Davvisámegiel Biibbal 2019 (Biibbal)
14

Jeroboam ja profehta Ahia

141Dan áigge Abia, Jeroboama bárdni, buohccái. 2

14,2
1 Sam 28,8
1 Gon 22,30
Jeroboam dajai áhkkásis: “Gárvot nu ahte ii oktage dovdda du Jeroboama áhkkán, ja vuolgge Šiloi. Doppe ássá profehta Ahia gii einnostii mu šaddat dán álbmoga gonagassan. 3Váldde mielde logi láibbi, muhtun gáhkuid ja honnetruhku ja mana su lusa, de son muitala dutnje mo bárdnái geavvá.” 4
14,4
11,29č
Jeroboama áhkká dagai nu. Son vulggii Šiloi ja bođii Ahia vissui. Ahia ii šat oaidnán maidege, danin go son lei čalmmehuvvan boarisvuođa geažil. 5Muhto Hearrá lei cealkán Ahiai: “Jeroboama áhkká lea boahtimin deike jearrat dus ráđi iežas bártni birra, danin go bárdni lea buozus. Sártno sutnje sániid maid mun attán dutnje. Son lea gárvodan dovdameahttumin.” 6Go Ahia gulai nissona vázzinskoabanasa, de son dajai: “Boađe sisa, Jeroboama áhkká! Manne don dahkaluttat eará olmmožin? Mus lea almmuhit dutnje garra sátni. 7
14,7
11,31
16,2
Mana dadjat Jeroboamii: Ná cealká Hearrá, Israela Ipmil: Mun alidin du álbmoga gaskkas ja bidjen du álbmogan Israela ráđđejeaddjin. 8Mun gaikkihin gonagasvuođa Davida sogas ja adden dan dutnje. Muhto don it leat leamaš nugo mu bálvaleaddji David. Son doalai mu báhkkomiid ja vádjolii muinna oppa váimmustis. Son dagai dušše dan mii lei riekta mu čalmmiin. 9Don leat dahkan eambbo bahá go oktage eará ovdal du. Don leat ráhkadahttán alccesat leikejuvvon govaid ipmilin ja nu moaráhuhttán mu, ja don leat jorgalan munnje selggiid. 10
14,10
15,29
21,21
Dan dihte mun buvttán Jeroboama sohkii lihkuhisvuođa. Mun duššadan Israelis buot du soga olbmábeale, sihke stuorráid ja smávváid, ja mun suohpalasttán eret Jeroboama soga nugo muhkki suohpalastojuvvo visot eret. 11
14,11
16,4
Dan Jeroboama sogas gii jápmá gávpogii, borret beatnagat, ja dan gii jápmá meahccái, borret almmi lottit. Ná Hearrá lea sárdnon. 12Vuolgge dál ruktosat. Dan seammás go boađát gávpogii, de bárdni jápmá. 13Oppa Israel doallá sutnje váidalusaid ja mieđušta su hávdái. Dušše son Jeroboama sogas boahtá hávdái, danin go aivvestassii sus oppa Jeroboama sogas Hearrá, Israela Ipmil, lea oaidnán juogage buori. 14Muhto Hearrá čuoččáldahttá Israelii gonagasa gii duššada Jeroboama soga. Dat beaivi boahtá. 15
14,15
2 Gon 17,23
Hearrá časká Israela nu ahte dat suoibu nugo hoašša čázis. Son gaikkiha israellaččaid dan buori eatnamis maid son attii sin áhčiide. Son biđge sin don beallái Eufrata, danin go sii leat dahkan alcceseaset ašeračuolddaid ja moaráhuhttán Hearrá. 16Son hilgu Israela Jeroboama suttuid dihte ja daid suttuid dihte maid son lea fillen Israela dahkat.”

1714,17 Tirsa gávpot Sikema nuorttadavábealde. Davviriikka vuosttaš oaivegávpot. Vrd. 16,23č.Jeroboama áhkká vulggii ja máhcai Tirsai. Dan seammás go son lávkii iežas viesu šielmmá ala, de bárdni jámii. 18Son hávdáduvvui, ja oppa Israel moraštii su. Nu šattai duohtan dat maid Hearrá lei gohččon bálvaleaddjis profehta Ahia sárdnut.

