Davvisámegiel Biibbal 2019 (Biibbal)
6

Salomo hukse tempela

61

6,1
2 Muit 3,1eč
Njealját ráđđenjagis nuppi mánus, sivmánus, Salomo huksegođii Hearrá tempela. Dalle lei njeallječuođigávccilogát jahki das go israellaččat vulge Egyptas. 26,2 állan lea sullii 50 sentte.Tempel maid gonagas Salomo huksii Hearrái, lei guhttalogi állana guhku, guoktelogi állana govddu ja golbmalogi állana alu. 3Tempelhálla ovdalatnja lei tempela láhkái guoktelogi állana govddu, ja dat olgonii logi állana tempela ovddabeallái. 4Salomo duddjui tempelii čeargalasihkkoniid main ledje gárpmat. 5Tempela olgoseaidnái son huksii gilgahuksehusa man veagas birra tempela ledje gámmárat tempelhálla ja goara buohta. 6Gilgahuksehusa vuolimus geardi lei vihtta, gaskkamus guhtta ja bajimus čieža állana govddu. Tempela olgoseaidnái ledje oainnat ráhkaduvvon liigebihtát, nu ahte seinniide ii dárbbašan dahkat giddenráiggiid. 7
6,7
5 Mos 27,6
Go tempel huksejuvvui, de adnojuvvojedje geađggit mat ledje čullojuvvon gárvvisin. Dan dihte tempela huksensajis ii gullon veahčira, meaisila iige eará ruovdebargoneavvu jietna. 8Gilgahuksehusa gaskkamus gearddi uksa lei tempela lulábealde. Gaskkamus geardái beasai bonjistráhpáid, nu maiddái das goalmmát geardái.

9

6,9
7,37
Nu Salomo huksii tempela gárvvisin ja skoađastii dan sederfielluiguin. 10Gilgahuksehus maid son lei huksen tempela birra, lei vihtta állana alu, ja dat lei giddejuvvon tempela seaidnái sederbielkkáiguin.

11Salomoi bođii dát Hearrá sátni: 12

6,12
2 Sam 7,13eč
“Don leat dál huksemin mu tempela. Jos don doahttalat mu mearrádusaid ja dagat maid mun lean gohččon, ja jos don doalat buot mu báhkkomiid ja vádjolat daid mielde, de mun ollašuhtán dan maid lohpidin áhččásat Davidii. 13
6,13
2 Mos 29,45
3 Mos 26,11
Mun ásan israellaččaid gaskkas, mun in goassege hilggo iežan álbmoga Israela.”

14Nu Salomo huksii tempela gárvvisin. 15Son skoađastii viesu seinniid siskkobeale sederfielluiguin láhtti rájes gitta dáhkkedoaresmuoraid rádjái, ja láhtti son skoađastii sypressafielluiguin. 16Guovttelogi állana geahčái maŋŋeseainnis son huksii sedermuoras seainni mii olii láhttis rohpái. Seainni duohkái bođii goarra, basimus boaššu, 17ja tempelhálla mii lei dan ovddas, lei njealljelogi állana guhku. 18Siskkil seainnit ledje skoađastuvvon sedermuorain masa ledje čuhppojuvvon šaddosat ja lieđit. Dat lei buot sedermuorra, geađgi ii oidnon gostege. 19Siskkimussii tempelii Salomo huksii goara Hearrá lihtuárkka várás. 20Goarra lei guoktelogi állana guhku, guoktelogi állana govddu ja guoktelogi állana alu. Salomo skoađastii dan čielga golliin, ja áltára son skoađastii sedermuorain. 21Salomo skoađastii oppa tempela siskkil, ja go son lei gollehan goara, de son sirrii dan golleviđjjiiguin. 22Son gollehii siskkil oppa tempela, dassážii go visot lei gollehuvvon, ja son gollehii maiddái áltára mii lei goara ovddas.

