus Kristus vanhurskkisvuođastis lea addán seammá mávssolaš oskku go midjiide.

2

1,2
1 Pet 1,2
Jud 2
Šaddos din oassin ain valljugasabun árbmu ja ráfi maid Ipmila ja Hearrámet Jesusa dovdamuš addá!

Ávžžuhus kristtalaš eallimii

3

1,3
2 Kor 4,6
Su ipmilvuođa fápmu lea addán midjiide buot mii doalvu eallimii ja ipmilballui. Miihan leat šaddan dovdat su gii lea rávkan min hearvásvuođainis ja fámuinis. 4
1,4
Ef 4,2224
Son lea addán midjiide stuorra ja mávssolaš lohpádusaid, vai dii daid vehkiin beassabehtet báhtarit heavahusas maid anistumit duddjojit máilmmis, ja beassabehtet oasálažžan ipmilvuođa luonddus.

5

1,5
Gal 5,622
Vigget dan dihte áŋgirit čájehit oskkus gievravuođa, gievravuođas dieđu, 6
1,6
1 Kor 9,24č
dieđus mearálašvuođa, mearálašvuođas gierdavašvuođa, gierdavašvuođas ipmilbalu, 7
1,7
Rom 12,10
1 Tess 4,9č
Hebr 13,1
1 Pet 1,22
1 Joh 3,10eč
ipmilbalus vieljalaš ráhkisvuođa, vieljalaš ráhkisvuođas gaskavuođa ráhkisvuođa. 8
1,8
Tit 3,14
Jos dis leat buot dát ja dat ain eatnánit, de dat eai divtte din leat joavdelassan ja šattoheapmin Hearrámet Jesus Kristusa dovdamušas. 9
1,9
1 Joh 2,911
Muhto dat geas buot dát váilot, lea lahkaoaidnil, beanta čuovggaheapme. Son lea vajáldahttán ahte lea ovtta gearddi buhtistuvvon ovddeš suttuinis.

10Dan dihte, vieljažiiddán, barget ain áŋgireappot nannet iežadet rávkojumi ja válljejumi. Jos dii dan dahkabehtet, de ehpet goassege jorral, 11ja dii beassabehtet friddja mannat rabastuvvon uvssas Hearrámet ja Beastámet Jesus Kristusa agálaš riikii.

Sátni lea luohtehahtti

12

1,12
Rom 15,15
Jud 5
Dan dihte mun dáhtun álohii muittuhit didjiide buot dáid áššiid, vaikko dii daid gal dovdabehtet ja bissubehtet suoibbokeahttá dan duohtavuođas mii didjiide lea addojuvvon. 13Mu anán vuoigadin iežan muittuhusaiguin boktalit din nu guhká go ásan dán eatnanlaš goađis. 14
1,14
Joh 21,18č
2 Kor 5,1
Mun oainnat dieđán ahte mu goađi gaikun lea fargga joavdamin, dan min Hearrá Jesus Kristus lea munnje almmuhan. 15Danin mun dáhtun atnit fuola das ahte dii maiddái mu vuolgima maŋŋil álo muitibehtet dáid áššiid.

16

1,16
Luk 9,32
Apd 4,20
Eat mii, dalle go attiimet didjiide diehttevassii Hearrámet Jesus Kristusa fámu ja boahtima, lean čuovvulan gávvilis cukcasiid, muhto leimmet iežamet čalmmiiguin beassan oaidnit su ipmilvuođa fámu. 17
1,17
Matt 3,17Luk 9,28eč
Son oaččui Ipmilis, Áhčistis, gudni ja hearvásvuođa, dalle go sutnje alimus hearvásvuođas bođii dát jietna: “Dát lea mu ráhkis Bárdni, su mun lean válljen.” 18Dan jiena mii gulaimet boahtimin almmis, go leimmet suinna bassi váris. 19
1,19
Alm 2,28
Dan dihte mii sáhttit ain nannoseappot luohttit profehtalaš sátnái. Ja dii dahkabehtet bures, jos geahččabehtet dasa dego lámpái mii čuovgá sevdnjes báikkis, dassážii go beaivi čuvggoda ja guovssonásti suonjardišgoahtá din váibmui. 20Ja ovddimustá dii fertebehtet ipmirdit ahte olmmoš ii máhte iešalddes čilget profehtalaš einnostusaid mat čužžot bassi čállagis. 21
1,21
2 Tim 3,16
1 Pet 1,11
Ii oktage profehtalaš sátni leat buktojuvvon ovdan olbmuid iežaset dáhtus, muhto Bassi Vuoigŋa lea vikkahan sin sárdnut dan maid Ipmil lea sidjiide addán.

2

Vearreoahpaheaddjit ja sin duopmu

21

2,1
5 Mos 13,1eč
Matt 24,11
Jud 4
2,1 lonistan Sátni adnui dávjá šlávaid birra geat ostejuvvojedje luovus lotnunruđaiguin. ▶ lonistanruhta.Israela álbmoga gaskkas ledje maiddái vearreprofehtat, ja seammá láhkái din gaskiige bohtet vearreoahpaheaddjit. Sii njágahit din gaskii duššadeaddji vearreoahpaid. Sii biehttalit dan Hearrá guhte lea sin lonistan, ja fargga sii dagahit alcceseaset heavu. 2
2,2
Rom 2,24
Olusat čuovvulit sin nuoskivuođa, ja duohtavuođa geaidnu šaddá sin dihte bilkiduvvot. 3
2,3
1 Tess 2,5
Vuovdáivuođasteaset sii vigget atnit din ávkin hutkkálaš cukcasiiguin. Muhto sin dološ duopmu lea ain fámus, sin heavvu lea sin vuordimin.

