Davvisámegiel Biibbal 2019 (Biibbal)
16

161

16,1
1 Gon 15,16–22
Asa golbmalogiguđát ráđđenjagis Israela gonagas Baša fallehii Juda ja nannegođii Rama, vai beassá botket Juda gonagasa Asa johtingeainnuid. 2
16,2
2 Gon 12,18
16,8
2 Muit 14,14
20,29
Dalle Asa válddii Hearrá tempela ja gonagasa šloahta dávvirgámmáriin silbba ja golli ja vuolggahii daid Arama gonagassii Ben-Hadadii Damaskusii. Son cealkkihii gonagassii: 3“Munno gaskkas lea lihttu, nugo lei munno áhčiid gaskkasge. Mun vuolggahan dutnje dán silbba ja golli; rihko dál lihtot mii dus lea Israela gonagasain Bašain, vai son heaitá áŧesteames mu.” 4Ben-Hadad dagai nu mo gonagas Asa siđai. Son vuolggahii soahteoaivámuččaidis Israela gávpogiid vuostá, ja sii válde Ijona, Dana ja Abel-Majima ja buot Naftali vuorkágávpogiid. 5Go Baša gulai dan, de son heittii nannemis Rama. 6Dalle gonagas Asa doalvvui dohko buot Juda olbmáid, ja sii fievrridedje doppe geđggiid ja hirssaid maid Baša lei atnán nannenbargguin. Daiguin Asa nannii Geba ja Mispa.

7

16,7
Jer 17,5
Daid áiggiid bođii oaidni Hanani Juda gonagasa Asa lusa ja dajai sutnje: “Danin go leat dorvvastan Arama gonagassii itge Hearrái, Ipmilasat, de Arama gonagasa soahteveahka vealtá šaddamis du gihtii. 8
16,8
14,9
Nubialaččain ja libyalaččain lei stuorra soahteveahka ja hui ollu soahtevovnnat ja vovdnasoahteolbmát, muhto go don dorvvastit Hearrái, de son attii sin du gihtii. 9
16,9
Sát 15,3
Hearrá čalmmit mannet miehtá eatnama, vai son sáhttá gievrudit daid geat bálvalit su olles váimmus. Dál don leat meannudan jierpmeheamit, ja dán rájes don šattat álo soahtat.” 10
16,10
1 Gon 22,27
Asa moaráhuvai oaidnái ja bijai su giddagassii, son lei nu suhttan. Daid áiggiid son meannudii garrasit maiddái soames eará olbmuiguin.

11

16,11
1 Gon 15,23č
Mii muđui lea muitalit Asa áiggi dáhpáhusain, álggu rájes gitta loahpa rádjái, lea čállojuvvon Juda ja Israela gonagasaid girjái. 12Golbmalogiovccát ráđđenjagistis Asa buohccái bahás juolgebuohcuvuhtii. Buohcuvuohtasisge son ii goit ohcan veahki Hearrás, muhto dálkkasteddjiin. 13Asa manai vuoiŋŋadit áhčiidis lusa; son jámii njealljelogivuosttaš ráđđenjagistis. 14Son hávdáduvvui hávdái maid son lei čuolahan iežas várás Davida gávpogii, ja biddjojuvvui sadjái mas ledje máistagat ja juohkelágán urttasseaguhusat. Su gudnin cahkkehuvvui hui stuorra dolla.

17

Jošafat Juda gonagassan

171

17,1
1 Gon 15,24
22,41eč
Asa maŋŋil gonagassan šattai su bárdni Jošafat. Son nannii iežas saji Israela vuostá. 2Son bijai soahteolbmáid buot Juda ladnegávpogiidda ja oaivámuččaid Judai ja daidda Efraima gávpogiidda maid su áhčči Asa lei váldán. 3Hearrá lei Jošafatiin, danne go son vádjolii seammá geainnu maid su áhčči álggus lei vádjolan. Son ii bálvalan Baal-ipmiliid, 4muhto bálvalii áhčis Ipmila ja doalai su báhkkomiid iige dahkan nugo israellaččat. 5
17,5
18,1
Hearrá nanosmahtii Jošafata gonagasválddi. Juda olbmot bukte sutnje attáldagaid, ja son oaččui stuorra riggodaga ja gudni. 6Roahkkadit son vádjolii Hearrá geainnu, ja son jávkadii Judas oaffarbáikkiid ja Ašera-čuolddaid.

7Goalmmát ráđđenjagistis Jošafat vuolggahii muhtun stuorráidis Juda gávpogiidda oahpahit. Sii ledje Ben-Hajil, Obadja, Sakarja, Netanel ja Mika. 8Ovttas singuin son vuolggahii levilaččaid Šemaja, Netanja, Sebadja, Asaela, Šemiramota, Jonatana, Adonia ja Tobia, ja velá báhpaid Elišama ja Jorama. 917,9 Hearrá láhkagirji >2 Gon 22,8.Go sii oahpahedje Judas, de sis lei mielde Hearrá láhkagirji. Sii johte buot Juda gávpogiin ja oahpahedje álbmoga.