23

6,23
2 Mos 25,18–22
37,7–9
Gorrii son duddjui oliivamuoras guokte keruba. Daid allodat lei logi állana. 24Keruba nubbi soadjá lei vihtta állana guhku ja nu lei nubbige, logi állana soadjágeažis soadjágeahčái. 25Nubbi kerubage allodat lei logi állana; oktat mihttu ja oktat hápmi lei goappašagain. 26Nubbi keruba lei logi állana alu, ja nu lei nubbige. 27Salomo bijai kerubaid tempela siskkit latnjii. Daid soaját ledje leabbut; nuppi keruba soadjá guoskkai nuppi seaidnái, ja nuppi keruba soadjágis nuppi seaidnái, ja lanja gasku daid soaját guske soadjá soadjái. 28Son gollehii kerubaid.

29Buot viesu seinniide sihke siskkit ja olggut lanjas Salomo čuohpahii kerubaid, pálmmaid ja liđiid. 30Goappáge lanja láhtti son skoađastii golliin. 31Goara uksaráigái son duddjohii oliivamuoras duppaluvssa man beallát hábmejedje viđačiegaga. 32Oliivamuorrauvssa goabbáge beallái son čuohpahii kerubaid, pálbmagovvosiid ja liđiid ja skoađastii daid golliin; kerubat ja pálbmagovvosat skoađastuvvojedje dearpamiin. 33Seammá láhkái son duddjohii tempelhálla njealječiegat uksaráigái oliivamuoras bealláid 34ja sypressamuoras duppaluvssa. Dan goappáge bealis ledje guokte uksalahki maid sáhtii rahpat. 35Son čiŋahii daid čuhppojuvvon kerubaiguin, pálmmaiguin ja liđiiguin, ja govvosat skoađastuvvojedje golliin.

36Son huksii siskkit ovdašilju birra muvrra mas ledje čullojuvvon geađggit golmma gearddis ja daid alde sederbielkágeardi.

37Hearrá viesu vuođđudus biddjojuvvui Salomo njealját ráđđenjagi sivmánus, 38ja oktanuppelogát jagi gávccát mánus, bulmánus, tempel lei gárvvis juohke dáfus, ja das lei buot mii dasa gulai. Salomo huksii tempela čieža jagi.

7

Salomo hukse iežas viesu

71

7,1
6,38
9,10
Iežas viesu Salomo fidnii gárvvisin go lei huksen dan golbmanuppelohkái jagi.

27,2 Sederšloahta stuorra hálla mas ledje stoalpput sedermuoras ja mii lei dego vuovdi. állana >6,2.Son huksii Sederšloahta mii lei čuođi állana guhku, vihttalogi állana govddu ja golbmalogi állana alu. Das ledje sederstoalpput njealljin ráidun, ja stoalppuid alde ledje sederbielkkát. 3Dáhkki lei sedermuoras, ja dat lei biddjojuvvon dáhkkedoaresmuoraid vehkii mat ledje stoalppuid alde. Dáhkkedoaresmuorat ledje oktiibuot njealljelogivihtta, vihttanuppelohkái ain ráiddus. 4Ihkkonat ledje golmma gearddis, guđege ráiddus ihkkon ihkkona buohta. 5Buot uvssat ja ihkkonat ledje njealječiegagat, ja ihkkonat ledje golmma ráiddus buohtalaga. 6Son huksii stoalpohálla mii lei vihttalogi állana guhku ja golbmalogi állana govddu, ja dan ovdii ovdahálla ja dan stoalppuid, ja buot dan ovdii vel goavddi. 7Son huksii maiddái truvdnohálla mii gohčoduvvui maiddái duopmohállan, dasgo doppe son dubmii. Dan seainnit láhttis robi rádjái ledje skoađastuvvon sedermuorain.