4

2,4
Jud 6
Ipmil ii seastán eŋgeliid geat ledje suddudan, muhto bálkestii sin láhkkiin sevdnjes čiekŋalassii vuordit ahte sin duopmu ollašuvvá. 52,5 čieža earrása Noa bearaš. Vrd. 1 Mos 8,18; 1 Pet 3,20.Iige son seastán dološ máilmmi, muhto buvttii stuorra dulvvi ipmilmeahttun olbmuid badjelii. Son goittot várjalii Noa, vanhurskkisvuođa sárdnideaddji, ja čieža earrása. 6
2,6
1 Mos 19,24č
Jud 7
Alm 11,8
2,6 Sodoma ja Gomorra gávpogat Jápmameara lahka, adnojit suttolašvuođa symbolan ja várrehussan duomus.Ipmil dubmii Sodoma ja Gomorra nu ahte bolddii daid gutnan ja dagai daid ovdamearkan maŋit áiggiid ipmilmeahttumiidda, 7
2,7
1 Mos 19,1eč
muhto gájui vanhurskkis Lota gean ipmilmeahttun olbmuid nuoskkes eallin váivvidii. 8Beaivvis beaivái dat vanhurskkis olmmái giksašuvai go šattai eallit sin gaskkas ja geahčadit ja guldalit sin gudnehis meanu.

9

2,9
1 Kor 10,13
Jud 6
Hearrá diehtá gal gádjut geahččalusas daid geat sus ballet, muhto ipmilmeahttumiid son atná vuorkkás duopmobeaivvi ráŋggáštusa várás, 10
2,10
Jud 7č
eandalii daid geat doahttalit oačči nuoskkes anistumiid ja atnet duššin Hearrá ráđđenválddi. Sii leat čeavlát ja iešráđálaččat, eai bala bilkideames almmálaš fámuid, 11
2,11
Jud 9
vaikko velá eŋgelatge geain lea eambbo fápmu ja givrodat, eai Hearrá ovddas daid hiddjit eaige dubme. 12
2,12
Sál 49,13eč
Jud 10
Dát olbmot leat dego jierpmehis eallit mat leat riegádan bivdojuvvot ja goddojuvvot. Sii bilkidit dan maid eai dovdda, ja elliid láhkái sii maid duššet 13
2,13
Jud 12
ja ožžot vearrivuođasteaset vearrivuođa bálkká. Sin illun lea festet guovdelaš beaivvi, sii leat movttegat beahttit ja guossohit himuideaset go leat doallamin dinguin mállásiid. 14Himolaš čalmmiiguin sii gehččet nissoniidda eaige goassege gallán suddudemiin. Sii fillejit rašis sieluid ja leat bures hárjánan vuovdáivuhtii. Sii leat garuhuvvon olbmot 152,15 Bileam váruheaddji ovdamearka. Vrd. 4 Mos 22,5–24,25; Jud 11; Alm 2,14.geat leat spiehkastan njulges geainnus ja čádjidan seammá geidnui go Bileam, Beora bárdni, gii ráhkistii vearrivuođa bálkká, 16
2,16
4 Mos 22,28
muhto gii cuiggoduvvui rihkkumis dihte: Ásen, gielahis bargošibit, sártnui olbmo jienain ja eastadii profehta jierpmehisvuođa.

17

2,17
Jud 13
Dát olbmot leat dego čázehis ádjagat, dego balvvat maid riđđu dolvvoda: Čáhppadeamos seavdnjadas sin vuordá. 18Sii sárdnot stuorra muhto guoros sániid, ja rupmašeaset himuid fáŋgan sii vigget giktalit lusaset olbmuid geat ledje juo beasadeamen dain geat vádjolit čádjádusas. 19
2,19
Joh 8,34
Rom 6,16
Sii lohpidit friddjavuođa, muhto ieža sii leat heavahusa šlávat: Gii olbmo lea vuoitán, dan šlávva son lea. 20
2,20
Matt 12,45
Jos sii leat beassan máilmmi nuoskivuođain dalle go ohppe dovdat Hearrámet ja Beastámet Jesus Kristusa, muhto fas diktet iežaset daidda sorrojuvvot ja vuoittáhallat, de sin maŋit dilli lea šaddan bahábun go sin ovddit dilli. 21
2,21
Luk 12,47č
Sidjiide livččii leamaš buoret go sii eai livčče oppa dovdange vanhurskkisvuođa geainnu, go ahte vuos dan dovde ja de jorgaledje sealggi bassi báhkkomii maid ledje váldán vuostá. 22
2,22
Sát 26,11
Sidjiide lea geavvan dego sátnevájas dadjá: Beana jorggiha iežas vuovssanasaide, ja “Bassojuvvon spiidni fierada rábáhis”.