Davvisámegiel Biibbal 2019 (Biibbal)
7

Isaskara sohka

71

7,1
1 Mos 46,13
4 Mos 26,23č
Isaskara njeallje bártni ledje Tola, Pua, Jašub ja Šimron. 2Tola bártnit ledje Ussi, Refaja, Jeriel, Jahmai, Jibsam ja Samuel. Sii ledje bearrašiiddiset oaivámuččat ja jálus soahteolbmát. Davida áigge sin lohku lei guoktelogiguokteduhát guhttačuođi. 3Ussi bárdni lei Jisrahja, ja su bártnitgis Mikael, Obadja, Joel ja Jiššia. Dát viđas ledje buohkat bearrašiiddiset oaivámuččat. 4Sohkalogahallamiid mielde sin sogain ledje golbmalogiguhttaduhát soahteolbmá; sis ledje oainnat ollu áhkát ja mánát. 5Maiddái eará isaskarlaččat ledje jálus soahteolbmát. Sohkalogahallamiin sii ledje oktiibuot gávccilogičiežaduhát olbmá.

6

7,6
1 Mos 46,21
4 Mos 26,38–41
1 Muit 8,1
Benjamina golbma bártni ledje Bela, Beker ja Jediael. 7Bela bártnit ledje Esbon, Ussi, Ussiel, Jerimot ja Iri; dát viđas ledje bearrašiiddiset oaivámuččat ja jálus soahteolbmát. Sohkalogahallamiin sii ledje guoktelogiguokteduhát golbmaloginjeallje olbmá. 8Bekera bártnit ledje Semira, Joaš, Elieser, Eljoenai, Omri, Jeremot, Abia, Anatot ja Alemet. Buot dát ledje Bekera bártnit, 9bearrašiiddiset oaivámuččat ja jálus soahteolbmát. Sohkalogahallamiid mielde sii ledje guoktelogiguokteduhát guoktečuođi olbmá. 10Jediaela bárdni lei Bilhan, ja Bilhana bártnit ledje Jeuš, Benjamin, Ehud, Kenaana, Setan, Taršiš ja Ahišahar. 11Buot dát Jediaela bártnit ledje bearrašiiddiset oaivámuččat ja jálus soahteolbmát. Sin nális ledje čiežanuppelohkáiduhát guoktečuođi soahteolbmá. 12Šufam ja Hufam ledje Ira bártnit, ja Hušim lei Ahera bárdni.

13

7,13
1 Mos 46,24
Naftali bártnit ledje Jahasiel, Guni, Jeser ja Šallum. Sii ledje Bilha nális.

14

7,14
4 Mos 26,29–3448–50
Manasse bártnit geaid su aramealaš liigeáhkká riegádahtii, ledje Asriel ja Makir gii šattai Gileada áhččin. 15Makir válddii áhkkán Hufama ja Šufama oappá gean namma lei Maaka. Makira nubbi bárdni lei Selofhad, geasa riegádedje dušše nieiddat. 16Maaka, Makira áhkká, riegádahtii bártni ja gohčodii su Perešin; Pereša vielja namma lei Šereš, ja su bártnit ledje Ulam ja Rekem. 17Ulama bárdni lei Bedan. Dát lei Gileada, Makira bártni, Manasse áddjuba, nálli. 18Su oabbá Hammoleket riegádahtii Išhoda, Abiesera ja Mahla. 19Šemida bártnit ledje Ahjan, Šekem, Likhi ja Aniam.

20

7,20
4 Mos 26,35–37
Efraima bárdni lei Šutelah, su bárdni Bered, su Tahat, su Elada, su Tahat, 21su Sabad ja su Šutelah. Efraima bártnit ledje maiddái Eser ja Elad. Soai gottáhalaiga muhtun gatlaš olbmáide geat ledje riegádan dan eatnamis, go soai leigga vuolgán rievidit sin omiid. 22Sudno áhčči Efraim moraštii bártnisguoktá guhká, ja su fuolkkit bohte jeđđet su. 237,23 Beria Namma sulastahttá sáni mii mearkkaša “lihkohisvuođas”.De son fas veallái áhkáinis gii šattai áhpeheapmin ja riegádahtii bártni. Efraim bijai bárdnái namman Beria, dainna go son lei riegádan su bearraša lihkuhisvuođa áigge. 24Su nieida lei Šeera gii huksii Vuolit ja Bajit Bet-Horona ja Ussen Šeera. 25Beria bárdni lei Refah, su Rešef, su Telah, su Tahan, 26su Ladan, su Ammihud, su Elišama, 27su Nun ja su Josua. 28Sin opmodagat ja ássanbáikkit ledje Betel ja dan birasbáikkit, nuortan Naaran, oarjin Geser ja dan birasbáikkit ja vel Sikem ja dan birasbáikkit gitta Aja ja dan birasbáikkiid rádjái. 29Manasse čearda hálddašii Bet-Šeana, Taanaka, Megiddo ja Dora ja buot daid birasbáikkiid. Dáin gávpogiin ásai Josefa, Israela bártni, nálli.