10

17,10
1 Mos 35,5
2 Muit 14,14
20,29
Juda birasálbmogiin šattai dakkár Hearrá ballu ahte dat eai duostan soahtat Jošafatiin. 11Filistalaččat bukte Jošafatii attáldagaid ja vearrun silbba. Arabialaččat bukte sutnje smávvaomiid, čiežaduhát čiežačuođi viercca ja čiežaduhát čiežačuođi bohká. 12Jošafat šattai ain fámoleabbon, ja son huksii Judai ladniid ja vuorkágávpogiid. 13Sus ledje jođus stuorra ladnebarggut Juda gávpogiin, ja Jerusalemis sus lei jálus soahteveahka 14mii lei ordnejuvvon juhkosiidda sogaid mielde. Judas ledje alimus oaivámužžan Adna geas ledje golbmačuođiduhát soahteolbmá, 15Johanan geas ledje guoktečuođigávccilogiduhát soahteolbmá, 16ja Amasja, Sikri bárdni, gii bálvalii Hearrá eaktodáhtolaččat guovttečuođiduhát soahteolbmá oaivámužžan. 17Benjamina čearddas lei Eljada, rohkkes soahteolmmái. Sus ledje guoktečuođiduhát olbmá geaid vearjun lei dávgi ja galba. 18Su lassin lei Josabad geas ledje čuođigávccilogiduhát olbmá gearggusin soahtat. 19Ná ollu gonagasa bálvalusas ledje soahteolbmát, ja dasa lassin vel dat geaid gonagas lei bidjan ladnegávpogiidda miehtá Juda.

18

Gonagas Ahab ja profehta Mika

181

18,1
1 Gon 22,1–4
Jošafatis lei ollu riggodat ja gudni, ja son válddii bárdnásis áhkkán Ahaba nieidda. 218,2 Ramot Gileadis >1 Gon 22,3.Muhtin jagi geažes son manai Samariai galledit Ahaba. Ahab njuovahii ollu smávvaomiid ja stuorraomiid Jošafata ja su fáru várás ja ávžžuhii su vuolgit soahtat Ramotii Gileadis. 3
18,3
2 Gon 3,7
Ahab, Israela gonagas, jearai Jošafatis, Juda gonagasas: “Vuolggátgo don muinna soahtat Ramotii Gileadis?” Jošafat vástidii: “Mun ja don letne okta, mu álbmot lea dego du álbmot du mielde soađis.” 4
18,4
1 Gon 22,5–12
2 Gon 3,11
Muhto Jošafat bivddii Israela gonagasa vuos jearrat neavvaga Hearrás. 5Dalle Israela gonagas čohkkii profehtaid, njeallječuođi olbmá, ja jearai sis: “Fallehetnego moai Ramota Gileadis, vai divttángo orrut?” Profehtat vástidedje: “Fallet fal! Ipmil addá gávpoga gonagasa gihtii.” 6Muhto Jošafat jearai: “Iigo dáppe leat oktage eará Hearrá profehta, geas moai sáhtášeimme jearrat?” 7Israela gonagas vástidii: “De lea vel okta geas moai sáhtášeimme jearrat Hearrá dáhtu. Muhto mun vašuhan su, danin go son ii goassege einnos munnje maidege buriid, muhto álo dušše baháid. Son lea Mika, Jimla bárdni.” Jošafat dajai: “Ale daja nie, gonagas!” 8De Israela gonagas rávkkai lusas muhtun hoavvaolbmá ja gohčui: “Viečča hoahpus Mika, Jimla bártni!”

9Israela gonagas ja Jošafat, Juda gonagas, čohkkáiga gordneráidnensajis Samaria gávpotpoartta guoras, goabbáge truvnnustis gonagaslaš biktasat gárvun, ja buot profehtat ledje lihkahusain sudno ovddas. 10Sidkia, Kenaana bárdni, lei ráhkadan alccesis ruovdečorvviid ja dajai: “Ná cealká Hearrá: ‘Dáiguin don doarostat aramealaččaid ja duššadat sin.’” 11Seammá láhkái einnostedje buot eará profehtatge. Sii dadje: “Fallet Ramota Gileadis! Gal don biđát, Hearrá addá gávpoga du gihtii.”

12

18,12
1 Gon 22,13–28
Áirras gii lei mannan viežžat Mika, dajai sutnje: “Profehtat lohpidit gonagassii buriid ovtta jitnii. Lohpit donge sutnje buriid sin láhkái.”

