Davvisámegiel Biibbal 2019 (Biibbal)
5

Jordana nuorttabeale čearddat

51

5,1
1 Mos 35,22
Ja velá Rubena, Israela vuosttašriegádeaddji, bártnit. Ruben lei vuosttašriegádeaddji, muhto go son heahppášuhtii áhčis oađđinsaji, de su vuosttašriegádeami vuoigatvuohta addojuvvui Israela bártni Josefa bártniide, iige Ruben adnojuvvo vuosttašriegádeaddjin. 2
5,2
1 Mos 49,8eč
Juda lei fámoleamos vieljaidis gaskkas, ja sus surggiidii oaivámuš, muhto vuosttašriegádeami vuoigatvuohta gulai Josefii. 3
5,3
2 Mos 6,14
Israela vuosttašriegádeaddji Rubena bártnit ledje Henok, Pallu, Hesron ja Karmi. 4Joela bárdni lei Šemaja, su bárdni Gog, su Šimi, 5su Mika, su Reaja, su Baal 6
5,6
2 Gon 15,29
ja su Beera, gean Assyria gonagas Tiglat-Pileser doalvvui fáŋgavuhtii. Son lei dalle Rubena čeardda oaivámuš. 7Sohkalogahallamis ledje sogaid mielde namuhuvvon Jeiel gii lei oaivámuš, Sakarja 8
5,8
Jos 13,15–23
ja Bela gean áhčči lei Asas, Joela bártni Šema bárdni. Rubenlaččat ásse Aroeris ja gitta Nebo ja Baal-Meona rádjái. 9Nuorttas guvlui sis ledje siiddat dan meahci rádjái mii álgá Eufrateanu gáttis; sis ledje Gileadis ollu oamit. 10Saula áigge sii sohte hagarlaččaiguin, vuite sin ja ásse sin ássansajiide miehtá Gileada nuortaosiid.

11Gadlaččat ásse rubenlaččaid buohta Bašanis gitta Salka rádjái. 12Sin oaivámuš lei Joel, dasto Šafam ja de Janai, Bašana duopmár. 13Sin čearda juohkásii Mikaela, Mešullama, Šeba, Joraja, Jakana, Sia ja Ebera bearrašiidda. 14Dát čieža máttu ledje Abihajila, Huri bártni, bártnit; Abihajila áddjá lei Jaroah, su áhčči Gilead, su Mikael, su Ješišai, su Jahdo ja su Bus. 15Ahi, Abdiela bárdni, Guni áddjut, lei dáid bearrašiid oaivámuš. 16Sii ásse Gileadis ja Bašanis ja daid giliin ja buot Sarona guohtuneatnamiin nu guhkás go dat olle.

17

5,17
2 Gon 14,23
15,7
Sii čállojuvvojedje buohkat sohkalogahallamii dan áigge go Jotam lei Juda gonagassan ja Jeroboam Israela gonagassan.

18Rubenlaččat, gadlaččat ja Manasse čeardabealle ledje hárjánan soahteolbmát, geaid vearjun lei galba, miehkki ja dávgi. Sin soahteveagas ledje njealljeloginjealljeduhát čiežačuođiguhttalogi olbmá. 19Go sii soahttájedje hagarlaččaiguin ja Jeturiin, Nafišiin ja Nodabiin, 20de Ipmil veahkehii sin, ja nu sii vuite hagarlaččaid ja buohkaid geat ledje dahkan singuin lihtu. Soađis sii čurvo Ipmilii, ja son gulai sin rohkosa, danne go sii dorvvastedje sutnje. 21Sii válde vašálaččaideaset omiin vihttalogiduhát kamela, guoktečuođivihttalogiduhát sávzza ja guokteduhát ásena ja vel čuođiduhát olbmo. 22Olusat gahčče, danin go soahti lei Ipmila soahti. Dasto sii ásse dain eatnamiin maid ledje váldán, gitta dassážii go dolvojuvvojedje fáŋgavuhtii.