8

7,8
3,1
Dat viessu mas Salomo ieš áiggui ássat, lei ovdalanja duohken, seammá láhkái huksejuvvon muhto nuppi šiljus. Salomo huksii seammalágán viesu maiddái farao niidii gean son lei váldán áhkkán. 9Buot dát viesut vuođu rájes gitta bielkkáid rádjái ja olggumus oasi rájes gitta stuorra ovdašilju rádjái ledje huksejuvvon válljugeđggiin mat siskkobealde ja olggobealde ledje sahejuvvon mearremihttui. 10Vuođđudus lei biddjojuvvon válljugeđggiin, stuorra geđggiin mat ledje logi ja gávcci állana guhku. 11Daid alde ledje njealječiegat válljugeađggit ja vel sedermuorra.

12Stuorra šilju birra lei muvra mas ledje čullojuvvon geađggit golmma gearddis ja okta sederbielkágeardi. Seammalágán muvra lei maid Hearrá tempela ovdašilju ja siskkit ovdašilju birra.

Tempela bronsaduojit

13

7,13
2 Muit 2,13eč
Gonagas Salomo vieččahii Tyrosis Hiram-nammasaš olbmá. 14
7,14
2 Mos 31,3č
Su eadni lei leaska gii gulai Naftali čerdii, ja su áhčči tyroslaš veaikerávdi. Hiram lei erenoamáš čeahppi ja máhtii duddjot buotlágán veaikedujiid. Son bođii Salomo lusa, ja son duddjui buot maid gonagas siđai su duddjot. 15
7,15
2 Gon 25,17
2 Muit 3,15
7,15 bronssas guokte bácci tempela uvssa guoras. Gč. v. 21.Hiram duddjui bronssas guokte bácci. Dat ledje guktot gávccinuppelohkái állana alu ja daid birramihttu lei guoktenuppelohkái állana. Báccit ledje guovdnjasat, ja daid seainnit ledje njeallje suorpma asu. 16Son duddjui bronssas guokte bázzeoaivvi ja bijai daid bácciid gežiide. Goabbáge bázzeoaivi lei vihtta állana alu. 17Goappáge bázzeoaivvis lei bárggaldat mas ledje diehpit ja viđjjit. 18Son duddjui bárggaldagaid birra guokte granáhtaehpelráiddu gokčat bázzeoivviid, seammá ládje goappáge bázzeoaivái. 19Bázzeoivviid allodat lei njeallje állana, ja dat ledje hábmejuvvon lotuslieđi láhkásažžan. 20Goappáge bázzeoaivvi bárggaldaga birra ledje ráidun guoktečuođi granáhtaehpela.

217,21 Jakin, Boas Namat jáhkkimis mearkkašit “(Ipmil) dahká nanusin” ja “sus lea fápmu”.Salomo ceggii bácciid tempela ovdahállii. Dan bázzái maid son ceggii olgeš beallái, son bijai namman Jakin, ja gurut beale bázzái son bijai namman Boas. 22Bázzegeažit ledje lotusliđiid hápmásaččat. Nu ollašuvai bácciid duddjon.

23

7,23
2 Muit 4,2eč
7,23 mearran stuorra čáhcelihtti mii adnojuvvui juohkelágán buhtistanmeanuide. Vrd. 4 Mos 19.Hiram maid leikii jorba áldá mii gohčoduvvui mearran. Dat lei ravddas ravdii logi állana, dan allodat lei vihtta állana ja dan birramihttu lei golbmalogi állana. 24Dan birra, ravdda vuolábealde, ledje šattoshearvvat guoktin ráidun, logi ain állanis, ja dat ledje leikejuvvon oktanaga mearain. 25Mearra orui guoktenuppelohkái vuovssá alde. Golbma vuovssá gehčče davás, golbma oarjjás, golbma lulás ja golbma nuorttas guvlui. Daid maŋŋegeažit ledje vuostálagaid, ja mearra orui daid alde. 267,26 guokteduhát batmihtu sullii 72800 lihttera.Mearra lei giehtaloabu asu, ja dan ravda sojai olggos guvlui lotuslieđi hápmásaš geara ravdda láhkái. Mearra gesii guokteduhát batmihtu.

