Davvisámegiel Biibbal 2019 (Biibbal)
17

Hosea Israela gonagassan. Israela heavvu

171

17,1
15,30
Juda gonagasa Ahasa guoktenuppelogát ráđđenjagi šattai Israela gonagassan Hosea, Ela bárdni. Son ráđđii Samarias ovcci jagi. 2Hosea dagai dan mii lea bahá Hearrá čalmmiin, ii dattetge nu ollu go ovddit Israela gonagasat ledje dahkan.

3Assyria gonagas Salmanassar soahttái Hoseain, ja Hosea šattai bálvalit su ja máksit sutnje vearu. 4Assyria gonagas bođii dasto diehtit ahte Hosea lei searvan suollemas lihttui su vuostá; son lei vuolggahan áirasiid Egypta gonagasa So lusa iige lean šat máksán jahkásaš vearu Assyria gonagassii nugo galggai. Danin Assyria gonagas válddii su gitta ja doalai su giddagasas.

5

17,5
18,9eč
Assyria gonagas bođii ja válddii oppa eatnama. De son manai Samariai ja birastahtii gávpoga, ja birastahttin bisttii golbma jagi. 617,6 Hosea ovccát ráđđenjagi 722 o.Kr. Habor Eufrata stuorra oalgejohka; boahtá davvinuortan.Hosea ovccát ráđđenjagi Assyria gonagas válddii Samaria. Son doalvvui israellaččaid Assyriai ja bijai sin ássat Halahii, Gosanii Habora gáttiide ja Media gávpogiidda.

7

17,7
2 Mos 20,3
Nu geavai dan dihte go ahte israellaččat ledje suddudan Hearrá, Ipmileaset, vuostá. Vaikko Hearrá lei buktán sin Egypta eatnamis ja beastán sin farao, Egypta gonagasa, gieđas, de sii ledje bálvališgoahtán eará ipmiliid. 8
17,8
16,3
21,2
Sii ledje váldán daid álbmogiid vieruid maid Hearrá lei ádján israellaččaid ovddas, ja Israela gonagasaid meanuid. 9
17,9
2 Muit 26,10
Israellaččat ledje dahkan suoli dakkára mii ii lean riekta Hearrá, sin Ipmila, čalmmiin. Sii ledje huksen dieváide oaffarbáikkiid juohke gávpogii, lei dat dal uhca gávpogaš mas lei dušše fáktentoardna, dahje stuorra ladnegávpot. 10
17,10
16,4
Sii ledje ceggen bácciid ja ašeračuolddaid juohke alla dievvái ja juohke rudnes muora vuollái. 11Juohke oaffarbáikkis sii ledje boaldán oaffariid daid álbmogiid láhkái maid Hearrá lei ádján sin ovddas, ja daiguin bahás daguideasetguin sii ledje moaráhuhttán Hearrá. 12
17,12
2 Mos 20,3
23,13
Sii ledje maid bálvalan eahpeipmiliid, vaikko Hearrá lei gieldán sin dahkamis nu.

13

17,13
Jer 25,5
Hearrá lei gohččon juohke profehta ja juohke oaidni dadjat Israelii ja Judai: “Jorgalehket bahás geainnuineattet ja dollet mu báhkkomiid ja njuolggadusaid, oppa dan lága maid mun adden din áhčiide ja maid mun vuolggahin bálvaleddjiidan profehtaid almmuhit didjiide.” 14Muhto eai sii gullan, muhto ledje seammá ceaggát go sin áhčit geat eai oskon Hearrái, Ipmilasaset. 15
17,15
3 Mos 18,324
Jer 2,5
Sii hilgo su njuolggadusaid ja lihtu maid son lei dahkan sin áhčiiguin, ja duođaštusa maid son lei addán sidjiide. Sii vádjoledje duššálaš ipmiliid maŋis ja šadde iežanai duššálažžan. Sii dahke nugo sin birasálbmogat, vaikko Hearrá lei gieldán sin eallimis daid láhkái. 16
17,16
1 Gon 12,28
16,31
17,16 almmiveaga almmi veahka.Sii hilgo visot Hearrá, Ipmileaset, báhkkomiid ja leikejedje alcceseaset guokte gálbebácci. Sii dahke alcceseaset maiddái ašeračuolddaid, gopmirdedje buot almmiveaga ja bálvaledje Baala. 17
17,17
16,3
21,6
17,17 bidje … mannat dola čađa >16,3.Sii bidje bártniideaset ja nieiddaideaset mannat dola čađa, sii einnostedje ja noidošedje. Sii vuvde iežaset dahkat dan mii lea bahá Hearrá čalmmiin, ja nu moaráhuhtte su. 18
17,18
23,27
Dalle Hearrá moaráhuvai Israelii nu sakka ahte son ájii sin eret muođuidis ovddas. Dušše Juda čearda bázii.

