Davvisámegiel Biibbal 2019 (Biibbal)
2

21

2,1
Rom 8,34
Hebr 7,25
9,24
2,1 bealušteaddji greikkagillii parakletos. Sáhttá maid jorgaluvvot: “veahkki”, “jeđđejeaddji”, “rávvejeaddji”, “advokáhta”. Evangelista Johannes geavaha sáni Vuoiŋŋa birra, muhto dás dat mearkkaša Jesusa.Mánážiiddán, mun čálán didjiide amadet suddudit. Muhto jos muhtun sudduda, de mis lea Áhči luhtte bealušteaddji, Jesus Kristus, gii lea vanhurskkis. 2
2,2
Joh 1,29
11,51č
Rom 3,25Kol 1,20
Son lea dat oaffar mii soabaha min suttuid, ii dattetge dušše min, muhto oppa máilmmi.

Ođđa báhkkon

32,3–4 dovdat sátni adnojuvvo dán girjjis ja Joh seammá mearkkašumis go oskut. Dat lea lágas čadnojuvvon Ipmila báhkkomiidda ja sániide. Vrd. Joh 10,14–15; 1 Joh 3,22–24; 5,2–3.Das mii ipmirdit ahte leat oahppan dovdat su, go mii doallat su báhkkomiid. 4

2,4
Joh 15,10
Tit 1,16
1 Joh 1,6
4,20
Gii dadjá ahte dovdá su iige dattetge doala su báhkkomiid, dat lea gielástalli, iige duohtavuohta leat su siste. 5
2,5
Joh 14,2123
Muhto su siste gii doallá su sáni lea Ipmila ráhkisvuohta duođaid šaddan ollisin. Das mii diehtit ahte mii leat su siste. 6
2,6
Joh 13,15
1 Pet 2,21
2,6 bissu su siste dat mearkkaša Kristusa siste. Dajaldat adnojuvvo dávjá Joh ja 1 Joh, ja govvida kristtalačča ja Ipmila dahje Kristusa gaskavuođa.Dat gii dadjá ahte bissu su siste, lea ieš geatnegas eallit nu mo son elii.

7

2,7
Matt 22,37eč
1 Joh 2,24
3,11
2 Joh 5č
2,7 boares báhkkon Vrd. Joh 13,34; 1 Joh 3,11.Ráhkkásiiddán, dat maid mun čálán didjiide ii leat ođđa báhkkon, muhto boares báhkkon mii dis lea leamaš juo álggu rájes. Dát boares báhkkon lea dat sátni maid dii lehpet gullan. 8
2,8
Joh 8,12
13,34
Rom 13,12
Dattetge lea dat maid mun čálán didjiide ođđa báhkkon; dan čájeha sihke su ja din eallin. Dasgo seavdnjadas gáidá ja duohta čuovga juo báitá. 9Dat gii dadjá ahte lea čuovgasis, muhto vašuha vieljas, lea ain seavdnjadasas. 10
2,10
Rom 14,13
Dat gii ráhkista vieljas, bissu čuovgasis iige su siste leat mihkkege mii jorralahtášii. 11
2,11
Joh 12,35č
Muhto dat gii vašuha vieljas, lea seavdnjadasas. Son vádjola seavdnjadasas iige dieđe gosa manná, dainna go seavdnjadas lea čuovggahuhttán su čalmmiid.

Allet ráhkis máilmmi

12

2,12
Apd 10,43
Mun čálán didjiide, mánážiiddán: Din suttut leat ándagassii addojuvvon su nama dihte.

13

2,13
1,1
Mun čálán didjiide, áhčit: Dii dovdabehtet su gii lea leamaš álggu rájes.

Mun čálán didjiide, nuorat: Dii lehpet vuoitán Bahá.

14Mun čálán didjiide, mánážiiddán: Dii lehpet oahppan dovdat Áhči.

Áhčit, mun čálán didjiide: Dii lehpet oahppan dovdat su gii lea leamaš álggu rájes.

Nuorat, mun čálán didjiide: Dii lehpet gievrrat, Ipmila sátni bissu din siste, ja dii lehpet vuoitán Bahá.

15

2,15
Joh 5,42
Rom 12,2
Jak 4,4
Allet ráhkis máilmmi alletge dan mii lea máilmmis. Jos muhtin ráhkista máilmmi, de Áhči ráhkisvuohta ii leat su siste. 16Dasgo dat mii lea máilmmis, dat masa oažži anistuvvá, masa čalmmit anistuvvet ja goargadis eallin, ii boađe Áhčis muhto máilmmis. 17
2,17
Matt 7,21
1 Kor 7,31
Ja máilbmi duššá anistumiinis, muhto dat gii dahká Ipmila dáhtu, bissu agálaččat.