27Hiram duddjui maid logi bronsabeavddi. Buot beavddit ledje njeallje állana guhku, njeallje állana govddu ja golbma állana alu. 28Bevddiid ráhkadus lei dákkár: Dain lei rápma ja dan doarjjan doaresstákkut. 29Ráma alde ja maiddái doaresstákkuid alde ledje ledjon-, vuoksá- ja kerubagovvosat, ja ledjoniid ja vuovssáid vuollelis ledje derpojuvvon bárggaldagat. 30Guđege beavddis ledje njeallje bronsajuvlla ja bronsaáksilat, ja beavddi guđege njealji juolgái bárggaldagaid duogábeallái lei leikejuvvon čiehkastoalpu mii olii gievnni vuollái. 31Gievnni doarjjarápma lei guovdu hearvajorbadasa ja olii állana dan badjelii. Dat lei jorbbas ja dan čađamihttu lei beannot állana, ja dat lei leikejuvvon dego gievdnevuolušge. Dange ravddat ledje hervejuvvon govvosiiguin. Rápma lei njealječiegat, ii jorbbas.

32Beavddi njeallje juvlla ledje ráma vuolde, ja juvllaid doalanat ledje beavddis gitta. Guđege juvla lei beannot állana alu. 33Dat ledje vovdnajuvllaid láhkásaččat, ja daid doalanat, gierddut, bánit ja guovddážat ledje leikejuvvon bronssas. 34Njeallje stákku mat dorjo gievnni, ledje beavddi njealji čiegas, ja dat ledje leikejuvvon oktan bihttán bevddiin. 35Beavddi alde lei jorba aládus, állanbeale alu, ja beavddi badjeravddas ledje doalanat ja daid listtat. 36Duolba sajiide ledje gohppojuvvon kerubat, ledjonat ja pálmmat. 37Buot logi beavddi ledje leikejuvvon seammá láhkái, dat ledje ovttalágánat mihtu ja hámi dáfus.

38

7,38
2 Muit 4,6
7,38 njealljelogi batmihtu sullii 1456 lihttera.Hiram duddjui maid logi bronsagievnni. Juohke gievdni gesii njealljelogi batmihtu, ja daid čađamihttu lei njeallje állana. Son bijai ovtta gievnni guđege beavdái. 39
7,39
2 Muit 4,10
Vihtta beavddi biddjojuvvojedje tempela olgeš ja vihtta gurut beallái, ja mearra biddjojuvvui tempela olgeš beallái dan čihkii mii lei nuorttaslulás guvlui.

40

7,40
2 Mos 27,3
2 Muit 4,11eč
Hiram duddjui maid báđiid, gutnagoaivvuid ja oaffarbolluid. Son gárvvistii buot maid gonagas Salomo duddjohii Hearrá viesu várás: 41Guokte bácci, daid lotuslieđi hápmásaš bázzeoivviid ja guokte bárggaldaga gokčat bázzeoivviid, 42njeallječuođi granáhtaehpela dan guovtti bárggaldahkii, guokte granáhtaehpelráiddu goappáge bárggaldahkii gokčat lotuslieđi hápmásaš bázzeoivviid, 43logi beavddi ja daidda logi gievnni, 44áldá ja guoktenuppelohkái vuovssá dan vuollái, 45báđiid, gutnagoaivvuid ja oaffarbolluid. Buot dat gálvvut maid Hiram duddjui gonagas Salomoi Hearrá viesu várás, ledje gellojuvvon bronssas.

46Gálvvut leikejuvvojedje láiráfoarpmaid sisa mat ledje roggojuvvon eatnamii, ja gonagas leikehii daid Jordanleagis Sukkota ja Saretana gaskkas. 47Salomo bijai buot diŋggaid sadjáseaset. Daidda adnojuvvui nu mearihis ollu bronsa ahte dat ii lean vihkkemis.