1914,19 Israela gonagasaid muitalusaid girjái jahkegirjjit maid hoavva čálii (gč. 11,41), muhto mat maŋŋil leat duššan.Mii muđui lea muitalit Jeroboamis, su sođiin ja su stivrejumis, lea čállojuvvon Israela gonagasaid muitalusaid girjái. 20Jeroboam lei gonagassan guoktelogiguokte jagi. De son manai vuoiŋŋadit áhčiidis lusa, ja su maŋŋil gonagassan šattai su bárdni Nadab.

Rehabeam Juda gonagassan

21

14,21
2 Muit 12,13
Rehabeam, Salomo bárdni, lei gonagassan Judas. Son lei njealljelogiovttajahkásaš go šattai gonagassan. Son ráđđii čiežanuppelohkái jagi Jerusalemis, dan gávpogis maid Hearrá lei válljen buot Israela čearddain iežas nama ássanbáikin. Su eadni lei ammonlaš Naama. 22Juda olbmot dahke dan mii lea bahá Hearrá čalmmiin. Suttuideasetguin sii moaráhuhtte Hearrá velá eambbo go sin áhčit. 23
14,23
2 Gon 16,4
17,10
Sii huksejedje alcceseaset oaffarbáikkiid ja ceggejedje geađgebácciid ja ašeračuolddaid juohke alla dievvái ja juohke rudnes muora vuollái. 24
14,24
5 Mos 23,17
Eatnamis ledje maiddái tempelfuorát. Juda álbmot dagai seammá fastivuođaid go álbmogat maid Hearrá lei jávkadan israellaččaid ovddas.

25

14,25
11,40
2 Muit 12,2eč
Rehabeama viđát ráđđenjagi Šišak, Egypta gonagas, fallehii Jerusalema. 26
14,26
10,16č
Son válddii buot divrras dávviriid Hearrá viesus ja gonagasa viesus. Son válddii visot, maiddái buot gollegalbbaid maid Salomo lei duddjohan. 27Daid sadjái gonagas Rehabeam duddjohii bronsagalbbaid; daid son oskkildii heaggafávttaid oaivámuččaide geat fáktejedje gonagasa šloahta uvssa. 28Juohke háve go gonagas manai Hearrá vissui, de heaggafávttat gudde galbbaid ja dolvo daid fas heaggafávttaid latnjii.

29

14,29
2 Muit 12,15č
Mii muđui lea muitalit Rehabeamis su daguin, lea čállojuvvon Juda gonagasaid muitalusaid girjái. 30Rehabeama ja Jeroboama gaskkas lei soahti geažos áigge. 31Rehabeam manai vuoiŋŋadit áhčiidis lusa ja hávdáduvvui sin báldii Davida gávpogii. Su eadni lei ammonlaš Naama. Rehabeama maŋŋil gonagassan šattai su bárdni Abiam.

15

Abiam Juda gonagassan

151

15,1
2 Muit 13,1eč
Abiam šattai Juda gonagassan Jeroboama, Nebata bártni, gávccinuppelogát ráđđenjagi. 2Son ráđđii Jerusalemis golbma jagi. Su eadni lei Maaka, Absaloma nieida. 3Abiam dagai seammá suttuid go su áhčči ovdal su lei dahkan. Son ii lean olles váimmus oskkáldas Hearrái, Ipmilasas, nugo su máttaráhčči David lei leamaš. 4
15,4
11,36
Muhto bálvaleaddjis Davida sohkii Hearrá lei guođđán lámppá Jerusalemii: Son dagai Davida bártni gonagassan su maŋŋil, ja son divttii Jerusalema bissut. 5
15,5
2 Sam 11,1eč
Dan son dagai Davida dihte, danin go David lei dahkan dan mii lei riekta Hearrá čalmmiin iige goassege gáidan mastege maid Hearrá lei gohččon, earret hetlaš Uria áššis.

6Rehabeama ja Jeroboama gaskkas lei soahti nu guhká go Rehabeam elii. 7

15,7
2 Muit 13,2eč
Mii muđui lea muitalit Abiamis ja su daguin, lea čállojuvvon Juda gonagasaid muitalusaid girjái. Abiama ja Jeroboama gaskkas lei soahti. 8
15,8
2 Muit 14,1
Abiam manai vuoiŋŋadit áhčiidis lusa ja hávdáduvvui Davida gávpogii. Su maŋŋil šattai gonagassan su bárdni Asa.