Antikristus

18

2,18
Matt 24,524
2,18 Antikristus “Kristusa vuostá”, Kristusa vuostálasti namahus, vrd. v. 22; 4,3; 2 Joh 7.Mánážiiddán, dál lea maŋimuš áigi. Dii lehpet gullan ahte Antikristus lea boahtimin, ja ollu antikristusat leatge juo boahtán. Das mii diehtit ahte lea maŋimuš áigi. 19
2,19
Apd 20,30
Min searvvis sii leat boahtán, muhto sii eai lean min olbmot. Jos sii livčče leamaš min olbmot, de sii livčče bisson min searvvis. Muhto nu fertii boahtit albmosii ahte ii oktage sis lean min olmmoš. 20
2,20
Joh 14,26
2 Kor 1,21
1 Joh 2,27
2,20 vuoidan lea Bassi Vuoiŋŋa attáldaga govva. ▶ vuoidan/vuoiddadeapmi.Muhto dat gii lea Bassi lea vuoidan din, ja dii buohkat dovdabehtet duohtavuođa. 21
2,21
2 Pet 1,12
In mun čále danne go dii ehpet dovdda duohtavuođa, muhto danne go dii dan dovdabehtet ja diehtibehtet ahte duohtavuođas ii boađe mihkkege giellásiid.

22

2,22
2,18+
Gii dalle lea gielástalli jos ii dat gii biehttala ahte Jesus lea Kristus? Dat olmmoš lea antikristus gii biehttala Áhči ja Bártni. 23
2,23
Matt 10,33Joh 5,23
Das gii biehttala Bártni ii leat Áhččige, muhto das gii dovddasta Bártni lea maiddái Áhčči. 24
2,24
2,7
Diktet dan maid lehpet gullan álggu rájes, bissut din siste. Jos dat maid dii lehpet gullan álggu rájes, bissu din siste, de maiddái dii bissubehtet Bártni ja Áhči siste. 25
2,25
Joh 3,15
6,40
Ja dán son ieš lea lohpidan midjiide: agálaš eallima.

26Dán mun čálán didjiide daid birra geat dáhttot din čádjidahttit. 27

2,27
Jer 31,34
1 Joh 2,20
Muhto din siste bissu dat vuoiddadus maid lehpet ožžon sus, ehpetge dii dárbbaš guđege oahpahusa. Su vuoiddadus oahpaha didjiide buot – dat sárdnu duođa iige giellása. Dahket nugo dat lea din oahpahan: Bissot su siste.

Ipmila mánát

28

2,28
4,17
Mánážiiddán, bissot su siste, vai mii sáhttit leat roahkkadat go son almmustuvvá eatge dárbbaš gáidat heahpanemiin go son boahtá. 29
2,29
3,710
Go dii diehtibehtet ahte son lea vanhurskkis, de dii maiddái áddebehtet ahte juohkehaš gii eallá vanhurskásit, lea riegádan Ipmilis.

3

31

3,1
Joh 1,12
16,3
17,25
Gehččet man stuorra ráhkisvuođa Áhčči lea midjiide čájehan: Mii beassat gohčoduvvot Ipmila mánnán, ja su mánát mii maid leat. Máilbmi ii dovdda min, danne go dat ii dovdda su. 2
3,2
Matt 5,8
Rom 8,1729
Fil 3,21
Kol 3,4
Ráhkkásiiddán, dál mii leat Ipmila mánát, muhto ii leat velá boahtán albmosii manin mii šaddat. Dan mii diehtit ahte go son almmustuvvá, de mii šaddat su láhkásažžan, danne go mii beassat oaidnit su dakkárin go son lea. 3
3,3
2,6
Juohkehaš gii bidjá dán doaivvu Kristusii, buhtista iežas, nugo son lea buhtis.

4Juohkehaš gii sudduda, rihkku maiddái lága, danin go suddu lea Ipmila lága rihkkun. 5

3,5
Jes 53,4č9
Joh 1,29
8,46
1 Pet 2,2224
Dii diehtibehtet ahte son almmustuvai vai son váldá eret min suttuid, ja su siste ii leat suddu. 6
3,6
3,9+
3,6 sudduda dás mearkkašupmi lea eallit suttus.Gii bissu su siste, ii suddut. Dat gii sudduda ii leat oaidnán su iige dovdda su.