23Manasse čeardabealle ásai Bašanis gitta Baal-Hermona, Senira ja Hermonvári rádjái. Sii ledje eatnagat, 24ja sin bearrašiid oaivámuččat ledje Efer, Jiši, Eliel, Asriel, Jeremia, Hodavja ja Jahdiel. Sii buohkat ledje beakkán soahteolbmát ja bearrašiiddiset oaivámuččat. 25Dát olbmát goit hilgo áhčiideaset Ipmila ja bálvališgohte seammá ipmiliid go dat álbmogat, maid Ipmil lei duššadan sin ovddas. 26

5,26
2 Gon 15,29
17,6
5,26 Halah, Habor báikkit Mesopotamias; gč. 2 Gon 17,6.Danin Israela Ipmil gohccáhii Assyria gonagasas Pulas dahjege Tiglat-Pileseris jurdaga doalvut álbmoga fáŋgavuhtii, namalassii rubenlaččaid, gadlaččaid ja Manasse čeardabeale. Son doalvvui sin Halahii, Haborii ja Gosanjoga gáddái, ja doppe sii leat velá dálge.

6

Levi sohka

61

6,1
1 Mos 46,11
Levi bártnit ledje Geršom, Kehat ja Merari. 2Kehata bártnit ledje Amram, Jishar, Hebron ja Ussiel. 3
6,3
2 Mos 6,2023
Amrama mánát ledje Aron, Moses ja Mirjam. Arona bártnit ledje Nadab, Abihu, Elasar ja Itamar. 4Elasar sahkanahtii Pinehasa, ja Pinehas sahkanahtii Abišua. 5Abišua sahkanahtii Bukki, ja Bukki sahkanahtii Ussi. 6Ussi sahkanahtii Serahja, ja Serahja sahkanahtii Merajota. 7Merajot sahkanahtii Amarja, ja Amarja sahkanahtii Ahituba. 8
6,8
2 Sam 8,17
15,27
Ahitub sahkanahtii Sadoka, ja Sadok sahkanahtii Ahimaasa. 9Ahimaas sahkanahtii Asarja, ja Asarja sahkanahtii Johanana. 10
6,10
2 Muit 26,17eč
Johanan sahkanahtii Asarja. Asarja bálvalii báhppan tempelis maid Salomo huksii Jerusalemii.

11Asarja sahkanahtii Amarja, ja Amarja sahkanahtii Ahituba. 12Ahitub sahkanahtii Sadoka, ja Sadok sahkanahtii Šalluma. 13

6,13
2 Gon 22,4
Šallum sahkanahtii Hilkia, ja Hilkia sahkanahtii Asarja. 14Asarja sahkanahtii Seraja, ja Seraja sahkanahtii Josadaka. 15
6,15
2 Gon 25,11
Josadak gulai daidda olbmuide geaid Hearrá divttii Nebukadnesara doalvut fáŋgavuhtii dalle go son válddii Juda ja Jerusalema.

16Levi bártnit ledje Geršom, Kehat ja Merari. 17

6,17
2 Mos 6,17
Geršoma bártnit ledje Libni ja Šimi. 18Kehata bártnit ledje Amram, Jishar, Hebron ja Ussiel. 19Merari bártnit ledje Mahli ja Muši.

Dát leat levilaččaid sogat namahuvvon máttuideaset mielde:

20Geršoma bárdni lei Libni, su bárdni Jahat, su Simma, 21su Joah, su Iddo, su Serah ja su Jeotrai. 22

6,22
2 Mos 6,24
Kehata bárdni lei Amminadab, su bárdni Korah, su Assir, 23su Elkana, su Ebjasaf, su Assir, 24su Tahat, su Uriel, su Ussia ja su Saul. 25Elkana bártnit ledje Amasai ja Ahimot, 26Ahimota bárdni lei Elkana, su bárdni Sofai, su Nahat, 27
6,27
1 Sam 1,120
su Eliab, su Jeroham, su Elkana ja su Samuel. 28Samuela vuosttašriegádeaddji lei Joel, ja su nubbi bárdni lei Abia. 29Merari bárdni lei Mahli, su bárdni Libni, su Šimi, su Ussa, 30su Šima, su Haggia ja su Asaja.

