Davvisámegiel Biibbal 2019 (Biibbal)
2

Juda sohka

21

2,1
1 Mos 35,23–26
Dát ledje Israela bártnit: Ruben, Simeon, Levi, Juda, Isaskar, Sebulon, 2Dan, Josef, Benjamin, Naftali, Gad ja Ašer.

3

2,3
1 Mos 38
Juda bártnit ledje Er, Onan ja Šela. Dán golbmasa riegádahtii sutnje Bat-Šua, kanaanlaš nisson. Muhto Juda vuosttašriegádeaddji Er dagai dan mii lea bahá Hearrá čalmmiin, ja Hearrá divttii su jápmit. 4Tamar, Juda mannji, riegádahtii Judai Peresa ja Seraha, ja nu Judas ledje oktiibuot vihtta bártni.

5

2,5
1 Mos 46,12
Peresa bártnit ledje Hesron ja Hamul. 62,6 Simri nubbi namma lea Sabdi. Gč. Jos 7,1.Serahis ledje vihtta bártni: Simri, Etan, Heman, Kalkol ja Darda.

7

2,7
Jos 7,1eč
Karmi bárdni lei Akar gii dagahii Israelii lihkuhisvuođa, danin go son válddii dakkára mii lei vihahuvvon duššadeapmái. 8Etana bárdni lei Asarja.

92,9 Kelubai nubbi namma lea Kaleb, v. 18 ja 42; gč. Jos 14,6.Hesrona bártnit ledje Jerahmeel, Ram ja Kelubai. 10Ram sahkanahtii Amminadaba, ja Amminadab sahkanahtii Nahšona, Juda čeardda ráđđejeaddji. 11Nahšon sahkanahtii Salma, ja Salma sahkanahtii Boasa. 12Boas sahkanahtii Obeda, ja Obed sahkanahtii Isaja. 13

2,13
1 Sam 16,6–13
Isaja vuosttašriegádeaddji lei Eliab; su nubbi bárdni lei Abinadab, goalmmát Šima, 14njealját Netanel, viđát Raddai, 15guđát Osem ja čihččet David. 16
2,16
2 Sam 17,25
Sin oappát ledje Seruja ja Abigajil. Serujas ledje golbma bártni, Abišai, Joab ja Asael. 17Abigajil riegádahtii Amasa, gean áhčči lei ismaellaš Jeter.

18Kalebii, Hesrona bárdnái, ja su áhkkái Asubai riegádii nieida gean namma lei Jeriot. Jeriota bártnit ledje Ješer, Šobab ja Ardon. 19Go Asuba jámii, de Kaleb válddii áhkkán Efrata, gii riegádahtii sutnje Hura. 20

2,20
2 Mos 31,2č
Hur sahkanahtii Uri, ja Uri sahkanahtii Besalela.

21Dasto Hesron válddii áhkkán Gileada áhči Makira nieidda. Hesron lei guhttalogijahkásaš go válddii Makira áhkkán, ja Makira riegádahtii sutnje Seguba. 22

2,22
Duop 10,3č
Segub sahkanahtii Jaira. Jair hálddašii guoktelogigolbma gávpoga Gileadis, 23muhto Gešur ja Aram válde Gileadis Havvot Jaira ja Kenata ja dan birasbáikkiid, oktiibuot guhttalogi gili. Buot dát ledje gullan Makira, Gileada áhči, bártniide.

242,24 Tekoa áhči “Áhčči” sáhttá dán kapihttalis ja 4. kapihttalis maiddái jorgaluvvot sániin “vuođđudeaddji”.Go Hesron lei jápmán, de Kaleb válddii áhkkán Efrata, áhčis Hesrona leaskka, ja son riegádahtii Kalebii Ašhura, Tekoa áhči. 25Hesrona vuosttašriegádeaddji Jerahmeela bártnit ledje Ram, vuosttašriegádeaddji, Buna, Oren, Osem ja Ahia. 26Jerahmeelis lei maiddái nubbi áhkká, Atara, gii lei Onama eadni. 27Jerahmeela vuosttašriegádeaddji Rama bártnit ledje Maas, Jamin ja Eker. 28Onama bártnit ledje Šammai ja Jada. Šammaja bártnit ledje Nadab ja Abišur. 29Abišura áhká namma lei Abihajil. Son riegádahtii Abišurii Ahbana ja Molida. 30Nadaba bártnit ledje Seled ja Appajim. Seled jámii mánáheapmin, 31Appajima bárdni lei Jiši. Jiši bárdni lei Šešan, ja Šešana bárdni lei Ahlai. 32Šammaja vielja Jada bártnit ledje Jeter ja Jonatan. Jeter jámii mánáheapmin, 33Jonatana bártnit ledje Pelet ja Sasa. Buot dát ledje Jerahmeela nális.

