Davvisámegiel Biibbal 2019 (Biibbal)
26

Uksafávttat. Levilaččaid eará barggut

261

26,1
2 Muit 8,14
Uksafávttaid juhkosat ledje dát: Korahlaččain lei Mešelemja, Kore bárdni Asafa sogas. 2Mešelemja bártnit ledje Sakarja, vuosttašriegádeaddji, nubbi Jediael, goalmmát Sebadja, njealját Jatniel, 3viđát Elam, guđát Johanan ja čihččet Eljoenai.

4Obed-Edoma bártnit ledje Šemaja, vuosttašriegádeaddji, nubbi Josabad, goalmmát Joah, njealját Sakar, viđát Netanel, 5guđát Ammiel, čihččet Isaskar ja gávccát Peulletai. Ná Ipmil lei buressivdnidan su. 6Su bárdnái Šemajaige riegádedje bártnit geat šadde sogaideaset oaivámužžan, danne go sii ledje ábas olbmát. 7Šemaja bártnit ledje Otni, Refael, Obed ja Elsabad ja su vieljat Elihu ja Semakja, ábas olbmát. 8Obed-Edoma bártnit ja sin bártnit ja fuolkkit ledje oktiibuot guhttalogiguokte, buohkat ábas olbmát ja dohkálaččat bálvalussii. 9Mešelemja bártnit ja fuolkkit, ábas olbmát, ledje oktiibuot gávccinuppelohkái.

10Hosas, gii lei Merari náli olmmoš, ledje maid bártnit. Šimri lei oaivámuš; vaikko son ii leange vuosttašriegádeaddji, de su áhčči lei dahkan su oaivámužžan. 11Hilkia lei nubbi, Tebalja goalmmát ja Sakarja njealját. Hosa bártnit ja fuolkkit ledje oktiibuot golbmanuppelohkái.

12Dáidda uksafávttaid juhkosiidda bálvalanvuorut ledje biddjojuvvon olmmáilogu mielde. Fávttat galge bálvalit Hearrá tempelis vieljaideaset láhkái. 13

26,13
24,31
25,8
Sii vuorbádedje poarttaid gaskaneaset, ja vuorbádeamis uhca ja stuorra sogat ledje ovttaveardásaččat. 14Nuorttabeale poarta bođii Šelemja oassin. De vuorbáduvvui maid su bárdnái Sakarjai gii lei ráđđás olmmái, ja su oassin bođii davábeale poarta. 15Obed-Edoma oassin bođii lulábeale poarta, ja su bártniid oassin bohte vuorkáviesut. 1626,16 Šalleketpoarta tempelmuvrra poarta.Suppima ja Hosa oassin bođii oarjjabeale poarta ja Šalleketpoarta man buohta geaidnu badjána vieltti. Fáktenbarggut juhkkojuvvojedje ná: 17Nuorttabealde čužžo juohke beaivvi guhtta olbmá, davábealde juohke beaivvi njeallje, lulábealde juohke beaivvi njeallje ja goappáge vuorkáviesu guoras ain guokte olbmá. 18Lassevistti luhtte oarjjabealde čužžo njeallje olbmá geaidnoguoras ja guokte aitto vistti luhtte. 19Dát ledje Koraha ja Merari sogaid uksafávttaid juhkosat.

20Muhtumat dáid levilaččaid vieljain ledje biddjojuvvon gozihit Ipmila viesu dávviriid ja basuhuvvon attáldagaid. 21Geršonlaš Ladana nális Jehiela bártnit ledje Ladana soga oaivámuččat. 22Jehiela bártniin guovttis, Setam ja su viellja Joel, leigga biddjojuvvon gozihit Hearrá tempela dávviriid. 23Eará dávvirgoziheaddjit ledje Amrama, Jishara, Hebrona ja Ussiela sogain. 24Dávvirgoziheddjiid oaivámužžan lei Šubael gii lei Geršoma, Mosesa bártni, nális. 25Geršoma vielja Eliesera bárdni lei Rehabja, su bárdni Jesaja, su Joram, su Sikri ja su Šelomot. 26Šelomot lei ovttas vieljaidisguin biddjojuvvon gozihit daid dávviriid maid gonagas David, sohkaoaivámuččat, duháhaoaivámuččat, čuohtásaoaivámuččat ja soahteveaga oaivámuččat ledje basuhan Hearrái. 27Dát attáldagat ledje oassi soahtesállašis maid sii ledje basuhan Hearrá tempela várás. 28

26,28
1 Sam 9,911
1 Muit 9,22
Šelomot oktan vieljaidisguin maiddái gozihii buot maid oaidni Samuel, Saul, Kiša bárdni, Abner, Nera bárdni, ja Joab, Seruja bárdni, ledje basuhan Hearrái, buot bassi attáldagaid.