Tempellávlut

31Dát leat dat geaid David bijai atnit fuola lávlumis Hearrá viesus, go árka lei biddjojuvvon dohko sadjásis. 32Ovdal go Salomo huksii Hearrá viesu Jerusalemii, de sii bálvaledje lávlun almmustusgoađi ovddas, ja sii doaimmahedje bálvalusaset nugo lei ásahuvvon.

33Dát leat dat geat bártniideasetguin atne fuola dán bálvalusas: Kehata sogas: Lávlun lei Heman, Joela bárdni; su áddjá lei Samuel, 34su áhčči Elkana, su Jeroham, su Eliel, su Toah, 35su Sif, su Elkana, su Mahat, su Amasai, 36su Elkana, su Joel, su Asarja, su Sefanja, 37su Tahat, su Assir, su Ebjasaf, su Korah, 38su Jishar, su Kehat, su Levi ja su Israel.

39Hemana olgeš bealde čuoččui su lávlunguoibmin Asaf, Berekja bárdni; su áddjá lei Šima, 40su áhčči lei Mikael, su Maaseja, su Malkia, 41su Etni, su Serah, su Adaja, 42su Etan, su Simma, su Šimi, 43su Jahat, su Geršom ja su Levi.

44Gurut bealde su lávlunguoibmin čuoččui Etan gii lei Merari nális. Etan lei Kiši bárdni; su áddjá lei Abdi ja su áhčči Malluk. 45Malluka áhčči lei Hašabja, su Amasja, su Hilkia, 46su Amsi, su Bani, su Šemer, 47su Mahli, su Muši, su Merari ja su Levi.

Eará levilaččat

48

6,48
4 Mos 3,9
8,19
Sin vieljat, eará levilaččat, ledje biddjojuvvon juohkelágán bálvalussii bassibáikkis, Ipmila viesus. 49Muhto dušše Aron ja su bártnit ožžo oaffaruššat oaffariid boaldinoaffaráltára ja suovasáltára alde. Sii doaimmahedje buot bargguid basimus boaššus ja soabahedje Israela suttuid, aiddo nugo Ipmila bálvaleaddji Moses lei gohččon. 50Arona bárdni lei Elasar, su bárdni Pinehas, su Abišua, 51su Bukki, su Ussi, su Serahja, 52su Merajot, su Amarja, su Ahitub, 53su Sadok ja su Ahimaas.

Levilaččaid gávpogat

54

6,54
Jos 21,10–19
Dát leat levilaččaid ássansajit ja siiddat mat sis ledje sin iežaset eatnamiin. Dat Arona nális geat gulle Kehata sohkii, 55ožžo árbeoassin Juda čeardda eatnamis Hebrona gávpoga ja guohtuneatnamiid dan birra, 56muhto gávpoga bealdoeatnamat ja dasa gullevaš gilit addojuvvojedje Kalebii, Jefunne bárdnái. 57Arona nállái addojuvvojedje dorvogávpogat Hebron, Libna, Jattir, Eštemoa, 58Hilen, Debir, 59Ašan ja Bet-Šemeš, buot oktan guohtuneatnamiiddisetguin. 60Benjamina čeardda eatnamiin sii ožžo Geba, Alemeta ja Anatota, buot oktan guohtuneatnamiiddisetguin. Arona nális ledje sogaideaset logu mielde oktiibuot golbmanuppelohkái gávpoga oktan daid guohtuneatnamiiguin.