30

7,30
1 Mos 46,17
4 Mos 26,44–47
Ašera bártnit ledje Jimna, Jišva, Jišvi ja Beria. Sin oabbá lei Serah. 31Beria bártnit ledje Heber ja Malkiel gii šattai Birsajita áhččin. 32Heber sahkanahtii Jafleta, Šemera ja Hotama. Sin oabbá lei Šua. 33Jafleta bártnit ledje Pasak, Bimhal ja Ašvat. 34Šemera bártnit ledje Rohga, Hubba ja Aram. 35Su vielja Hotama bártnit ledje Sofah, Jimna, Šeleš ja Amal. 36Sofaha bártnit ledje Suah, Harnefer, Šual, Beri, Jimra, 37Beser, Hod, Šamma, Šilša, Jitran ja Beera. 38Jetera bártnit ledje Jefunne, Pispa ja Ara. 39Ulla bártnit ledje Arah, Hanniel ja Risja. 40Buot dát ledje Ašera nális, bearrašiiddiset oaivámuččat, jálus válljosoahteolbmát, njunnošat oaivámuččaid gaskkas. Sohkalogahallamiid mielde Ašera čearddas ledje guoktelogiguhttaduhát soahteolbmá.

8

Benjamina sohka

81

8,1
7,6+
Benjamina vuosttašriegádeaddjin riegádii Bela, nubbi bárdni lei Ašbel, goalmmát Ahrah, 2njealját Noha ja viđát Rafa. 3Bela bártnit ledje Addar, Gera, Abihud, 4Abišua, Naaman, Ahia, 5Gera, Šefufan ja Huram. 6Ehuda bártnit geat ledje bearrašiiddiset oaivámuččat Gebas ja šadde sirdásit Manahatii, 7ledje Naaman, Ahia ja Gera. Gera doalvvui sin Manahatii; son sahkanahtii Ussa ja Ahihuda.

8Maŋŋil go Šaharajim lei vuolggahan eret áhkáidis Hušima ja Baara, 9de su áhkká Hodeš riegádahtii sutnje Moaba eatnamis Jobaba, Sibja, Meša, Malkama, 10Jeusa, Sakeja ja Mirma. Dát su bártnit šadde bearrašiiddiset oaivámužžan. 11Hušim lei riegádahttán sutnje Abituba ja Elpaala. 12Elpaala bártnit ledje Eber, Mišam ja Šemer gii huksii Ono ja Loda ja dan birasgávpogiid.

13Beria ja Šema leigga bearrašiiddiska oaivámuččat Ajalonis. Soai ájiiga Gata ássiid báhtarussii; 14Šašak ja Jeroham, 15Sebadja, Arad, Eder, 16Mikael, Jišpa ja Joha ledje Beria bártnit. 17Sebadja, Mešullam, Hiski, Heber, 18Jišmerai, Jislia ja Jobab ledje Elpaala bártnit. 19Jakim, Sikri, Sabdi, 20Eljoenai, Silletai, Eliel, 21Adaja, Beraja ja Šimrat ledje Šema bártnit. 22Jišpan, Eber, Eliel, 23Abdon, Sikri, Hanan, 24Hananja, Elam, Antotia, 25Jifdeja ja Penuel ledje Šašaka bártnit. 26Šamšerai, Šeharja ja Atalja, 27Jaarešja, Elia ja Sikri ledje Jerohama bártnit. 28Sii ledje sogaideaset oaivámuččat bearrašiid mielde logahallojuvvon; sii ásse Jerusalemis.

29

8,29
9,35–39
Gibeona vuođđudeaddji Jeiel ásai Gibeonis; su áhká namma lei Maaka. 30Su bártnit ledje Abdon, vuosttašriegádeaddji, Sur, Kiš, Baal, Ner, Nadab, 31Gedor, Ahjo, Seker ja Miklot. 32Miklot sahkanahtii Šima. Vieljaideaset láhkái sii ásse Jerusalemis.