19Ii Juda čeardage doallan Hearrá, Ipmilis, báhkkomiid, muhto válddii daid vieruid maid israellaččat ledje váldán. 20Dalle Hearrá hilggui sin buohkaid, oppa Israela náli. Son vuolidii sin, attii sin speadjáriid gihtii ja loahpas suhppii sin eret muođuidis ovddas.

21

17,21
1 Gon 12,2028eč
Dalle go Hearrá lei gaikkihan Israela sierra Davida sogas, de israellaččat ledje dahkan gonagassan Jeroboama, Nebata bártni, ja Jeroboam lei gáidadan Israela Hearrás ja fillen dan stuorra suddui. 22Israellaččat dahke buot suttuid maid Jeroboam lei dahkan, dain sii eai gáidan. 23
17,23
5 Mos 28,3663eč
1 Gon 14,15
Am 5,27
Maŋážassii Hearrá ájii sin eret muođuidis ovddas nugo son lei gohččon bálvaleddjiidis profehtaid sárdnut. Nu Israel dolvojuvvui iežas eatnamis Assyriai gos sii leat veláge.

Samaria ođđa ássit

2417,24 Kut gávpot Babylona nuorttadavábealde. Sefarvajim gávpot mii jáhkkimis lei aramealaččaid riikkaid Hamata ja Damaskusa gaskkas.Assyria gonagas sirddii Babylonis, Kutas, Avvas, Hamatis ja Sefarvajimis ođđa ássiid Samaria gávpogiidda israellaččaid sadjái. Sii válde Samaria oapmineaset ja ásse dan gávpogiidda. 25

17,25
3 Mos 26,22
Go sii álggus ásse dohko, de sii eai bálvalan Hearrá, ja dalle Hearrá vuolggahii sin gaskii ledjoniid mat godde muhtumiid sis. 26Assyria gonagassii muitaluvvui: “Álbmogat maid don sirdet Samaria gávpogiidda, eai dieđe mo galgá bálvalit dan eatnama ipmila. Son lea vuolggahan ledjoniid sin gaskii, ja dat goddet sin, danin go sii eai dieđe man láhkái dan eatnama ipmila galgá bálvalit.” 27Dalle Assyria gonagas gohčui: “Máhcahehket dohko muhtuma dain báhpain geat dolvojuvvojedje doppe eret. Son oažžu mannat dohko, ássat doppe ja oahpahit sidjiide mo dan eatnama ipmila galgá bálvalit.” 28Dalle muhtun dain báhpain geat ledje sirdojuvvon Samarias eret, máhcai dohko ja ásai Betelii. Son oahpahii olbmuide mo Hearrá galggai bálvalit.

29

17,29
Jona 1,5
Liikká juohke álbmot ráhkadii iežas ipmilgovaid ja bijai daid tempeliidda maid samarialaččat ledje huksen oaffarbáikkiide, juohke álbmot daidda gávpogiidda main ásai. 30Babylona olbmát dahke Sukkot-Benota gova, Kuta olbmát Nergala gova, Hamata olbmát Ašima gova, 31avvalaččat Nibhasa ja Tartaka gova, ja sefarvajimlaččat bálvaledje Adrammeleka ja Annammeleka, Sefarvajima ipmiliid, nu ahte sii bolde bártniideaset dolas. 32
17,32
1 Gon 12,31
Muhto sii bálvaledje maiddái Hearrá. Sii válljejedje iežaset gaskkas báhpaid geat sin beales oaffarušše oaffarbáikkiid tempeliin. 33Vaikko sii bálvaledje Hearrá, de sii bálvaledje maiddái iežaset ipmiliid seammá láhkái go dat álbmogat maid gaskkas sii ledje sirdojuvvon Samariai.