7

3,7
2,29
Mánážiiddán, allos oktage din čádjidahtto. Dat gii dahká Ipmila dáhtu, lea vanhurskkis, nugo Kristus lea vanhurskkis. 8
3,8
Joh 8,44
Dat gii sudduda lea beargalaga mánná, danne go beargalat lea suddudan álggu rájes. Muhto aiddo danin Ipmila Bárdni bođii máilbmái, vai son dahká duššin beargalaga daguid.

9

3,9
1 Pet 1,23
1 Joh 2,29
3,6
3 Joh 11
Ii oktage gii lea riegádan Ipmilis, suddut, danin go Ipmila gilvagat bissot su siste. Son ii sáhte suddudit, danin go son lea riegádan Ipmilis. 10
3,10
Hebr 13,11 Joh 2,29
Dan láhkái šaddá almmusin geat leat Ipmila mánát ja geat beargalaga mánát: Dat gii bargá vuoigatmeahttumit, ii gula Ipmilii, iige dat gii ii ráhkis vieljas.

Vieljalaš ráhkisvuohta

11

3,11
Joh 13,34
15,1217
1 Joh 2,7
Dát lea dat sáhka maid lehpet gullan álggu rájes: Mii galgat ráhkistit guhtet guimmiideamet. 12
3,12
1 Mos 4,8
Mii eat oaččo leat dego Kain, Bahá mánná, gii gottii vieljas. Manne son gottii vieljas? Danne go su dagut ledje bahát, muhto su vielja dagut ledje vuoigatlaččat.

13

3,13
Joh 15,18č
17,14
Vieljažiiddán, allet ovddoš jos máilbmi din vašuha. 14
3,14
Joh 5,24
1 Joh 2,11
Mii ráhkistit vieljaideamet, ja das mii diehtit ahte leat sirdojuvvon jápmimis eallimii. Dat gii ii ráhkis vieljas, bissu jápmima válddis. 15
3,15
Matt 5,21č
Gal 5,20č
Juohkehaš gii vašuha vieljas, lea sorbmejeaddji, ja dii diehtibehtet ahte ii ovttage olmmošgoddis leat agálaš eallin iežas siste. 16
3,16
Joh 15,13
Ef 5,2
Das mii leat oahppan dovdat ráhkisvuohta, go Jesus attii heakkas min ovddas. Maiddái mii leat geatnegasat addit heaggamet vieljaideamet ovddas. 17
3,17
5 Mos 15,7
Jak 2,15č
Jos muhtun geas lea buot maid son dán máilmmis dárbbaša, oaidná vieljas gillámin váilli, muhto dahppá sus váimmu, mo dalle Ipmila ráhkisvuohta bissu su siste?

18Mánážiiddán, allot ráhkistehko guoros sániiguin, muhto daguiguin ja duohtavuođas. 19Dalle mii ipmirdit ahte duohtavuođa lea mis, ja mii sáhttit su ovddas oadjudit iežamet váimmu, 20jos dat min sivaha. Ipmil lea stuorit go min váibmu ja diehtá buot.

21

3,21
5,14
Ráhkkásiiddán, jos min váibmu ii min sivat, de mii sáhttit roahkkadit lahkonit Ipmilii. 22
3,22
Jer 29,12č
Matt 7,7
21,22
Mark 11,24
Joh 14,13Jak 1,5
1 Joh 5,14č
Ja maid ihkinassii mii átnut, dan mii oažžut sus, danne go mii doallat su báhkkomiid ja dahkat dan mii lea su miela mielde.

23

3,23
Joh 6,29
15,17
Dát lea su báhkkon: Mii galgat oskut su Bárdnái Jesus Kristusii ja ráhkistit guhtet guimmiideamet, nugo son lea min gohččon. 24
3,24
Joh 14,23
Rom 8,9+
3,24 Vuoiŋŋas Vrd. 4,1–6.13; 5,6–8.Gii doallá Ipmila báhkkomiid, dat bissu Ipmila siste, ja Ipmil bissu su siste. Ja ahte son bissu min siste, dan mii diehtit Vuoiŋŋas gean son lea addán midjiide.

4

Duohtavuođa vai čádjádusa vuoigŋa

41

4,1
Matt 7,15
24,24
1 Tess 5,21
2 Joh 7
Ráhkkásiiddán, allet jáhke buot vuoiŋŋaide. Geahččalehket vuoiŋŋaid, guorahallet bohtetgo dat Ipmilis, danne go máilmmis leat ollu vearreprofehtat. 2
4,2
1,1
Dás dii dovdabehtet Ipmila Vuoiŋŋa: Juohke vuoigŋa mii dovddasta ahte Jesus Kristus lea boahtán olmmožin, lea Ipmilis. 3
4,3
1 Kor 12,3
1 Joh 2,18+
Ii oktage vuoigŋa mii ii dovddas Jesusa, leat Ipmilis. Dakkár vuoigŋa lea Antikristusa vuoigŋa man lehpet gullan boahtimin ja mii lea juo máilmmis.