33

8,33
1 Sam 14,51
8,33 Ešbaal >2 Sam 2,8.Ner sahkanahtii Kiša, Kiš sahkanahtii Saula, Saul sahkanahtii Jonatana, Malkišua, Abinadaba ja Ešbaala. 348,34 Merib-Baal >2 Sam 4,4.Jonatana bárdni lei Merib-Baal, ja Merib-Baal sahkanahtii Mika. 35Mika bártnit ledje Piton, Melek, Tarea ja Ahas.

36Ahas sahkanahtii Joadda, ja Joadda sahkanahtii Alemeta, Asmaveta ja Simri. Simri sahkanahtii Mosa, 37ja Mosa sahkanahtii Bina. Su bárdni lei Rafa, su Elasa, su Asel. 38Aselis ledje guhtta bártni. Sin namat ledje Asrikam, vuosttašriegádeaddji, Ismael, Šearja, Asarja, Obadja ja Hanan; sii buohkat ledje Asela bártnit. 39Su vielja Ešeka bártnit ledje Ulam, vuosttašriegádeaddji, nubbi bárdni lei Jeuš ja goalmmátgis Elifelet. 40Ulama bártnit ledje jálus soahteolbmát, roahkkadis dávgebáhččit. Sis ledje ollu bártnit ja áddjubat, oktiibuot čuođivihttalogi. Sii buohkat ledje Benjamina nális.

9

Jerusalema ássit

91

9,1
2 Gon 24,15č
25,11
Ná buot israellaččat leat logahallojuvvon sogaid mielde, ja namat leat čállojuvvon Israela gonagasaid girjái. Juda ássit dolvojuvvojedje Babylonii oskkáldasmeahttunvuođaset dihte. 2Vuosttamuččat geat máhcce gávpogiiddáseaset ja opmodagaidasaset, ledje báhpat, levilaččat, tempelbálvaleaddjit ja eará israellaččat. 3
9,3
Neh 11,3–19
Jerusalemii ásse Juda, Benjamina, Efraima ja Manasse čearddaid olbmot.

4Juda čeardda olmmoš lei Utai, Ammihuda bárdni; su áddjá lei Omri, su áhčči Imri ja su áhčči Bani, gii lei Juda bártni Peresa nális. 5Seamma čerdii gulai šelalaš Asaja, áhčis vuosttašriegádeaddji, su bártnit 6ja serahlaš Jeuel. Juda čeardda olbmot ledje guhttačuođiovccilogi.

7Benjamina čeardda olbmot ledje Sallu gean áhčči lei Mešullam, Hassenua bártni Hodavja bárdni, 8Jibneja, Jerohama bárdni, Ela, Mikri bártni Ussi bárdni, ja Mešullam gean áhčči lei Šefatja, Jibnia bártni Reuela bárdni; 9dán čeardda olbmot ledje sohkalogahallamiid mielde ovccičuođi vihttalogiguhtta. Sii buohkat ledje bearrašiiddiset oaivámuččat.

10Báhpat: Jedaja, Jojarib, Jakin 11ja Asarja, Hilkia bárdni, Ipmila tempela hoavda; su áddjá lei Mešullam, su áhčči lei Sadok, su Merajot ja su Ahitub. 12Báhpaide gulle maid Adaja, Jerohama bárdni, gean áddjá lei Pašhur, Malkia bárdni, ja vel Masai, Adiela bárdni; su áddjá lei Jahsera, su áhčči Mešullam, su Mešillemot ja su Immer. 13Sii ledje oktiibuot duhátčiežačuođiguhttalogi, bearrašiiddiset oaivámuččat, buohkat dohkálaččat bálvalit Ipmila tempelis.

14Levilaččat: Šemaja, Haššuba bárdni. Su áddjá lei Asrikam, Hašabja bárdni Merari sogas; 15Bakbakkar, Hereš, Galal ja Mattanja, Mika bárdni, Asafa bártni Sikri áddjut; 16Obadja, Šemaja bárdni, Jedutuna bártni Galala áddjut, ja vel Berekja, Asa bárdni, Elkana áddjut, su gii ásai netofalaččaid giliin.