34

17,34
1 Mos 32,28
Vel otná beaivvige sii dahket dološ lágiset mielde. Sii eai bala Hearrás eaige doala daid njuolggadusaid ja mearrádusaid, dan lága ja daid báhkkomiid maid Hearrá gohčui Jakoba náli doallat, su geasa son bijai namman Israel. 35
17,35
2 Mos 23,13
Duop 6,10
Hearrá dagai singuin lihtu ja gohčui sin ná: “Allet bala eará ipmiliin. Allet rohkadala daid, allet bálval daid alletge oaffaruša daidda. 36Dii galgabehtet bálvalit Hearrá guhte buvttii din Egypta eatnamis stuorra fámuin ja geigejuvvon gieđain. Su dii galgabehtet rohkadallat ja sutnje oaffaruššat. 37Ja daid njuolggadusaid ja mearrádusaid, dan lága ja daid báhkkomiid maid son lea čállán din várás, dii galgabehtet álo doallat. Eará ipmiliid dii ehpet oaččo bálvalit. 38Allet vajáldahte lihtu maid mun dahken dinguin, alletge bálval eará ipmiliid. 39Duššefal Hearrá, Ipmileattet, dii galgabehtet bálvalit. Son gádju din buot din vašálaččaid gieđas.” 40Samaria ássit eai goit leat dáhtton gullat, muhto dahket ain dološ lágiset mielde. 41Duot álbmogat leat gal gudnejahttán Hearrá, muhto seammás dat leat bálvalan iežaset ipmilgovaid. Nugo áhčit leat dahkan, nu leat dahkan sin mánát ja mánáid mánát gitta dán beaivvi rádjái.

18

Hiskia Juda gonagassan

181

18,1
16,20
2 Muit 29,1eč
Israela gonagasa Hosea, Ela bártni, goalmmát ráđđenjagi Juda gonagassan šattai Hiskia, Ahasa bárdni. 2Son lei guoktelogiviđajahkásaš go šattai gonagassan, ja son ráđđii Jerusalemis guoktelogiovcci jagi. Su eadni lei Abi, Sakarja nieida. 3
18,3
12,2
Son dagai dan mii lea riekta Hearrá čalmmiin, aivve nugo su áhčči David lei dahkan. 4
18,4
2 Mos 34,13
4 Mos 21,8č
5 Mos 7,5
2 Muit 31,1
18,4 Nehuštan sátnestoahkan hebreagiel sániiguin “gearpmaš” ja “veaiki”.Son jávkadii oaffarbáikkiid, cuvkii bácciid ja njeiddii ašeračuolddaid. Son maid časkkii moallun bronsagearbmaša maid Moses lei dahkan. Daid beivviid rádjái israellaččat ledje boaldán oaffariid dan gearbmašii mii gohčoduvvui Nehuštanin. 5Hiskia dorvvastii Hearrái, Israela Ipmilii. Juda gonagasaid gaskkas ii leat oktage su lágáš, ii ovdal su iige su maŋŋil. 6
18,6
5 Mos 10,20
Son bisui Hearrái oskkáldassan iige gáidan sus, muhto doalai báhkkomiid maid Hearrá lei addán Mosesii. 7
18,7
1 Sam 18,14
2 Gon 16,7eč
Dan dihte Hearrá lei Hiskiain, ja sutnje lihkostuvai buot maid son dagai. Son stuimmáskii Assyria gonagasa vuostá iige šat bálvalan su. 8Son vuittii filistalaččaid ja válddii sin eatnamiid gitta Gaza ráje, sihke sin uhca gávpogaččaid main lei dušše fáktentoardna ja maiddái sin stuorra ladnegávpogiid.