4

4,4
Matt 12,29
Joh 3,31
4,4 dat gii lea máilmmis beargalat dahje Antikristus. >2,18.Dii, mánážiiddán, lehpet Ipmila olbmot ja lehpet vuoitán vearreprofehtaid, dasgo son gii lea din siste, lea stuorit go dat gii lea máilmmis. 5
4,5
Joh 15,19
Sii leat máilmmi olbmot. Máilmmi ságaid sii sárdnot, ja máilbmi gullá sin. 6
4,6
Joh 8,47
18,37
Muhto mii leat Ipmila olbmot. Gii dovdá Ipmila, dat gullá min, muhto gii ii leat Ipmila olmmoš, dat ii min gula. Dies mii dovdat duohtavuođa vuoiŋŋa ja čádjádusa vuoiŋŋa.

Ipmil lea ráhkisvuohta

7

4,7
2,29
5,1
Ráhkkásiiddán, ráhkistehkot guhtet guimmiideamet, danin go ráhkisvuohta boahtá Ipmilis. Juohkehaš gii ráhkista, lea Ipmilis riegádan ja dovdá Ipmila. 8
4,8
4,16
Dat gii ii ráhkis, ii dovdda Ipmila, danne go Ipmil lea ráhkisvuohta. 9
4,9
Joh 3,16
Ná Ipmila ráhkisvuohta almmustuvai midjiide: Son vuolggahii áidnoriegádan Bártnis máilbmái vai mii ealášeimmet su bokte. 10
4,10
Rom 3,255,8
Dát lea ráhkisvuohta: Ii dat ahte mii leat ráhkistan Ipmila, muhto ahte son lea ráhkistan min ja vuolggahan Bártnis soabahussan min suttuid ovddas.

11

4,11
Matt 18,33
Ráhkkásiiddán, go Ipmil lea ráhkistan min nu, de maiddái mii leat geatnegasat ráhkistit guhtet guimmiideamet. 12
4,12
2 Mos 33,20
Matt 11,27
Joh 1,18
5,37
6,46
14,9
Ii oktage leat goassege oaidnán Ipmila. Muhto jos mii ráhkistit guhtet guimmiideamet, de Ipmil bissu min siste, ja su ráhkisvuohta šaddá ollisin min siste. 13
4,13
3,24
Son lea addán midjiide Vuoiŋŋas, ja dan dihte mii diehtit ahte mii bissut su siste ja son min siste. 14
4,14
Joh 3,17
4,42
Mii leat oaidnán ahte Áhčči lea vuolggahan Bártnis máilmmi beastin, ja dan mii duođaštit. 15
4,15
Matt 16,16
1 Joh 2,23
5,5
Jos soamis dovddasta ahte Jesus lea Ipmila Bárdni, de Ipmil bissu su siste ja son Ipmila siste. 16
4,16
4,8
Mii leat oahppan dovdat dan ráhkisvuođa maid Ipmil atná midjiide, ja oskut dasa.

Ipmil lea ráhkisvuohta. Dat gii bissu ráhkisvuođas, bissu Ipmila siste ja Ipmil su siste. 17

4,17
2,28
Ipmila ráhkisvuohta lea šaddan mis ollisin, go mii sáhttit roahkkadit loaiddastit ovdan duopmobeaivvi; nugo Jesus lea, nu miigis leat dán máilmmis. 18
4,18
Rom 8,15
Ballu ii ráhkisvuođas leat, muhto ollis ráhkisvuohta ádjá balu eret. Balus lea juo ráŋggáštus; dat gii ballá, ii leat šaddan ollisin ráhkisvuođas. 19
4,19
4,10
Mii ráhkistit danne go son lea min vuos ráhkistan. 20
4,20
2,11
3,1517
Jos muhtun dadjá ahte son ráhkista Ipmila muhto vašuha vieljas, son gielista. Dat gii ii ráhkis vieljas gean lea oaidnán, ii sáhte ráhkistit Ipmila gean ii leat oaidnán. 21
4,21
Matt 22,36eč
Dán báhkkoma mii leat sus ožžon: Gii ráhkista Ipmila, dat galgá maiddái ráhkistit vieljas.