29Jishara soga olmmoš Kenanja ja su bártnit eai biddjojuvvon tempelbálvalussii, muhto sii šadde israellaččaid hoavdan ja duopmárin. 30Hebrona soga olmmoš Hašabja ja su fuolkkit, duhátčiežačuođi ábas olbmá, biddjojuvvojedje atnit fuola buotlágán Hearrá bargguin ja gonagasa hálddahusáššiin Israelis Jordana oarjjabealde. 31Hebrona sohkii gulai maid Jeria gii lei hebronlaččaid oaivámuš. Davida njealljelogát ráđđenjagi sin sohkalogahallan guorahallojuvvui sogaid mielde, ja dalle gávnnahuvvui ahte Gileada Jaseris ledje gelbbolaš olbmát geat gulle dán sohkii. 32Gonagas David bijai Jeria ja su soga olbmáid, guokteduhát čiežačuođi gelbbolaš olbmá geat ledje bearrašiiddiset oaivámuččat, hálddašit Rubena ja Gada čearddaid ja Manasse čeardabeale ja atnit dan guovllus fuola buot Ipmila ja gonagasa áššiin.

27

Soahteveaga ja čearddaid oaivámuččat

271Dás leat logahallojuvvon israellaččaid sohkaoaivámuččat, duháha- ja čuohtásaoaivámuččat ja hoavddat geat bálvaledje gonagasa ja atne fuola soahteveagajuhkosiin. Dát juhkosat bálvaledje vurrolagaid mánu ain hávil, ja guđege juhkosis ledje guokteloginjealljeduhát olbmá.

2

27,2
2 Sam 23,8eč
Vuosttaš juhkosa mii bálvalii vuosttaš mánus, jođihii Jišbaal, Sabdiela bárdni; su juhkosis ledje guokteloginjealljeduhát olbmá. 3Son lei Peresa soga olmmoš, ja vuosttaš mánus son lei iežas juhkosis buot oaivámuččaid hoavda.

4Ahoahlaš Dodai jođihii dan juhkosa mii bálvalii nuppi mánus; su juhkosis ledje guokteloginjealljeduhát olbmá, ja Miklot lei okta jođiheddjiin.

5Benaja, bajimusbáhppa Jojada bárdni, jođihii dan juhkosa mii bálvalii goalmmát mánus; su juhkosis ledje guokteloginjealljeduhát olbmá. 6

27,6
2 Sam 23,22eč
27,6 golbmalohkása >2 Sam 23,18.Benaja lei okta dan golmmalogi soahtesáŋgáris. Go son šattai dan golbmalohkása oaivámužžan, de su juhkosa jođiheaddjin šattai su bárdni Ammisabad.

7

27,7
2 Sam 2,18
Njealjádin, njealját mánus, lei Asael, Joaba viellja, ja su maŋŋil su bárdni Sebadja; su juhkosis ledje guokteloginjealljeduhát olbmá.

8Viđádin, viđát mánus, lei oaivámužžan Šamhut, Seraha soga olmmoš; su juhkosis ledje guokteloginjealljeduhát olbmá.

9Guđádin, guđát mánus, lei tekoahlaš Ira, Ikkeša bárdni; su juhkosis ledje guokteloginjealljeduhát olbmá.

10Čihččedin, čihččet mánus, lei peletlaš Heles, Efraima čeardda olmmoš; su juhkosis ledje guokteloginjealljeduhát olbmá.

11

27,11
2 Sam 21,18
Gávccádin, gávccát mánus, lei husalaš Sibbekai, Seraha soga olmmoš; su juhkosis ledje guokteloginjealljeduhát olbmá.

12Ovccádin, ovccát mánus, lei anatotlaš Abieser, Benjamina čeardda olmmoš; su juhkosis ledje guokteloginjealljeduhát olbmá.

13Logádin, logát mánus, lei netofalaš Mahrai, Seraha soga olmmoš; su juhkosis ledje guokteloginjealljeduhát olbmá.

14Oktanuppelogádin, oktanuppelogát mánus, lei piratonlaš Benaja, Efraima čeardda olmmoš; su juhkosis ledje guokteloginjealljeduhát olbmá.