9

18,9
17,5eč
Hiskia njealját ráđđenjagi, dalle go Israela gonagas Hosea, Ela bárdni, ráđđii čihččet jagi, de fallehii Assyria gonagas Salmanassar Samaria gávpoga ja birastahtii dan. 10Golmma jagi geažes Salmanassar válddii gávpoga. Hiskia lei dalle gonagassan guđát jagi, Israela gonagas Hoseagis ovccát jagi. 1118,11 Habor >17,6.Assyria gonagas doalvvui israellaččaid Assyriai ja bijai sin ássat Halahii, Gosanii Habora gáddái ja Media gávpogiidda. 12Nu geavai danin go israellaččat eai lean gullan Hearrá, iežaset Ipmila, jiena, muhto ledje rihkkon su lihtu, buot maid Moses, Hearrá bálvaleaddji, lei gohččon sin doallat. Sii eai lean gullan eaige doahttalan.

Sanherib falleha Jerusalema

13

18,13
2 Muit 32,1eč
Jes 36,1eč
Gonagas Hiskia njealljenuppelogát ráđđenjagi Sanherib, Assyria gonagas, fallehii buot Juda ladnegávpogiid ja válddii daid. 1418,14 golbmačuođi taleantta sullii 10260 kilo. golbmačuođi taleantta sullii 1026 kilo.Juda gonagas Hiskia vuolggahii sáni Assyria gonagassii Lakišii: “Mun lean dahkan boastut. Geassát mu luhtte ja máhca ruoktot, de mun dagan visot maid geatnegahtát mu dahkat.” Assyria gonagas gohčui Juda gonagasa Hiskia máksit golbmačuođi taleantta silbba ja golbmalogi taleantta golli. 15
18,15
1 Gon 15,18
Hiskia attii sutnje buot silbba mii lei Hearrá tempelis ja gonagasa šloahta dávvirgámmáriin. 16Seammás Hiskia, Juda gonagas, gaikkui Hearrá tempela uvssain ja uksastoalppuin golli mainna son ieš lei skoađastan daid, ja attii dan Assyria gonagassii.

17

18,17
2 Muit 32,9eč
18,17 Bajitáldá láttu gávpotmuvrra lahka, jáhkkimis Gihonádjaga lahka Kedronleagis; gč. Jes 7,3.Assyria gonagas vuolggahii Lakišis soahteveagaoaivámuččas, alimus hoavvaolbmás ja alimus oaivámuččas oktan stuorra soahteveagain Jerusalemii doalvut sága Hiskiai. Go sii ollejedje Jerusalemii, de sii orustedje Bajitáldá čáhcerenne lusa Bassangietti máđija gurrii. 18Sii rávke gonagasa, ja šloahttaoaivámuš Eljakim, Hilkia bárdni, riikkačálli Šebna ja gonagasa čálli Joah, Asafa bárdni, manne deaivvadit sin. 19Alimus hoavvaolmmái dajai sidjiide: “Almmuhehket Hiskiai ahte stuorra gonagas, Assyria gonagas, dadjá ná: Mii du dahká nu dorvvolažžan? 20Gáttátgo sánit dohkkejit soađis seammá bures go viisodat ja fápmu? Geasa don dorvvastat, go leat stuibmidan mu vuostá? 21
18,21
Esek 29,6č
Dál don dorvvastat Egyptii, dan doddjon rávrasoabbái mii bastá dan gihtii gii dasa dorje, ja rehtte dan čađa. Dakkár lea farao, Egypta gonagas, buohkaide geat dorvvastit sutnje. 22Dahje vástidehpetgo dii munnje: ‘Mii dorvvastit Hearrái, Ipmilasamet’? Muhto su oaffarbáikkiid ja áltáriid Hiskia ieš lea jávkadan. Sonhan gohčui Juda ja Jerusalema ássiid rohkadallat aivve dán áltára guoras Jerusalemis. 23Veahtal dal mu hearráin, Assyria gonagasain: Son addá dutnje guokteduhát heastta, jos don sáhtát háhkat daidda riidejeddjiid. 24
18,24
Sál 20,8
Jes 31,1eč
Mo don dalle sáhtášit bihtit ovttage oaivámuččas, mu hearrá uhcimus bálvaleaddjis? Muhto don dorvvastat Egyptii, dan vovnnaide ja riidejeddjiide. 25Ja Hearrá dáhtu vuostágo mun lean boahtán fallehit ja duššadit dán báikki? Hearrá ieš lea gohččon mu fallehit ja duššadit dán eatnama.”