Asa Juda gonagassan

9Asa šattai Juda gonagassan Israela gonagasa Jeroboama guoktelogát ráđđenjagi. 10Son ráđđii Jerusalemis njealljelogiokta jagi. Su áhči eadni lei Maaka, Absaloma nieida. 11

15,11
2 Muit 14,2eč
Asa dagai dan mii lei riekta Hearrá čalmmiin, nugo su máttaráhčči David. 12
15,12
14,24
22,47
Son ájii eatnamis tempelfuoráid ja jávkadii buot eahpeipmiliid maid su áhčit ledje ráhkadan. 13
15,13
2 Muit 15,16eč
Eatnistis Maakas son válddii eret gonagaseatni árvvu, danin go Maaka lei ceggen hirbmatlaš gova ašera-gárdái. Asa cuvkii gova ja bolddii dan Kedronleagis. 14
15,14
22,44
2 Gon 12,3
Muhto oaffarbáikkit eai jávkaduvvon. Dattetge Asa lei olles váimmus oskkáldas Hearrái nu guhká go elii. 15Áhčis ja iežas oaffarattáldagaid, silbbaid, golliid ja lihtiid, son bijai Hearrá tempelii.

16Asa ja Israela gonagasa Baša gaskkas lei soahti nu guhká go soai eliiga. 17

15,17
2 Muit 16,1eč
Baša, Israela gonagas, fallehii Juda ja nannegođii Rama, vai ii oktage beasa vuolgit Juda gonagasa Asa luhtte iige boahtit su lusa. 18
15,18
2 Gon 12,18
16,8
18,15
Dalle Asa válddii buot golli ja silbba mii ain lei Hearrá viesu dávvirgámmáriin, ja maiddái daid dávviriid mat ledje gonagasa šloahtas, vuolggahii áirasiid doalvut daid Damaskusii Ben-Hadadii, Arama gonagassii, Hešona bártni Tabrimmona bárdnái, ja cealkkihii: 19“Munno gaskkas lea lihttu, nugo lei munno áhčiid gaskkasnai. Mun lean vuolggahan dutnje attáldahkan dán silbba ja golli; doaje dál lihtu maid leat dahkan Bašain, Israela gonagasain, vai son heaitá áŧesteames mu.” 20
15,20
2 Gon 15,29
15,20 Ijon báiki eatnama davvioasis. Kinnereta guovllu Gennesaretjávrri davvioarjjabealde.Ben-Hadad dagai nugo gonagas Asa siđai ja vuolggahii soahteoaivámuččaidis fallehit Israela gávpogiid. Son válddii Ijona, Dana, Abel Bet-Maaka ja Kinnereta guovllu ja maiddái oppa Naftali eatnama. 21Go Baša gulai dan, de son heittii nannemis Rama ja máhcai Tirsai. 22Dalle gonagas Asa rávkkai lusas oppa Juda, iige oktage beassan boahtimis. Sii dolvo eret geđggiid ja hirssaid maiguin Baša lei leamaš nannemin Rama, ja daiguin gonagas Asa nannii Geba mii lea Benjaminis, ja Mispa.

23

15,23
2 Muit 16,12eč
Mii muđui lea muitalit Asas ja su olahusain, buot das maid son dagai ja dain gávpogiin maid son nannii, lea čállojuvvon Juda gonagasaid muitalusaid girjái. Go son lei šaddan boarisin, de son buozai julggiin. 24
15,24
2 Muit 17,1
Asa manai vuoiŋŋadit áhčiidis lusa ja hávdáduvvui áhčiidis báldii Davida gávpogii. Su maŋŋil šattai gonagassan su bárdni Jošafat.

Nadab Israela gonagassan

25Nadab, Jeroboama bárdni, šattai Israela gonagassan Juda gonagasa Asa nuppi ráđđenjagi. Son ráđđii Israela guokte jagi. 26Son dagai dan mii lei bahá Hearrá čalmmiin. Son vádjolii áhčis geainnuid ja dagai seammá suttuid maiguin su áhčči lei fillen israellaččaid suddudit. 2715,27 Gibbeton gávpot Juda ja Filistea rájá alde.Muhto Baša, Ahia bárdni, Isaskara čeardda olmmái, dagai lihtu Nadaba vuostá ja gottii su lahka Gibbetona, filistalaččaid gávpoga maid Nadab ja israellaččat ledje birastahttimin. 28Baša gottii Nadaba Juda gonagasa Asa goalmmát ráđđenjagi ja šattai gonagassan su sadjái. 29

