31
Dan dihte, go mii eat sáhttán gierdat dan guhkit, de mii mearrideimmet ieža báhcit Atenii 2
3,2 Ipmila bargoguoimmi Muhtin eará giehtačállosiin lea “Ipmila bálvaleaddji”.ja vuolggaheimmet din lusa vielljamet Timoteusa, Ipmila bargoguoimmi Kristusa evangeliuma bálvalusas. Son galggai arvvosmahttit din ja nannet din oskku, 3
amas oktage jorralit vaikko dii áŧestuvvobehtet. Diihan ieža diehtibehtet ahte dát leat biddjojuvvon min ala. 4
Juo dalle go mii leimmet din luhtte, mii dajaimet ahte šaddat gillát áŧestusaid. Ja nu leage geavvan, nugo diehtibehtet. 5
Danin in munge gierdan vuordit šat guhkit, muhto vuolggahin Timoteusa din lusa gávnnahit mo din oskkudilli lea. Mun ballen ahte geahččaleaddji lea beassan fillet din ja min bargu manná duššás.
6
Muhto dál Timoteus lea aiddo máhccan din luhtte ja buktán buriid ságaid din oskkus ja ráhkisvuođas. Son muitalii ahte dii álelassii atnibehtet min ustitlaš muittus ja háliduvvabehtet oaidnit min, nugo miigis din. 7Ná dii, vieljažiiddán, lehpet iežadet oskkuin arvvosmahttán min buot min áŧestusain ja heđiin. 8Dál mii sáhttit fas eallit, jos dii bissubehtet nanusin Hearrás. 9Mo mii máhttit doarvái giitit Ipmila dis ja buot dan ilus maid mii dovdat Ipmila muođuid ovddas din dihte? 10
Ija beaivvi mii oppa váimmus átnut beassat oaidnalit dinguin ja addit didjiide dan mii velá váilu din oskkus. 11Vare ieš Ipmil, min Áhčči, ja Hearrámet Jesus doalašii midjiide geainnu rabasin din lusa! 12
2 Tess 1,3
Ja vare Hearrá lasihivččii ja riggudahtášii din ráhkisvuođa guhtet guimmiidasadet ja buohkaide, nugo miige ráhkistit din, 13
Fil 1,10
2 Tess 1,710
3,13 buot basiiguin mearkkaša dás eŋgeliid. Amen Sátni váilu máŋgga giehtačállosis.ja nannešii din váimmu, vai livččiidet basit ja láitemeahttumat min Ipmila ja Áhči ovddas, go min Hearrá Jesus boahtá buot basiiguin. Amen.
Várrehusat ja ávžžuhusat
41
2 Tess 2,15
3,6
Earret dán, vieljažiiddán, mii bivdit ja ávžut din Hearrá Jesusa nammii: Dii lehpet oahppan mis mo galgabehtet vádjolit vai dohkkebehtet Ipmilii, ja nu dii maiddái vádjolehpet. Dii galgabehtet goit viggat ovdánit ain eambbo. 2Almma dovdabehtet daid Hearrá Jesusa gohččumiid maid mii attiimet didjiide? 3
Ipmila dáhttu lea ahte dii dahkkojuvvobehtet bassin. Fasttášehket furrošeami! 4
7,2
4,4 rupmaša Greikkagiela mielde “lihtti” dahje “reaidu”, gč. 2 Kor 4,7, dás adnojuvvon áhká birra.Juohkehaš dis galgá oahppat doallat iežas rupmaša bassin ja atnit dan gudnis. 5
Allet atte dan doahttalit anistumiid ja himuid dego dahket báhkinat geat eai dovdda Ipmila. 6Ii oktage oaččo dahkat vielljasis veriid iige beahttit su guđege áššis. Hearrá ráŋggášta buot dakkáriid, nugo mii ovdal juo leat cealkán ja nannosit duođaštan didjiide. 7
Ipmil ii leat rávkan min buhtismeahttunvuhtii, muhto bassivuhtii. 8
Luk 10,16
Dan dihte dat gii hilgu dán, ii hilggo olbmo, muhto Ipmila, guhte addá didjiide iežas Bassi Vuoiŋŋa.
9
Jer 31,33č
Joh 13,34
4,9–10 vieljalaš ráhkisvuođa Paulus deattuha dávjá ahte kristtalaččat leat ▶ vieljat ja oappát; jurdda lea maid guovddáš dán girjjis (1 Tess 1,4; 2,1.9.14.17; 3,7; 4,1.9.10.13; 5,1.4.12.14.25.26).Vieljalaš ráhkisvuođa birra mii eat dárbbaš čállit didjiide, danne go Ipmil ieš lea oahpahan din ráhkistit guhtet guimmiideattet. 10
Hebr 13,1
1 Pet 1,22
2 Pet 1,7
1 Joh 3,10eč
Diihan ráhkistehpet buot vieljaid oppa Makedonias. Muhto mii ávžut din, vieljažiiddán, ovdánit das ain eambbo. 11
1 Tim 2,2
Atnet iežadet gudnin eallit ráfálaččat, dikšut iežadet áššiid ja bargat din iežadet gieđaiguin, nugo mii leat din gohččon. 12
Dalle dii vádjolehpet gutnálaččat maiddái olggobealolbmuid čalmmiin ehpetge dárbbaš bivdit guđesge veahki.