48

7,48
2 Mos 25,23eč
Salomo duddjohii maid buot eará Hearrá tempela diŋggaid: golleáltára ja gollebeavddi man alde oaffarláibbit dollojuvvojedje, 49
7,49
2 Mos 25,31eč
2 Muit 4,7
vihtta gollelámpájuolggi olgeš ja vihtta gurut beallái goara ovdii, lieđđehearvvaid, lámppáid ja basttaid, visot gollis, 50ja vel lihtiid, niibbiid, oaffarbolluid, gohpuid ja dollalihtiid čielga gollis. Maiddái tempela siskkit lanja, basimus boaššu, uksa ja dan uksalahkit ja tempelhálla uvssat skoađastuvvojedje golliin.

51

7,51
2 Sam 8,10–12
2 Muit 5,1
Go gonagas Salomo lei gárvvistan buot dujiid maid son lei duddjohan Hearrá tempela várás, de son buvttii dohko buot gálvvuid maid su áhčči David lei basuhan Hearrái. Silbba, golli ja eará dujiid son bijai Hearrá viesu dávvirgámmáriidda.

8

Árka buktojuvvo tempelii

81

8,1
2 Muit 5,2eč
Salomo rávkkai dasto lusas Jerusalemii Israela vuorrasiid ja buot Israela čearddaid ja sogaid oaivámuččaid. Sii galge buktit Hearrá lihtuárkka Sionis, Davida gávpogis. 2Buot israellaččat čoagganedje gonagas Salomo lusa etanimmánu, jagi čihččet mánu, basiide. 3Go buot Israela vuorrasat ledje boahtán, de báhpat loktejedje Hearrá árkka sajistis. 4Sii gudde tempelii Hearrá árkka, almmustusgoađi ja buot goađi bassi gálvvuid. Báhpat ja levilaččat gudde buot daid. 5Gonagas Salomo ja oppa Israela searvegoddi mii lei čoagganan su lusa, čužžo árkka ovddas ja oaffarušše nu ollu sávzzaid ja vuovssáid ahte dat eai lean lohkamis. 6
8,6
2 Mos 26,33č
Báhpat bukte Hearrá lihtuárkka sadjásis tempelgorrii, basimus boššui, kerubaid soajáid vuollái. 7Kerubaid soaját ledje leabbut dan báikki badjel gos árka lei, ja gokče árkka ja dan guoddinstákkuid. 8Guoddinstákkut ledje nu guhkit ahte daid geažit oidnojedje bassi latnjii mii lei goara ovddas, muhto eai guhkkelii. Dat leat doppe vel otná beaivvige. 9
8,9
2 Mos 25,1621
Árkka siste ii lean eará go dat guokte geađgetávvala maid Moses lei bidjan dohko Horebis, go Hearrá dagai lihtu israellaččaiguin maŋŋil go sii ledje vuolgán Egyptas. 10
8,10
2 Mos 40,34
8,10 balva >2 Mos 13,21.Go báhpat vulge bassibáikkis, de Hearrá tempela devddii balva. 11Balvva dihte báhpat eai sáhttán doaimmahit bálvalusa, dasgo Hearrá hearvásvuohta devddii tempela. 12
8,12
2 Mos 20,21
3 Mos 16,2
2 Muit 6,1
Dalle Salomo dajai:

“Hearrá, don dáhtut ássat moskosis.

13

8,13
Sál 132,14
Mun lean huksen dutnje ássansaji

agálaš áigái.”