26Eljakim, Hilkia bárdni, ja Šebna ja Joah vástidedje alimus oaivámužžii: “Mii, du bálvaleaddjit, gullat arameagiela. Sártno nappo midjiide arameagillii, ale sártno hebreagillii daid olbmuid gullut geat leat muvrra alde.” 27Muhto alimus oaivámuš vástidii sidjiide: “Leago mu hearrá vuolggahan mu sárdnut dáid sániid dušše dutnje ja du hearrái? Iigo baicce daidda olbmuide geat čohkkájit muvrra alde ja šaddet fargga borrat iežaset baikka ja juhkat iežaset gučča ovttas dinguin?” 28Ja alimus oaivámuš loaiddastii ovdan ja čuorvvui jitnosii hebreagillii: “Gullet stuorra gonagasa, Assyria gonagasa, sáni! 29Ná cealká gonagas: Allet divtte Hiskia beahttit iežadet, son ii sáhte gádjut din. 30Allet divtte Hiskia dájuhit din luohttit Hearrái, go son dadjá: Gal Hearrá gádju min, ii dát gávpot addojuvvo Assyria gonagasa gihtii. 31Allet guldal Hiskia! Ná cealká Assyria gonagas: Vuollánehket munnje ja bohtet mu lusa, de juohkehaš dis oažžu borrat viidnemurjjiid iežas viidnemuoras ja fiikoniid iežas fiikonmuoras ja juhkat iežas gáivvo čázi, 32dassážii go mun boađán ja doalvvun din eatnamii mii lea din iežadet eatnama láhkásaš: Gortni ja viinni, láibbi ja viidnegárddiid, oliivaoljju ja honnega eatnamii. Dii oažžubehtet eallit ehpetge jáme. Allet guldal Hiskia, son dušše viggá fillet din go dadjá: ‘Hearrá gádju min.’ 33

18,33
19,12eč
2 Muit 32,13eč
Jes 10,9eč
Leago oktage álbmogiid ipmiliin gádjon iežas eatnama Assyria gonagasa gieđas? 3418,34 Hamat aramealaš riika Orontesjoga gáttis. >2 Sam 8,9. Arpad aramealaš gávpotstáhta Hamata davábealde. Sefarvajim >17,24. Hena ja Avva aramealaččaid gávpogat.Gos leat Hamata ja Arpada ipmilat? Gos leat Sefarvajima, Hena ja Avva ipmilat? Leago oktage ipmil beastán Samaria mu gieđas? 35Guhtemuš buot dáid eatnamiid ipmiliin lea gádjon iežas eatnama mu gieđas? Mo dasto Hearrá sáhttá gádjut Jerusalema mu gieđas?”

36Muhto buohkat orro jávohaga eaige vástidan sutnje, dasgo gonagas lei gieldán sin vástideames. 37Dasto šloahttaoaivámuš Eljakim, Hilkia bárdni, ja riikkačálli Šebna ja gonagasa čálli Joah, Asafa bárdni, bohte Hiskia lusa biktasat gaikkoduvvon ja muitaledje sutnje maid alimus oaivámuš lei dadjan.