34Šešanis eai lean bártnit, dušše nieiddat. Sus lei egyptalaš šlávva gean namma lei Jarha. 35Šešan attii Jarhai nieiddas áhkkán. Son riegádahtii sutnje Attaja. 36Attai sahkanahtii Natana, ja Natan sahkanahtii Sabada. 37Sabad sahkanahtii Eflala, ja Eflal sahkanahtii Obeda. 38Obed sahkanahtii Jehu, ja Jehu sahkanahtii Asarja. 39Asarja sahkanahtii Helesa, ja Heles sahkanahtii Elasa. 40Elasa sahkanahtii Sismaja, ja Sismai sahkanahtii Šalluma. 41Šallum sahkanahtii Jekamja, ja Jekamja sahkanahtii Elišama.

42

2,42
2,9
Kalebis, Jerahmeela vieljas, lei bárdni Meša, su vuosttašriegádeaddji, Sifa áhčči. Meša bárdni lei Mareša, Hebrona áhčči. 43Hebrona bártnit ledje Korah, Tappuah, Rekem ja Šema. 44Šema sahkanahtii Rahama, Jorkoama áhči, ja Rekem sahkanahtii Šammaja. 45Šammaja bárdni lei Maon, ja Maon šattai Bet-Sura áhččin. 46Kaleba liigeáhkká Efa riegádahtii Harana, Mosa ja Gasesa, ja Haran sahkanahtii Gasesa. 47Johdaja bártnit ledje Regem, Jotam, Gešan, Pelet, Efa ja Šaaf. 48Kaleba liigeáhkká Maaka riegádahtii Šebera ja Tirhana. 49Son riegádahtii maiddái Šaafa, Madmanna áhci, ja Ševa, Makbena ja Gibea áhči. Kaleba nieida lei Aksa. 50Dát ledje Kaleba nális. Efrata vuosttašriegádeaddji Hura bártnit ledje Šobal, Kirjat-Jearima áhčči, 51Salma, Betlehema áhčči, ja Haref, Bet-Gadera áhčči. 522,52 Reaja masorehtalaš teavsttas lea “Haroe”.Šobala, Kirjat-Jearima áhči, nális lei maid Reaja ja bealli manahatlaččain. 53Sogat mat surggiidedje Kirjat-Jearimis, ledje jeterlaččat, putlaččat, šumalaččat ja mišralaččat, ja sis surggiidedje soralaččat ja eštaollaččat.

54Salma, Betlehema áhči, nális ledje netofalaččat, Atrot Bet-Joab ja bealli manahatlaččain, namalassii soralaččat 55ja seferlaččaid sogat mat ásse Jabesis: Tiralaččat, šimalaččat ja sukalaččat. Dát ledje dat kenlaččat geat surggiidedje Hammatis, Rekaba soga máttus.

3

Davida sohka

31

3,1
2 Sam 3,2–5
3,1 Daniel Abigajila bártni nubbi namma lea Kilab, gč. 2 Sam 3,3.Hebronis Davidii riegádedje Davidii guhtta bártni. Vuosttašriegádeaddji lei Amnon gean eadni lei jisreellaš Ahinoam, nubbi Daniel gean eadni lei karmellaš Abigajil, 2goalmmát Absalom gean eadni lei Gešura gonagasa Talmaja nieida Maaka, njealját Adonia gean eadni lei Haggit, 3viđát Šefatja gean eadni lei Abital, ja guđát Jitream gean eadni lei Davida áhkká Egla. 4Dát guhtta bártni riegádedje sutnje Hebronis gos son ráđđii čieža jagi ja guhtta mánu. Jerusalemis son ráđđii golbmalogigolbma jagi.

5

3,5
2 Sam 5,14–16
Jerusalemis Davidii riegádedje Šima, Šobab, Natan ja Salomo – dán njealljása eadni lei Ammiela nieida Bat-Šua – 6ja ovcci eará bártni: Jibhar, Elišua, Elifelet, 7Nogah, Nefeg, Jafia, 8Elišama, Eljada ja Elifelet.

