1. Johannes 4 - Davvisámegiel Biibbal 2019 (Biibbal)

Davvisámegiel Biibbal 2019 (Biibbal)

Duohtavuođa vai čádjádusa vuoigŋa

4¹

4,1

Matt 7,15
24,24
1 Tess 5,21
2 Joh 7
Ráhkkásiiddán, allet jáhke buot vuoiŋŋaide. Geahččalehket vuoiŋŋaid, guorahallet bohtetgo dat Ipmilis, danne go máilmmis leat ollu vearreprofehtat. ²

4,2

1,1
Dás dii dovdabehtet Ipmila Vuoiŋŋa: Juohke vuoigŋa mii dovddasta ahte Jesus Kristus lea boahtán olmmožin, lea Ipmilis. ³

4,3

1 Kor 12,3
1 Joh 2,18+
Ii oktage vuoigŋa mii ii dovddas Jesusa, leat Ipmilis. Dakkár vuoigŋa lea Antikristusa vuoigŋa man lehpet gullan boahtimin ja mii lea juo máilmmis.

⁴

4,4

Matt 12,29
Joh 3,31
4,4 dat gii lea máilmmis ▶ beargalat dahje Antikristus. >2,18.Dii, mánážiiddán, lehpet Ipmila olbmot ja lehpet vuoitán vearreprofehtaid, dasgo son gii lea din siste, lea stuorit go dat gii lea máilmmis. ⁵

4,5

Joh 15,19
Sii leat máilmmi olbmot. Máilmmi ságaid sii sárdnot, ja máilbmi gullá sin. ⁶

4,6

Joh 8,47
18,37
Muhto mii leat Ipmila olbmot. Gii dovdá Ipmila, dat gullá min, muhto gii ii leat Ipmila olmmoš, dat ii min gula. Dies mii dovdat duohtavuođa vuoiŋŋa ja čádjádusa vuoiŋŋa.

Ipmil lea ráhkisvuohta

⁷

4,7

2,29
5,1
Ráhkkásiiddán, ráhkistehkot guhtet guimmiideamet, danin go ráhkisvuohta boahtá Ipmilis. Juohkehaš gii ráhkista, lea Ipmilis riegádan ja dovdá Ipmila. ⁸

4,8

4,16
Dat gii ii ráhkis, ii dovdda Ipmila, danne go Ipmil lea ráhkisvuohta. ⁹

4,9

Joh 3,16
Ná Ipmila ráhkisvuohta almmustuvai midjiide: Son vuolggahii áidnoriegádan Bártnis máilbmái vai mii ealášeimmet su bokte. ¹⁰

4,10

Rom 3,255,8
Dát lea ráhkisvuohta: Ii dat ahte mii leat ráhkistan Ipmila, muhto ahte son lea ráhkistan min ja vuolggahan Bártnis soabahussan min suttuid ovddas.

¹¹

4,11

Matt 18,33
Ráhkkásiiddán, go Ipmil lea ráhkistan min nu, de maiddái mii leat geatnegasat ráhkistit guhtet guimmiideamet. ¹²

4,12

2 Mos 33,20
Matt 11,27
Joh 1,18
5,37
6,46
14,9
Ii oktage leat goassege oaidnán Ipmila. Muhto jos mii ráhkistit guhtet guimmiideamet, de Ipmil bissu min siste, ja su ráhkisvuohta šaddá ollisin min siste. ¹³

4,13

3,24
Son lea addán midjiide Vuoiŋŋas, ja dan dihte mii diehtit ahte mii bissut su siste ja son min siste. ¹⁴

4,14

Joh 3,17
4,42
Mii leat oaidnán ahte Áhčči lea vuolggahan Bártnis máilmmi beastin, ja dan mii duođaštit. ¹⁵

4,15

Matt 16,16
1 Joh 2,23
5,5
Jos soamis dovddasta ahte Jesus lea Ipmila Bárdni, de Ipmil bissu su siste ja son Ipmila siste. ¹⁶

4,16

4,8
Mii leat oahppan dovdat dan ráhkisvuođa maid Ipmil atná midjiide, ja oskut dasa.

Ipmil lea ráhkisvuohta. Dat gii bissu ráhkisvuođas, bissu Ipmila siste ja Ipmil su siste. ¹⁷

4,17

2,28
Ipmila ráhkisvuohta lea šaddan mis ollisin, go mii sáhttit roahkkadit loaiddastit ovdan duopmobeaivvi; nugo Jesus lea, nu miigis leat dán máilmmis. ¹⁸

4,18

Rom 8,15
Ballu ii ráhkisvuođas leat, muhto ollis ráhkisvuohta ádjá balu eret. Balus lea juo ráŋggáštus; dat gii ballá, ii leat šaddan ollisin ráhkisvuođas. ¹⁹

4,19

4,10
Mii ráhkistit danne go son lea min vuos ráhkistan. ²⁰

4,20

2,11
3,1517
Jos muhtun dadjá ahte son ráhkista Ipmila muhto vašuha vieljas, son gielista. Dat gii ii ráhkis vieljas gean lea oaidnán, ii sáhte ráhkistit Ipmila gean ii leat oaidnán. ²¹

4,21

Matt 22,36eč
Dán báhkkoma mii leat sus ožžon: Gii ráhkista Ipmila, dat galgá maiddái ráhkistit vieljas.

Käännökset

Duohtavuođa vai čádjádusa vuoigŋa

Ipmil lea ráhkisvuohta