61

6,61
Jos 21,5–8
Eará Kehata náli sogat ožžo vuorbádeamis logi gávpoga Manasse čeardabeales. 62Geršoma náli sogat ožžo golbmanuppelohkái gávpoga Isaskara čearddas, Ašera čearddas, Naftali čearddas ja Manasse čearddas Bašanis. 63Eará Merari náli sogat ožžo vuorbádeamis guoktenuppelohkái gávpoga Rubena, Gada ja Sebulona čearddain. 64Israellaččat adde levilaččaide dáid gávpogiid oktan daid guohtuneatnamiiguin. 65Sidjiide vuorbáduvvojedje Juda, Simeona ja Benjamina čearddain dat gávpogat mat dás leat namahuvvon. 66
6,66
Jos 21,20–39
Muhtin Kehata náli sogat ožžo gávpogiid Efraima čearddas. 67Sidjiide addojuvvojedje dát dorvogávpogat: Sikem Efraima várreeatnamis, Geser, 68Jokmeam, Bet-Horon, 69Ajalon ja Gat-Rimmon, buot oktan guohtuneatnamiiddisetguin. 70Manasse čeardabeales sidjiide addojuvvojedje Aner ja Bileam, guktot oktan guohtuneatnamiiddisetguin. Buot dáid Kehata náli sogat ožžo. 71Geršoma náli sogat ožžo Manasse čeardabeale eatnamiin Golana Bašanis oktan guohtuneatnamiiguin ja Aštarota oktan guohtuneatnamiiguin. 72Isaskara čeardda eatnamiin sii ožžo Kedeša, Daberata, 73Ramota ja Anema, buot oktan daid guohtuneatnamiiguin. 74Ašera čeardda eatnamiin sii ožžo Mašala, Abdona, 75Hukoka ja Rehoba, buot oktan daid guohtuneatnamiiguin. 76Naftali čeardda eatnamiin sii ožžo Kedeša Galileas ja vel Hammona ja Kirjatajima, buot oktan daid guohtuneatnamiiguin. 776,77 Eará Merari náli sogat eará levilaččat.Eará Merari náli sogat ožžo Sebulona čeardda eatnamiin Rimmona ja Tabora, guktuid oktan daid guohtuneatnamiiguin. 78Jordana nuorttabealde, Jeriko buohta, dat ožžo Rubena čeardda eatnamiin Besera mii lea meahcis, Jahsa, 79Kedemota ja Mefaata, buot oktan daid guohtuneatnamiiguin, 80ja vel Gada čeardda eatnamiin Ramota Gileadis, Mahanajima, 81Hešbona ja Jasera, buot oktan daid guohtuneatnamiiguin.

7

Isaskara sohka

71

7,1
1 Mos 46,13
4 Mos 26,23č
Isaskara njeallje bártni ledje Tola, Pua, Jašub ja Šimron. 2Tola bártnit ledje Ussi, Refaja, Jeriel, Jahmai, Jibsam ja Samuel. Sii ledje bearrašiiddiset oaivámuččat ja jálus soahteolbmát. Davida áigge sin lohku lei guoktelogiguokteduhát guhttačuođi. 3Ussi bárdni lei Jisrahja, ja su bártnitgis Mikael, Obadja, Joel ja Jiššia. Dát viđas ledje buohkat bearrašiiddiset oaivámuččat. 4Sohkalogahallamiid mielde sin sogain ledje golbmalogiguhttaduhát soahteolbmá; sis ledje oainnat ollu áhkát ja mánát. 5Maiddái eará isaskarlaččat ledje jálus soahteolbmát. Sohkalogahallamiin sii ledje oktiibuot gávccilogičiežaduhát olbmá.

6

7,6
1 Mos 46,21
4 Mos 26,38–41
1 Muit 8,1
Benjamina golbma bártni ledje Bela, Beker ja Jediael. 7Bela bártnit ledje Esbon, Ussi, Ussiel, Jerimot ja Iri; dát viđas ledje bearrašiiddiset oaivámuččat ja jálus soahteolbmát. Sohkalogahallamiin sii ledje guoktelogiguokteduhát golbmaloginjeallje olbmá. 8Bekera bártnit ledje Semira, Joaš, Elieser, Eljoenai, Omri, Jeremot, Abia, Anatot ja Alemet. Buot dát ledje Bekera bártnit, 9bearrašiiddiset oaivámuččat ja jálus soahteolbmát. Sohkalogahallamiid mielde sii ledje guoktelogiguokteduhát guoktečuođi olbmá. 10Jediaela bárdni lei Bilhan, ja Bilhana bártnit ledje Jeuš, Benjamin, Ehud, Kenaana, Setan, Taršiš ja Ahišahar. 11Buot dát Jediaela bártnit ledje bearrašiiddiset oaivámuččat ja jálus soahteolbmát. Sin nális ledje čiežanuppelohkáiduhát guoktečuođi soahteolbmá. 12Šufam ja Hufam ledje Ira bártnit, ja Hušim lei Ahera bárdni.