Salomo sárdnu álbmogii

14

8,14
2 Sam 6,18
Gonagas jorggihii álbmogii muođuid ja buressivdnidii oppa Israela searvegotti. Buohkat čužžo, 15ja Salomo celkkii: “Máidnojuvvon lehkos Hearrá, Israela Ipmil, gii gieđainis lea ollašuhttán dan maid son lohpidii áhččásan Davidii, go son celkkii sutnje: 16
8,16
2 Sam 7,6eč
‘Dan rájes go mun bukten iežan álbmoga Israela Egyptas, de mun in leat válljen Israela čearddaid guovlluin gávpoga gosa huksejuvvošii tempel mu nama ássansadjin. Muhto dál mun lean válljen Jerusalema iežan nama ássansadjin, ja mun lean válljen Davida iežan álbmoga Israela ráđđejeaddjin.’ 17
8,17
2 Sam 7,2eč
1 Muit 17,1eč
Mu áhčči David áiggui hukset tempela Hearrái, Israela Ipmilii. 18Muhto Hearrá celkkii sutnje: ‘Du áigumuš hukset munnje tempela lea buorre. 19Muhto tempela it dattetge hukse don, muhto du bárdni, du alimiid šaddu.’ 20Dál Hearrá lea ollašuhttán dan maid lohpidii. Mun lean čohkánan áhččán Davida maŋŋil Israela truvdnui, nugo Hearrá lea cealkán, ja mun lean huksen tempela Hearrái, Israela Ipmilii. 21
8,21
2 Mos 20,1eč
5 Mos 31,26
Dohko mun lean dahkan saji árkii, man siste leat lihtu lágat, dan lihtu maid Hearrá dagai min áhčiiguin dalle go son buvttii sin Egyptas.”

Salomo rohkadus

22Salomo čuoččui Hearrá áltára guoras oppa Israela searvegotti ovddas. Son lebbii gieđaid almmi guvlui 23

8,23
5 Mos 4,39
ja dajai: “Hearrá, Israela Ipmil! Ii leat du veardásaš ipmil, ii badjin almmis iige dáppe vuollin eatnama alde. Don bisuhat lihtu ja árkkálmasttát bálvaleddjiidat, go sii vádjolit olles váimmus du ovddas. 24Don leat ollašuhttán dan maid lohpidit bálvaleaddjásat Davidii, mu áhččái. Maid du njálbmi lea sárdnon, dan du giehta lea dahkan. 25
8,25
2 Sam 7,16
Hearrá, Israela Ipmil, deavdde maiddái dan maid lohpidit bálvaleaddjásat Davidii, mu áhččái, go celket sutnje: ‘Álo čohkká du soga olmmái mu ovddas Israela truvnnus, jos du bártnit atnet váras dan geainnu man don leat vádjolan mu ovddas.’ 26
8,26
2 Muit 1,9
Israela Ipmil, divtte nappo ollašuvvat dan maid lohpidit bálvaleaddjásat Davidii, mu áhččái.

27

8,27
Jes 66,1
Jer 23,24
Apd 7,48č
17,24
Muhto ásságo Ipmil duođaid eatnama alde? Albmi, velá almmiid almmitge eai gease du, mo dasto dát tempel maid mun lean huksen! 28Hearrá, mu Ipmil! Jorgal almmatge bálvaleaddját beallái ja gula mu vuollegis átnuma, go mun dál rohkadalan du ovddas. 29
8,29
5 Mos 12,511
1 Gon 9,3
Ane čalmmiid ijatbeaivái rabasin dán viesu guvlui, dan báikki man birra leat cealkán: ‘Dás mu namma ássá.’ Gula maid du bálvaleaddji rohkadallá dán báikái čalmmiid. 30Gula du bálvaleaddji ja du álbmoga Israela átnumiid, go mii rohkadallat du dán báikái čalmmiid. Vare don gulašit daid ássansadjásat albmái, gulašit ja attášit ándagassii!

31

8,31
2 Mos 22,10eč
Jos soamis vahágahttá nuppi ja geatnegahttojuvvo vuordnut váli, ja son de vuordnu váli du áltára ovddas dán tempelis, 32
8,32
5 Mos 25,1
de gula dan dalle albmái ja atte vuoigatvuođa bálvaleddjiidasat. Dubme sivalačča sivalažžan ja ráŋggáš su nugo su dagut ánssášit, ja dubme sivaheami sivaheapmin ja atte sutnje dan maid vuoigatvuohta gáibida.

33Jos du álbmot Israel vuoittáhallá vašálažžii danin go lea suddudan du vuostá, muhto de jorgala du beallái, máidnu du nama, rohkadallá du ja ánuha árpmu dán tempelis, 34de gula dan dalle albmái. Atte ándagassii álbmogat Israela suttu, ja divtte dan máhccat dán eatnamii maid don addet min áhčiide.