13Muhto Mika vástidii: “Nu duohta go Hearrá eallá, mun sártnun dan maid mu Ipmil cealká munnje.” 14Go Mika bođii gonagasa ovdii, de gonagas jearai: “Mika, fallehetnego moai Ramota Gileadis, vai diktego orrut?” Mika vástidii: “Falleheahkki fal, doai gal bihtibeahtti; gávpot addojuvvo dudno gihtii.” 15Muhto gonagas dajai sutnje: “Man gallii mun šattan vuortnuhit du sárdnut munnje dušše duođa Hearrá nammii?” 16

18,16
4 Mos 27,17
Matt 9,36
Dalle Mika dajai: “Mun oidnen buot israellaččaid bieđganan miehtá váriid dego sávzzat main ii leat geahčči. Ja Hearrá celkkii: Dain ii leat geahčči, máhccos juohkehaš ráfis báikásis.”

17Israela gonagas dajai Jošafatii: “Munhan dadjen dutnje ahte son ii goassege einnos munnje maidege buriid, muhto dušše baháid.” 1818,18 almmiveagaid almmi veahka.Mika dajai vel: “Gullet dalle Hearrá sáni! Mun oidnen Hearrá čohkkámin truvnnustis ja buot almmiveagaid čuožžumin su olgeš ja gurut bealde. 19Ja Hearrá celkkii: ‘Gii fillešii Ahaba, Israela gonagasa, nu ahte son vuolgá soahtat Ramotii Gileadis ja gahččá dohko?’ Muhtin vástidii ná, nubbigis nuo. 20De bođii muhtun vuoigŋa, čuoččastii Hearrá ovdii ja dajai: ‘Mun fillen su.’ Hearrá jearai: ‘Man láhkái?’ 21Vuoigŋa vástidii: ‘Mun vuolggán dohko ja manan gielisvuođa vuoigŋan buot su profehtaid njálbmái.’ Hearrá celkkii: ‘Fille su, dan don máhtát. Mana ja daga nu.’ 22Hearrá lea vuolggahan gielisvuođa vuoiŋŋa dáid du profehtaid njálbmái. Son lea mearridan du oassin lihkuhisvuođa.” 23

18,23
Joh 18,22
Apd 23,2
Dalle Sidkia, Kenaana bárdni, bođii ja doaškalii Mika nirrii ja dajai: “Livččiigo Hearrá vuoigŋa mahkáš vuolgán mus ja sárdnugoahtán duinna?” 24Mika vástidii: “Dan don oainnát dan beaivvi go viegat lanjas latnjii ja ozat čiehkádansaji.”

25Israela gonagas dajai dalle: “Dohppejehket Mika ja dolvot su gávpoga oaivámučča Amona ja gonagasa bártni Joaša lusa. 26

18,26
16,10
Dadjet sudnuide: Ná cealká gonagas: Biddji dán olbmá giddagassii ja addi sutnje dušše vátna láibbi ja čázi, dassážii go mun máhcan dearvan.” 27Mika dajai: “Jos don boađát dearvan ruoktot, de Hearrá ii leat sárdnon mu bokte.” Ja son dajai vel: “Gullet dán, buot álbmogat!”

Ahab gahččá

28

18,28
1 Gon 22,29–40
Israela gonagas ja Jošafat, Juda gonagas, vulggiiga soahtat Ramotii Gileadis. 29Israela gonagas dajai Jošafatii: “Mun molssun eará gárvvuid ovdal go manan soahtat, muhto ane don iežat biktasiid.” Son molssui gárvvuid, ja de soai vulggiiga soahtat. 30Arama gonagas lei gohččon soahtevovdnaoaivámuččaidis: “Oažžubehtet soahtat dušše Israela gonagasain, ehpet geainnage earáin, leaččai son dal stuoris dahje smávis.” 31Go soahtevovdnaoaivámuččat áice Jošafata, de sii dadje: “Duot lea Israela gonagas”, ja sii bohte su birra ja áigo fallehit su. Dalle Jošafat čuorvvui, ja Hearrá veahkehii su ja hohkahii olbmáid eret su birra. 32Go soahtevovdnaoaivámuččat fuobmájedje ahte son ii leange Israela gonagas, de sii heite áŧesteames su.

33

18,33
35,23
Muhtin olmmái gelddii dávggis ja bážii sahtedohko, ja son deaivvai Israela gonagasa ruovdegárvvu lavttaid gaskii. Gonagas dajai dalle vovdnaolbmásis: “Jorgal vovnnaid ja doalvvo mu eret soađis. Mun lean hávváduvvan.” 34Muhto soahti lei garas geažos beaivvi, ja nu Israela gonagas šattai leat vovnnainis aramealaččaid buohta gitta eahkeda rádjái. Beaivváža luoitádettiin son jámii.