17Uksafávttat ledje Šallum, Akkub, Talmon ja Ahiman. Šallum lei sin oaivámuš, 189,18 Sii Šalluma nálli.ja sin fáktensadji lei dego ovdalge nuortta bealde, Gonagasa poartta guoras. Sii ledje fákten levilaččaid siidda.

19Šallum, Kore bárdni, Koraha bártni Ebjasafa áddjut, ja dat geat gulle su sohkii, korahlaččaide, bálvaledje goađi šielbmáfáktan. Sin áhčit ledje dolin fákten Hearrá siidda uvssa, 20

9,20
4 Mos 25,7–13
ja Pinehas, Elasara bárdni, lei dalle sin oaivámuš, ja Hearrá lei suinna.

21Sakarja, Mešelemja bárdni, lei almmustusgoađi uksafákta. 22

9,22
1 Sam 9,9eč
Dát geat ledje válljejuvvon fáktet šielmmáid, ledje guoktečuođiguoktenuppelohkái, ja sii ledje čállojuvvon sohkalogahallamiidda iežaset giliin. David ja oaidni Samuel leigga bidjan sin bálvalit bistevaččat. 23Sii ja sin bártnit fáktejedje vurrolagaid Hearrá viesu, goahteviesu, poarttaid. 24Uksafávttat fáktejedje njealji almmiguovllu – nuortti, oarjji, davi ja luli – beale poarttaid, 25ja sin soga olbmát galge boahtit giliineaset veahkehit sin vurrolagaid ain čieža beaivái. 269,26 Uksafávttaid njeallje oaivámučča Gč. v. 17.Uksafávttaid njeallje oaivámučča geat ledje levilaččat, bálvaledje bistevaččat. Sii atne fuola Ipmila viesu gámmáriin ja vuorkkáin. 27Sii idjadedje Ipmila tempela lahka, danin go sii galge fáktet dan ja rahpat poarttaid juohke iđida.

28Muhtumat sis atne fuola lihtiin mat adnojuvvojedje ipmilbálvalusas, ja sii galge lohkat daid álo go sii bukte daid ja go dolvo daid eret. 29Earátgis galge atnit fuola dábálaš lihtiin ja bassibáikki eará lihtiin ja geahččat bearrái nisojáffuid, viinni, oljju, suovvasiid ja hádjaávdnasiid. 30

9,30
2 Mos 30,25
Muhtun báhpaid bargun lei ráhkadit njálggahájat vuoidasiid. 31Levilaš Mattitjai, korahlaš Šalluma vuosttašriegádeaddjái, lei oskkilduvvon láibbi ráhkadeapmi, 32
9,32
3 Mos 24,5–9
ja muhtun levilaš Kehata soga olbmát galge geahččat bearrái oaffarláibbiid ja buktit daid ovdan juohke sabbaha. 33
9,33
9,14–16
Tempellávlut ledje levilaš bearrašiid oaivámuččat, ja sii ásse tempela gámmáriin, danin go sii bálvaledje beivviid ja ijaid.

34

9,34
9,14–32
Dát ledje levilaš bearrašiid oaivámuččat, buot oaivámuččat logahallojuvvon sohkalogahallamiid mielde. Sii ásse Jerusalemis.

Saula sohka

35

9,35
8,29–33
10,2
Gibeona vuođđudeaddji Jeiel ásai Gibeonis. Su áhká namma lei Maaka, 36ja su bártnit ledje Abdon, vuosttašriegádeaddji, Sur, Kiš, Baal, Ner, Nadab, 37Gedor, Ahjo, Sakarja ja Miklot. 38Miklot sahkanahtii Šimama. Sii ásse Jerusalemis ovttas vieljaideasetguin.

39Ner sahkanahtii Kiša, Kiš sahkanahtii Saula ja Saul sahkanahtii Jonatana, Malkišua, Abinadaba ja Ešbaala. 40Jonatana bárdni lei Merib-Baal, ja Merib-Baal sahkanahtii Mika. 41Mika bártnit ledje Piton, Melek, Tahrea ja Ahas.

42Ahas sahkanahtii Jara, ja Jara sahkanahtii Alemeta, Asmaveta ja Simri. Simri sahkanahtii Mosa, 43ja Mosa sahkanahtii Bina gean bárdni lei Refaja. Refaja bárdni lei Elasa ja Elasa bárdni lei Asel. 44Aselis ledje guhtta bártni: Asrikam, vuosttašriegádeaddji, Ismael, Šearja, Asarja, Obadja ja Hanan. Dát ledje Asela bártnit.