35Jos albmi lea dahppagasas iige atte arvvi, danin go israellaččat leat suddudan du vuostá, muhto sii de rohkadallet dán báikái čalmmiid ja rámidit du nama ja jorgalit suttusteaset go don vuolidat sin, 36de gula dan albmái. Atte ándagassii bálvaleddjiidat ja álbmogat Israela suttu ja bagat sidjiide rivttes geainnu man vádjolit. Divtte arvit eatnamasat maid leat addán iežat álbmogii opmodahkan.

378,37 guorban ja ástan šaddodávddat.Jos eatnamii boahtá nealgi dahje rohttu, jos boahtá gortniid guorban ja ástan, jos bohtet rásselohkut ja máđut, jos vašálaš birastahttá muhtun gávpogiid dahje boahtá mii buohcuvuođaid dahje givssiid ihkinassii, 38ja de muhtun olmmoš dahje juo oppa Israel rohkadallá ja átnu árpmu – juohkehašhan dovdá buoremusat givssi mii su váivvida – ja lebbe gieđaid dán tempela guvlui, 39

8,39
1 Sam 16,7
Sál 7,10
Jer 17,10
de gula dan ássansadjásat albmái. Atte sidjiide ándagassii, daga juohkehažžii nugo su vádjolus ánssáša, danin go don dovddat olbmo váimmu, dušše don dovddat buot olbmuid váimmu. 40Nu sii ballet dus nu guhká go ellet dán eatnamis maid don addet min áhčiide.

41Maiddái vierroolbmot vedjet boahtit gáiddus eatnamis. Sii eai gula du álbmogii, 42muhto doppenai beaggá du stuorra namma ja du gievrras ja bajiduvvon giehta. Go vierroolmmoš boahtá ja rohkadallá du dán tempelii čalmmiid, 43

8,43
Jes 56,6č
de gula dan ássansadjásat albmái ja daga dan maid son átnu dus. Dalle buot máilmmi álbmogat ohppet dovdat du nama, ballet dus du álbmoga Israela láhkái ja ipmirdit ahte dát tempel maid mun lean huksen, lea basuhuvvon du nammii.

44Jos don vuolggahat iežat álbmoga soahtat vašálaččain, ja rohkadallá du dán gávpogii čalmmiid maid don leat válljen ja dán tempelii čalmmiid maid mun lean huksen du nammii, 45de gula albmái dan rohkadusaid ja átnumiid ja veahket dan oažžut vuoigatvuođa.

46

8,46
Sát 20,9
Sárd 7,20
Rom 3,23
1 Joh 1,8
Jos sii suddudit du vuostá – iihan leat oktage olmmoš gii ii suddut – ja don moaráhuvat sidjiide ja attát sin vašálaččaid gihtii, ja sii dolvojuvvojit fáŋgan vašálaččaid eatnamii guhkás dahje lahka, 47
8,47
Sál 106,6
Dan 9,5
muhto sii de fáŋgavuođas gáhtet ja fas čurvot dutnje ja dadjet: ‘Mii leat suddudan ja dahkan vearrut, mii leat leamaš ipmilmeahttumat’, 48
8,48
5 Mos 30,1eč
Dan 6,11
ja jos sii de vašálaččaideaset eatnamis jorgalit du beallái oppa váimmus ja oppa sielus ja rohkadallet du iežaset eatnamii čalmmiid, dán eatnamii čalmmiid maid don addet sin áhčiide ja dán gávpogii čalmmiid maid don leat válljen, ja dán tempelii čalmmiid maid mun lean huksen du nammii, 49de gula dalle ássansadjásat albmái sin rohkadusa ja átnuma ja veahket sin oažžut vuoigatvuođa. 50Atte álbmogasat ándagassii buot maid sii leat suddudan ja rihkkon du vuostá, ja divtte dan oažžut árpmu dain geat dollet dan fáŋgan, nu ahte sii árpmihivčče dan. 51
8,51
5 Mos 4,20
Dáthan lea du iežat álbmot ja du opmodat maid don buktet Egypta šolgenuvnnas. 52Jorgal čalmmiid bálvaleaddját ja iežat álbmoga Israela beallái go sii rohkadallet du! Gula sin álo go sii čurvot dutnje! 53
8,53
2 Mos 19,5
3 Mos 20,24
5 Mos 7,6
Hearrá Ipmil, don leat ieš čuoldán sin buot eatnama álbmogiin vai sii livčče du opmodat; nugo don celket du bálvaleaddji Mosesa bokte dalle go buktet min áhčiid Egyptas.”

