Davvisámegiel Biibbal 2019 (Biibbal)
2

21

2,1
Ef 4,22
Jak 1,21
Bidjet dan dihte eret buot bahávuođa ja behttosa, buot guoktiluššama ja gáđašvuođa ja buot sealggebealde sárdnuma. 2
2,2
1 Kor 3,2
Hebr 5,12č
Váinnuhehket njuoratmánáid láhkái buhtis sáni mielkki, vai dan vehkiin šaddabehtet bestojupmái. 3
2,3
Sál 34,9
Diihan lehpet muosáhan Hearrá buorrevuođa.

Kristus, searvegotti čiehkageađgi

4

2,4
Jes 28,16
Apd 4,11
Ef 2,20
Go dii boahtibehtet su, ealli geađggi, lusa maid olbmot gal hilgo, muhto maid Ipmil lea válljen ja atná gudnis, 5
2,5
Jes 61,6
Rom 12,1
1 Kor 3,16Hebr 13,15č
de dalle dii iežage šaddabehtet ealli geađgin vuoiŋŋalaš vissui. Dii šaddabehtet bassi báhppagoddin ja sáhttibehtet oaffaruššat vuoiŋŋalaš oaffariid mat leat dohkálaččat Ipmilii Jesus Kristusa dihte. 6
2,6
Jes 28,16
Rom 9,33
Čállagis celkojuvvo: Geahča, mun bijan Sionii čiehkageađggi, válljejuvvon geađggi mii lea mávssolaš. Gii sutnje osku, dat ii šatta heahpadii. 7
2,7
Sál 118,22
Matt 21,42+
Dát geađgi lea nappo mávssolaš didjiide geat oskubehtet, muhto daidda geat eai oskko, geađgi maid huksejeaddjit hilgo, lea šaddan čiehkageađgin, 8
2,8
Jes 8,14
Luk 2,34
Rom 9,33
1 Kor 1,23
jorralusgeađgin ja vearránusa báktin. Go sii eai jeagat sáni, de sii jorralit, ja dat sin oassin leage mearriduvvon.

9

2,9
2 Mos 19,5č
5 Mos 7,6
Jes 43,21
Ef 1,14
5,8Alm 1,6
Muhto dii lehpet válljejuvvon sohka, gonagaslaš báhppagoddi, bassi álbmot, Ipmila iežas álbmot, mearriduvvon sárdnidit su stuorra daguid gii din lea rávkan seavdnjadasas ovddolaš čuovgasis. 10
2,10
Hos 1,69
2,23
Rom 9,25č
Ovdal dii ehpet lean álbmot, muhto dál dii lehpet Ipmila álbmot. Ovdal dii leiddet almmá árpmu haga, muhto dál Ipmil lea din árpmihan.

Kristtalažžan máilmmis

11

2,11
Hebr 11,13
1 Pet 1,117
Ráhkkásiiddán, dii geat ássabehtet amasin vieris eatnamis. Mun ávžžun din atnit iežadet eret dán máilmmi anistumiin mat sohtet sieluin. 12
2,12
Jes 10,3
Matt 5,16
1 Pet 3,16
2,12 dan beaivvi … din oahppaladdá Hearrá beaivi.Ellet láitemeahttumit báhkiniid gaskkas, vai dat geat gohčodit din bahádahkkin, oidnet din buriid daguid ja rámidit Ipmila dan beaivvi go son din oahppaladdá.

13

2,13
Sát 8,15
Joh 19,11
Rom 13,1eč
1 Tim 2,1č
Tit 3,1
Lehket Hearrá dihte vuolibuččat juohke olmmošlaš ásahussii: Keaisárii gii lea bajimus, 14ja maiddái eatnanhearráide geaid son lea fápmudan ráŋggáštit bahádahkkiid ja bálkkašit daid geat dahket buriid. 15
2,15
Tit 2,8
1 Pet 3,16
Ipmila dáhttu oainnat lea ahte dii buriid dahkamiin buođđubehtet jierpmehis ja dáidduhis olbmuin njálmmi. 16
2,16
Gal 5,13+
Barget ná friddja olbmuid láhkái, allet nugo dat geat atnet friddjavuođa bahávuođa govččasin, muhto nugo Ipmila bálvaleaddjit. 17
2,17
Sát 24,21
Rom 12,10
Atnet árvvus buot olbmuid, ráhkistehket oskkuvieljaid, ballet Ipmilis, gudnejahttet keaisára.