13

7,13
1 Mos 46,24
Naftali bártnit ledje Jahasiel, Guni, Jeser ja Šallum. Sii ledje Bilha nális.

14

7,14
4 Mos 26,29–3448–50
Manasse bártnit geaid su aramealaš liigeáhkká riegádahtii, ledje Asriel ja Makir gii šattai Gileada áhččin. 15Makir válddii áhkkán Hufama ja Šufama oappá gean namma lei Maaka. Makira nubbi bárdni lei Selofhad, geasa riegádedje dušše nieiddat. 16Maaka, Makira áhkká, riegádahtii bártni ja gohčodii su Perešin; Pereša vielja namma lei Šereš, ja su bártnit ledje Ulam ja Rekem. 17Ulama bárdni lei Bedan. Dát lei Gileada, Makira bártni, Manasse áddjuba, nálli. 18Su oabbá Hammoleket riegádahtii Išhoda, Abiesera ja Mahla. 19Šemida bártnit ledje Ahjan, Šekem, Likhi ja Aniam.

20

7,20
4 Mos 26,35–37
Efraima bárdni lei Šutelah, su bárdni Bered, su Tahat, su Elada, su Tahat, 21su Sabad ja su Šutelah. Efraima bártnit ledje maiddái Eser ja Elad. Soai gottáhalaiga muhtun gatlaš olbmáide geat ledje riegádan dan eatnamis, go soai leigga vuolgán rievidit sin omiid. 22Sudno áhčči Efraim moraštii bártnisguoktá guhká, ja su fuolkkit bohte jeđđet su. 237,23 Beria Namma sulastahttá sáni mii mearkkaša “lihkohisvuođas”.De son fas veallái áhkáinis gii šattai áhpeheapmin ja riegádahtii bártni. Efraim bijai bárdnái namman Beria, dainna go son lei riegádan su bearraša lihkuhisvuođa áigge. 24Su nieida lei Šeera gii huksii Vuolit ja Bajit Bet-Horona ja Ussen Šeera. 25Beria bárdni lei Refah, su Rešef, su Telah, su Tahan, 26su Ladan, su Ammihud, su Elišama, 27su Nun ja su Josua. 28Sin opmodagat ja ássanbáikkit ledje Betel ja dan birasbáikkit, nuortan Naaran, oarjin Geser ja dan birasbáikkit ja vel Sikem ja dan birasbáikkit gitta Aja ja dan birasbáikkiid rádjái. 29Manasse čearda hálddašii Bet-Šeana, Taanaka, Megiddo ja Dora ja buot daid birasbáikkiid. Dáin gávpogiin ásai Josefa, Israela bártni, nálli.

30

7,30
1 Mos 46,17
4 Mos 26,44–47
Ašera bártnit ledje Jimna, Jišva, Jišvi ja Beria. Sin oabbá lei Serah. 31Beria bártnit ledje Heber ja Malkiel gii šattai Birsajita áhččin. 32Heber sahkanahtii Jafleta, Šemera ja Hotama. Sin oabbá lei Šua. 33Jafleta bártnit ledje Pasak, Bimhal ja Ašvat. 34Šemera bártnit ledje Rohga, Hubba ja Aram. 35Su vielja Hotama bártnit ledje Sofah, Jimna, Šeleš ja Amal. 36Sofaha bártnit ledje Suah, Harnefer, Šual, Beri, Jimra, 37Beser, Hod, Šamma, Šilša, Jitran ja Beera. 38Jetera bártnit ledje Jefunne, Pispa ja Ara. 39Ulla bártnit ledje Arah, Hanniel ja Risja. 40Buot dát ledje Ašera nális, bearrašiiddiset oaivámuččat, jálus válljosoahteolbmát, njunnošat oaivámuččaid gaskkas. Sohkalogahallamiid mielde Ašera čearddas ledje guoktelogiguhttaduhát soahteolbmá.