19

Gonagas bivdá neavvaga Jesajas

191

19,1
Jes 37,1eč
19,1 gaikkodii biktasiiddis >6,30.Go gonagas Hiskia gulai mii lei dáhpáhuvvan, de son gaikkodii biktasiiddis, gárvodii horstta ja manai Hearrá vissui. 2De son vuolggahii šloahttaoaivámuš Eljakima, riikkačálli Šebna ja báhpaid vuorrasiid horstabiktasat gárvun profehta Jesaja, Amosa bártni, lusa 3ja cealkkihii Jesajai: “Ná dadjá Hiskia: Dát beaivi lea áŧestusa, ráŋggáštusa ja hiddjádusa beaivi. Mánná lea boahtán riegádahttinmuddui, muhto ii leat fápmu riegádahttit. 4Vare Hearrá, du Ipmil, livččii gullan soahteveagaoaivámučča sániid, su gean su hearrá, Assyria gonagas, vuolggahii hiddjidit ealli Ipmila. Hearrá, du Ipmil, sáhttá ráŋggáštit su daid sániid dihte mat leat celkojuvvon Hearrá gullut. Rohkadala nappo bázahasa ovddas mii vel lea ceavzán!” 5Go gonagas Hiskia olbmát bohte Jesaja lusa, 6de son dajai sidjiide: “Celket hearráseattet dán Hearrá sáni: ‘Ale bala dain sániin maid leat gullan ja maiguin Assyria gonagasa bálvaleaddjit leat hiddjidan mu. 7Mun divttán su gullat dakkár sága mii bidjá su máhccat eatnamasas, ja mun divttán su gahččat miehkkái iežas eatnamis.’”

8Assyria alimus oaivámuš geassádii. Son lei gullan ahte Assyria gonagas lei vuolgán Lakišis, ja son fáhtii gonagasa birastahttimin Libna.

9

19,9
2 Muit 32,17
Jes 37,9eč
19,9 Kuš fámolaš riika Egypta lulábealde mii ráđđii Egypta su. 760-656 o.Kr. Vrd. Jes 11,11; 18,1.Go Sanherib dasto gulai ahte Tirhaka, Kuša gonagas, lei vuolgán soahtat suinna, de son vuolggahii fas áirasiid 10cealkit Hiskiai, Juda gonagassii: “Ale divtte iežat Ipmila geasa dorvvastat, fillet du jáhkkit ahte Jerusalem ii šatta Assyria gonagasa gihtii. 1119,11 duššadan vihahit duššadeapmái.Donhan leat gullan mo Assyria gonagasat leat duššadan buot eatnamiid, ja dongo gáddjojuvvošit! 1219,12 gosanlaččaid … Telassara ássiid álbmogat ja báikkit Syrias ja Mesopotamia davvioarjjabealde.Gádjogo sin ipmilat daid álbmogiid geaid mu áhčit duššadedje? Gádjogo dat gosanlaččaid, harranlaččaid, reseflaččaid dahje edenlaččaid, Telassara ássiid? 13Gos lea dál Hamata gonagas, gos Arpada, Sefarvajima, Hena ja Avva gávpogiid gonagasat?”

14Go Hiskia lei váldán reivve áirasiid gieđas ja lohkan dan, de son manai tempelii ja lebbii dan Hearrá ovdii. 15

19,15
Sál 80,2
99,1
Ja son rohkadalai Hearrá ná: “Hearrá, Israela Ipmil, don guhte čohkkát truvnnus maid kerubat guddet! Don, duššefal don leat buot eatnama riikkaid Ipmil. Don leat dahkan almmi ja eatnama. 16Guldal mu, Hearrá, gula mu rohkadusa. Rabas čalmmiid, Hearrá, ja geahča! Gula mo Sanherib hiddjida ealli Ipmila reivves maid lea vuolggahan. 17Hearrá, lea duohta ahte Assyria gonagasat leat duššadan buot álbmogiid ja sin eatnamiid 18
19,18
Sál 115,4
ja bálkestan dollii sin ipmiliid. Dat eai leange albma ipmilat, muhto olbmo gieđaid duodji, muorra ja geađgi, ja dan dihte sii vedje duššadit daid. 19Hearrá, min Ipmil, beastte min su gieđas, vai buot eatnama riikkat oččošedje diehtit ahte aivvefal don, Hearrá, leat Ipmil.”

Hearrá vástida Hiskiai

20

19,20
Jes 37,21eč
Dalle Amosa bárdni Jesaja bijai dán sáni Hiskiai: Ná cealká Hearrá, Israela Ipmil: Maid don leat rohkadallan mus Assyria gonagasa Sanheriba hárrái, dan mun lean gullan. 21Dáid sániid Hearrá sárdnu su birra:

Du hiddjida, du bilkida

nieida Sion.