Go Hearrá boahtá
13
Mii dáhttut din diehtit, vieljažiiddán, mii dáhpáhuvvá daidda geat oađđájit jápmimii, amadet moraštit nugo earrásat geain ii leat doaivu. 14
Jos Jesus lea jápmán ja bajásčuožžilan, nugo mii oskut, de Ipmil Jesusa bokte galgá buktit jápmán olbmuid iežas lusa oktan suinna. 15
Dán mii cealkit didjiide Hearrá sátnin: Mii geat leat ain eallimin dalle go Hearrá boahtá, eat eisege joavdda ovdal daid geat leat oađđán jápmimii. 16
Hearrá ieš njiedjá almmis go gullo bajimuseŋgela ja Ipmila básona jietna, ja vuohččan čuožžilit dat geat leat jápmán Kristusis. 17
17,24
Mii geat leat eallimin ja leat ain dáppe, rohttejuvvot oktan singuin balvvaid siste áibmui Hearrá ovddal. Ja nu mii oažžut álelassii leat Hearráin. 18De arvvosmahttet guhtet guimmiideattet dáid sániiguin!
51
Apd 1,7
Muhto áiggiin ja bottuin mun in dárbbaš čállit didjiide, vieljažiiddán, 2
2 Pet 3,10
Alm 3,3
16,15
danne go dii diehtibehtet bures ahte Hearrá beaivi boahtá dego suola ihkku. 3
Aiddo go olbmot dadjet: “Ráfi ja oadjebasvuohta”, de heavahus deaivida sin fáhkkestaga dego ávttat áhpehis nissona, eaige sii eisege beasa báhtarussii. 4
Luk 16,8
Ef 5,8
Kol 1,13
1 Pet 2,9
Muhto dii, vieljažiiddán, ehpet vádjol seavdnjadasas, iige dat beaivi sáhte boahtit din badjelii fuomáškeahttá dego suola. 5
Dii buohkat lehpet čuovgasa ja beaivvi mánát. Mii eat leat ija eatge seavdnjadasa mánát. 6
Ef 5,14
Mii eat dasto oaččo oađđit nugo earrásat, muhto fertet gohcit ja bissut čielggusin. 7Dat geat ođđet, ođđet ihkku; dat geat juhket, leat gárremiin ihkku. 8
Ef 6,11eč
Muhto mii geat gullat beaivái, fertet bissut čielggusin: Mii fertet gárvodit oskku ja ráhkisvuođa ruovdegárvvu ja váldit oaivesuodjin bestojumi doaivvu. 9
Ipmil ii leat mearridan min šaddat moari vuollái, muhto vuoitit bestojumi Hearrámet Jesus Kristusa bokte. 10
1 Tess 4,14
Son jámii min ovddas vai mii, leažžat dal gohcimin dahje oađđimin, ealášeimmet ovttas suinna. 11
Dan dihte arvvosmahttet ja nanosmahttet guhtet guimmiideattet, nugo dii maiddái dahkabehtet.
Ávžžuhusat ja dearvvuođat
12
1 Tim 5,17
Mii bivdit din, vieljažiiddán, atnit árvvus daid geat din gaskkas rahčet, barget searvegotti njunušin ja rávvejit din. 13
Gudnejahttet sin ja atnet sin erenoamáš ráhkisin sin barggu dihte. Ellet ráfis guhtet guimmiideattetguin. 14
15,1
2 Tess 3,6eč
Mii ávžut din, vieljažiiddán: Cuiggodehket jeagohemiid, jeđđejehket hearddohuvvan olbmuid, atnet fuola heajuin ja lehket gierdavaččat buohkaiguin. 15
Matt 5,39eč+
Váruhehket mávssaheames bahá baháin, muhto barget álelassii dahkat buriid guhtet guimmiidasadet ja buot olbmuide.
16
4,4
Lehket álelassii ilus. 17
Rom 12,12
Kol 4,2
Rohkadallet heaittekeahttá. 18
Giitet Ipmila juohke dilis. Dan Ipmil vuordá dis geat gullabehtet Kristus Jesusii. 19Allet čáskat Vuoiŋŋa, 20
allet fuono profehtastallanattáldaga. 21
1 Joh 4,1
Geahččalehket buot ja dollet dan mii lea buorre. 22
2,3
Fasttášehket juohkelágán bahávuođa.
23
2 Tess 3,16
Vare ráfi Ipmil basuhivččii din ollásit ja várjalivččii din vuoiŋŋa, sielu ja rupmaša, nu ahte lehpet ollásat ja láitemeahttumat go min Hearrá Jesus Kristus boahtá. 24
Fil 1,6
2 Tess 3,3
Son guhte rávká din, lea oskkáldas ja doallá iežas lohpádusa.
25
Vieljažiiddán, rohkadallet min ovddas! 26
1 Kor 16,20
2 Kor 13,12
1 Pet 5,14
Dearvvahehket buot vieljaid bassi cummáin. 27
Hearrá nammii mun gohčun din lohkat dán girjji buot vieljaide.
28Hearrámet Jesus Kristusa árbmu lehkos dinguin!