18

2,18
Ef 5,22–6,9
6,5Kol 3,18–4,1
2,18–3,7 Vearssaid sisdoallu lea ▶ viessotávvalat.Bálvaleaddjit, gudnejahttet isidiiddádet ja lehket sidjiide vuolibuččat, allet duššefal daidda geat leat buorit ja láđđásat, muhto maid daidda geat leat vuoigatmeahttumat. 19
2,19
3,14eč
Dat lea árbmu, jos olmmoš Ipmila ovddas oamedovddu dihte šaddá gillát veriid. 20
2,20
Matt 5,10
1 Pet 3,1417
4,14č
Mii das lea rábmon veara, jos dii gierdabehtet ráŋggáštusa go lehpet dahkan veriid? Muhto jos dii gillábehtet go lehpet bargan riekta, de dat lea dohkálaš Ipmila čalmmiin. 21
2,21
Matt 16,24
Joh 13,15
Dasa dii lehpet maid rávkojuvvon. Maiddái Kristus gillái din ovddas ja guđii didjiide ovdagova, vai dii vádjolehpet su luottaid. 22
2,22
Jes 53,9
Joh 8,46+
Son ii suddudan, su njálmmis eai gullojuvvon giellásat. 23
2,23
Jes 53,7
1 Pet 3,9
Ii son bealkkihan go bealkkihuvvui iige áitán dalle go gillái, muhto attii iežas vuoigatlaš duopmára gihtii. 24
2,24
Jes 53,4č12
Rom 6,2eč
2,24 ruossamurrii go Jesus russiinávlejuvvui. ▶ russiinávlejupmi.Son guttii iežas rupmašis min suttuid ruossamurrii, vai mii jápmit eret suttus ja eallit vanhurskkisvuođa dihte. Su háviid bokte dii lehpet dearvvašmahttojuvvon. 25
2,25
Matt 9,36Joh 10,11+
2,25 geahčči namahus mii dábálaččat geavahuvvo searvegotti jođiheddjiid birra. ▶ geahčči.Dii leiddet čádjidan dego sávzzat, muhto dál dii lehpet máhccan sieluideattet báimmana ja geahčči lusa.

3

31

3,1
Ef 5,22+
Seammá láhkái dii, áhkát, lehket vuolibuččat iežadet boadnjái, vai maiddái dat boatnját geat eai oskko sátnái, vuitojuvvojit áhkáset eallingearddi bokte almmá sániid haga, 2go sii oidnet mo dii eallibehtet gulolašvuođas ja buhtisvuođas. 3
3,3
Jes 3,16eč
1 Tim 2,9
Allos din čikŋa lehko dat mii lea olgguldasas, nugo vuovttaid bárgideapmi, gollečiŋat dahje čáppa biktasat. 4Muhto lehkos din nohkameahttun čikŋa siskkáldas, čiegus olmmoš geas lea vuollegis ja ráfálaš miella; dát lea mávssolaš Ipmilii. 5Dasgo nu čiŋahedje iežaset dovle bassi nissonat geat bidje doaivvuset Ipmilii. Sii ledje boadnjáseaset vuolibuččat, 6
3,6
1 Mos 18,12
nugo Sara lei gulolaš Abrahamii ja gohčodii su hearrán. Dii lehpet su nieiddat jos dii dahkabehtet buori, ehpetge divtte maidege baldit din.

7

3,7
Joh 3,29Ef 5,25
Kol 3,19
Ja dii boatnját, ellet din áhkáin nugo lehpet oahppan, go son lea rašit bealli. Gudnejahttet su, dasgo son maid árbe árpmu ja eallima. Dahket dan, amaset din rohkadusat hehttejuvvot.