Tempela vihaheapmi

54Go Salomo lei geargan rohkadallamis ja átnumis visot dán, de son lihkai Hearrá áltára ovddas gokko son lei čippostallan gieđat almmi guvlui. 55

8,55
2 Sam 6,18
1 Muit 16,2
Son čuožžilii ja buressivdnidii jitnosii oppa Israela searvegotti. 56
8,56
Jos 21,44č
23,14
“Máidnojuvvon lehkos Hearrá guhte lea addán álbmogasas Israelii muosi, nugo son lohpidii. Ii mihkkege dain buriin maid son lohpidii bálvaleaddjis Mosesa bokte, leat šaddan duššin. 57
8,57
Sál 94,14
Vare Hearrá, min Ipmil, livččii minguin, nugo son lei min áhčiiguin! Vare son ii guođáše min iige hilggoše min, 58muhto sojahivččii min váimmu beallásis, nu ahte mii álo vádjolit su geainnuid ja doallat daid báhkkomiid, lágaid ja mearrádusaid maid son attii min áhčiide.

59Vare Hearrá, min Ipmil, muittášii ijatbeaivái dan rohkosa maid mun lean rohkadallan, nu ahte son addá bálvaleaddjásis ja iežas álbmogii Israelii vuoigatvuođa guđege beaivái. 60

8,60
Jes 45,5č
Dalle buot eatnama álbmogat ipmirdit ahte dušše Hearrá lea Ipmil, ii oktage eará. 61Lehkos din váibmu ollislaččat Hearráin, min Ipmiliin, nu ahte doallabehtet su lágaid ja doahttalehpet su báhkkomiid, nugo otná beaivvige.”

62

8,62
2 Muit 7,4eč
De gonagas ja oppa Israel suinna oaffarušše njuovvanoaffariid Hearrá muođuid ovddas. 63Salomo oaffarušai searvevuođaoaffarin Hearrái guoktelogiguokteduhát vuovssá ja čuođi guoktelogiduhát sávzza. Nu gonagas ja buot israellaččat vihahedje Hearrá tempela. 64Gonagas basuhii dan beaivvi Hearrá tempela ovdašilju gaskaoasi gos son oaffarušai boaldinoaffariid ja borramušoaffariid ja searvevuođaoaffariid buoidebihtáid, dasgo bronsaáltár mii lei Hearrá muođuid ovddas, lei menddo uhcci geassit buot boaldinoaffariid ja borramušoaffariid ja searvevuođaoaffariid buoidebihtáid.

658,65 Lebo-Hamat >4 Mos 13,21.Nu Salomo doalai basiid oppa Israeliin. Hearrá, min Ipmila, muođuid ovdii lei boahtán hui stuorra olmmošeatnatvuohta davvin Lebo-Hamata rájes ja lullin Egyptajoga rájes. Sii dolle doppe basiid čieža beaivvi ja vel čieža beaivvi, oktiibuot njealljenuppelohkái beaivvi. 66Gávccát beaivvi son luittii álbmoga vuolgit. Israellaččat buressivdnidedje gonagasa ja vulge dasto ruoktot ilus ja arvvohis mielas buot dan buori dihte maid Hearrá lei dahkan bálvaleaddjásis Davidii ja álbmogasas Israelii.