9

3,9
2 Sam 13,1
Dát buohkat ledje Davida bártnit, earret daid bártniid geaid liigeáhkát riegádahtte. Sis lei oabbá, Tamar.

10

3,10
1 Gon 11,43
Salomo bárdni lei Rehabeam, su bárdni lei Abia, su Asa, su Jošafat, 11su Joram, su Ahasja, su Joaš, 12su Amasja, su Asarja, su Jotam, 13su Ahas, su Hiskia, su Manasse, 14su Amon ja su Jošia. 153,15 Šallum nubbi namma lea Joahas, vrd. 2 Gon 23,30č.Jošia bártnit ledje Johanan, vuosttašriegádeaddji, nubbi Jojakim, goalmmát Sidkia ja njealját Šallum. 16Jojakima bártnit ledje Jekonja ja Sidkia.

17Jekonjas gii elii fáŋgavuođas, ledje bártnit Šealtiel, 18Malkiram, Pedaja, Šenassar, Jekamja, Hošama ja Nedabja. 193,19 Serubbabel eará Boares Testamentta girjjiin Šealtiel adnojuvvo Serubbabela áhččin. Vrd. Hag 1,1; 2,23; Esra 3,2.8; Neh 12,1.Pedaja bártnit ledje Serubbabel ja Šimi. Serubbabela bártnit ledje Mešullam ja Hananja – sudno oabbá lei Šelomit – 20ja eará vihtta bártni Hašuba, Ohel, Berekja, Hasadja ja Jušab-Hesed. 21Hananja bártnit ledje Pelatja, Jesaja, Refaja, Arnan, Obadja ja Šekanja. 22Šekanja bártnit ledje guhtta: Šemaja, Hattuš, Jigal, Bariah, Nearja ja Šafat. 23Nearja bártnit ledje golbma: Eljoenai, Hiskia ja Asrikam. 24Eljoenaja bártnit ledje čieža: Hodavja, Eljašib, Pelaja, Akkub, Johanan, Delaja ja Anani.

4

Juda sohkalogahallan joatkása

41

4,1
2,3eč
Juda bártnit ledje Peres, Hesron, Karmi, Hur ja Šobal. 2Šobala bárdni Reaja sahkanahtii Jahata, ja Jahat sahkanahtii Ahumai ja Lahada. Dát ledje soralaččaid sogat.

3Dát leat Etama bártnit: Jisreel, Jišma ja Jidbaš – sin oappá namma lei Haslelponi – 44,4 Penuel, Gedora áhčči >2,24.ja Penuel, Gedora áhčči ja Eser, Huša áhčči. Dát ledje Hura, Efrata vuosttašriegádeaddji ja Betlehema áhči, bártnit.

5Ašhuris, Tekoa áhčis, ledje guokte áhká, Hela ja Naara. 6Naara riegádahtii sutnje Ahussama, Hefera, Temni ja Ahaštara. Dát ledje Naara bártnit. 7Hela bártnit ledje Seret, Sohar, Etnan ja Kos. 8Kos sahkanahtii Anuba ja Hassobeba ja lei daid sogaid máddu mat surggiidedje Aharhelis, Haruma bártnis.

94,9 Jabes Namma čatnasa hebreagiel sátnái mii mearkkaša “bávččas”.Jabes adnojuvvui alit árvvus go su vieljat. Su eadni gohčui su Jabesin ja dajai: “Mun riegádahtten su bákčasiin.” 10Jabes čuorvvui Israela Ipmila ja dajai: “Vare don buressivdnidivččet mu ja viiddidivččet mu eatnama, divttášit iežat gieđa doarjut mu ja vealtadivččet mu lihkuhisvuođas ja bákčasis.” Ja Ipmil ollašuhtii dan maid son ánuhii.

11Kelub, Šuha viellja, sahkanahtii Mehira, Eštona áhči. 12Ešton sahkanahtii Bet-Rafa, Paseaha ja Tehinna, Ir-Nahaša áhči. Dát ledje rekalaččat.

13Kenasa bártnit ledje Otniel ja Seraja, ja Otniela bártnit ledje Hatat ja Meonotai. 14Meonotai sahkanahtii Ofra, ja Seraja sahkanahtii Joaba, Ge-Harašima soga máttu; sii ledje duojárat. 15Kaleba, Jefunne bártni, bártnit ledje Ir, Ela ja Naam, ja Ela bárdni lei Kenas.

