Kristusa bajásčuožžileapmi
151
Gal 1,9
Fil 4,9
1 Tess 2,13
2 Tess 3,6
15,1.3 válddiidet vuostá >11,2; gč. 11,23.Vieljažiiddán, mun muittuhan didjiide dan evangeliuma maid mun sárdnidin didjiide, dan maid dii válddiidet vuostá. Das dii maiddái bissubehtet nanusin 2ja dan bokte dii maiddái bestojuvvobehtet, jos doallabehtet das gitta nu go mun dan sárdnidin, muđui dii oskubehtet duššás. 3
Ovddimustá mun adden didjiide diehttevassii dan maid ieš ledjen váldán vuostá: Kristus jámii min suttuid dihte, nugo lea čállojuvvon, 4
Matt 16,21Apd 2,24+
son hávdáduvvui, son čuoččáldahttojuvvui jábmiid luhtte goalmmát beaivvi, nugo lea čállojuvvon, 5
Joh 20,19eč
15,5 Kefas >1,12.ja son almmustuvai Kefasii ja dasto dan guoktenuppelohkásii. 6Das maŋŋil son almmustuvai oktanaga badjel vihttačuođi villjii. Eatnasat sis leat ain eallimin, muhto muhtumat leat oađđán jápmimii. 7Das maŋŋil son almmustuvai Jakobii ja dasto buot apostaliidda. 815,8 riegádan ovdal áiggi Dát dajaldat čájeha ahte Paulusa apostalrávkojupmi lei erenoamáš. Son rávkojuvvui apostalin maŋŋil go Jesus jámii ja čuožžilii jábmiid luhtte, ja áibbas eará láhkái go eará apostalat. Vrd. Apd 9,3eč.Maŋimustá son maiddái almmustuvai munnje, gii lean dego mánná mii lea riegádan ovdal áiggi. 9
Ef 3,8
1 Tim 1,15
Munhan lean uhcimus apostaliid gaskkas inge leat dohkálaš gohčoduvvot apostalin, danne go lean doarrádallan Ipmila girku. 10
2 Kor 11,523
Ef 3,7č
Muhto Ipmila árpmus mun lean dat mii lean, iige son leat čájehan munnje árpmus duššás. Mun lean bargan eambbo go oktage sis, in gal mun ieš, muhto Ipmila árbmu mii lea muinna. 11Ná mii nappo sárdnidit, mun ja maiddái sii, ja ná dii maiddái lehpet oskon.
Jábmiid bajásčuožžileapmi
12Muhto jos sárdniduvvo ahte Kristus lea čuožžilan jábmiid luhtte, de mo dalle muhtumat dis sáhttet dadjat ahte ii leat mihkkege jábmiid bajásčuožžilemiid? 13Jos ii leat čuožžileapmi jábmiid luhtte, de ii Kristusge leat čuožžilan. 14Muhto jos Kristus ii leat čuožžilan, de min sárdni lea dušši, ja dušši lea maiddái din osku. 15
Dalle mii leat duođaštan vearrut Ipmila birra, go leat čuoččuhan ahte son čuoččáldahtii Kristusa – maid son ii leat dahkan, jos juo jábmit eai čuoččáldahttojuvvo. 16Jos jábmit eai čuoččáldahttojuvvo, de dalle ii Kristusge leat čuoččáldahttojuvvon. 17Muhto jos Kristus ii leat čuoččáldahttojuvvon, de dalle din osku lea dušši, ja dii eallibehtet ain suttus. 18Ja dalle datge geat leat jápmán oskkus Kristusii, leat šaddan gáđohussii. 19Jos mii leat bidjan doaivvu Kristusii dušše dán eallima áigái, de mii leat buot olbmuin vártnuhepmosat.
20
Kol 1,18
Alm 1,5
15,20 vuosttamužžan vuosttaš oassi šattuin. Gč. 5 Mos 18,4. Láddjen lea dábálaš govva Ipmila riikka ollašuhttimis. Vrd. Matt 13,39eč; Joh 4,35č.Muhto dál Kristus lea čuožžilan jábmiid luhtte, vuosttamužžan dain geat leat jápmán. 21
Go jápmin bođii olbmo bokte, de maiddái jábmiid bajásčuožžileapmi boahtá olbmo bokte. 22
Nugo buohkat leat Adama bokte jápmán, nu maiddái buohkat Kristusa bokte dahkkojuvvojit eallin, 23
juohkehaš iežas vuorus: Vuosttamužžan Kristus ja dasto, go Kristus boahtá, dat geat gullet sutnje. 24
De boahtá loahppa, go son addá riikka Ipmilii, Áhččái, das maŋŋil go lea duššadan buot hearrávuođa, válddi ja fámu. 25
Apd 2,34č+
Kristus oainnat ráđđe gonagassan dassážii go Ipmil lea vuolidan buot vašálaččaid su julggiid vuollái. 26
Vašálaččain maŋimužžan duššaduvvo jápmin, 27
Hebr 2,8
danin go Ipmil lea vuolidan buot su julggiid vuollái. Go daddjojuvvo ahte buot lea vuoliduvvon su julggiid vuollái, de lea diehttelas ahte dan olggobeallái báhcá Ipmil guhte lea vuolidan buot Kristusa vuollái. 28Go buot lea biddjojuvvon su vuollái, de dalle son ieš, Bárdni, vuollána dan vuollái gii lea bidjan buot su vuollái, ja nu Ipmil ráđđe ollásit buot.