15Guoktenuppelogádin, guoktenuppelogát mánus, lei netofalaš Heldai, Otniela soga olmmoš; su juhkosis ledje guokteloginjealljeduhát olbmá.

16Israela čearddaid oaivámuččat: Rubena čeardda oaivámuš lei Elieser, Sikri bárdni, Simeona čeardda oaivámuš lei Šefatja, Maaka bárdni, 17Levi čeardda oaivámuš lei Hašabja, Kemuela bárdni, Arona soga oaivámuš lei Sadok, 18Juda čeardda oaivámuš lei Elihu, Davida viellja, Isaskara čeardda oaivámuš lei Omri, Mikaela bárdni, 19Sebulona čeardda oaivámuš lei Jišmaja, Obadja bárdni, Naftali čeardda oaivámuš lei Jerimot, Asriela bárdni, 20Efraima čeardda oaivámuš lei Hosea, Asasja bárdni, Manasse nuppi čeardabeale oaivámuš lei Joel, Pedaja bárdni, 21Manasse nuppi čeardabeale oaivámuš, dan mii lei Gileadis, lei Jiddo, Sakarja bárdni, Benjamina čeardda oaivámuš lei Jaasiel, Abnera bárdni, 22ja Dana čeardda oaivámuš lei Asarel, Jerohama bárdni. Dát ledje Israela čearddaid oaivámuččat.

23

27,23
1 Mos 15,5
5 Mos 10,22
David ii lohkan daid geat ledje vuollil guoktelogijahkásaččat; sii ledje eatnat, danin go Hearrá lei lohpidan dahkat israellaččaid eatnagin dego almmi násttit. 24
27,24
2 Sam 24,15
Joab, Seruja bárdni, lei gal álggahan lohkama, muhto ii ollašuhttán dan, danin go Ipmila moarri deaividii Israela. Dan dihte álbmoga olmmošlohku ii leat čállojuvvon gonagas Davida muitalusaid girjái.

25Asmavet, Adiela bárdni, gozihii gonagasa vuorkkáid, ja Jonatan, Ussia bárdni, gozihii daid vuorkkáid mat ledje meahcis, gávpogiin, giliin ja ladnetoartnain. 26Esri, Keluba bárdni, gozihii bealdobargiid, 27ramalaš Šimi viidnegárddiid, šefamlaš Sabdi viidnevuorkkáid, 28gederlaš Baal Hanan Šefela oliivamuoraid ja meahccefiikonmuoraid ja Joaš oljorádjosiid. 29Saronlaš Šitrai gozihii stuorraomiid mat guhto Saronis, ja Šafat, Adlaja bárdni, stuorraomiid mat guhto legiin, 30ismaellaš Obil kamelaid, meronotlaš Jehdeja áseniid 31ja hagarlaš Jasis smávvaomiid. Sii buohkat ledje gonagas Davida opmodaga goziheaddjin.

32Davida ráđđeaddin lei su áhči viellja Jonatan, jierpmálaš olmmái ja gonagasa čálli, ja gonagasa bártniid bagadeaddjin lei Jehiel, Hakmona bárdni. 33

27,33
2 Sam 15,12
Maiddái Ahitofel lei gonagasa ráđđeaddin, ja ereklaš Hušai lei gonagasa lagamus olmmái. 34
27,34
2 Sam 8,16
Ahitofela maŋŋil ráđđeaddin leigga Jojada, Benaja bárdni, ja Ebjatar. Gonagasa soahteveagaoaivámužžan lei Joab.

28

Davida rávvagat tempelhuksema várás

281

28,1
1 Gon 8,17–21
1 Muit 17,1–1522,7–10
David rávkkai Jerusalemii buot Israela oaivámuččaid, čeardaoaivámuččaid, daid juhkosiid oaivámuččaid geat ledje gonagasa bálvalusas, duháha- ja čuohtásaoaivámuččaid, gonagasa ja su bártniid opmodaga ja omiid goziheddjiid ja vel hoavvaolbmáid, soahtesáŋgáriid ja buot roahkkadis soahteolbmáid. 2Gonagas David čuožžilii ja sártnui:

“Mu vieljat ja mu álbmot, gullet mu! Mun áigon hukset tempela Hearrá lihtuárkka ássansadjin ja Ipmileamet julggiid vuolušin, ja mun ledjen juo ráhkkanahttigoahtán huksema. 3