16Jehallelela bártnit ledje Sif, Sifa, Tirja ja Asarel.

17Esra bártnit ledje Jeter, Mered, Efer ja Jalon. Jeter sahkanahtii Mirjama, Šammaja ja Jišbaha, Eštemoa áhči. 184,18 bártnit Bártniid namat váilot.Su áhkká gii gulai Juda čerdii, riegádahtii Jereda, Gedora áhči, Hebera, Soko áhči, ja Jekutiela, Sanoaha áhči. Meredis ledje bártnit maiddái farao nieiddain Bitjain, gean son lei váldán áhkkán. 19Hodia lei váldán áhkkán Nahama oappá, ja su bártnit ledje garemlaš Delia, Keila áhčči, ja maakalaš Eštemoa.

20Šimona bártnit ledje Amnon, Rinna, Ben-Hanan ja Tilon. Jiši bárdni lei Sohet.

214,21 liidnegođđiid sogat láigi ja liidni.Juda bártni Šela nális ledje Er, Leka áhčči, Lada, Mareša áhčči, ja Bet-Ašbea liidnegođđiid sogat, 22ja maiddái Jokim ja Koseba olbmát ja Joaš ja Saraf geat ledje ássan Moabis ja dasto máhccan Betlehemii. Dát leat dološ muitalusat. 23Sii ledje láirálihttedahkkit. Sii ásse Netaimis ja Gederas ja barge gonagasa bálvaleaddjin.

24

4,24
1 Mos 46,10
Simeona bártnit ledje Nemuel, Jamin, Jarib, Serah ja Saul. 25Saula bárdni lei Šallum, su bárdni Mibsam ja su Mišma. 26Mišma bártnit ledje Hammuel, Sakkur ja Šimi. 27Šimis ledje guhttanuppelohkái bártni ja guhtta nieidda, muhto su vieljain eai lean máŋga máná. Danin sin sohka ii šaddan nu stuorisin go Juda sohka. 28
4,28
Jos 19,1–8
Sii ásse Beer Šebas, Moladas ja Hasar Šualis, 29Bilhas, Esemis ja Toladis, 30Betuelis, Hormas ja Siklagis, 31Bet-Markabotis, Hasar Susimis, Bet-Biris ja Šaarajimis. Dát ledje sin gávpogat gitta dassážii go David šattai gonagassan, 32ja sin ledje maiddái daid birasbáikkit. Sii ásse maiddái Etamis, Ajinis, Rimmonis, Tokenis ja Ašanis, dán viđa gávpogis, 33ja buot dain báikkiin mat ledje daid gávpogiid birra, gitta Baala rádjái. Dát ledje sin ássanbáikkit, ja dát lei sin sohkalogahallan. 34Mešobab, Jamlek ja Joša, Amasja bárdni, 35Joel, Jehu – su áhčči lei Jošibja, su Seraja, su Asiel; 36viidáseappot Eljoenai, Jaakoba, Ješohaja, Asaja, Adiel, Jesimiel, Benaja 37ja Sisa – su áhčči lei Šifi, su áhčči Allon, su Jedaja, su Šimri, su Šemaja. 38Dás namahuvvon olbmát ledje sogaideaset oaivámuččat, ja sin bearrašat sturro sakka. 39Danin sii vulge Gedora guvlui, leagi nuorttabeallái, ohcat guohtuneatnamiid smávvaomiidasaset. 40Doppe sii gávdne šattolaš ja buriid guohtuneatnamiid. Eanan lei viiddis, ja doppe lei jaskat ja muossái. Dat geat ásse doppe ovdal, ledje hamlaččat.

41

4,41
2 Gon 18,1
4,41 Dat geaid … čállojuvvon vrd. v. 34–37. duššadedje vihahit duššadeapmái.Dat geaid namat leat dása čállojuvvon, bohte dan áigge go Hiskia lei Juda gonagassan, ja sii billistedje hamlaččaid gođiid ja ássanbáikkiid mat doppe ledje. Sii duššadedje sin ja ásse sin eatnamii, danin go doppe lei guohtuneanan smávvaomiide. 42Muhtumat sis, vihttačuođi Simeona čeardda olbmá, manne Seira várreeatnamii, ja sin njunnošis ledje Jiši bártnit Pelatja, Nearja, Refaja ja Ussiel. 43Sii duššadedje maŋimus amaleklaččaid bázahasa ja ásset doppe veláge.