15,29
14,10eč
Go son lei šaddan gonagassan, de son gottii oppa Jeroboama soga. Son ii diktán ovttage olbmo Jeroboama sogas báhcit heggii, muhto gottii sin buohkaid. Nu šattai duohtan dat maid Hearrá lei sárdnon šilolaš bálvaleaddjis Ahia bokte. 30Dat dáhpáhuvai daid suttuid dihte maid Jeroboam ieš lei dahkan ja maiguin son lei fillen israellaččaid suddudit, danne go daiguin suttuiguin son lei moaráhuhttán Hearrá, Israela Ipmila. 31Mii muđui lea muitalit Nadabis ja su daguin, lea čállojuvvon Israela gonagasaid muitalusaid girjái. 32Asa ja Israela gonagasa Baša gaskkas lei soahti nu guhká go soai eliiga.

Baša Israela gonagassan

3315,33 Tirsa >14,17.Baša, Ahia bárdni, šattai Israela gonagassan Juda gonagasa Asa goalmmát ráđđenjagi. Son ráđđii Tirsas guokteloginjeallje jagi. 34Son dagai dan mii lei bahá Hearrá čalmmiin, vádjolii Jeroboama geainnuid ja dagai seammá suttuid maiguin Jeroboam lei fillen israellaččaid suddudit.

16

161Jehui, Hanani bárdnái, bođii dát Hearrá sátni maid son galggai sárdnut Bašai: 2

16,2
14,7eč
“Vaikko mun bajidin du muolddas ja bidjen du iežan álbmoga Israela ráđđejeaddjin, de don leat vádjolan Jeroboama geainnuid ja fillen mu álbmoga Israela suddudit. Sii leat moaráhuhttán mu suttuideasetguin. 3Danin mun suohpalasttán eret Baša ja su soga; mun divttán geavvat su sohkii seammá ládje go Jeroboama, Nebata bártni, sohkii. 4Daid Baša sogas geat jápmet gávpogii, borret beatnagat, ja daid geat jápmet beldui, borret almmi lottit.”

5Mii muđui lea muitalit Bašas, su daguin ja olahusain, lea čállojuvvon Israela gonagasaid muitalusaid girjái. 6Baša manai vuoiŋŋadit áhčiidis lusa ja hávdáduvvui Tirsai. Su maŋŋil šattai gonagassan su bárdni Ela.

7Hearrá sátni bođii Bašai ja su sohkii profehta Jehu, Hanani bártni, bokte: Dainna go son lei dahkan nu ollu mii lei bahá Hearrá čalmmiin ja moaráhuhttán su daguidisguin, ja dainna go son lei goddán Jeroboama soga, de geavvá seammá ládje Bašai ja su sohkii.

Ela Israela gonagassan

8Juda gonagasa Asa guoktelogiguđát ráđđenjagi Ela, Baša bárdni, šattai Israela gonagassan. Son ráđđii Tirsas guokte jagi. 9

16,9
15,27
Su bálvaleaddji Simri gii hovdii beali soahtevovdnaveagas, dagai suollemas lihtu su vuostá. Oktii go Ela lei Tirsas iežas hoavvadoalli Arsa geahčen ja lei juhkan gárremiidda, 10de Simri bođii dohko ja časkkii su jámas. Simri šattai gonagassan Ela sadjái. Dat dáhpáhuvai Juda gonagasa Asa guoktelogičihččet ráđđenjagi. 11
16,11
14,10
Go Simri lei šaddan gonagassan ja lei čohkánan truvdnui, de son gottii oppa Baša soga. Son ii guođđán heggii ovttage Baša dievdobeale sogalačča, ii lagaš fuolkki iige ustiba. 12Simri duššadii oppa Baša soga, nugo Hearrá lei cealkán Bašai profehta Jehu bokte. 13Nu dáhpáhuvai Baša ja su bárdni Ela suttuid dihte maiguin soai leigga fillen israellaččaid suddudit. Duššálaš eahpeipmiliiddiskaguin soai moaráhuhtiiga Hearrá, Israela Ipmila. 14Mii muđui lea muitalit Elas ja su daguin, lea čállojuvvon Israela gonagasaid muitalusaid girjái.