Jerusalem, nuorra nieida,

bárdá oaivvi du maŋŋái.

22Gean don hiddjidit ja bilkidit,

gean vuosttildit julges čuorvasiiguin?

Allagassii don bajidit čeavlás geahčastaga,

Israela Basi vuostá!

23Don diktet iežat áirasiid

hiddjidit Hearrá ja gulahit:

“Soahtevovnnaidasan mun goarkŋastin,

mannen váriid alážiidda,

gáiddus Libanona vilttiid rádjái.

Mun njeiden dan alla sederiid,

čuhppen dan válljusypressaid.

Mun ollejin dan doppimuš vuoiŋŋastanbáikái

gos vuovdi lea suohkadeamos.

24Mun lean roggan eatnamis čázi,

lean juhkan vierročáziid,

buot Egypta eanuid

lean goikadan juolgevuođuidanguin.”

25Itgo leat gullan

ahte áigá juo mun dan smihtten,

sivdnidin dan juo dolin?

Dál mun dikten dan dáhpáhuvvat,

ja don besset rievdadit ladnegávpogiid

ávdin čievračopman.

26

19,26
Sál 92,8
129,6
Daid ássit vuoimmehuvve,

doarggistedje balus ja heahpadis.

Sii ledje dego šattut giettis,

dego rássi mii ruodná bottoža,

dego viessodáhki rahttá

mii dáktá ovdal go lea ollásii šaddan.

27

19,27
Sál 139,2č
Mun dieđán jos don čohkkát,

jos vuolggát dahje boađát

ja jos dárat mu vuostá.

28Muhto go don dárat mu vuostá

ja du čeavli lea boahtán mu gullosii,

de mun bijan dutnje rieggá njunnái

ja njálbmeruvddiid njálbmái

ja doalvvun du ruoktot

dan geainnu man bohtet.

29

19,29
Jes 37,30eč
19,29 dutnje gonagas Hiskia.Dát lea dutnje mearkan, mu gonagas: Dán jagi borrojuvvo dat mii šaddá gahčahallon gortniin ja boahtte jaginai dat mii das šaddá, muhto goalmmát jagi dii gilvibehtet ja láddjebehtet, ráhkadehpet viidnegárddiid ja borrabehtet daid šaddosiid. 30Ja dat Juda čearddas geat leat báhcán, bohciidahttet fas ruohttasiid čiekŋalebbui eatnamii ja šaddadit šaddosiid bajás almmi guvlui, 31
19,31
Jes 9,7
dasgo Jerusalemis vuolgá bázahas, gáddjojuvvon olbmuid joavku Sionváris. Dan dahká Hearrá áŋgirvuohta.

32Muhto Assyria gonagasa birra Hearrá cealká ná:

Ii son boađe dán gávpogii

ii báže deike ovttage njuola,

ii lokte galbba dán vuostá

iige daga dán njeaiga fallehangorgŋehagaid.

33Son máhccá seammá geainnu man bođii,

dán gávpogii son ii boađe, cealká Hearrá.

34

19,34
20,6
Mun suodjalan dán gávpoga,

mun gájun dan iežan dihte

ja bálvaleaddján Davida dihte.

Jerusalem gáddjojuvvo ja Sanherib jápmá

35

19,35
2 Muit 32,21eč
Dan ija Hearrá eŋgel vulggii ja časkkii jámas čuođigávccilogivihttaduhát olbmá Assyria soahteveagas. Go olbmot iđedis lihkke, de juohke bealde ledje jábmit. 36Dalle Assyria gonagas Sanherib vulggii doppe, máhcai ruoktot ja orui Ninives. 37
19,37
Jes 37,38
19,37 Nisrok namma ii leat dovddus eará gálduin, soaitá leat váttásmáhttojuvvon hápmi ipmilnamas Marduk dahje Nusku.Go son oktii lei rohkadallamin ipmilis Nisroka tempelis, de su bártnit Adrammelek ja Sareser gottiiga su mihkiin ja báhtareigga dasto Ararata eatnamii. Su maŋŋil šattai gonagassan su bárdni Assarhaddon.