8

3,8
Rom 12,14eč
Ja de vel: Lehket buohkat ovttamielalaččat, ráhkistehket guhtet guimmiideattet, lehket váibmoláđđásat ja vuollegaččat. 9
3,9
Matt 5,39+.44+;
Allet mávssat bahá baháin alletge bealkku bealkkuin, muhto baicca buressivdnidehket. Diihan lehpet rávkojuvvon árbet buressivdnádusa.

10

3,10
Sál 34,13eč
Gii dáhttu ráhkistit eallima

ja oaidnit buriid beivviid,

dat galgá váruhit iežas njuokčama bahás

ja baksamiid behtolaš ságain.

11Son galgá jorgalit eret bahás

ja dahkat buriid,

ohcat ráfi ja viggat dasa.

12Hearrá čalmmit gehččet vanhurskásiidda,

su bealjit gullet sin rohkosa,

muhto Hearrá jorgala muođuid daid vuostá

geat dahket baháid.

13Gii sáhttá din vahágahttit, jos dii áŋgirit viggabehtet dahkat buriid? 14

3,14
Jes 8,12č
Matt 5,10
10,26eč
1 Pet 2,20
4,14
Ja vaikko dii vel šattašeiddet gillát vanhurskkisvuođa dihte, de lehpet ávdugasat. Allet sis bala alletge suorgan, 15muhto basuhehket Hearrá Kristusa váimmusteattet ja lehket álo gárvásat vástidit juohkehažžii gii jearrá din doaivvu vuođđudusa. 16
3,16
2,12
Muhto vástidehket vuollegaččat ja gudnejahttimiin ja bisuhehket oamedovddu buhtisin, vai dat geat hiddjidit din buori eallima kristtalažžan, šaddet heahpadii. 17
3,17
2,20+
Buoret lea dahkat buriid ja gillát, jos Ipmil nu dáhttu, go gillát bahás daguid geažil.

Gásta ja ođđa eallin

18

3,18
2 Kor 13,4
Hebr 9,281 Pet 2,21eč
Dasgo Kristus ieš gillái oktii jápmima suttuid geažil, vanhurskkis gillái vanhurskkismeahttumiid ovddas vai son buvttášii din Ipmila lusa. Su rumaš goddojuvvui, muhto Vuoigŋa dagai su eallin, 19
3,19
4,6
ja de son manai vuolás ja sárdnidii vuoiŋŋaide mat ledje fáŋgavuođas. 20
3,20
1 Mos 6–8
2 Pet 3,9
3,20 gávccis Noa ja su bearaš. Gč. 1 Mos 7,13.Sii ledje leamaš gážžárat dolin Noa beivviid, go Ipmil gierdavašvuođastis vurddii dan botta go árka huksejuvvui. Das soapmásat, namalassii gávccis, bestojuvvojedje čázi bokte. 21
3,21
Tit 3,5Hebr 10,22
3,21 buori oamedovddu rohkadus Ipmilii sáhttá maid jorgaluvvot “buori oamedovddu lohpádus Ipmilii” dahje “rohkos Ipmilii buori oamedovddu birra”.Seammá ládje gástta čáhci dál beastá din. Dat ii buhtis rupmaša duolvvas, muhto lea buori oamedovddu rohkadus Ipmilii. Ja dii bestojuvvobehtet danne go Jesus Kristus lea bajásčuožžilan, 22
3,22
Apd 2,33
Ef 1,20eč
son guhte lea mannan albmái ja čohkká Ipmila olgeš bealde ja gean vuollái leat biddjojuvvon eŋgelat, válddit ja fámut.