28,3
1 Gon 5,3
Muhto Ipmil celkkii munnje: ‘Don it oaččo hukset munnje tempela, dainna go don leat soahtan ollu ja golggahan ollu vara.’ 4
28,4
1 Mos 49,10
1 Sam 16,1–13
Hearrá, Israela Ipmil, lea goit áhččán bearrašis válljen mu leat Israela gonagassan agálaš áigái, danin go Israela jođiheaddjin son válljii Juda, Juda čearddas mu áhči bearraša, ja áhččán bártniin son válljii mu ja dagai mu Israela gonagassan. 5Ja buot mu bártniid gaskkas – dasgo Hearrá lea addán munnje ollu bártniid – son válljii bárdnán Salomo čohkkát Hearrá iežas álbmoga truvnnus ja ráđđet Israela.

6Son celkkii munnje ná: ‘Du bárdni Salomo hukse mu viesu ja mu ovdašiljuid. Su mun lean válljen iežan bárdnin, ja mun áiggun leat su áhčči. 7Mun nanosmahtán su gonagasválddi agálaš áigái, jos son ain doallá mu báhkkomiid ja lágaid, nugo dál dahká.’ 8Ja dál mun dajan oppa Israela, Hearrá searvegotti, čalmmiid ovddas ja Ipmileamet gullut: Dollet buot Hearrá, Ipmileattet, báhkkomiid ja váldet daid vuhtii, nu ahte dii oažžubehtet doalahit dán buori eatnama ja addit dan agálaš árbin mánáidasadet. 9

28,9
1 Mos 6,5
2 Muit 15,2
24,20
Jes 55,6
Ja don, bárdnán Salomo, dovddit áhčát Ipmila ja bálval su olles váimmus ja mieđis mielain, dasgo Hearrá suokkarda váimmuid ja dovdá jurdagiid ja viggamušaid. Jos don ozat Hearrá, de don gávnnat su, muhto jos don hilggut su, de son hilgu du agálaš áigái. 10Váldde vuhtii dán: Hearrá lea válljen aiddo du hukset tempela. Leage roahkkat ja álgge bargui!”

11

28,11
1 Gon 6,1–10
David attii bárdnásis Salomoi tempela ovdahálla, oppa tempelviesu, dávvirgámmáriid, badjesálaid ja siskkit lanjaid válddahusa ja vel dan lanja válddahusa gosa lihtuárka biddjojuvvošii. 12Son čilgii dárkilit, mo Ipmila vuoigŋa lei bagadan su válddahit Hearrá tempela ovdašiljuid ja buot lanjaid daid birra. Daidda galggai vuorkut tempela dávviriid ja bassi attáldagaid, 13ja dain báhpat ja levilaččat galge doaimmahit visot mii guoská tempelbálvalussii, ja seailluhit buot lihtiid mat adnojuvvojit Hearrá tempelis. 14David maid mearridii man ollu golli adnojuvvo buot lihtiide mat geavahuvvojit ipmilbálvalusas, ja man ollu silba adnojuvvo guđege lihttái, 15man ollu golli gollelámpájulggiide ja daid gollelámppáide, man ollu silba silbalámpájulggiide ja daid lámppáide, dan mielde mo guhtege lámpájuolgi adnojuvvo. 16David maiddái mearridii man ollu golli adnojuvvo guđege oaffarláibebeavdái ja man ollu silba silbabevddiide, 17man ollu čielga golli gáffaliidda, oaffarlihtiide ja gátnuide, man ollu golli guđege gollecearkái ja silba silbacearkái 18
28,18
1 Gon 6,23–28
ja man ollu čielga golli suovasáltárii. Son maiddái válddahii sutnje, makkárin galggai dahkat vovnnaid ja gollekerubaid maid lebbejuvvon soaját govččašedje Hearrá lihtuárkka. 19Buot dán, čálalaš válddahusaid buot das mii galggai dahkkojuvvot, David lei ožžon Hearrás.

20

28,20
5 Mos 31,6
David dajai bárdnásis Salomoi: “Leage roahkkat ja gievra ja álgge bargui! Ale bala alege šlunddo, danin go Hearrá Ipmil, mu Ipmil, lea duinna. Son ii hilggo du iige guođe du, muhto veahkeha du ollašuhttit buot mii dahkkojuvvo Hearrá tempelis. 21Du bálvalusas leat báhpaid ja levilaččaid juhkosat. Dat atnet fuola Ipmila tempela bargguin. Sii leat gergosat ja čeahpit veahkehit du buot bargguin, ja maiddái oaivámuččat ja oppa álbmot dahket dan maid don gohčut.”