2915,29 gásttašahttet … ovddas Orru nu ahte muhtumat Korinta searvegottis gásttašahtte earrásiid jábmiid beales. Dakkár gásta lea muđui amas Ođđa testamenttas ja vuosttaš kristtalaččaid gaskkas.Maid muđui dahket dat geat gásttašahttet iežaset jábmiid ovddas? Jos jábmit eai oppa čuoččáldahttojuvvoge, de manne sii gásttašahttet iežaset daid ovddas? 30Ja manne munge duojážassii bijan iežan heakkaváddui? 31
1 Kor 4,9
2 Kor 4,11
Vieljažiiddán, nu duohta go dii lehpet mu rápmi Hearrámet Kristus Jesusa ovddas, de mun jámán juohke beaivvi. 32
2 Kor 1,8
Mii ávkkiid munnje lei dáistalit Efesosis beađuiguin, jos mun livččen jurddašan olbmuid láhkái? Jos jábmit eai čuoččáldahttojuvvo, de borrot ja juhkot, ihttinhan mii jápmit. 3315,33 Bahás … dábiid Sitáhta lea váldojuvvon greikalaš diktačállis Menanderis gii elii sullii 341–290. o.Kr.Allet fillehala! “Bahás searvi bilida buriid dábiid.” 34
1 Kor 6,5
Ef 5,14
Gohccájehket viimmat, allet suddut! Dasgo muhtumat eai dovdda Ipmila, dán mun dajan didjiide heahpadin.
Bajásčuožžilan rumaš
35Muhtun várra jearrá: “Mo jábmit bajásčuožžilit? Makkár rumaš sis dalle lea?” 36
Jallas jearaldat! Dat maid don gilvvát, ii eallá ovdalgo dat vuos jápmá. 37Ja go gilvvát, de it don gilvve dan šattu mii dasto ihtá, muhto dušše gordnečalmmi, jogo nisogordnečalmmi dahje eará šattu siepmana. 38
Muhto Ipmil addá dasa dakkár hámi go dáhttu, guđege siepmanii dan hámi mii dasa gullá. 39Ii buot oažži leat oktat oažži; nubbi lea olbmo oažži, nubbi omiid, nubbi lottiid oažži, nubbi fas guliid. 40Ja leat almmálaš rupmašat ja eatnanlaš rupmašat, muhto nubbi lea almmálaš rupmašiid, nubbi fas eatnanlaš rupmašiid hearvásvuohta. 41Nubbi lea beaivváža čuovggas, nubbi mánu čuovggas ja nubbi fas násttiid čuovggas, ja nuppi nástti šearratvuohta lea stuorit go nuppi.
42Nu lea maiddái jábmiid bajásčuožžileapmi. Dat mii gilvojuvvo nohkavažžan, čuožžila nohkameahttumin. 43
Dat mii gilvojuvvo árvvoheapmin, čuožžila hearvásin. Dat mii gilvojuvvo headjun, čuožžila fámolažžan. 44Lunddolaš rumaš gilvojuvvo, vuoiŋŋalaš rumaš čuožžila. Jos lea lunddolaš rumaš, de lea maiddái vuoiŋŋalaš rumaš. 4515,45 ealli siellun sáhttá maid jorgaluvvot “ealli sivdnádus”. Dás oaivvilduvvo olbmo ollisvuohta. Seammá sánit adnojuvvojit maiddái elliid ja guliid birra; vrd. 1 Mos 1,20č.24.30.Čállojuvvon lea: Vuosttaš olmmoš, Adam, šattai ealli siellun. Muhto maŋimuš Adam šattai vuoigŋan mii addá eallima. 46Vuoiŋŋalaš ii leat dat mii boahtá vuosttažin, muhto dat mii lea lunddolaš. Das maŋŋil boahtá dat mii lea vuoiŋŋalaš. 47
Joh 3,31
Vuosttaš olmmoš lei eatnanlaš, eatnamis ráhkaduvvon, nubbi olmmoš boahtá almmis. 48Nugo eatnanlaš olmmoš lei, dakkárat leat buot eatnanlaš olbmot. Ja nugo almmálaš olmmoš lea, nu leat buot almmálaš olbmot. 49
Rom 8,29
Ja nugo mii šattaimet eatnanlaš olbmo govvan, nu mii maiddái šaddat almmálaš olbmo govvan.
50
Dan mun cealkkán, vieljažiiddán: Oažži ja varra ii árbe Ipmila riikka iige nohkavašvuohta árbe nohkameahttunvuođa. 51Dál mun muitalan didjiide čiegusvuođa: Eat mii buohkat oađđá jápmimii, muhto mii buohkat nuppástuvvat, 52
fáhkkestaga, čalbmeravkalanbottus, go maŋimuš básona jietna čuodjá. Dasgo báson čuodjá, jábmit bajásčuožžilit nohkameahttunvuođas ja mii nuppástuvvat. 53
Dat nohkavaš ferte gárvodit nohkameahttunvuođa ja dat jámolaš ferte gárvodit jápmemeahttunvuođa. 54
Ja go dat nohkavaš lea gárvodan nohkameahttunvuođa ja dat jámolaš lea gárvodan jápmemeahttunvuođa, dalle ollašuvvá dat sátni mii lea čállojuvvon: Jápmin lea njillojuvvon ja vuoitu vuitojuvvon. 55
Jápmin, gos lea du vuoitu? Jápmin, gos lea du seahčagas? 56
Jápmima seahčagas lea suddu, ja suttu fápmu lea láhka. 57
Muhto giittus lehkos Ipmilii gii addá midjiide vuoittu Hearrámet Jesus Kristusa bokte! 58Danin, ráhkis vieljažiiddán, lehket gievrrat ja lihkatmeahttumat, ja dahket álo Hearrá barggu áŋgirvuođain. Dihtet ahte Hearrá ii divtte din barggu mannat duššás.