Simri Israela gonagassan

15Simri šattai gonagassan Juda gonagasa Asa guoktelogičihččet ráđđenjagi. Son ráđđii Tirsas čieža beaivvi. Soahteveahka lei dalle birastahttimin Gibbetona, filistalaččaid gávpoga. 16Go soahteveahka gulai ahte Simri lei dahkan suollemas lihtu ja goddán gonagasa, de oppa Israela soahteveahka dagai dan seammá beaivvi Israela gonagassan Omri, soahteveagaoaivámučča. 17Omri ja buot israellaččat vulge Gibbetonis ja birastahtte Tirsa. 18Go Simri oinnii ahte gávpot lei váldojuvvon, de son manai šloahta tordnii, buolláhii šloahta ja jámii dollanjuokčamiidda. 19Nu geavai su suttuid dihte. Go son lei vádjolan Jeroboama geainnuid, de son lei dahkan dan mii lei bahá Hearrá čalmmiin ja fillen israellaččaid suddudit. 20Mii muđui lea muitalit Simris ja suollemas lihtus maid son dagai, lea čállojuvvon Israela gonagasaid muitalusaid girjái.

21De Israela álbmot juohkásii guovtti oassái. Nubbi bealli doalai Tibni, Ginata bártni, beali ja dáhtui su gonagassan, nubbi bealli doalai Omri beali. 22Dat geat dolle Omri beali, vuite daid geat dolle Tibni, Ginata bártni, beali. Tibni jámii, ja Omri šattai gonagassan.

Omri Israela gonagassan

23Omri šattai Israela gonagassan Juda gonagasa Asa golbmalogivuosttaš ráđđenjagi, ja son ráđđii guoktenuppelohkái jagi. Go son lei ráđđen Tirsas guhtta jagi, 2416,24 Samaria lei dasto Davviriikka oaivegávpot nu guhká go riika bisui. >14,17. guvttiin silbataleanttain sullii 68 kilo.de son osttii Šemeris Samariavári guvttiin silbataleanttain. Son huksii várrái gávpoga ja gohčodii dan Samarian Šemera mielde, geasa várri lei gullan. 25Omri dagai dan mii lei bahá Hearrá čalmmiin; son dagai eambbo bahá go buohkat geat ledje leamaš gonagassan su ovdal. 26Son vádjolii juohke láhkái Jeroboama, Nebata bártni, geainnuid ja dagai seammá suttuid maiguin Jeroboam lei fillen israellaččaid suddudit. Duššálaš eahpeipmiliiddisetguin israellaččat moaráhuhtte Hearrá, Ipmileaset. 27Mii muđui lea muitalit Omris, su daguin ja olahusain, lea čállojuvvon Israela gonagasaid muitalusaid girjái. 28Omri manai vuoiŋŋadit áhčiidis lusa ja hávdáduvvui Samariai. Su maŋŋil šattai gonagassan su bárdni Ahab.

Ahab Israela gonagassan

29Ahab, Omri bárdni, šattai Israela gonagassan Juda gonagasa Asa golbmalogigávccát ráđđenjagi. Son ráđđii Israela Samarias guoktelogiguokte jagi. 30Ahab, Omri bárdni, dagai dan mii lei bahá Hearrá čalmmiin, eambbo go buohkat geat ledje leamaš gonagassan su ovdal. 31Iige das galle ahte son vádjolii Jeroboama, Nebata bárdni, suttuin, son velá válddii áhkkán Jesabela, sidonlaččaid gonagasa Etbaala nieidda, ja bálvališgođii Baala ja rohkadalai dan. 32Son huksii Samaria gávpogii Baala tempela ja ceggii dohko Baalii áltára. 33Ahab ráhkadii maiddái ašeračuoldda, ja son moaráhuhtii Hearrá, Israela Ipmila, eambbo go buohkat geat su ovdal ledje leamaš Israela gonagassan.

34

16,34
Jos 6,26
Ahaba áigge betellaš Hiel huksii Jeriko ođđasit. Go son bijai gávpoga vuođu, de son massii vuosttašriegádeaddjis Abirama, ja go son ceggii poartta, de son massii nuoramus bártnis Seguba. Nu ollašuvai dat sátni maid Hearrá lei sárdnon Josva, Nuna bártni, bokte.