Searvegotti jođiheddjiid iešvuođat
31
Dát sátni lea luohtehahtti: Gii viggá searvegotti geahčči doibmii, dat dáhttu deaŧalaš bargui. 2
3,2–12 Vearssaid sisdoallu lea šiehkokataloga. ▶ katalogat.Searvegotti geahčči galgá leat láitemeahttun, ovtta nissona boadnjá, juguheapme, mášolaš, gutnálaš, árvvas ja čeahppi oahpahit, 3ii jugeš, ii riidui iige ruhtaváibmil, muhto láđis ja soabalaš. 4Son galgá atnit buori fuola iežas bearrašis, šaddadit mánáidis gulolašvuhtii ja vádjolit gutnálaččat. 5Jos muhtun ii máhte atnit fuola iežas bearrašis, de mo son dalle máhtášii atnit fuola Ipmila searvegottis? 6Son ii oaččo leat jorgalan easkabáliid, amas čeavlut ja šaddat dubmejuvvot oktan beargalagain. 7
Sus galgá leat buorre beaggin maiddái olggobealolbmuid gaskkas, amas šaddat bilkun ja sorrot beargalaga gillii.
Searvegottibálvváid iešvuođat
8
Fil 1,1
Maiddái searvegottibálvvát galget leat gutnálaččat ja rehálaččat. Sii eai oaččo leat jugešat eaige bivdit iežaset ávkki. 9
Sii galget dovdat oskku čiegusvuođa ja atnit oamedovdduset buhtisin. 10Muhto maiddái sin galgá vuos geahččalit, ja go sii leat gávnnahuvvon láitemeahttumin, de sii ožžot bálvališgoahtit. 11
Seamma láhkái nissonat galget leat gutnálaččat, sii eai oaččo sárdnut sealggebealde. Sii galget leat juguheamit ja oskkáldasat juohke dáfus. 12Searvegottibálvá galgá leat ovtta nissona boadnjá, ja son galgá atnit buori fuola mánáinis ja bearrašisttis. 13Dat geat bálvalit bures, adnojuvvojit árvvus, ja sii sáhttet gulahit roahkkadit oskku Kristus Jesusii.
Oskku čiegusvuohta
14Dáid rávvagiid mun čálán dutnje, vaikko sávange fargga beassat boahtit du lusa. 15
Jos mun ádjánan boahtimis, don dál dieđát mo olmmoš galgá vádjolit Ipmila tempelis, ealli Ipmila searvegottis, mii lea duohtavuođa bázzi ja vuođđudus.
16
Luk 24,46
Joh 1,14
Mii dovddastit ahte min oskku bassi čiegusvuohta lea stuoris:
Son almmustuvai olmmožin,
son gulahuvvui vanhurskkisin Vuoiŋŋas,
eŋgelat ožžo su oaidnit,
son sárdniduvvui álbmogiidda,
máilmmis olbmot osko sutnje,
son bajiduvvui hearvásvuhtii.