4

41

4,1
Rom 6,27
1 Pet 2,21
Go Kristus dalle lea gillán iežas rupmašis, de ráhkkanahttet iežadet seammá jurddašanvugiin, danin go dat gii lea gillán iežas rupmašis, lea heaitán suddudeames. 2
4,2
2 Kor 5,15
1 Joh 2,16č
Dii ehpet oaččo šat eallit olmmošlaš anistumiid mielde dán áiggálaš eallima, muhto nugo Ipmil dáhttu. 3
4,3
Ef 2,2č
Tit 3,3
Dii dagaidet dan vássán eallináiggis juo galle dan maid báhkinat dáhttot, dii eliidet nuoskivuođas, anistumiin, jugešvuođas, leaicidemiin ja jugalmasain ja bálvaleiddet eahpeipmiliid heahpatlaš meanuiguin. 4Dan dihte sii ovddošit dan go dii ehpet šat viega singuin dan seammá gudnehis nuoskivuhtii, ja hiddjidit din. 5
4,5
Joh 5,22
Apd 10,42
17,31
Rom 14,9č
2 Tim 4,1
Muhto sii šaddet dahkat logu sutnje gii lea gárvvis dubmet elliid ja jábmiid. 6Danne daiddage geat leat jápmán, lea sárdniduvvon evangelium, vai sii ealášedje vuoiŋŋas nugo Ipmil eallá, vaikko rupmašis sii leat ožžon seammá duomu go buot olbmot.

7

4,7
Rom 13,11č
1 Kor 7,29
10,11
1 Joh 2,18
Buot diŋggaid loahppa lea lahka. Lehket dan dihte jierpmálaččat ja čilgosat, vai sáhttibehtet rohkadallat. 8
4,8
Sát 10,12
Jak 5,20
Buot ovddimustá ráhkistehket njuorrasit guhtet guimmiideattet, danne go ráhkisvuohta gokčá suttuid eatnatvuođa. 9
4,9
Hebr 13,2
Lehket árvasat guhtet guimmiidasadet almmá nimmorkeahttá.

10

4,10
Luk 12,42
1 Kor 12,4eč+
Bálvalehket guhtet guimmiideattet dainna árpmuattáldagain maid iešguhtege lea ožžon, Ipmila máŋggalágáš árpmu buorre dállodoallin. 11
4,11
Joh 12,50
Rom 12,7
1 Kor 10,31
4,11 Amen hebreagiela mielde “dat lea vissis ja duohta”. ▶ amen.Dat gii sárdnida, sárdnidehkos daid sániid maid Ipmil lea addán, dat gii bálvala, bálvalehkos daiguin áhpiiguin maid Ipmil addá. Nu Ipmil hearvásmahttojuvvo juohke dáfus Jesus Kristusa bokte. Sutnje gullá hearvásvuohta ja fápmu álo ja agálašvuhtii. Amen.

Kristtalačča gillámušat

124,12 dola ja … mii din geahččala go osku geahččaluvvo gillámušain. Gč. 1,6.Ráhkkásiiddán, allet ovddoš dan dola ja áhcagastima mii din geahččala, dego didjiide livččii dáhpáhuvvamin juoga mii apmasiid. 13

4,13
Apd 5,41
Rom 8,17
Kol 1,24
Illudehket baicce dađi eambbo, mađi eambbo lehpet oasálaččat Kristusa gillámušaide, vai beassabehtet ávvudit ja illudit maiddái dalle go su hearvásvuohta almmustuvvá. 14
4,14
Matt 5,11
1 Pet 2,20
Go dii bilkiduvvobehtet Kristusa nama dihte, de lehpet ávdugasat, danne go din badjel lea hearvásvuođa Vuoigŋa, Ipmila Vuoigŋa. 15Allos oktage dis gillájehko sorbmejeaddjin, suolan dahje vearredahkkin dahje dan dihte go seahkána eará olbmuid áššiide. 16
4,16
Apd 11,26
Fil 1,20
Muhto dat gii gillá kristtalažžan, ii dárbbaš heahpanaddat, muhto baicce giitit Ipmila kristtalačča namas.

17

4,17
Jer 25,29
Esek 9,6
Luk 23,31
Duomu áigi lea boahtán, ja duopmu álgá Ipmila viesus. Muhto jos dat álgá mis, de mii dalle lea daid loahppa geat eai oskko Ipmila evangeliumii? 18
4,18
Sát 11,31
Jos vanhurskkis illá bestojuvvo, de gosa dalle šaddá ipmilmeahttun ja suttolaš? 19
4,19
Sál 31,6
Luk 23,46
Dan dihte addoset dat geat gillájit Ipmila dáhtu mielde, sieluset oskkáldas sivdnideaddji gihtii ja dahkoset ain buriid.