Davvisámegiel Biibbal 2019 (Biibbal)
25

251

25,1
2 Muit 36,17eč
Jer 39,1eč
52,4eč
Su ovccát ráđđenjagi, dan logát mánu logát beaivvi Babylona gonagas Nebukadnesar bođii oppa soahteveagainis Jerusalema poarttaid ovdii ja dagai dasa soahtesiidda. Gávpoga birra huksejuvvojedje birastahttinčomat, 225,2 Sidkia oktanuppelogát ráđđenjagi 587 o.Kr.ja gávpot lei dasto birastahttojuvvon gitta gonagas Sidkia oktanuppelogát ráđđenjagi rádjái. 3Gávpogis šattai garra nealgi, iige olbmuin lean šat láibi. Dan jagi njealját mánu ovccát beaivvi 4vašálaš bahkkii gávpogii, muhto buot soahteolbmát besse báhtarit ihkku guovtti muvrra gaskka dan poartta ráigge mii lei gonagasa gilvvagárddi buohta. Gonagas báhtarii olbmáidisguin Jordanleagi guvlui, 5muhto kaldealaččaid soahteveahka doarridišgođii gonagasa ja juvssai su Jeriko duolbadasas. Oppa su soahteveahka lei dalle juo bieđganan su luhtte. 6
25,6
2 Muit 36,13
Esek 17,15eč
25,6 Ribla >23,33.Kaldealaččat dohppejedje Sidkia ja dolvo su Babylona gonagasa lusa Riblai. Doppe sutnje celkojuvvui duopmu. 7
25,7
Esek 12,13
Sidkia bártnit goddojuvvojedje su oaidnut, ja dasto son ieš čalmmehuhttojuvvui. Son čadnojuvvui bronsaláhkkiiguin ja dolvojuvvui Babylonii.

Tempel duššaduvvo. Álbmot sirdojuvvo Babylonii

8Viđát mánu čihččet beaivvi, Babylona gonagasa Nebukadnesara ovccinuppelogát ráđđenjagi, gonagasa heaggafávttaid oaivámuš Nebusaradan bođii Jerusalemii. 9

25,9
Esra 5,12
Son bolddii Hearrá tempela ja gonagasa šloahta ja buot Jerusalema viesuid, buot stuorráid viesuid son buollahii. 10Kaldealaččaid soahteveahka mii heaggafávttaid oaivámuččas lei mielde, gaikkui eatnamii Jerusalema muvrraid. 11Heaggafávttaid oaivámuš Nebusaradan doalvvui eret fáŋgan álbmoga bázahasage mii vel lei gávpogis. Son doalvvui daidge geat ledje mannan Babylona gonagasa beallái, ja buot gávpoga duojáriid. 12Muhtumiid eatnama geafimusain heaggafávttaid oaivámuš divttii báhcit bargat viidnegárddiid ja bealdduid.

13

25,13
Jer 27,19eč
25,13 bronsabácciid … bronssa Vrd. 1 Gon 7,13–51.Kaldealaččat cuvkejedje Hearrá tempela bronsabácciid, bevddiid ja bronsameara ja dolvo bronssa Babylonii. 14Sii válde maiddái lihtiid, gutnagoaivuid, niibbiid, gohpuid ja buot bronsalihtiid mat ledje adnojuvvon ipmilbálvalusas. 15Heaggafávttaid oaivámuš válddii maiddái dollalihtiid ja oaffarlihtiid mat ledje čielga gollis dahje silbbas. 16Dan guovtti báccis, mearas ja bevddiin maid Salomo lei duddjohan Hearrá tempelii, lei nu ollu bronsa ahte dat ii lean vihkkemis. 17
25,17
2 Muit 3,15
Jer 52,21eč
25,17 gávccinuppelohkái állana sullii 9 mehtera. golbma állana sullii 1,5 mehtera.Guktot báccit ledje gávccinuppelohkái állana guhku. Bázzeoaivvit mat ledje golbma állana alu, ledje maid bronssas, ja bronssas ledje maid bonjishearvvat ja granáhtaehpelat bázzeoivviid birra. 18Heaggafávttaid oaivámuš válddii mielddis bajimusbáhppa Seraja, su vuolit báhpa Sefanja ja golbma uksafávtta. 19Gávpogis son válddii mielddis hoavvaolbmá gii lei soahteveaga oaivámuš, vihtta gonagasa lagas olbmá geat ain ledje gávpogis ja soahteveaga oaivámučča čálli gean bargun lei čálihit álbmoga soahtevehkii, ja velá guhttalogi olbmá eatnama álbmogis geat muđui ledje gávpogis. 20Buot daid heaggafávttaid oaivámuš Nebusaradan válddii mielddis ja doalvvui Babylona gonagasa lusa Riblai. 21Riblas, Hamata eatnamis, Babylona gonagas dasto gottihii sin. Nu Juda álbmot dolvojuvvui eret iežas eatnamis.

Gedalja ráđđe Juda

22

25,22
Jer 40,5
Babylona gonagas Nebukadnesar bijai Gedalja, Šafana bártni Ahikama bártni, ráđđet dan oasi álbmogis mii vel lei báhcán Juda eatnamii, daid geaid son lei guođđán dohko. 23
25,23
Jer 40,7–41,18
Go soahteveagaid oaivámuččat ja sin olbmát gulle ahte Babylona gonagas lei bidjan Gedalja ráđđet, de sii bohte álbmogassii Gedalja lusa Mispai. Oaivámuččat ledje Ismael, Netanja bárdni, Johanan, Kareaha bárdni, netofalaš Seraja, Tanhumeta bárdni, ja Jaasanja gean áhčči lei Maaka olmmoš. 24Gedalja vuortnui sidjiide ja sin olbmáide: “Allet bala kaldealaččaid bálvaleddjiin. Orrot eatnamis ja bálvalehket Babylona gonagasa, de didjiide geavvá bures.” 25Muhto čihččet mánus dohko bođii Ismael, Elišama bártni Netanja bárdni, gii gulai gonagaslaš sohkii. Sus ledje mielde logi olbmá, ja sii časke jámas Gedalja ja daid Juda olbmáid ja kaldealaččaid geat ledje su luhtte Mispas. 26Dalle oppa álbmot, sihke smávvát ja stuorrát, ja maiddái soahteveaga oaivámuččat, vulge Egyptii, dasgo sii balle kaldealaččain.

Jojakin árpmihuvvo

27

25,27
Jer 52,31eč
Go Juda gonagas Jojakin lei leamaš fáŋgan golbmalogiguhtta jagi, de Babylona gonagas Evil-Merodak árpmihii su ja luittii su giddagasas. Dalle Evil-Merodak šattai gonagassan, ja dat dáhpáhuvai dan jagi guoktenuppelogát mánu guoktelogičihččet beaivvi. 28Babylona gonagas sártnui Jekonjain ustitlaččat ja bijai su čohkkát boaššolebbui eará gonagasaid geat ledje su luhtte Babylonis. 29
25,29
2 Sam 9,7
1 Gon 2,7
Jojakin oaččui nuollat fáŋgagárvvu ja beasai borrat gonagasa beavddis nu guhká go elii. 30Gonagasas attii sutnje bissovaš ealáhusa, ja son oaččui buot eallinbeivviidis dan maid dárbbašii.